ޅައިމަގުން ގިނަ އަދަދެއްގެ ރުއް ގެންދިއުމުން އެރަށުގެ ރުއްވަލެއް ހާއަޅާފައި-- ފޭސްބުކް ފޮޓޯ: ޅައިމަގު އޮންލައިން
09 ޖެނުއަރީ 2019 - 17:39
12 comments
ގަވާއިދާ ހިލާފަށް ގިނަ އަދަދެއްގެ ރުއް ނެގި މައްސަލައިގައި އެންވަޔަރްމަންޓަލް ޕްރޮޓެކްޝަން އޭޖެންސީ (އީޕީއޭ) އިން ށ. ޅައިމަގު ކައުންސިލް މިއަދު ޖޫރިމަނާ ކޮށްފި އެވެ.
އެ އޭޖެންސީން ކުރި ޓްވީޓެއް ގައި ބުނީ ތިމާވެއްޓަށް ދޭ ގެއްލުންތަކަށް ޖޫރިމަނާ ކަނޑައެޅުމާއި ބަދަލު ހޯދުމުގެ ގަވާއިދުގެ ދަށުން ޅައިމަގު ކައުންސިލް ޖޫރިމަނާކޮށްފައިވާ ކަމަށެވެ. ނަމަވެސް ޖޫރިމަނާ ކުރި އަދަދެއް އަދި ސާފެއް ނުވެ އެވެ.
ތިމާވެއްޓަށް ދޭ ގެއްލުންތަކަށް ޖޫރިމަނާ ކަނޑައެޅުމުގެ ގަވާއިދު ބުނާގޮތުން ގަވާއިދާ ހިލާފުވި ކުޑަބޮޑުމިނަށާއިި އެ މަސައްކަތެއް ކުރި ފަރާތަށް ލިބުނު މާލީ ފައިދާ އަށް އެ މީހެއް ނުވަތަ ފަރާތެއް ޖޫރިމަނާކުރާއިރު ބެލޭނެ ކަމަށެވެ.
ޅައިމަގުގެ ތިން ސަރަހައްދަކުން 500 އަށް ވުރެ ގިނަ ރުއް ނަގައި ވިއްކައިލި މައްސަލައެއް މިދިޔަ އަހަރުގެ އޮކްޓޯބަރު ހިސާބުގައި ވަނީ ފަޅާ އަރައިފަ އެވެ. އެކަމާ ގުޅޭގޮތުން އީޕީއޭގެ ޑިރެކްޓާ ޖެނެރަލް އިބްރާހިމް ނައީމް އޭރު ވިދާޅުވީ ހުއްދަ ނުދޭ ސަރަހައްދަކުން ވެސް ރުއްތައް ނަގާފައިވާ ކަމަށެވެ.
އޭނާ ވިދާޅުވީ ހުއްދަ ދީފައިވާނީ ކުނި ކޮއްޓާއި އެތަނަށް ދާނެ މަގެއް ހަދަން ނަގަން ޖެހޭ ރުއްތަކެއް ނެގުމަށެވެ.
ޅައިމަގުން އަލަށް ގޯތި ދޫކުރަމުން އަންނަ ސަރަހައްދުގައި ކުނިކޮއްޓެއް ހަދަން 10،000 އަކަފޫޓްގެ ސަރަހައްދެއް ކުރިން ސާފުކުރި އެވެ. އޭގެ އިތުރުން، އެތަނަށް ދިއުމަށް ހަދަނީ 400 ފޫޓު ދިގު އަދި 30 ފޫޓު ފުޅާ މަގެކެވެ. ޕާކެއް ހަދަން ކައުންސިލުން ސާފުކުރި 20،000 އަކަފޫޓުގެ ބިމުގައި ހުރި ރުއްތައް ނަގަން އީޕީއޭ އިން ހުއްދަ ދީފައިނުވާނެ ކަމަށް ނައީމް ކުރިން ވިދާޅުވި އެވެ.
