ޖަރުމަނު-ޝެންގެން ވިސާ ނަގަން 123 މީހަކު ހުށަހަޅައިފި

ޖަރުމަނު-ޝެންގެން ވިސާއާ ބެހޭ މައުލޫމާތު ދިނުމަށް ބޭއްވި ނޫސްވެރިންގެ ބައްދަލުވުމުގައި، ފޮރިން ސެކްރެޓަރީ ޣަފޫރު ވާހަކަދައްކަވަނީ.-- ފޮޓޯ: ހުސެއިން ވަހީދު/ މިހާރު

އާސިމާ ނިޒާރު، މިހާރު

27 ޖެނުއަރީ 2019 - 12:55

3 comments

ޖަރުމަނު-ޝެންގެން ވިސާ ނެގުމަށް 123 މީހުން ހުށަހަޅާފައިވާ ކަމަށް ފޮރިން މިނިސްޓްރީން މިއަދު ބުނެފި އެވެ.

ޖަރުމަނު-ޝެންގެން ވިސާގެ ވަގުތީ އުސޫލާ ގުޅޭ މައުލޫމާތު ދިނުމަށް ބޭއްވި ނޫސްވެރިންގެ ބައްދަލުވުމުގައި ފޮރިން ސެކްރެޓަރީ އަބްދުލް ޣަފޫރު މުހައްމަދު ވިދާޅުވީ، އައިޓީބީ ފެއާ އަށް ދާ މީހުންނަށް އެހީތެރިކަން ފޯރުކޮށްދިނުމުގެ މަގުސަދުގައި ފެށި ހަރަކާތަށް ބޮޑު ތަރުހީބެއް ލިބުނު ކަމަށެވެ. އެހެންވެ، ވިސާ ހައްދައިދިނުމުގެ މުއްދަތު ވެސް، އަންނަ ބުރާސްފަތި ދުވަހާ ހަމައަށް އިތުރު ކޮށްފައިވާ ކަމަށް އޭނާ ވިދާޅުވި އެވެ.

ފޮރިން މިނިސްޓްރީން އެންމެ ފުރަތަމަ ނިންމީ ވިސާ ދޫކުރުމުގެ ކަންކަން މިއަދާއި މާދަމާ ކުރިއަށް ގެންދިއުމަށެވެ.

ޖަރުމަން-ޝެންގެން ވިސާއާ ގުޅޭގޮތުން ޖަރުމަނު އެމްބަސީގައި ވިސާގެ މަސައްކަތްތަކާ ބެހޭ ސެކްޝަންގެ ހެޑް ސަޝަ ސްޕްރިއާ ވާހަކަދައްކަވަނީ.- ފޮޓޯ: ހުސެއިން ވަހީދު/ މިހާރު

ޣަފޫރު ވިދާޅުވީ ފޮރިން މިނިސްޓްރީގެ މަސައްކަތުގެ ތެރެއިން އެންމެ މުހިއްމު ކަމަކީ ރާއްޖެ އިން ބޭރަށް ދާ ދިވެހިންނަށް ވީހާ ވެސް ލުއިފަސޭހަ ގޮތަކަށް ވިސާ ލިބޭނެ ގޮތް ހެދުން ކަމަށެވެ. އުއްމީދު ކުރައްވަނީ ޝެންގެން ވިސާގެ މަސައްކަތްތައް ވެސް ރައްޖެ އިން ދާއިމީކޮށް ލިބުން ކަމަށް އޭނާ ވިދާޅުވި އެވެ.

"އިރާދަކުރެއްވިއްޔާ މި ކަންތައް ވެސް މާދުރު ނޫން ހިސާބެއްގައި ހަމަޖެހިގެން ދާނެ،" ޣަފޫރު ވިދާޅުވި އެވެ.

ޖަރުމަނު އެމްބަސީގައި ވިސާގެ މަސައްކަތްތަކާ ބެހޭ ސެކްޝަންގެ ހެޑް ސަޝަ ސްޕްރިއާ ވިދާޅުވީ، ވިސާ ނެގުމަށްޓަކައި ސްރީ ލަންކާގެ ކޮލޮމްބޯ އަށް ދިއުމުގެ ބަދަލުގައި ރާއްޖޭގައި ތިބެގެން ޖަރުމަން-ޝެންގެންގެ ވިސާ އަށް އެދުމަށް ދިވެހިންނަށް ފަސޭހަ ގޮތްތަކެއް ހުޅުވާލާފައިވާ ކަމަށެވެ.

މިއީ ރާއްޖޭގައި ތިބެގެން ޖަރުމަން-ޝެންގެން ވިސާ އަށް އެދި ހުށަހަޅަން ފުރުސަތު ލިބޭ ފުރަތަމަ ފަހަރެވެ.

ވީސާ ފޮރިން މިނިސްޓްރީ ރާއްޖެ-ޖަރުމަން އަބްދުލް ޣަފޫރު މުހައްމަދު، ފޮރިން ސެކްރެޓަރީ ޖަރުމަން

3 ކޮމެންޓް, 14 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ސާމީ

27 January 2019

ސްވިޓްޒަރލެންޑް ވިސާ ލަންކާއަށް ނުގޮސް ދާއިމީކޮށް ލިބޭގޮތް މިސަރުކާރުން ހަދައި ދޭނެ ދުވަހެއްގެ އިންތިޒާރުގާ މިތިބީ! އެއްވެސް ސަރުކާރަކަށް މިކަން ކޮށެށް ނުދެވުނު! :-(

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޔުޜާޕް

27 January 2019

ޝެންގެން ވިސާ-ޖަރުމަނަށް އެކަނި ތަ އެޕްލައި ކުރެވެނީ ތީގަ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޙިނި

27 January 2019

މިފެންނަނީ އަމިއްލަ ވިޔަފާރިވެރިން މިގައުމައް ޓުވަރިރިސްޓުން ގެންނަން ކުރާ ބުރަ މަސައްކަތް. ސަރުކާރު ހިންގަން ފިނިކޮޓަރީގަ ތިއްބަވާ ބޭފުޅުން މީގެން ފިލާބަޅު ނަގަންވީ ނޫންތޯ. ކުދި ވިޔަފާރިތަކައް އަދި ބޮޑެތި ވިޔަފާރިތަކައް ކަންކަން ފަސޭހަ ވާގޮތައް ގާނޫނުތައް އެބަބަދަލުކުރަންޖެހޭ