1އެމްޑީބީގެ ޚިޔާނާތުގެ މައްސަލަތައް ދަނީ އެކި ގައުމުތަކުން ތަހުގީގު ކުރަމުން. --ފޮޓޯ:ރޮއިޓާސް
10 ސެޕްޓެމްބަރ 2018 - 15:51
5 comments
ސިންގަޕޫރު (ސެޕްޓެމްބަރު 10) - މެލޭޝިއާގެ އިންވެސްޓްމަންޓް ބޭންކް 1އެމްޑީބީގެ ޚިޔާނާތުގެ ފައިސާ ކަމަށް ބެލެވޭ 15.3 މިލިއަން ސިންގަޕޫރު ޑޮލަރު (11.1 މިލިއަން ޑޮލަރު) އަނބުރާ ކުއާލަ ލަމްޕޫރާ ހަވާލު ކުރަން ސިންގަޕޫރުގެ ކޯޓަކުން މިއަދު އަންގައިފި އެވެ.
ސިންގަޕޫރުގެ ކޯޓުގެ ނިންމުމަށް މެލޭޝިއާގެ ފިނޭންސް މިނިސްޓަރު ލިމް ގުއާން އެންގް ވަނީ މަރުހަބާ ވިދާޅުވެފަ އެވެ.
1އެމްޑީބީގެ ޚިޔާނާތުގެ ތަހުގީގުތައް ދަނީ ސިންގަޕޫރުގެ އިތުރުން އެމެރިކާގައި ސްވިޒަލެންޑުގައި ވެސް ކުރަމުންނެވެ. 1އެމްޑީބީއާގެ ޚިޔާނާތުގެ ފައިސާ ހުރި ކަމަށް ބެލެވޭ އެކައުންޓްތަކުން 174 މިލިއަން ޑޮލަރު ސިންގަޕޫރުން 2016 ވަނަ އަހަރު ވަނީ ހިފަހައްޓައިފަ އެވެ. އެމެރިކާގެ ޖަސްޓިސް ޑިޕާޓްމަންޓުން ލަފާ ކުރާ ގޮތުގައި 1އެމްޑީބީ ލޫޓްވާލައިގެން ވަނީ 4.5 ބިލިއަން ޑޮލަރު ވަގަށް ނަގައިފަ އެވެ.
މެލޭޝިއާގެ އާ ސަރުކާރުން މިހާރު ދަނީ 1އެމްޑީބީ އިން ޚިޔާނާތްތެރިވެފައިވާ ފައިސާ ހޯދުމުގެ މަސައްކަތް ފަށައިފަ އެވެ. 1އެމްޑީބީ ފައިސާ އިން ގަނެފައިވާ ކަމަށް ބެލެވޭ 250 މިލިއަން ޑޮލަރުގެ ޔޮޓް މިދިޔަ މަހު ވަނީ އަނބުރާ މެލޭޝިއާ އަށް ގެންގޮސްފަ އެވެ. އަދި 1އެމްޑީބީގެ ޚިޔާނާތުގެ ފައިސާ އިން ގަނެފައިވާ 35 މިލިއަން ޑޮލަރުގެ ޖެޓް ވެސް އަނބުރާ މެލޭޝިއާ އަށް ގެންދިއުމުގެ މަސައްކަތް ދަނީ ކުރިއަށެވެ. އެ ބޯޓު އޮތީ ސިންގަޕޫރުގަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ދާތޯ
11 September 2018
ޑރ. މަހާތީރު އަކީ ވަރަށް ބަރާބަރު ވެރިއެއް.
ދަތްނެތްކުއްޖާ
10 September 2018
ﷲގެ ވާގިފުޅާއި އެކު ރައްޔިތުންގެ ބައިތުލްމާލް އިން ގެއްލިފައިވާ ހުރިހާ ފައިސާ އަކާއި އަގު ބޮޑެތި ލަގްޒަރީ އެޕާރޓްމަންޓް ތައް އަތުގައި ސެންޓް އެއްވެސް ނެތް ބަޔަކަށް އެތަންތަން ލިބުނު ގޮތް ބަލާ އެތަންތަން ވެސް ބަދުލު ދިނުމަކާއި ނުލާ ދަޢުލަތައް ނަގާނެ ކަމަށް މަމެން އުއްމީދުކުރަން.
ލަންޑަން ބޯއި
10 September 2018
މި މަންޒަރު ރާއްޖެއިން ފެންނާނެ ދުވަހެއްގެ އުއްމީދުގައި
ފަލަޑޭ
10 September 2018
ބަލަންތިބޭތި، މމޕރސގެ ލާރިގަނޑުވެސް އިބޫމެންތިގޮތަށް އަނބުރާ ގެންނާނެ!
ސައީދާ
10 September 2018
ﷲއިރާދަ ކުރެއްވީއްޔާ.