ބްރިޖުގައި ބަޔަކު ސައިކަލް ދުއްވާފައި ދަނީ: އާ ސަރުކާރުގެ ފުރަތަމަ ދުވަހު 5،000 ހެލްމެޓް ސަރުކާރުން ހިލޭ ބަހަން ވަނީ ހަމަޖައްސާފައި --ފޮޓޯ/މިހާރު
17 ނޮވެމްބަރ 2018 - 21:25
22 comments
މިއަދު ވެރިކަމާ ހަވާލުވެވަޑައިގަތް އިބްރާހިމް މުހައްމަދު ސޯލިހްގެ ވެރިކަމުގެ ފުރަތަމަ 100 ދުވަހުގެ ތެރޭގައި އާންމު ރައްޔިތުންނަށް 5،000 ހެލްމެޓް ހިލޭ ބަހާ ގޮތަށް ސަރުކާރުން ހަމަޖައްސައިފި އެވެ.
އާ ސަރުކާރުގެ ފުރަތަމަ 100 ދުވަހު ކުރަން ރާވާފައިވާ ކަންކަން މި ރޭ އިއުލާން ކޮށްފައިވާ އިރު، މަގުމަތީގެ ރައްކާތެރިކަމާ ބެހޭ ގޮތުން އެ މުއްދަތުގައި ކުރުމަށް ރާވާފައިވާ ކަންކަމުގެ ތެރޭގައި މަގުމަތީގެ ރައްކާތެރި ކަމަށް އަހުލުވެރި ކުރުވުމުގެ ގޮތުން މައުލޫމާތު ފޯރުކޮށްދޭ ކެމްޕެއިނެއް ފަށައި، 5،000 ހެލްމެޓް ހިލޭ ބެހުން ހިމެނެ އެވެ.
ހެލްމެޓް ހިލޭ ބަހަން ހަމަޖެއްސިއިރު، ރާއްޖޭގައި ކޮންމެ އަހަރަކު ވެސް މަގުމަތީގެ ނުރައްކާތެރި އެކްސިޑެންޓްތައް ހިނގައި، ބައެއް މީހުން މަރުވެ އެވެ. އަދި ހުޅުލެ އާއި މާލެއާ ދެމެދު ބްރިޖް އެޅި ފަހުން ގިނަ އަދަދަކަށް އެކްސިޑެންޓްތައް ދަނީ ހިނގަމުންނެވެ.
ހެލްމެޓް ބެހުމުގެ އިތުރުން ބްރިޖްގައި ސަލާމަތީ ކެމެރާ އާއި ސްޕީޑް ދެނެގަންނަ ކެމެރާތައް ހަރު ކުރުމާއި ތިމާވެއްޓާއި މަގުމަތީގެ ރައްކާތެރިކަމާ ބެހޭ ފުލުހުންގެ ޚިދުމަތެއް ފެށުމުގެ އިތުރުން އާންމުންގެ ޚިޔާލު ލިބިގެން ޕޮލިސް ރިފޯމް ޕްލޭނެއް އެކުލަވާލުމަށް ވެސް ކަނޑައަޅާފައިވެ އެވެ.
