މައުމޫނާއި ގާސިމާއި ފާރިސް ކަފާލާތުގެ ދަށުން ދޫކުރި މައްސަލަ އިސްތިއުނާފެއް ނުކުރާނެ: ޕީޖީ އޮފީސް

މައުމޫނާއި ގާސިމް: އެ ދެ ބޭފުޅުންނާއި ފާރިސް ކަފާލާތުގެ ދަށުން ދޫކޮށްލި މައްސަލަ އިސްތިއުނާފް ނުކުރާނެ ކަމަށް ޕީޖީ އޮފީހުން ބުނޭ --- ފޮޓޯ/މިހާރު

މުއިއްޒު އިބްރާހިމް، މިހާރު

02 އޮކްޓޯބަރ 2018 - 12:12

13 comments

ކުރީގެ ރައީސް މައުމޫން އަބްދުލްގައްޔޫމާއި ޖުމްހޫރީ ޕާޓީގެ ފައުންޑަރު ގާސިމް އިބްރާހިމާއި ރައްޔިތުންގެ މަޖިލީހުގެ ދިއްގަރު ދާއިރާގެ މެމްބަރު އަހުމަދު ފާރިސް މައުމޫން ކަފާލާތުގެ ދަށުން މިނިވަންކުރި މައްސަލަ އިސްތިއުނާފް ނުކުރާނެ ކަމަށް ޕްރޮސެކިއުޓާ ޖެނެރަލްގެ އޮފީހުން މިއަދު ބުނެފި އެވެ.

ޖަލު ހުކުމެއްގައި ތިއްބެވި މައުމޫނާއި ފާރިސް އަދި ގާސިމް ކަފާލާތުގެ ދަށުން ހައި ކޯޓުން މިނިވަންކުރީ އެ ބޭފުޅުންގެ ޖަލު ހުކުމް ހައި ކޯޓުގައި އިސްތިއުނާފް ކޮށްފައިވާތީ އިސްތިއުނާފް މައްސަލަ ނިމެންދެން ހުކުމް ތަންފީޒުކުރުން މަޑުޖައްސާލުމުގެ އަމުރަށް އެދި އެ ތިން ބޭފުޅުންގެ ފަރާތުން ހުށަހެޅުމުންނެވެ. ތިން ބޭފުޅުން ވެސް ދޫކޮށްލީ ޑިޕޮސިޓްގެ ގޮތުގައި ކޯޓުގައި ފައިސާ ބެހެއްޓުމަށް ފަހު އެވެ.

އެ މައްސަލަ އިސްތިއުނާފުކުރަން ނިންމާފައިވޭތޯ ސުވާލު ކުރުމުން ޕްރޮސެކިއުޓާ ޖެނެރަލްގެ އޮފީހުގެ އޮފިޝަލަކު ވިދާޅުވީ ކަފާލާތުގެ ދަށުން މީހުން ދޫކުރުމަކީ ހައި ކޯޓަށް އޮންނަ ބާރެއް ކަމަށާއި އެހެންވެ އެ ބޭފުޅުން ދޫކޮށްލި މައްސަލަ އެ އޮފީހުން އިސްތިއުނާފް ނުކުރާނެ ކަމަށެވެ.

"ހައި ކޯޓުގެ ގަވާއިދުގެ ދަށުން އެ ކޯޓަށް އޮންނަ ބާރެއް އެއީ ބަންދެއްގައި ހުރި މީހަކު ކަފާލާތުގެ ދަށުން ދޫކުރުމަކީ،" އޮފިޝަލް ވިދާޅުވި އެވެ.

ހައި ކޯޓުގެ ގަވާއިދު ބުނާގޮތުން ކުށްވެރިވާ ކަމަށް ދަށު ކޯޓުން ހުކުމް ކޮށްފައިވާ މީހަކު ނުވަތަ ހައި ކޯޓުން ބަލާ މައްސަލައެއްގައި ކުށުގެ ތުހުމަތުގައި ހުރި މީހަކު ހައި ކޯޓުން ގަބޫލުކުރާ ފަދަ ކަފާލާތެއް ހުށަހަޅައިފި ނަމަ، އެ މައްސަލައެއް ހައި ކޯޓުގައި ހިނގާ މުއްދަތުގައި އެ މީހަކު ދޫކޮށްލާފައި ބެހެއްޓުމަކީ އެ ކޯޓުގެ އިހްތިޔާރުގައިވާ ކަމެކެވެ.

މައުމޫން އެއް އަހަރާއި ހަތް މަހުގެ ޖަލު ހުކުމެއް ތަންފީޒު ކުރަމުން ގެންދެވީ މިދިޔަ ފެބްރުއަރީ މަހު އެމަނިކުފާނު ހައްޔަރުކޮށް، އެމަނިކުފާނުގެ ފޯނު ދޭން ފުލުހުން އެންގުމުން ފޯނު ނުދިން މައްސަލާ އުފުލި އަދުލު އިންސާފު ގާއިމްކުރަން ހުރަސް އެޅުމުގެ ދައުވާ ސާބިތުވުމުންނެވެ.

ފާރިސް ހަތަރު މަހާއި 24 ދުވަހުގެ ޖަލު ހުކުމެއް ތަންފީޒު ކުރަމުން ގެންދެވީ ޕީޕީއެމްގެ ދިދަ އާއި ލޯގޯ ގަވާއިދާ ޚިލާފަށް ބޭނުންކުރި ކަމަށް ބުނެ ޝަހްސު އޮޅުވާލުމުގެ ދައުވާއެއް ސާބިތުވުމުންނެވެ.

