ފިނޭންސް މިނިސްޓަރު އިބްރާހިމް އަމީރު
03 ޑިސެމްބަރ 2018 - 14:47
9 comments
ބަޖެޓް ސަޕޯޓަށް އިންޑިޔާ އިން 200 މިލިއަން ޑޮލަރު ލިބިއްޖެ ނަމަ ބަޖެޓުގައި ހިމަނާފައިވާ 150 މިލިއަން ޑޮލަރުގެ ބޮންޑު ނުވިއްކާނެ ކަމަށް ފިނޭންސް މިނިސްޓަރު އިބްރާހިމް އަމީރު ވިދާޅުވެއްޖެ އެވެ.
އެ މިނިސްޓްރީގައި ބޭއްވި ނޫސްވެރިންގެ ބައްދަލުވުމުގައި މިނިސްޓަރު ވިދާޅުވީ، ބަޖެޓްގެ ހަރަދުތައް ކުރުމަށްޓަކައި 150 މިލިއަން ޑޮލަރުގެ ސޮވެރިން ބޮންޑެއް ވިއްކުމަށް ހިމަނާފައިވާ ކަމަށާއި އެ ބޮންޑު ވިއްކާނީ ދައުލަތަށް ގެންލުން ނުވާނެ ފަދަ ގޮތަކަށް ކަމަށެވެ. އެހެންނަމަވެސް ބޭރު ގައުމުތަކުން ބަޖެޓް ސަޕޯޓަށް އެކަށީގެންވާ ފައިސާ ލިބިއްޖެ ނަމަ ބޮންޑު ވިއްކުމުގެ ވިސްނުމެއް ނެތް ކަމަށް އޭނާ ވިދާޅުވި އެވެ.
ދިވެހި ސަރުކާރުން އެންމެ ފުރަތަމަ ސޮވެރިން ބޮންޑު ވިއްކާފައިވަނީ 2017 ވަނަ އަހަރު އެވެ. އެ އަހަރު 200 މިލިއަން ޑޮލަރުގެ ސޮވެރިން ބޮންޑު ވިއްކާފައިވާއިރު 2018 ވަނަ އަހަރު ވަނީ 250 މިލިއަން ޑޮލަރުގެ ސޮވެރިންގ ބޮންޑު ވިއްކާފައި ވެއެވެ.
"ބަޖެޓް ސަޕޯޓަށް 200 މިލިއަން ޑޮލަރު ލިބިއްޖެ ނަމަ އަޅުގަނޑުމެން ކޮންމެހެން ނުޖެހޭނެ މި ބޮންޑު ވިއްކާކަށް،" މިނިސްޓަރު ވިދާޅުވި އެވެ.
މިނިސްޓަރު ވިދާޅުވީ، އިންޑިޔާ އަށް ކުރެއްވި ދަތުރުގައި ސަރުކާރުގެ މަޝްރޫއުތައް ހިންގުމަށް ފައިސާގެ އެހީ ލިބޭނެ ކަމުގެ ފެހި ސިގްނަލް ލިބިފައިވާ ކަމަށެވެ. އެގޮތުން 200 މިލިއަން ޑޮލަރު ލިބޭނެ ކަމަށް ގަބޫލު ކުރައްވާ ކަމަށް އޭނާ ވިދާޅުވި އެވެ.
މި ފައިސާގެ ތެރެއިން 25 މިލިއަން ޑޮލަރު ބަޖެޓް ސަޕޯޓަށް ވަރަށް އަވަހަށް ހަމަޖައްސައިދޭނެ ކަމަށް އިންޑިޔާ އިން ބުނެފައިވާ ކަމަށް އޭނާ ވިދާޅުވި އެވެ.
"ދެން އަޅުގަނޑުމެން އެނދުނީ ރިޒާވް މެނޭޖް ކުރުމަށްޓަކައި މިހާރު ސާކް ފައިނޭންސްގެ ދަށުން އިނދޭ ކަރެންސީ ސްވެޕް ފެސިލިޓީއެއް. މިހާރު އިންނަނީ 200 މިލިއަން ޑޮލަރު. އަޅުގަނޑުމެން އެދުނިން އެ އަދަދު އިތުރު ކުރަން،" މިނިސްޓަރު ވިދާޅުވި އެވެ.
