އެއިޑްސް ބައްޔާ ދެކޮޅަށް ކުރިއަށްގެންދާ "ނޯ ޔުއަ ސްޓޭޓަސް" ފެށުމުގެ ރަސްމިއްޔާތުގައި ހެލްތު މިނިސްޓްރީގެ ސްޓޭޓް މިނިސްޓަރު ޑރ. ޝާހު ވާހަކަދައްކަވަނީ.-- ފޮޓޯ: ނިޝާން އަލީ/ މިހާރު
04 ޑިސެމްބަރ 2018 - 14:23
10 comments
ރާއްޖޭގައި މަދުމަދުން ނަމަވެސް އެއިޑްސް ބަލި ގިނަވަމުންދާ ކަމަށް ހެލްތު މިނިސްޓްރީން މިއަދު ބުނެފި އެވެ.
އެއިޑްސް ބައްޔާ ދެކޮޅަށް ކުރިއަށް ގެންދާ "ނޯ ޔުއަ ސްޓޭޓަސް" ކެމްޕެއިން ފެށުމުގެ ރަސްމިއްޔާތުގައި ވާހަކަ ދައްކަވަމުން ހެލްތު މިނިސްޓްރީގެ ސްޓޭޓް މިނިސްޓަރު ޑރ. ޝާހް މާހިރު ވިދާޅުވީ، ރާއްޖޭގެ އިތުރުން ދުނިޔޭގައި ވެސް އެއިޑްސް ބަލި ޖެހޭ މީހުންގެ އަދަދު އިތުރުވަމުންދާ ކަމަށެވެ. ނަމަވެސް އެ ބައްޔަށް ފަރުވާ ހޯދުމަށް ކުރާ މަސައްކަތް ވެސް ކުރިއަށް ގެންދާ ކަމަށް ވިދާޅުވި އެވެ.
"ލިބިފައިވާ ބޭސްތަކާއި ފަރުވާތައް ދަނީ ކުރިއަށް. ރާއްޖޭގައި އެއިޑްސް ބަލި މަޑުމަޑުން މައްޗަށް ދާ ކަމަށް ފެންނައިރު، ޓެސްޓު ކުރުމާއި ޕަބްލިކް އެވެއާނަސް ވަރަށް މުހިއްމު ކަމެއް. މި ސްލޯގަނާ އެކު، އިތުރު ހިތްވަރާ އެކު މި ކެމްޕެއިން ފައްޓަނީ އެވެއާނަސް ޕްރޮގްރާމެއް ގޮތުގައި ހުރިހާ ބޭފުޅުން އެއްބާރުލުން ދެއްވުން އެދި ދަންނަވަމުން،" ޝާހް ވިދާޅުވި އެވެ.
އޭނާ ވިދާޅުވި ގޮތުގައި ސިއްހީ ދާއިރާއާ ގުޅުން ހުރި މައްސަލަތައް ހައްލު ކުރުމަކީ ހަމައެކަނި ސަރުކާރަށް ކުރެވޭނެ ކަމެއް ނޫނެވެ. އެކަމުގައި ސަރުކާރާއި އަމިއްލަ ޖަމިއްޔާތަކާއި ކަމާ ގުޅުން ހުރި ހުރިހާ އިދާރާއެއްގެ އެހީތެރިކަން ވެސް ބޭނުންވާ ކަމަށް ވިދާޅުވި އެވެ.
ރާއްޖޭގައި އެޗްއައިވީ އަށް ޕޮޒިޓިވް ވެގެން ފާއިތުވި 36 އަހަރުގެ ތެރޭގައި ރިޕޯޓުކޮށްފައިވަނީ 25 މީހުންނެވެ. އޭގެ ތެރެއިން 12 މީހަކު ވަނީ މަރުވެފަ އެވެ.
އެއިޑްސް ބައްޔަށް ބޭސް ބޭނުން ކުރުމުން، އެޗްއައިވީން އެއިޑްސް އަށް ބަދަލުވުމަށް ނަގާ މުއްދަތު އިތުރުވެގެންދެ އެވެ. އެހެންވެ އާދައިގެ ދިރިއުޅުމެއް އުޅުމުގެ ފުރުސަތު ލިބިގެންދެ އެވެ.
އެޗްއައިވީ ޖެހުމަށް މަގުފަހިވާ ކަންތައްތައް ޒުވާނުންގެ ތެރޭގައި އަދި ވެސް ގިނަ ކަމަށް ހެލްތު ޕްރޮޓެކްޝަން އޭޖެންސީ (އެޗްޕީއޭ) އިން ބުނެ އެވެ. އޭގެ ތެރޭގައި އެކަކު ބޭނުންކޮށްފައި ހުންނަ ސިރިންޖް ބޭނުން ކުރުމާއި ރައްކާތެރި ނޫން ގޮތުގައި ޖިންސީ ގުޅުން ހިންގުން ފަދަ ކަންތައްތައް ހިމެނެ އެވެ. އެހެންވެ އެކަންކަމުން ރައްކާތެރިވުމަށް ހުރިހާ އެންމެން ވެސް އެޗްއައިވީއަށް ޓެސްޓު ކުރުމަށް އެ އެޖެންސީން ވަނީ އެދިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ބުންޏޯ
28 October 2019
ކޮން ރަކާތެރިނޫން ގޮތެއް، ޙަރާމް ގޮތޭ ނުބުނެވެނީ ކީއްވެ!
