އެޓާނީ ޖެނެރަލް ރިފްއަތު: ދައުލަތަށް ގެއްލިފައި ހުރި ފައިސާތައް ހޯދަން ބޭރުގެ ވަކީލުންގެ އެހީ ހޯދަމުންދާ ކަމަށް އެޓާނީ ޖެނެރަލްގެ އޮފީހުން ބުނޭ --ފޮޓޯ/މިހާރު
28 ޖެނުއަރީ 2019 - 13:26
30 comments
ދައުލަތަށް ގެއްލިފައިވާ ފައިސާތައް އަނބުރާ ހޯދުމަށްޓަކައި ރާއްޖެއިން ބޭރުގައި ކުރަންޖެހޭ މަސައްކަތް ކުރުމަށް ބޭރުގެ ވަކީލުންގެ އެހީ ހޯދަމުންދާ ކަމަށް އެޓާނީ ޖެނެރަލްގެ އޮފީހުން ބުނެފި އެވެ.
ދައުލަތަށް ގެއްލިފައިވާ ފައިސާތައް އަނބުރާ ހޯދުމަށް ރައީސް އިބްރާހިމް މުހައްމަދު ސޯލިހް ވެސް ކުރިން ވަނީ ރިޔާސީ ކޮޮމިޝަނެއް އުފައްދަވައިފަ އެވެ. އެ ކޮމިޝަންގެ މަސައްކަތްތައް މިހާރު ދަނީ ކުރިއަށެވެ.
އެޓާނީ ޖެނެރަލްގެ އޮފީހުން އިއްޔެ ނެރުނު ބަޔާނެއްގައި ވަނީ ދައުލަތަށް ގެއްލިފައި ހުރި ފައިސާތައް އަނބުރާ ހޯދުމަށް ފަހު އެ ފައިސާ ރާއްޖެ ގެނައުމަށްޓަކައި ގާނޫނީ ގޮތުން ރާއްޖެއިން ބޭރުގައި ކުރަންޖެހޭ މަސައްކަތްތައް ކުރުމަށްޓަކައި ބޭރުގެ ތަޖްރިބާކާރުންނާއި ވަކީލުންގެ ލަފާ ހޯދާފައިވާ ކަމަށެވެ. އަދި އެ މަސައްކަތްތައް ކުރުމަށްޓަކައި ކަމާބެހޭ ފަރާތްތަކާ އެކު އެ އޮފީހުން މަޝްވަރާ ކުރަމުންދާ ކަމަށް ވެސް އެ ބަޔާނުގައިވެ އެވެ.
އެޓާނީ ޖެނެރަލްގެ އޮފީހުން މިމަހު ވަނީ ކުރީގެ ރައީސް އަބްދުﷲ ޔާމީނާއި ކުރީގެ ނައިބު ރައީސް އަހުމަދު އަދީބާއި ކުރީގެ ސަރުކާރުގެ އެހެން ބައެއް އިސްވެރިންނަށް ތުހުމަތު ކުރެވޭ މަނީ ލޯންޑްރިންގެ މައްސަލަތަކެއް ރިޔާސީ ކޮމިޝަނަށާއި ފުލުހުންނަށް ފޮނުވައިފަ އެވެ.
ދައުލަތަށް ގެއްލިފައިވާ ފައިސާތައް ހޯދުމަށް ބޭރުގެ ތަޖްރިބާކާރުންނާއި ވަކީލުންގެ އެހީ ހޯދަމުން ދާއިރު، މޯލްޑިވްސް މާކެޓިން އެންޑް ޕަބްލިކް ރިލޭޝަންސް ކޯޕަރޭޝަން (އެމްއެމްޕީއާރުސީ)ގެ ބޮޑު ޚިޔާނާތުގައި ދައުލަތަށް ގެއްލުނު ފައިސާތައް ހޯދަން ރާއްޖޭގެ ކޯޓުތަކުގައި ކޮށްފައިވާ މަދަނީ ދައުވާތައް ރިވިއު ކުރުމަށްޓަކައި ކުރިން އޮތީ އަނބުރާ ގެނެސްފަ އެވެ.
އެ މައްސަލަތައް ރިވިއު ކުރުމަށް ފަހު އަލުން ހުށަހަޅާނެ ކަމަށް އެޓާނީ ޖެނެރަލްގެ އޮފީހުން ކުރިން ބުނެފައިވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
Solah
15 March 2019
ގެއްލުނު ފައިސާ ހޯދަން ޙިސާން ޙުސައިނާ ހަވާލުކުރޭ. އޭރުން ކަލެއަށް ބައެއް ލިބޭނީ.
