ކަރެކްޝަންސް އިން ވަކިކުރި އާސިފަށް އަލުން ވަޒީފާ ދެނީ

އާސިފް: އޭނާއަށް އަލުން ވަޒީފާ ދިނުމަށް ދައުލަތުން ވަނީ އެއްބަސްވެފައި --ފޮޓޯ/ފޭސްބުކް

މުއިއްޒު އިބްރާހިމް، މިހާރު

27 ޑިސެމްބަރ 2018 - 20:24

ކަރެކްޝަނަލް ސާވިސްގެ ވަޒީފާ އިން ވަކިކޮށްފައިވާ މުހައްމަދު އާސިފަށް އަލުން ވަޒީފާ ދީ، ގެއްލުނު ދުވަސްތަކުގެ މުސާރަ އާއި އިނާޔަތްތައް ދޭން ދައުލަތުން އެއްބަސްވުމުން އެގޮތަށް ސިވިލް ކޯޓުން މިއަދު ހުކުމްކޮށްފި އެވެ.

ސުޕްރިޓެންޑެންޓް އޮފް ޕްރިޒަންސްގެ މަގާމުގައި ހުއްޓާ މިދިޔަ މާޗް މަހު އާސިފް ވަޒީފާއިން ވަކިކުރީ ކޮމިޝަނާ އޮފް ޕްރިޒަންސަށް އޭނާއާ މެދު އިތުބާރު ނުކުރެވޭ ކަމަށް ބުނެ އެވެ. އޭނާ ވަކިކުރީ މިދިޔަ އަހަރުގެ އޮގަސްޓް މަހުން ފެށިގެން ސަސްޕެންޑް ކޮށްފައި ބެހެއްޓުމަށް ފަހު އެވެ. އެކަމަކު އާސިފް ވަކިކުރީ ސީދާ ކޮން މައްސަލައަކާ ގުޅިގެން ކަމެއް އޭނާ އަކަށް މިހާތަނަށް ވެސް ނާންގާ ކަމަށް ވެ އެވެ.

އެ މައްސަލަ އާސިފްގެ ފަރާތުން ސިވިލް ކޯޓަށް ހުށަހެޅުމުން ދައުލަތުން ވަނީ އޭނާ ވަކިކުރީ އިޖްރާއާތުތަކާ ޚިލާފަށް ކަމަށް ސިވިލް ކޯޓުގެ ޑިސްޕިއުޓް ރިިޒޮލިއުޝަން މަރުހަލާގައި އެއްބަސްވެ، އޭނާގެ ވަޒީފާ އަލުން ދިނުމަށާއި ގެއްލުނު ދުވަސްތަކުގެ މުސާރަ އާއި އިނާޔަތްތައް ވެސް ދޭން އެއްބަސްވެފަ އެވެ.

އެހެންވެ، ކޯޓުން ވަނީ ދެ ފަރާތުން އެއްބަސްވި ގޮތަށް، އާސިފަށް އޭނާ ކުރިން ހުރި ވަޒީފާ އަނބުރާ ދިނުމަށާއި އަދި ވަކިކުރި ދުވަހުން ފެށިގެން މިއަދާ ހަމައަށް މުސާރަ އާއި އިނާޔަތްތަކުގެ ގޮތުގައި ލިބެންޖެހޭ 324،000ރ. އެއް އަހަރުގެ ތެރޭގައި ދެއްކުމަށް އަމުރުކޮށްފަ އެވެ. އަދި ވަކިކޮށްފައި ހުރި ދުވަސްތައް ވެސް ޚިދުމަތް ކުރި މުއްދަތުގެ ގޮތުގައި ބެލުމަށް އެ ހުކުމުގައި އަންގާފައިވެ އެވެ.

އާސިފަށް އަލުން ވަޒީފާދޭން ދައުލަތުން އެއްބަސްވިއިރު، ކުރިން ފުލުހުން ވަޒީފާއިން ވަކިކޮށްފައި ތިބި ހަތަރު އޮފިސަރަކަށް ވެސް އަލުން ވަޒީފާދޭން ދައުލަތުން އެއްބަސްވުމުން ކޯޓުން ވަނީ އެގޮތަށް ހުކުމްކޮށްފަ އެވެ.

މިހާރުގެ އެކްޓިން ޕޮލިސް ކޮމިޝަނަރު މުހައްމަދު ހަމީދަށް އަލުން ވަޒީފާދިނީ ވެސް އޭނާ ވަކިކުރީ އިޖްރާއާތުތަކާ ޚިލާފަށް ކަމަށް ދައުލަތުން އެއްބަސްވުމުންނެވެ.