އިންޑިޔާ އަށް ކުރެއްވި ދަތުރުގައި ފެނާއި ނަރުދަމާގެ މަޝްރޫއުތަކާއި ތިން ޓާޝަރީ ހޮސްޕިޓަލަށް ފަންޑު ހޯދުމަށް މަސައްކަތް ކުރެއްވި ކަމަށް އޭނާ ވިދާޅުވި އެވެ.
އިންޑިޔާ ސަރުކާރުން އެއް ބިލިއަން ޑޮލަރު ލޯނެއް ދޭން އެއްބަސްވި ކަމަށް އިންޑިޔާގެ މީޑިއާތަކުގައި ފެތުރުނު ވާހަކައާ ގުޅިގެން މިިނިސްޓަރު ވިދާޅުވީ، އެއީ މުޅިން ރަނގަޅު ވާހަކައެއް ނޫން ކަމަށެވެ.
"އެއް ބިލިއަން ޑޮލަރަކީ އެގޮތަށް ދެކެވުނު ވާހަކައެއް ނޫން. ވާހަކަ ދެކެވުނީ ފީޒިބަލް ޕްރޮޖެކްސްތަކަށް ޕްރޮޕޯސަލްތައް ހުށަހެޅުމުން އެއް ބިލިއަން ޑޮލަރާ ހަމައަށް ނުވަތަ އެއަށްވުރެ އިތުރަށް ވެސް ފަންޑްސް އެރޭންޖް ކުރެވިދާނެ ވާހަކަތައް. މިއީ ކޮންސެޝަނަލް ފައިނޭންސިން. ގާތްގަނޑަކަށް 1.5 ޕަސެންޓް އިންޓްރެސްޓް ރޭޓުގައި އަޅުގަނޑުމެންނަށް އެ ފައިސާ ލިބޭނެ. އެއީ އަސްލު އެކްޒިމް ބޭންކުން ލައިން އޮފް ކްރެޑިޓެއް ހުޅުވާލާ ވާހަކަ،" މިނިސްޓަރު ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ރާއްޖެ
03 December 2018
200 މިލިޔަން ޑޮލަރުގެ ބޭނުމުގަ މިތަނަށް އެންމެ އިންޑިއާ ސިފައިންގެ މީހަކުވެސް ގެނެސް ނުވާނެ.
މީހެކޯއި ނަމަނަމަޑޮންޑޮން
03 December 2018
ކޮންމެވެސް މީހަކު 30ބ ރުފިޔާ ހިލޭ ދީފިނަމަ އަންނައަހަރު ބަޖެޓްގެ ހުރިހާކަމެއް ދައުލަތުގެ ބޮޑުލާރިއެއްގައި އަތްނުލާ ނިންމާލެވޭނެ.
އީމަން
03 December 2018
އިންޑިޔާއިން ނޫނަސް ތި ފައިސާގެ އެހީ ދޭނެ ބަޔަކު ވާނެ، ކަލަ ގޮވާ ޒާތީ ވާ ބައެއްގެ އަތުން ފައިސާ ހޯދުމަކީ ބުއްދިވެރި ގޮތެއް ނޫނެވެ.