މީގެ އިތުރުން މާލެ ތެރެ ބަލަހައްޓައި، ޕެޓްރޯލް ކުރުން ހަރުދަނާ ކުރުމާއި މާލެ އާއި ހުޅުމާލޭގެ އިތުރުން ވިލިމާލޭގެ މަގުތައް އަލި ކުރުމަށް ސޯލާ ހަކަތަ އިން ދިއްލާ ބޮކި ބޭނުންކުރާ ގޮތަށް ވެސް 100 ދުވަހުގެ އެ ޕްލޭންގައި ހަމަޖައްސާފައިވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަހާބަލަ
20 November 2018
އެންމެފަހުން ސޯލިހުގެ ސަޕޯޓަރުންގެ ދުވާޓުރަކައް ހެދީދޯ ބުރިޖު އެވަރުންވެސް ސޯލިހާ އަންނިޔާ މިމީސްމީހުން ނާރަބުރިޖުމައްޗަކައް ނާރައުޅެވޭނެބާ އެކަމު އިންޑިޔާ މޯދީގެންނައީ އެބުރިޖުން ވަރައްސަލާން
ހެލްމެޓު
18 November 2018
ހަގީގަތުގައި މިއީ ވަރަށް މުހިއްމުކަމެއް. އެކަމަކު ހެލްމެޓު ބަހަނީކީ ކޮންމެހެން ހެލްމެޓު ގަނެވޭވަރުގެ ތަނަވަސްކަން ރައްޔިތުންގެ ނެތީމައެއް ނޫން. ހެލްމެޓު އެޅުމަކީ މިހާރުން މިހާރަށްވެސް ކުރަންޖެހިފައިވާ ކަމެއް. ހެލްމެޓު ބެހުމުން އެމީހުން ހެލްމެޓު އަޅައިގެން ދުއްވަން ފެށީމައި އެކަން އާއްމުވެ ހުރިހާ އެންމެންވެސް ދުއްވާއިރު ހެލްމެޓު އަޅަން ފަށާނެ. މަޖުބޫރުން ކަންކަން ކުރުމުގެ ބަދަލުގައި ހިތްވަރުދީގެން ކަންކަން ކުރުވުން ރަނގަޅުވާނެ. މަރުހަބާ.
1234
18 November 2018
ސައިކަލު އަހަރީ ފަީދައްކްން ދާ އެންމެ ފުރަތަމ 5000 މީހުންނަށް ދީ.
ދުއްވާ މީހާ
18 November 2018
ޕްރިވެންޝަން އިޒް ބެޓަރ ދޭން ކިއޯ, އޭ ބުނާފަދައިން ހެލްމެޓް ބެހުމުގެ ބަދަލުގައި, އެހެން މީހުންނަށް ނުރައްކާވާގޮތަށް ބާރު ސްޕީޑްގައާ ދުނިޔެ ރަންވެގެން ދުއްވާ މީހުންނަށް އަދަބު ދޭން ފެށުންވެސް މާ ރަގަޅުވާނެ!
ޓިޕިކަލް
18 November 2018
އަހަރެން އަތުގަ ހެލްމެޓެއް އޮވޭ. އެއަޅައިގެން އުޅެން އުނދަގޫވަނީ އެހެން މީހުންވެސް ނާޅާތީ. މާބޮޑަށް ނޯޓިސްވާން ބޭނުންނުވާތީ. ސައިކޮލޮޖިކަލް ކަމެއްއެއީ. ހެޔޮކޮށް ކަމެއް ކުރީމަ އަބަދުވެސް ތިބޭނެ ކަލޭކަހަލަ މީހުން "އެއަށްވުރެ މާރަނގަޅުވީސް" ކިޔަން.
ާައަލީހ
18 November 2018
މިދާވަރުން ސަރުކާރުން ހުރިހާ ރައްޔަތުންނަށް ކާންވެސް ދޭނެ ތޯއްޗެއް. ހެލްމެޓް އަޅަން މަޖުބޫރު ކުރީމަ ނިމުނީ. ތިއީ ކީ ބަހަންޖެހޭ އެއްޗެއް ހެނެއް ހިޔެއް ނުވޭ. ޙަރަދު ބަލައިގެން ކޮށް ރައްޔަތުން ބާރުވެރި ކޮށް ތަނަވަސް ބަޔަކަށް ހަދަންވީ. ތީހަމަ ސަރުކާރަށް ސަލަން ޖެއްސުން ފާޑެއްގެ.
ޝޮކްތެރަޕީ
18 November 2018
މި ސަރުކާރު ކުރާނެ ނުކުރާނެ ކަމެއް ނޭގިގެން މިއުޅެނީ.