ސިވިލް ކޯޓް ވަޒީފާ ވަޒީފާ ނުލިބުން ކަރެކްޝަނަލް ސާވިސް

19 ކޮމެންޓް, 62 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އަބްދުﷲ

29 December 2018

ދެން މިހާރު މީ އާފެޝަނެއްތަ؟. ނޫނީ ކުރާ ވިޔަފާރިއެއްތަ؟. ވަޒީފާ އަކުން ވަކިކުރާތާ އެތައް އަހަރެއް ފަހުން ވަޒީފާ މިދެނީ ހުރިހާ ދުވަހެއްގެ މުސާރައާއިއެކު. މިހުރިހާދުވަހު އެހެންވަޒީފާއެއްގަ އުލެގެން ފައިސާވެސް ހޯދާ.. މިވެސް ގާނޫނަކުން ހައްލު ހޯދަންޖެހޭކަމެއް. ވަޒީފާއިން ކަނޑާލި މައްސަލަ ބަލާ އެއްކޮށް ނިންމަން ގިނަވެގެން 6 މަސް ދޭންވީ. ރައްޔިތުންގެ ފައިސާ އަށް ހިތުހުރިގޮތެއް ނުހެދޭނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޙައްގުބަސް

29 December 2018

ތަންތަނުގައި ތިބެ އެތަން ތަނުގައި ހެދިފައިވާ ގަވާޢިދުތަކާ ޚިލާފުވެގެން ސްލޫކީ މައްސަލަތައް ބަލާ ފިޔަވަޅުއަޅާ ވަޒީފާއިން ވަކިކޮށްފައި ތިބި އެންމެނަށް ވަޒީފާ ދެމުން މިދަނީ!! ފުލުހުންގެތެރޭ ތިބެގެން ވިޔާނުދާ ޢަމަލު ހިންގައިގެން ވަޒީފާއިން މީގެ 6 އަހަރާ 2 އަހަރާ ދޭތެރޭ ވަޒީފާއިން ވަކިކޮށްފައިވާ އެކްޓިވިސްޓުން ކޮޅަކަށްވެސް ވަޒީފާ ވަނީދީފަ!! އެވެސް 5.8 މިލިއަން ރުފިޔާ އާއި ޕްރޮމޯޝަންތަކާއެކު!! މިއީ ދެރަކަމެއް! ޝަރީޢަތްތަށް މިގެންދާގިތް އޯކޭއެއްނޫން!!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މަރޭމިތުރާ

28 December 2018

[[ހުކުމްތަކުން މިގައުމުގެ ހަޒާނާ ހުސްކޮށްލަފާނެ ހީވޭ! ހުކުމް އެދާގޮތާއި ޝަރީއަތްތައް ބަލަންޖެހިދާނެކަމަށް ހީވޭ!]]........................ ރިޝްވަތައް ގޮސްހުސްވެފަ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދެކޭމީހާކިޔާމީހާ

28 December 2018

މިގޮތަށް މީހުންވަކިކުރުމުން ޓްރައިބިއުނަލް، ނޫނީޝަރީޢަތަށް ގޮސްގެން ވަކިކުރިމީހާއަށް އެއްވެސްއެއްޗެއް ދޭންޖެހޭނަމަ، އެކަމުގެޒިންމާ، އެކަންކުރިމީހަކު، ނޫނީ އެއިރެއްގައި ވެރިކަންކުރާފަރާތުން ދައްކަންޖެހޭގޮތަކަށް ހަދަންވެއްޖެކަމުގައި ބެލެވެއެވެ. ދައުލަތުން ޒިންމާނަގަންޖެހުނީމައި، ގޭނެންމިތިބެނީ ރަޢިއްޔަތުންނެވެ. މިގޮތަށްދޭންޖެހޭއެއްޗެއް އެކަންކުރިބަޔަކު ދައްކަންޖެހޭގޮތަށް އޮންނަނަމަ، މިކަން ޙައްލުވީއެވެ! މިކަމަށް ޙައްލެއް ހޯދަންއެބަޖެހޭ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވަހިއްޓޭ

28 December 2018

ހޫ ދެން މީނަ ލާ ކަރެކްސްނުގެ ޗީފަށް. މުޅިން މިކަހަލަ މީހުނެއްނު މި ސަރުކާރުން ތަންތަނަށް ލަނީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޓުޑޭސް ޕޯލް

28 December 2018

ޕާރޓީ ސިސްޓެމް މިގައުމުން އުވާލަން . ފެންނަނަމަ ލައިކް ނުފެންނަނަމަ ޑިސްލައިކް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރާވެރިބެ

28 December 2018

އަހަރެން މީނަ ވަރަށް ރަނގަޅަށް ދަންނަމެވެ. މީ އެއްވެސްވަރަކަށް އިތުބާރުހިފޭ މީހެއް ނޫނެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގޮހޮޑާ.

28 December 2018

މީ މާފައްކާކަމެއް ނުން....ސަރުކާރު މިއޮނަނީ މިމީހުންގެ ބޭންކަކަށް....މި ހުރި ހާ ލާރި ޔެއް ދައްކާފަ...ދެން ރައްޔިތުނައް އޮތީ ކޯޗެއްބާ.... ހެދުނުގެ ސައި...ތޯ....

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނައްޓު

28 December 2018

ދެވައް ކޭލާ ކިރު ތައްޓކާ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޔާމީނު

28 December 2018

މި ސަރުކާރުން އެއްވެސް ކަމެއް ރައްޔިގުން ނަށް ކޮށްދޭތީއެއް ނުފެނެއެވެ.ފެންނަނީ ވަޒީފާގެ މަސްއޫލިއްޔަތަށް ޚިޔާނާތް ތެރިވެގެން ވަޒީފާ އިން ވަކި ކޮށްފައި ތިބި މީހުން ތަންތަނަށް ވައްދާ ތަނެވެ. މިއީ ކޮންސަކަރާތެއް ހެއްޔެވެ.