ތުންފުން
03 December 2018
އަހަރެން ހަމަ އަޖައިބުވޭ ރާއްޖޭގެ ބަޖެޓްގެ ޕޮލިސީ ގެންގުޅޭ ގޮތަކުން، ކޮންމެ ރައީސަކު ބަޖެޓް ބޭނުންގޮތެއް ހަދާފައި ދަރުވާލާފައި ގެއަށްދަނީ، ދެން އަންނަ ސަރުކާރަކުން ގައުމުތަކުގައި އާދޭސްކޮށްގެން ބަލަނީ ދަރަނިފިލުވަން، ދަރަނި ނަގައިގެން ދަރަނި އަދާކުރުން، މިއީ ކޮންކަހަލަ ސިސްޓަމެއް، މިހެން މިކަންކުރާތާ މިހާރު 15 އަހަރުވެއްޖެ، ޕެންޝަން ފައިސާކޮޅުވެސް މިހާރު ބޭނުންކޮށްފި
ހުސްކުރާ
03 December 2018
ކޮންމެ މީހަކު ވެރިކަމަށް އަރާ ޤައުމުގެ ބައިތުލްމާލު ކައި ހުސްކުރާ ޤައުމެއް މިއީ. ފައިބަންވާއިރަށް ކޮންމެ މީހަކުވެސް ކެވުނު ވަރަކަށް ކެވުނުގޮތަކަށް ކާލާނެ. ދެން ވެރިކަމަށް އަންނަ މީހާ ދަރަނި އަދާކޮށްފަ އަނެއްކާ ކާލާނެ. މީ ސިލްސިލާކޮށް މި ޤައުމުގަ ހިނގަމުން އަންނަ ކަމެއް. ޖަޒީރާ ރާއްޖެގެ ބަދަލުގައި ކިޔަންވީ ދަރަނި ރާއްޖެ
ޗިއްލޫ
03 December 2018
ބޮންޑުގެ ބަދަލު ގައުމުގެ މިނިވަންކަން ވިއްކުމަށްވުރެ ބޮންޑުވިއްކުން ރަނގަޅުނޫންތަ؟؟؟ އަބަދުވެސް އެމްޑީޕީ ވެރިކަމުގަ މިބަލަނީ ގައުމު ވިއްކޭތޯ އިންޑިޔާއަށް މިދެން ކިހާދެރަވެއްޖެކަމެއް! ޕްރޮޕެގަންޑާ ފަތުރައިގެން ވެރިކަމަށްއައިސް ގައުމުހިންގަންނޭގިގެން ގައުމުގެ ހަރުމުދަލާ މިނިވަންކަންވިއްކާލަނީ ރައްޔިތުން ހޭއަރާކަށްނުވޭތަ؟؟؟؟؟
އިއްސޭ
03 December 2018
ބަލަ ރައީސް ޔާމީނަކީ ތަންދޮރު ދަންނަ ގުނަކުރާނަވަތައަދި ކަޑާ ގެއްލަން ދަނަވެރިއެއް ނުކިޔަވާ ވެރިކަންހޯދި މީހެއްނޫ އެއަރޕޯޓްގެ ދަރަނިވެސް 1.5 ބިލިޔަން ޑޮލަރު ދެހާސް ނަވާރާ މިލޯނު ދައްކާނިންމާނެކަމަން އެއާރޕޯޓް ބޯޑު މެންބަރުންވިދާޅުވި ޔާމީނަކީ ރޮކެޓްސްޕީޓްގައި މިގައުމުތަރައްގީކުރި މޮޅު ހުސިޔާރުވެރިއެއް މިހާރުގެ މިވެރިކަމުގާ ދެންވެރިކަމާތޅާފޮޅާނި ތަރައްގީނުވާނެ؟
ބަންކޭލާ1
03 December 2018
ރައީސް ޔާމިންގެ ސަރުކާރު ނިމުނުއިރު. 1. ޖީޑީޕީ. 9700 ޑޮލަރ 2. ދަރަނި 29 ބިލިއަން ދައްކާފަ 15 ބިލިއން 3.ރިޒަވްގަ 670 މިލިއަން ޑޮލަރ. 4 ޑޮލަރ ތިޔާގިވެ 15.42-15.80 2017 ވަނަ އަހަރު ވަނީ ރިކޯޑް މިންވަރަކަށް ތާރީޚުގަ ނުވާވަރަށް ބަޖެޓް ޑެފިސިޓްވަނީ ކުޑަކޮށްފަ. ޝުކުރިއްޔާ ރައީސް ޔާމިން
ބަންކޭލާ
03 December 2018
ރާއްޖޭގެ ދަރަނި މިއީ 1979 އިން ފެށިގެން ހުރި ދަރަނި. ރައީސް ޔާމިން ސަރުކާރާއި ހަވާލު ވިއިރު. 1. ޖީޑީޕީ. 5200 ޑޮލަރ 2.ދަރަނި 29 ބިލިއަން ރުފިޔާ. 3. ސަރުކާރުގެ ރިޒަވްގަ 325 މިލިއން ޑޮލަރ 4.ޑޮލަރ ކަޅުބާޒާރުގަ 17-18 އަށް ...........................................................