މަރޭމިތުރު
29 January 2019
ލަސްވެއްޖެ މާބޮޑައްވެސް ތަހުގީގުކުރަން! ލަސްނުވެ އަވަހަށްވީއޭ ތަހުގީގުކުރަން!............................... ވަރަށް އެދެން ބޭރުގެ މީހުން ތަހުގީގައް ގެނައުމަށް.
މަރޭމިތުރު
29 January 2019
ރާއްޖޭގެ ކަންކަން ރާއްޖޭމީހުންނަށް ނުބެލެނީ އެއށް މާބޮޑައް ނުފޫޒުވަންނާތީ. ތިއީ ރަނގަޅުގޮތެއްކަމަށް އަޅުގަނޑައްފެނޭ. ރިޝްވަތުގެ މައްސަލަ ރާއްޖޭގައި އިންތިހާބޮޑު.ގާނުތަކުގެ އެންމެ ދަށުންފެށިގެން އެއްމެ މައްޗައްވެސް އޮތީ މިގޮތައް!
ދާދޭ
28 January 2019
ބަލަ ކީއްކުރަންހޭ ބޭރުން ތިމީހުން ތިގެންނަނީ. އެތެރޭގާ އެބަތިއްބޭ ތިކަން ކުރެވޭނެ މީހުން. މަވެސް މިހުރީ ތިކަން ކޮށްދޭށޭ.
ޏަރު
28 January 2019
އެމީހުންގެ މޮޅުކަމުން ފައިސާ ހޯދޭނެގޮތެއް ނޯންނާނެ. ހެކި ނެތީއްޔާ ކިތަންމެ ކަރަކަރައިން ވަކީލުން ގެނެއަސް ހޯދޭނެ އެއްވެސް ފައސާއެއް ނުހުންނާނެ. އެމްޑީޕީ ޤައުމުގެ ހަލާކު
ބޭރުމީހާ
28 January 2019
އެމްޑީޕީ އިން އަބަދު މިކިޔަނީ ބޭރު ޤާޟީން، ބޭރު ވަކީލުން، ބޭރު ސިފައިން ބޭރުމީހުން އުޅޭގޮރަށް އުޅެން ބޭނުންވާ ވާހަކައެވެ. ބަލަ އަމާލު ކުލޫނީވެސް ގެނައެވެ. ވީކަމެއްނެތެވެ.
ފަޅުވެރިން
28 January 2019
ކޮންމެވެސް އެއްޗެކޭ ކިޔައިގެން ބޭރު ބަޔަކަށް ބައިވަރެއް ދެވޭތޯ ބަލަންވާނެ! ކުރިންވެސް އޮތީ ގްރާންޓް ތޯންޓަން އަށް ބައިވަރުތަކެއް ދީފައި! ވީކަމެއް އެކަމަކު ޙަރާމް!!
ޙިމާރުލް ވަތަން
28 January 2019
ބަލަ ތިއުޅެނީ ކުރީފަހަރު ޔާމީނުގެ800 މިލިއަންޑޮލަރު ހޯދަން އުޅުހެން ބޭރުބަޔަކަށް ލާރިގަނޑެއްދޭން. ތިފައިސާ ވަކީލުންނަކަށް ނުހޯދޭނެ. ހޯދިއްޔާ ހޯދާނީ އިންޓެލިޖެންސް. ޢެފް ބީ އަށް ގުޅާ.
Haruge
28 January 2019
ބޭރު ބަޔަކަށް ފައިސާތަކެއް ރައްޔަތުންގެ ފައިސާއިންދޭންޖެހެނީދޯ؟ ހާދަވައްތަރޭ ތިކަމަށް އެންމެރަގަޅުވާނީ އާމާލްކުލޫނީޔާ ޑޭވިޑް ހާޑިންގަމް ކަހަލަ ބަޔެއްހެން. ތިކުރާ ޚަރަދާ އެއްވަރުގެ ލާރިކޮޅެއްލިބޭތޯބަލައްޗެ.
އަހުމަދު އިބް
28 January 2019
ތިއީ ބެކާރު ލާރި ޚަރަދު ކުރަން ކުރާ ކަމެއް. ތިފައިސާ ހުންނާނީ ސިންގަޕޯ ، މެލޭ ، ޝީސެލްގަ . އެތަނުން ގެނޭ