ގަވާއިދާ ހިލާފަށް ރުއް ނެގި މައްސަލާގައި ޅައިމަގު ކައުންސިލް ޖޫރިމަނާކޮށްފައިވާއިރު، އީޕީއޭ އިން މިހާރު އަންނަނީ މަގުތަކަށް ކުނި އަޅާ މީހުންގެ ވަނަވަރު ވެސް އާއްމުކުރަމުންނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ރާވެރިބެ
10 January 2019
ކަނާއަތު ޖީބުން ވައަތު ޖީބަށް ފައިސާ ބަދަލުކުރުން ކަހަލަ ކަމެއް... ކަންކުރީ މީހަކު... ޖޫރިމަނާވަނީ ދައުލަތް ...
އެހެންތޯ
10 January 2019
ހުއްދަނަގައިގެން 20،000 އަކަފޫޓު ސާފުކުރަން އޯކޭތޯ؟؟ ހަމަ ހުށަހެޅީ ހުއްދަ ދިނީ! ހުއްދަ ނުނެގީމައި ޖޫރިމަނާ! ޖޫރިމަނާ ވަންނަނީ ދައުލަތުގެ ބަޖެޓަށް! އޭގެން ޚަރަދު ކުރަނީ ތިމާވެށި ހަލާކުކޮށްގެން ރަށްރަށުގައި އުމްރާނީ ތަރައްޤީ ގެންނަން! އަޅުގަނޑުގެ ވިސްނުން ކޮށީކަމަށް ވެދާނެ އެކަމަކު ތިކަމުން ތިމާވެށި ހިމާޔަތްކުރުމަށް އޮތް ފައިދާއަކީ ކޮބާތޯ؟
އެޑްމުންޑޯ
10 January 2019
ކައުންސިލް ޖުރުމަނާ ކުރުމުން ހިނި އަންނަނީ ، ދައުލަތުގެ ބަޖެޓުން ދޭފައިސާ ޖުރުމަނާއޭ ކިޔާފައި މިނަގަނީ ހަމަ ދައުލަތަށް ، ތީގެ ރަގަޅުގޮތަކީ ތިކަން ކުރި ކައުންސިލްގެ މިންބަރުން ޖުރުމާނާ ކުރުން ، އޭރުން ކޮންމެހެން ނަގަންނުޖެހޭ ރުއްގަސް ނެގުން މުޅިން ހުއްޓިގެންދާނެ،
ފިހާޜަ
10 January 2019
އެބައެއްގެ އަމިއްލަރުއް ނުވިއްކެންވީ ސަބަބެއްނެތް. މާލެއަކީވެސް ދިރިއުޅޭތަނެއް. ރުކެއްނެތް. އެމީހަކު އެމީހެއްގެ އެމީހަކު ރައްތަރައްގީކުރާނެގޮތް އެނގޭނީ ކައުންސިލަށް. އީޕީއޭއަކީ ތިމާވެށިރައްކާތެރިކުރާން އެއްވެސް ކަމެއް ކުރާތަނެއްނޫން. މިމީހުންނަކީ ތަންތަން ސުންނާފަތިކުރަން ހުއްދަދިނުމާ ހިތައް އަރައިފިތަނެއް އޮތްގޮތަށް ބާއްވާށޭ ބުނާބައެއް.
ޖުބުޑި
10 January 2019
ކޮޮބައިތަ މާޅޮހުން ނަގާ ވިއްކިހާ ރުއް. ޢެ އަށް ލިބުނު ފައިސާއަށް ކުރީކޮންކަމެއް. ހެދިގޮތެއް އެނގޭމީހަކުވެސް އެބަހުރިބާ!
މާލެގަން
09 January 2019
ރުކެއް ހެދެން ނަގަނީ ފަސް އަހަރު. ފަރެއް ހެދުމަށް އެތައް ސަތޭކަ އަހަރެއް. އެކަމަކު ފަރެއް ހިއްކާލަން މިމީހުން ޖެހިލުމެއް ނުވޭ. ކޮބާ ލަދު.
