އައިލެންޑް އޭވިއޭޝަންގެ ޑެޕިއުޓީ މެނޭޖިން ޑިރެކްޓަރު ކަމަށް އައިޝަތު ޖެނިފާ އައްޔަން ކޮށްފި އެވެ.
ގައުމީ އެއާލައިން މޯލްޑިވިއަން ހިންގާ ކުންފުނި ކަމަށްވާ އައިލެންޑް އޭވިއޭޝަން ސާވިސަސް ލިމިޓެޑްގެ ޑެޕިއުޓީ މެނޭޖިން ޑިރެކްޓަރު ކަމަށް މިދިޔަ އަންގާރަ ދުވަހު ޖެނިފާ އައްޔަން ކުރީ އެ ކުންފުނީގެ ބޯޑުން ކަމަށް މޯލްޑިވިއަން އިން ކުރި ޓްވީޓެއްގައިވެ އެވެ.
ޖެނިފާއަކީ ކުރިން މޯލްޑިވިއަންގެ ކާގޯގެ ޑެޕިއުޓީ ހެޑް އެވެ. ޖެނިފާ އެ މަގާމުގައި ހުއްޓާ 2016 ގައި އޭނާ ވަޒީފާއިން ވަކިކުރި އެވެ. އެކަމަކު އެ މައްސަލަ ބެލުމަށް ފަހު، ޖެނިފާ އަށް އަލުން ވަޒީފާދޭން ވަޒީފާއާބެހޭ ޓްރައިބިއުނަލުން އޮތީ އަމުރުކޮށްފަ އެވެ.
ޑެޕިއުޓީ މެނޭޖިން ޑިރެކްޓަރު ކަމަށް ޖެނިފާ އައްޔަން ކުރިއިރު، އެ ކުންފުނީގެ މެނޭޖިން ޑިރެކްޓަރު ކަމަށް މުހައްމަދު ރިޒްވީ ވަނީ މިދިޔަ މަހު އައްޔަން ކޮށްފަ އެވެ.