ގާސިމް ތިން އަހަރާއި ދެ މަހާއި 12 ދުވަހުގެ ޖަލު ހުކުމެއް ތަންފީޒު ކުރަމުން ގެންދެވީ ރިޝްވަތުގެ ކުށެއް ސާބިތުވުމުންނެވެ. އެކަމަކު ހުކުމް ކުރިތާ ދުވަސްކޮޅެއް ފަހުން ގާސިމް ވަނީ ޖަރުމަނަށް ވަޑައިގެން އެ ގައުމުން ހިމާޔަތް ހޯއްދަވައިފަ އެވެ.

ރައީސް މައުމޫން އަބްދުލްގައްޔޫމް ކުށްކުރުން މެމްބަރު ގާސިމް އިބްރާހިމް (މާމިގިލި) ހައި ކޯޓް ފާރިސް މައުމޫން

13 ކޮމެންޓް, 58 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ހާލަތު

02 October 2018

މައސަލަ ސާބިތުވީއެއްނޫން ސާބިތުކުރީ ސާބިތުވެގެން ރައީސް މައުމޫންއަކައް ކޯޓަކުން ހުކުމެއް ނީއްވަ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ތަކުރުފާނު..

02 October 2018

. ހަގީގަތުގަވެސް މިގައުމު ޕްރެޝަރަކަށް ވައްޓާލާ ގައުމުގެ ކުރިއެރުން ހުއްޓުވާލުމުގެ އިސް މޭސްތިރިއަކީ ކާކުކަން އިންސާފަށް ލޯބިކުރާ ގައުމަށް ހެޔޮއެދޭ އެންމެނަށް އެގޭނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އިޙަސަ

02 October 2018

އަނެއްކާ ކާކުބާ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކިއްލިބާޝާ

02 October 2018

އިސްތިއުނާފުކޮށްފިއްޔާ ހައްތަހާ ވެއްޓޭނީ ޑިގު. އިތުރުގޮތެއް ނެތީމަ އިސްތިއުނާފް ނުކުރަނީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަނާ

02 October 2018

ދަންވަރު ކޯޓުހުޅުވައިގެން ނުރުހޭއެންމެން ޖަލަށްލައިދިން މީހުންދޯ މީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކުނި

02 October 2018

މިނިވަން މުއައްސަސާތައް ބުލީޗް ޖަހައިގެން ނަމަވެސް ދޮވެސާފުކުރަންޖެހޭ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހުނި

02 October 2018

ޓެރަރިޒަމްގެ ގާނޫނުނޫން އެހެން ގާނޫނެއް ރާއްޖޭގައި އޮވޭތަ ނޯވޭދޯ މީ މޮޕީޖީއޮފީހުގެ ހާލަތުލަދުން ބޯހަލާކު

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ތެމާ

02 October 2018

އެންމެގާނޫނެއް ރާއްޖޭގައި އޮންނަކަމަށް ހަދައިގެން 5 އަހަރުވަންދެން އުޅުނު ބައެއްތީ ތިމީހުނަށް އިތުބާރުކުރަން ހެޔޮނުވާނެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފޮނިޓައްޕު ހަސަނު

02 October 2018

ޔާމީނޫ ތި ޕްރޮޒެކިއުޓަރު ޖަނެރަލް ވަކިކުރަން ވީނުން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އޭބީ

02 October 2018

ޕީޖީ އަކަށް އަވަހަށް ނިހާނު ހަމަޖައްސާ. އޭރުން އިސްތިޢުނާފުކުރާނެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވަލުކޮއެ

08 October 2018

ތީ ކެޔޮ ނިރު ދަނޑެއް ބެލެހެއްޓުމުގެ ޤާބިލްކަމެއް ލިބިފައިނެތުމުގެ އިތުރުން ކުކުޅުގެންގުޅެންވެސް ކަމުދާ މީހެއްނޫން. އެންމެ ހިނި އަންނަނީ ދިވެހިރާއްޖޭގެ ބަޖެޓް ދިރާސާކުރާ ކޮމިޓީގެ މުޤައްރިރަކަށް އިންނައިރު ވާނުވާއެއް ނޭނގޭއިރު އަނގކޮފަން ލަދެއްނެތި ބޮނޑަހެދިފަ އެތަނުގަވެސްއިންނާތީ. އުޑެއް ބުޑެއް، ތަނެއް،ދޮރެއް ނޭނގޭ ހާލުގަ ފޯކާސްޓިންގ ވިސްނުމެއްނެތި މިފަދަ މީހުން މިމަޤާމްތަކުގައި ބައިތިއްބައިގެން ވަން-މޭން-ޝޯވ ކުޅެން އުޅުނީމާ ވާނެހައެތިއެއޮތީވެފަ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފުންއަސަރު

02 October 2018

ވެއްޖެ ކަމަކާ ހައްޖާ ހަމައޭ. ބާރުވެރިކަން ގެއްލުނީމާ ދެން ކުރެވޭނޭ މާކަ ބޮޑުކަމެއްނެތް. ލަދެއްގާ ބެދުމަށްވުރެ އެލަދުން ސަލާމަތްވެ ހުރުން މާ ރަނގަޅުވާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވަހީދު

02 October 2018

އާދައިގެ ރައްޔިތެއް ކަފާލަތުން ދޫކޮށްލި ނަމަ އިސްތިއުނާފުކޮށް ސްޕްރީމް ކޯޓަށް ގޮސްގެން ވެސް އެމީހާ އަލުން ޖަލަށް ގެންދެވޭތޯ އުޅޭނެ. މީ އަލަށް ވާކަމެއްނޫން. ދިވެހި ތާރީޚުގައި މުޅިން ވެސް ހުރީ މިފަދަ ބޭއިންސާފު.