މުހައްމަދު ދީދީ (ކ) ރައީސް ޔަމީންގެ ރަނިން މޭޓް ޝަހީމްއާ އެކު މިދިޔަ ރިޔާސީ އިންތިޚާބުގެ ކެމްޕޭނުގައި.
03 ޖެނުއަރީ 2019 - 16:52
25 comments
އިސްލާމިކް މިނިސްޓްރީގެ ކުރީގެ ސްޓޭޓް މިނިސްޓަރު އަދި މަދަނީ އިއްތިހާދުގެ ހަރަކާތްތަކުގައި އުޅުއްވި މުހައްމަދު ދީދީ ސިޔާސީ ޕާޓީއެއް އުފެއްދުމުގެ ހުއްދަ އަށް އެދި އިލެކްޝަންސް ކޮމިޝަނަށް ހުށަހަޅުއްވައިފި އެވެ.
އިލެކްޝަންސް ކޮމިޝަނުން މިއަދު ބުނިގޮތުގައި އޭނާ ހުއްދަ އަށް އެދިވަޑައިގަތީ ނެޝަނަލް ރިފޯމްގެ ނަމުގައި ޕާޓީއެއް އުފެއްދަވާށެވެ. ލިޔެކިޔުންތައް ސައްހަ ނަމަ ޕާޓީ އުފެއްދުމުގެ ހުއްދައާ އެކު 3،000 މެމްބަރުން ހަމަކުރަން އިލެކްޝަންސުން ފުރުސަތު ދޭނެ އެވެ.
އަދާލަތު ޕާޓީގައި ވެސް ކުރިން އުޅުއްވި މުހައްމަދު ދީދީ ޕާޓީއެއް އުފައްދަވާއިރު، އޭނާއާ ކުރީގެ އިސްލާމިކް މިނިސްޓަރު ޑރ. މުހައްމަދު ޝަހީމް އަލީ ސައީދާ ގާތް ގުޅުމެއް އޮވެ އެވެ. އެންމެ ފަހުން ބޭއްވި ރިޔާސީ އިންތިޚާބުގައި ކުރީގެ ރައީސް އަބްދުﷲ ޔާމީންގެ ރަނިން މޭޓެއްގެ ގޮތުގައި ޝަހީމް ކުރެއްވި ކެމްޕޭންގައި ވެސް އެންމެ އިސް ދައުރެއް އަދާކުރެއްވި އެއް ބޭފުޅަކީ މުހައްމަދު ދީދީ އެވެ. ޝަހީމާ އެކު ގިނަ ރަށްތަކަކަށް ދަތުރު ކުރައްވައި، ޔާމީނާއި ޝަހީމަށް ތާއީދު ހޯއްދެވުމުގެ މަސައްކަތް ކުރެއްވި އެވެ.
މި ޕާޓީގެ އިތުރުން ކަރިސްމާ ޕާޓީގެ ނަމުގައި ވެސް ޕާޓީއެއް އުފައްދަން ވަނީ ހުށަހަޅައިފަ އެވެ. އެ ޕާޓީ އުފައްދަން ހުށަހެޅީ މ. ކެލަމް، މުހައްމަދު އިސްމާއިލް ކަމަށް އިލެކްޝަންސް ކޮމިޝަނުން ބުންޏެވެ.
އަލަށް ދެ ޕާޓީއެއް އުފެއްދުމުގެ ހުއްދަ އަށް އެދުނުއިރު، އިތުރު ހަތަރު ޕާޓީއެއް އުފެއްދުމުގެ ހުއްދަ އިލެކްޝަންސް ކޮމިޝަނުން ކުރިން އޮތީ ދީފަ އެވެ. އޭގެ ތެރޭގައި ކުރީގެ ރައީސް އަބްދުﷲ ޔާމީން އިސްކޮށް ހުންނަވައިގެން އުފައްދަވާ ޕީޕަލްސް ނޭޝަނަލް ކޮންގްރެސް ވެސް ޕާޓީ ވެސް ހިމެނެ އެވެ.
