ޚަބަރު / ޑރ. އަފްރާޝީމް އަވަހާރަކޮށްލުން

ދެ މީހަކު ހޯދަން އިއުލާންކުރީ އަފްރާޝީމްގެ މަރުގެ މައްސަލައާ ގުޅިގެން: ރިޔާސީ ކޮމިޝަން

ރިޔާސީ ކޮމިޝަންގެ ރައީސް ސުއޫދު: އެ ކޮމިޝަނުން ދެ މީހަކު ހޯދަނީ އަފްރާޝީމްގެ މަރުގެ މައްސަލައާ ގުޅިގެން --- ފޮޓޯ/މިހާރު

މުއިއްޒު އިބްރާހިމް، މިހާރު

21 ޖެނުއަރީ 2019 - 16:47

ދެ މީހަކު ހޯދަން އިއުލާންކުރީ ޑރ. އަފްރާޝީމް އަލީގެ ގެ މަރުގެ މައްސަލައާ ގުޅިގެން ކަމަށް ރިޔާސީ ކޮމިޝަނުން މިއަދު ބުނެފި އެވެ.

ގޮތް ނޭނގޭ މަރުތަކާއި ގެއްލުވާލާފައިވާ މީހުންގެ ބެލުމަށް ރައީސް އިބްރާހިމް މުހައްމަދު ސޯލިހް އެކުލަވާލައްވާފައިވާ ރިޔާސީ ކޮމިޝަނުން މިއަދު ވަނީ ވީޑިއޯ ފުޓޭޖެއް ޓްވީޓާގައި އާންމުކޮށް، އެ ވީޑިއޯއިން ފެންނަ ދެ މީހަކު ހޯދަން އިއުލާން ކޮށްފަ އެވެ.

އެ ޓްވީޓާ ގުޅިގެން ބައެއް ފަރާތްތަކުން ސޯޝަލް މީޑިއާގައި އަމާޒުކުރި ސުވާލުތަކުގެ ޖަވާބުގައި، ކޮމިޝަނުން ބުނެފައިވަނީ އެ ދެ މީހުން ހޯދަނީ ޑރ. އަފްރާޝީމްގެ މަރާ ގުޅިގެން ކަމަށެވެ. އަދި ވީޑިއޯގައި ފެންނަނީ އަފްރާޝީމް އަވަހާރަކޮށްލި ރޭ، އޭނާ ދިރިއުޅުއްވި ގެ ކައިރީގައި ހުންނަ ކްރަސްޓީސް ރެސްޓޯރެންޓްގެ ހުޅަނގުގައި ހަރަކާތްތެރިވި ބައެއް ކަމަށް އެ ޓްވީޓްގައިވެ އެވެ.

Mi video in fennanee 1 October 2012 dhuvahuge rey Ameenee magugai hunna Stelco imaaraathuge kurimathin Crusties Restaurant ge hulhangu gai harakaaiytherivi baeh. https://t.co/T5p2GTLQrJ
— Commission on Disappearances and Deaths (@DdcomMdv) January 21, 2019

ވީޑިއޯގައި ފެންނަ ދެ މީހުންގެ މޫނު ސާފެއް ނުވެ އެވެ. އަދި ވީޑިއޯގައި އެ ދެ މީހުން ތިބި ސައިކަލުގެ ނަމްބަރެއް ވެސް އެ ވީޑިއޯއަކުން ނުފެނެ އެވެ.

ރިޔާސީ ކޮމިޝަނުން ބަލާނެ މައްސަލަތައް އެ ކޮމިޝަނުން ކުރިން ކަނޑައަޅާފައި ވާއިރު، އޭގެ ތެރޭގައި ޑރ. އަފްރާޝީމްގެ މަރުގެ މައްސަލަ ވެސް ހިމެނެ އެވެ.

އެ ކޮމިޝަނުން ކުރާ ތަހުގީގުތަކާ ގުޅިގެން ރާއްޖެއިން ބޭރުގެ ފަރާތްތަކުގެ އެހީ ހޯދާނެ ކަމަށް ވެސް ރިޔާސީ ކޮމިޝަނުން ކުރިން ބުނެފައިވެ އެވެ.

ކުށްކުރުން މީހުން މެރުން ރިޔާސީ ކޮމިޝަން ޑރ. އަފްރާޝީމް އަވަހާރަކޮށްލުން

10 ކޮމެންޓް, 36 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އަހްމަދު

22 January 2019

އަފްރާސީމް މަރާލިމީހާ ނުހޯދޭނޭ އޭނާ ފުރައިގެ ހިގައްޖޭބުނީ ނަޝީދު. މީއެންމެނަށްއެގިފާޅުވެގެންވާ ވާހަކައެއް. ތިޔަތަހުގީގުގައި އެއްވެސް ފަރާތަކުން މިކަމާގުޅޭގޮތުން ނަޝީދަކާ ސުވާލެއްނުކުރޭ. ކީއްވެބާ؟ ނޫސްވެރިންވެސް ނޫސް ކޮންފަރެންސް ތަކުގައި މިސުވާލު ނުކުރަނީ ކީއްވެބާ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގެދަބުޅި

22 January 2019

ނަމަކައްކަމެއްކޮއްލީދޯ ދެންބުނާނެ ތިމަންމެން މިވެނިކަމަކާގުޅޭމީހުންގެ ވީޑިއޯވެސް ޢާއްމުކުރީމޭ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސައި

22 January 2019

އަބުދުއްﷲރިޔާޒު ކޮބާ މިއޮތީ ވަގުތުޖެހިފަ އަވަހަށް އެގިހުރިމައުލޫމާތުތައް ކޮމެޓީއަށް ހިއްސާކޮއްދެއްވާ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޣަދުރޭ

21 January 2019

ޢަބްދުﷲ ރިޔާޒު ބުނި 1000 ވީޑިޔޯ އެބައޮތޭ ކިޔާ ތިޔަ ވީޑިޔޯ ކަބަޑަށް ލައިފައި ނުބައި ބަޔަކު އަހަރެމެންނަށް ދައްކުވާފައި އޭނަ އެހެރީ އަލިފަކަށް ވެފައި. ދެން ވަގުތު ޖެހުނީމައޭ ކިޔާ މީނަ ތަޅުވަނީ އަމިއްލަ އެދުމުން މީހަކު ބުލެކް މެއިލް ކުރަން، ބިރު ދައްކަން. ހަޤީޤީ ޤާތިލުން ނުފޮރުވާ ދެން ދަައްކައްކަންވީނު

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ލޯކަ!

22 January 2019

ވަގުތު ޖެހުނީމަ ދައްކާނެ! އަދި ވަގުތު ނުޖެހޭ! މައިތިރިވެ ތިބޭ! ﷲ އިރާދަކުރެއްވިއްޔާ ވަގުތު އަންނަނީ ތިލަވަމުން! ކެއްތެރިންނަށް ކާމިޔާބާއި ފޮނިކަން އޮތީ!!!