ޢަހަންމާ
09 December 2018
ޢަދިވެސް ބަލިޖެހިފަ ތިބޭމީހުން ހިމާޔަތްކޮށް ސިއްރުކުރޭ
ފާތުން ވ
05 December 2018
ޢެއިޑްސް ބަލި ޖެހިފައި ތިބީ ކިހާމީހުންކަން ނޭނގޭ. ކުރިން އެއާ ކައިރި ނުވާން ، މިހާރު ތިމާގެ ސްޓޭޓަސް. ޢޯކޭ ދޯ.
ގެމާ
04 December 2018
ޓީ ޖެޓީ 100 އައްވުރެ ގިނަ ބިދޭސީން ވާނުވާ ނޭގިގެން އިޅޭ މީ ހުރިހާ އެމެނައް އެގޭ ކަމެއް
ވަހީދު
04 December 2018
ހެސްކިޔާފައި ޒިނޭ ކުރުން އާއްމު ވެއްޖެ. ބަލިމަޑުކަމާއި ފަގީރުކަން އާއްމުވާ އެއްސަބަބު.
ވާލުސޮރު
04 December 2018
ރާއްޖޭގަ އެއިޑްސް ފަދަ ބަލިތައް ފެތުރުމަށް ހުޅުވިފަ އޮތް މަގުތައް ބަންދުނުކޮށް ތިޔަވާހަކަ ދެއްކުމުގެ މާނައެއްނެތް. 24 ގަޑިއިރުތެރޭ 10 12 މީހުންނަށް ކުއްޔަށް ކޮޓަރި ދޫކުރާ ތަންތަން މާލެ ޒޯންގަ ބިދޭސީންވެސް އެބަ ހިންގާ. މިފަދަ ތަންތަނުގަ ހިންގާ ހަރާކާތް ފުލުހުން ފާރަލައިގެންވެސް ބަލަން އެބަޖެހޭ. ރިސޯޓްތަކުގަ އުޅޭ ބިދޭސީ އަންހެނުންނާ ފިރިހެނުންގެ އިތުރުން ދިވެހިންވެސް މިފަދަ ތަންތަނުން "ޚިދުމަތް" ހޯދާކަމަށްވޭ
ތަމް
04 December 2018
ވަރަށް ހޮޓް ޑރ. އެއް. ބަލިވެއްޖެއްޔާ ޑރ. ޝާހް އަށް ދެއްކޭނެ ތޯ؟
ޏަމް
04 December 2018
ހޮޓް މީހުންނާ އަޅައިގަތުމަކީ ބައްޔަކަށް ފުދޭ. އަވަހަށްދޭ ދައްކަން.
އަސް
04 December 2018
ރާއްޖެއައް ގަވާއިދާ ހިލާފަށް ބިދޭސީންއެތެރެ ކުރުން އޮތީ ހައްދުން ނެއްޓިފަ.. މިމީހުން އެތެރެކުރާއިރު ނޭގެ ހުންނަނީ ކޮންފަދަ ނުރައްކާތެރި ބަލިބަލި ކަމެއްވެސް... ޢެޗް އައިވީ އެކަންޔެއްނޫން، ހެޕަޓައިޓިސް ވެސް ފެތުރޭ... ޢެހެންނޫނަސް ރާއްޖޭގައި އެއްޖިންސުން ގުޅުން ހިންގާ ހަށިވިއްކާ ހަދާ އިރު މިކަން ކަން ރަނގަޅެއްނުވާނެ ދޯ؟ މިކަން ކުރޭ ދިވެހިންވެސް ބިދޭސީންވެސް... ް ސާވޭ ގަނޑެއްވެސް ހަދާލަނީކީނޫން...
އާދު
04 December 2018
ކީއްކުރާނީ ޕުލާސްޓިކޭ ތިމާވެއްޓޭ ކިޔައިގެން އުޅެނީ އަސްލުއޮޅުވާލަން ރެއަކާދުވާލު އެއްވެސްކަހަލަ ބެލުމެއްނެެތި ބަންގާޅީން އައިން އައިނައް އެތރެކުރަމުންދަނީ ވަކިބައެއްގެފައިދާއައް އެބައިމީހުން އުޑައްއަރާ ފައިބަމުންދަނީ (ބަންގާޅީއެއް އެތެރެކުރެވެނީ6000ރ އިމއިގުރޭސަންގެވެރިންނައް ކަމިސަންގެގޮތުގަ ދަައްކާފަ)އެކަމު ހުރިހާގެއްލުމެއް ނިކަމެތިދިވެހިންނައް