މޯލްޑިވްސް ތާޑްވޭ ޑިމޮކްރެޓިކް ޕާޓީގެ ނަމުގައި ޕާޓީއެއް ވަނީ ރަޖިސްޓްރީކޮށްދީފަ އެވެ. އެ ޕާޓީގައި އިސްކޮށް ހުންނެވީ، ކުރީގެ ނައިބު ރައީސް އަހްމަދު އަދީބެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އޭން
05 January 2019
ކޮންމެ ދެމީހަކަށް ޕާޓިއެއް ހަދަމުން ދާއިރު ދިވެހިރާއްޖޭގަ ހަމަ އެހާ ބޮޑު އާބާދީއެއް އޮތީބާ؟ ކޮންމެ ބަޔަކު 3000 މީހުންގެ ސޮއި ހަމަ ކުރާގޮތް ބަލަންވީނުން. ސޮޔަކަށް ދެނީ ކިހާވަރެއް؟ ކޮންމެ ޕާޓީއެއްގެ މީހަކަށްވެސް އެހެން ޕާޓީއެއް ރެޖިސްޓާރ ކުރަން ސޮއި ކުރެވޭބާ؟ މިރާއްޖޭގަ ފައިސާއަށް ބޫތުކައިގެން މީހުން މިއުޅެނީ ބަޔަކު ކޮސްނުވާވަރަކަށްނޫން. އަދީބު އެހެން ލާރިގަނޑެއްކެޔަސް އެންމެންނަށް މިހާރު އެކަމެއް ނުވާނެ
ބޯހުދު ޒިންދަގީ
05 January 2019
އަހަންނަށް އޯކޭ މުހައްމައިދީ ބަނޑިޔާ ޕާޓީއެއް އުފެއްދިޔަސް. އަހަރެން ވިސްނާކަމެއްނޫން.
ބަސީރާ
05 January 2019
ރާއްޖޭގަ މިތިބަ ސިޔާސީ ކެރެކްޓަރުންނައް މަ ހަމަ ސަލާން.. މީގެން އެކަކައްވެސަ ވޯޓެއް ނުދޭނަން.
ބައްޑާ
04 January 2019
ދިވެހިންވެސް ބޭރު ގައުމްތަކުގެ މަޖިލީހުގަ އެބައުޅޭ. ސީޝެލްސްގެ މަޖިލީހުގެ ޑެޕިއުޓީ ސްޕީކަރއަކީ ދިވެއްސެއް.
ާަަައޮކުޓޮޕަސް
04 January 2019
ރާއްޖޭގައި ބާއްވަންވީ 2 ޕާޓީ
Fisaarikanbaleh
04 January 2019
ކަލޯގަޔާ މިއޮތީ ޕާޓީ އުފައްދާ މޫސުމް އައިސްސަ، ކޮންމެ ދެފިރިހެނަކަށް ޕާޓީއެއް! އަހަރުން ހުރިހާ ފިސާރި ކަނބަލުން ވެގެން "އަންހެނުންގެ ޕާޓީ" ނަމުގަ ޕާޓީއެއް އުފައްދަންވީ..
ތަކުރުބެއްޔާގެ އަލިފުތު
04 January 2019
38900 މީހުން ދީދީގެ އޮގަރަ ޕާޓީގައި އެބަތިބި
ފެކްޓްސް
04 January 2019
"އަޅުގަނޑު ހުރިހާ ރައްޔިތުންނަށް ގޮވާލާނީ އެންމެހާ ޕާޓީތަކަށް ނޫނެކޭބުނާށޭ....އެއީ ފިތުނަވެރިކަމެކެވެ. އެންމެން އަތް ގުޅާލައިގެން ޕާޓީތައް ނައްތާލަން މަސައްކަތް ފަށަމާ.....ބައި ބައި ނުވެ ދުނިޔޭގެ އެންމެހާ މުސްލިމުން އެއްވެރިއެއްގެ ފަހަތަށް އެރުންނޫން ހެޔޮ ގޮތެއްނުވާނެ...." މިއީ ''ހެޔޮއެދެމީހާ"ގެ ނަމުގައި ލިޔެފައޮތް ވާހަކައެއް. މިއީ ކަންއޮތްގްތް.
ސާންސީ
04 January 2019
ސިޔާސީ މީރު ރަހަ ޖެހި، އޭގެ މަސްތުގައި ހަދާޕާރޓީއެއްތަ؟
ޝަކީރާ ޕާރޓީ
04 January 2019
ސިޔާސީ ޕާރޓީ ރެޖިސްޓާ ކޮއްދޭން ވީ ދިހަހާސް މީހުންގެ ސައްހަ ފޯމު ލިބި 20 ޖަލްސާ ބޭއްވީމަ.