ސަަސަސަ
18 November 2018
މީ ހަމަ ކުރިންވެސް ކުރަން ކިހާ ރަނގަޅު ކަންތައްތަކެއްތަ. މި ވެރިކަމުގައި ބަރަކާތް ލައްވާށި.
އަލީމްތު
18 November 2018
ހަމައެކަނި މާލެ އެއްނޫން އައްޑޫ އާއި ލ. ގައިވެސް ހެލްމެޓް ބައްސަވާ
ޢަބްދުﷲނާފިޒް
18 November 2018
ހެލްމެޓް ހަމައެކަނި ބެހިއަސް ކަމަކު ނުދާނެ، މިހާރުވެސް ހެލްމެޓު އެޅޭނެ ގޮތެއް ނެތިގެން ހެލްމެޓް ނާޅަނީކީނޫން، ހެލްމެޓް އަޅައިގެން ނޫނީ ސައިކަލު ދުއްވުން މަނާކޮށްބަލަ، އޭރުން ސަރުކާރުން ހެލްމެޓް ހިލޭ ނުދިނަސް ގަނެގެން އަޅާނެކަން ހަމަޔަޤީން. ބައެއް ޒުވާނުންގެ ހެއަރސްޓައިލް އަށް ރުލެއްއަރާފާނެތީވެ ތިކަމެއް ނުކުރެވިގެން ތިއުޅެނީ، އާނފަހެ ދެން އެވަރުކަމެއްތަ ހެލްމެޓް އާލައިގެން ދުއްވުމަކީ!
ޢަލިދީދީއައްޑޫސިޓީ
18 November 2018
ހެލްމެޓް ބަހަން އެންމެ ރަނގަޅު ގޮތަކީ، ބުރިޖަށް އަރާ ތަނުގައި ހެލްމެޓް ފުންޏަކަށް ޖަހައިގެން ބުރިޖަށް އަރާ ކޮންމެ ސައިކަލެއްގައި ތިބޭ ބަޔަކަށް ދެމުން ގޮސް ހުސް ވަންދެން ބެހުން. އަދި އެ ދޫކުރެވޭ ސައިކަލުގެ ނަންބަރު ނޯޓު ކުރެއްވުން ރަނގަޅު.
ހެލްމެޓް ރައީސް
18 November 2018
ސައިކަލް ދުއްވަނީ އެތަކެތީ ގަނެވޭވަރުގެ ތަނަވަސްކަންހުރި މީހުން. ތިމާވެއްޓަށް ގެއްލުންހުރިކަންކަންކުރުން ޑިސްކަރޭޖް ކުރަންވާއިރު އަދި ދައުލަތުގެ ފައިސާ ޙައްޤު ނޫންބަޔަކަށް ކީއްކުރަންތޯ އެތައް ބައިވަރު ރުފިޔާ ޚަރަދުކޮށްގެން ހެލްމެޓް ގަނެދޭންވީ. ތާއީދު ހޯދުމުގެ މަޤްޞަދުގައި ކުރާ ބޭޚާރު ޚަރަދު. ހެލްމެޓާއި ދޮންކޭލުގެ ސަބަބުން ކޮރަޕްޝަން އަށް މަގުފަހި ވެގެންދާނެ.
ކޮކްޓެއިލްރައީސް
18 November 2018
އެއްގޮތަކަށްވެސް ހިލޭ ބަހާކަށް ނުފެނޭ، ހެލްމެޓް އަޅައިގެން ނޫނީ ސައިކަލް ދުއްވުން މަނާކުރަންވީ، އޭރުން ނިމުނީ އެންމެންގެ ސަލާމަތާ ރައްކާތެރިކަމަށް މީ ރަނުގެ ފުރުސަތެއް އަވަހަށް އިއިލާނު ކުރައްވާ ސައިކަލް ދުއްވޭނީ ހެލްމެޓް އަޅައިގެން ކަމަށް.