ކާނަލް ނާޒިމްގެ މައްސަލަ މުރާޖައާ ކުރުމަށް އިޖްރާއީ އަޑުއެހުމެއް ބާއްވަނީ

ކުރީގެ އަޑުއެހުމަކަށް ނާޒިމް ކޯޓަށް ވައްދަނީ: އޭނާގެ އިސްތިއުނާފް ބަލައިނުގަތް މައްސަލަ ރިވިއު ކުރުމާ މެދު ގޮތެއް ނިންމުމަށް އިޖްރާއީ އަޑުއެހުމެއް ބާއްވަން ސުޕްރީމް ކޯޓުން ވަނީ ނިންމާފައި --ފޮޓޯ/މިހާރު

މުއިއްޒު އިބްރާހިމް، މިހާރު

29 އޮކްޓޯބަރ 2018 - 18:56

5 comments

ކުރީގެ ޑިފެންސް މިނިސްޓަރު މުހައްމަދު ނާޒިމްގެ މައްޗަށް އިއްވާފައިވާ ޖަލު ހުކުމް އިސްތިއުނާފް ކުރުމުން އެ މައްސަލަ ބަލައިނުގަތުމަށް ސުޕްރީމް ކޯޓުން ނިންމި ނިންމުން މުރާޖައާ ކޮށްދިނުމަށް އެދި ނާޒިމްގެ ފަރާތުން ހުށަހެޅުމުން އެކަމާ މެދު ގޮތެއް ނިންމުމަށް އިޖްރާއީ އަޑުއެހުމެއް ބާއްވަން ސުޕްރީމް ކޯޓުން މިރޭ ނިންމައިފި އެވެ.

ނާޒިމްގެ ކޮޓަރިން ފިސްތޯލައެއް ފެނުނު މައްސަލައިގައި ހަނގުރާމަވެރި ހަތިޔާރު ގެންގުޅުމުގެ ކުށުގައި އޭނާ 11 އަހަރަށް ޖަލަށްލާން ކްރިމިނަލް ކޯޓުން ކުރި ހުކުމަށް ހައި ކޯޓުން ވަނީ ތާއީދުކޮށްފަ އެވެ. އެ މައްސަލަ ނާޒިމްގެ ފަރާތުން ސުޕްރީމް ކޯޓުގައި އިސްތިއުނާފް ކުރުމުން އެ ކޯޓުން 2016 ގައި ނިންމީ އެ މައްސަލަ ބަލައިނުގަތުމަށެވެ.

އިޖްރާއީ އަޑުއެހުމަކީ ސުޕްރީމް ކޯޓަށް ހުށަހެޅޭ މައްސަލައެއް ބަލައިގަތުމާ މެދު ގޮތެއް ނިންމުމުގެ ކުރިން ބާއްވާ އަޑުއެހުމެކެވެ. އެ މައްސަލައެއް ބަލައިގަތުމާ މެދު ނިންމާނީ އެ އަޑުއެހުމަށް ފަހު އެވެ.

ނާޒިމްގެ މައްސަލަ ރިވިއު ކުރުމުގެ އިޖުރާއީ އަޑުއެހުމެއް ބާއްވަން ނިންމި އިރު، ނާޒިމް މިވަގުތު ހުންނެވީ ބޭސްފަރުވާ އަށް މެލޭޝިއާގަ އެވެ.

ނާޒިމްގެ މައްސަލަ މުރާޖައާ ކުރުމާ މެދު ގޮތެއް ނިންމުމަށް އިޖްރާއީ އަޑުއެހުމެއް ބާއްވަން ނިންމި އިރު، ކުރީގެ ރައީސް މުހައްމަދު ނަޝީދާއި އަދާލަތު ޕާޓީގެ ރައީސް ޝައިޚް އިމްރާން އަބްދުﷲ އަދި ރައްޔިތުންގެ މަޖިލީހުގެ ކުރީގެ ނައިބު ރައީސް އަހުމަދު ނާޒިމްގެ ޖަލު ހުކުމް ރިވިއު ކުރަން ހުށަހެޅި މައްސަލަ ބަލައިގަތުމަށް ސުޕްރީމް ކޯޓުން މިރޭ ވަނީ ނިންމައިފަ އެވެ.

ސުޕްރީމް ކޯޓް ކާނަލް ނާޒިމް މުހައްމަދު ނާޒިމް

5 ކޮމެންޓް, 26 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އަދުލު އިންސާޕް

29 October 2018

ބާރު ހުރި ކޮޅަކަށް އެނބުރި ފަހިވާގޮތަށް ކުރާ ޝަރީއަތަކީ އަދި އިންސާފެއްނޫން. ޙަގީގަތަކީ މީގެން އެކަކުވެސް ޖަލުގަ ހުންނަން ނުޖެހޭތާ ކިތަންމެ ދުވަހެއް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

1828

29 October 2018

މިއީ އިންސާފް ލިބެންޖެހޭ މީހަކީ. 'އެ ފިސްތޯލް' މައްސަލާގައި ސުވާލު އުފެދޭނެ އެތައް އެތައް ކަމެއް. އަދީބް ގެ ފިންގަރ ޕްރިންޓް އަހަރެއް ފަހުން ފެނުން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކަލޯގެއާ

29 October 2018

ހުކުމް ވަރައް ސާފު! ނާޒިމް މިނިވަންވާނެކަމާދޭތެރޭ %100 ޔަގީން. ނާޒިމް މިނިވަންވުމަކުން ނުފުދޭ! ނާޒިމް މިހާދުވަހު ޖަލުގައި ބެހެއްޓި ބަޔަކު އެކަމުގެ ފުރިހަމަ ޒިންމާ ނަގަންޖެހޭނެ. އެވަރިހަމަ ސުޕްރީމް ކޯޓަކަސް. އަދި އެބަޔަކައް އޭގެ އަދަބުވެސް ދޭންޖެހޭނެ. އަދި އެބަޔަކުއަތުން ލިބުނުގެއްލުމުގެ ބަދަލްވެސް ހޯދަންޖެހޭނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަކީމް

29 October 2018

ފަނޑިޔާރުން އެއްވެސް ވަރަކަށް ލަދު ނުގަންނަނީބާ ... ހަމަ ބޭނުންވާއިރަސް ހުކުންތަށް މިހިރަ އަނެއް ފުށުން ޖެހެނީ ... ދިވެހިރާއްޖޭގެ އަދުލު އިންސާފުގެ ހާލަތު.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޢަލިދީދީއައްޑޫސިޓީ

29 October 2018

ސުޕްރީމް ކޯޓުން 01 ފެބްރުއަރީ 2018 ގައި ނެރުއްވި ޙުކުމް 05 ފެބްރުއަރީ 2018 ގައި ބާޠިލުކޮށް އަނެއްކާ ފަހަރަކު ބައެއް ނިއުޅެމުން ފުރޮޅެމުން ގޮސް 12 އެމްޕީ އިން ފެށިގެން ސިޔާސީ ލީޑަރުން މިނިވަންވެ ނިމޭއިރު 01 ފެބްރުއަރީ 2018 ގައި ޙުކުމް ނެރުއްވި އުއްތަމަ ފަނޑިޔާރާއި ފަނޑިޔާރަކު ޖަލުގައި އޮންނެވުމަކީ ޖަވާބުނެތް އަރަތެއް.