މީހާގެރުއް
09 January 2019
މީދެން އެއްވެސް ތާކުންތާކު ނުޖެހޭ ތަސައްރަފު ނުފުދޭ ޒާތުގެ ޖުރުމައިނާ. ކައުންސިލް ޖުރުމައިނާކުރީމާ އެ ފައިސާ ދައްކަނީ ހަމަ ދައުލަތުގެ ބަޖެޓުން. އެއް ޖީބުން ނަގާފައި އަނެއް ޖީބަށްލުން މީ. ލަދުން ބޯހަލާކު.
އަލީ
09 January 2019
މީބޮޑުގޭމެއް ވެންކޯކިޔާގެން ބޮޑުއިންވެސްޑެއްކޮއްކުނި ކުއުކަމޭކިޔައި އަގުނަގައި ކުނިކޮތަޅު ނުއުކާ2-3ދުވަސް ވެމިއުޅޭކުދިތަންތަންކޮޅުގައި ނުބައިވަސް ދުވާތީ މަގުމަތީ ބެހެއްޓުމުން ކުނިމަގުމަތީބެހެއްޓި ނިކަމިމީހާ އީ ޕީ އޭއިން ޖޫރިމަނާކުރަނީ މީރަގަޅުތޮތްތޯ މިކަމާބެހޭ ހުރިހާ މުއައްސަސާއަކުންވިސްނަންއެދެން.
އަލީ އަލީ
09 January 2019
ލާރިދައްކާނީ ރައްޔިތުން އަތުން ޗަންދާނަގައިގެންބާ ނޫނީ ސަރުކާރުން ނުވަތަ ދައުލަތުން ނުވަތަ ފިނޭންސް މިނިސްޓްރީގައި ހުރިލާރި ފިނޭންސްމިނިސްޓްރީގައި ހުރި އީޕީއޭ ގެ އެކައުންޓަށް ފޮނުވައިގެންބާ! ތިޔައީ ހިންޏަށް ހަކުރި އޮޅުވާލަން ކުރާ ކަމަކާ ވައްތަރީ!
އައިސަރު
09 January 2019
ކޮބާ މަޑިވަރު ހަލާކުރި މީހުން. އެމީހުންނަކީ މާނުފޫޒުގަދަ ބަޔަކީތަ.
ހެނބަދޫ ސލއމނ
09 January 2019
ތިވާހަކަ ނުދައްކާ. އެކަމާ ކުޅެންކެރޭ މުއައްސަސާ އެއް މިގައުމަކު ނުހުންނާނެ. މި ގައުމުގަ އަދަބު ކަނޑައެޅޭނީ ދެރަ ނިކަމެތިންނަށް.
އެހެންތޯ
10 January 2019
މަޑިވަރު ހަލާކުކުރީ ޅ. އަތޮޅު ރައްޔިތުން. އެތައް ޒަމާނެއް ވަންދެކަށް މަޑިވަރުގައި އަދި ފަހުން ފެލިވަރުގައި އެއަރޕޯޓު އަޅަން ސަރުކާރުތަކުގައި އާދޭސްކޮށް އެކަން ކޮށްދޭ މީހުންނަށް ވޯޓު ދިނީ. އެމީހުން ތަރައްގީ ބޭނުން ނޫންނަމަ ނައިފަރާއި ހިންނަ ވަރު ނުހިއްކީސް، ފެލިވަރު ސުންނާފަތި ނުކުރީސް، މަޑިވަރު ސުންނާފަތި ނުކުރީސް. އެއަތޮޅުގެ ތިމާވެށި އޮތީހީ ފެހިކޮށް ނޫކޮށް. އެއަރޕޯޓް އަޅަންޏާ ތިމާވެށި ހަލާކުވާނެ. ނުފޫޒެއް އޮތަސް ނެތަސް.