ިމިސްރުގެ ރައީސް އަބްދުލް ފައްތާހު އައް ސީސީ
05 ފެބުރުއަރީ 2019 - 10:50
8 comments
ގާހިރާ- މިސްރުގެ ރައީސް އަބްދުލް ފައްތާހު އައް ސީސީއަށް 2034 ވަނަ އަހަރާ ހަަމައަށް ވެރިކަމުގައި ހުންނެވޭ ގޮތަށް އެ ގައުމުގެ ގާނޫނު އަސާސީ ބަދަލުކުރަން ހުށަހަޅައިފި އެވެ.
ބައިނަލްއަގުވާމީ ބައެއް ނޫސް އެޖެންސީތަކަށް ލިބިފައިވާ ޑްރާފްޓްގައިވާ ބަދަލުތައް މިސްރުގެ ގާނޫނު އަސާސީއަށް ގެނެސްފި ނަމަ ސީސީގެ ދައުރު ހަމަވުމަށް ފަހު އިތުރު 12 އަހަރު ވެރިކަމުގައި ހުންނެވޭ ގޮތް ވުމުގެ އިތުރުން މިސްރުގެ ޝަރުއީ ނިޒާމުގައި ވެސް އޭނާގެ ނުފޫޒު ގަދަވެގެންދާނެ އެވެ. އެ ޑްރާފްޓް މިސްރު ޕާލަމެންޓްގެ ރައީސަށް ހުށަހެޅީ އާދީއްތަ ދުވަހު އެވެ.
މިސްރުގެ ގާނޫނު އަސާސީއަށް ބަދަލެއް ގެނެވޭނީ އެގައުމުގެ ޕާލަމެންޓްގެ ތިން ބައިކުޅަ ދެ ބައިގެ ވޯޓު ލިބި އަދި އެއަށް ފަހު ރައްޔިތުންގެ ފެންނަ ނުފެންނަ ވޯޓަކުން އެކަން ފާސްކޮށްގެންނެވެ.
މިސްރުގެ ރައީސްކަމުގެ ހަތަރު އަހަރުގެ ދެ ދައުރު ސީސީ ފުރިހަމަ ކުރައްވާނީ 2022 ވަނަ އަހަރު އެވެ. އެއަށް ފަހު އޭނާއަށް ރައީސްކަމަށް އަލުން ކުރިމަތި ނުލެވޭ ގޮތަށް ގާނޫނު އަސާސީގައިވާ ބައިތައް ބަދަލުކުރަން އުޅޭ ކަމުގެ ވާހަކަތައް ދެކެވޭތާ މިހާރު ދުވަސްކޮޅެއް ވެއްޖެ އެވެ.
ގާނޫނު އަސާސީއަށް ގެންނަން ހުށަހަޅާފައިވާ އެއް ބަދަލަކީ ރައީސްކަމުގެ ދައުރުގެ މުއްދަތު ހަ އަހަރަށް ދިގުކުރުމެވެ. އަދި އެއާ އެކު ސީސީއަށް އިތުރު ދެ ދައުރަށް ކުރިމަތިލެވޭ ގޮތަށް ހެދުމަށް ވެސް ވަނީ ހުށަަހަޅައިފަ އެވެ. އަދި ފަނޑިޔާރުންނާއި ޕަބްލިކް ޕްރޮސެކިއުޓާ އައްޔަން ކުރުމުގެ ބާރު ވެސް ރައީސަށް ލިބިދޭން އެ ޑްރާފްޓްގައި ހިމަނާފައިވެ އެވެ.
މިސްރުގެ ޕާލަމެންޓަށް "ކައުންސިލް އޮފް ސެނެޓާސް"ގެ ނަމުގައި އާ ބައެއް އިތުރުކޮށް، އެބައިގެ 250 މެމްބަރުންގެ ތިންބައި ކުޅަ އެއް ބަޔަކީ ރައީސް އައްޔަން ކުރައްވާ މެމްބަރުންނަށް ހެދުމަށް ވެސް ވަނީ ހުށައަޅައިފަ އެވެ.
ސީސީ މިސްރުގެ ވެރިކަމަށް ވަޑައިގެންނެވީ އެގައުމުގައި ފުރަތަމަ ބޭއްވި މަލްޓި ޕާޓީ ރިޔާސީ އިންތިހާބު ކާމިޔާބު ކުރެއްވި މުހައްމަދު މުރުސީގެ ވެރިކަން ސިފައިން ނުކުމެ ބަޣާވާތަކުން ވައްޓާލައިގެންނެވެ. އޭރު ސިފައިންގެ އެންމެ އިސް ވެރިޔަކީ ސީސީ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޞ×ބބބ
05 February 2019
ޔާމީން ހިތަށް އަރާނެދޯ އޭނައަށްވެސް މިކަންކުރެވުނުނަމައޯރ.ލޮލްސް
ރާބެރާ
05 February 2019
ބަދަލު ނުކޮށް ވެސް ހުރީމާ ހުރެވޭނެ ނު.. ތި ބަދަލު ކުރަނީ ވެސް ރައްޔިތުން ބޭނުންވެގެން ނޫން ވިއްޔަ.. ކީއްކުރަން ތި ފޮތް ބަދަލު ކުރަންވީ ކީ. ހަމަ ހުންނަން ވީނު..ޤާނޫނު އަސާސީ އަކީ ސީސީއެ ބުނަންވީނު
އާދަމް ޝަރީފް
05 February 2019
މި ސީ ސީ ގެ ކަންކަން ނިމޭނީ ކޮންގޮތަކަށްބާ. ސީ ،ސީ ބޭނުންގޮތެއް ހަދަމުންދާއިރުވެސް ދުނިޔޭގެ ބާރުގަދަ ގައުމުތަކުން އެއްވެސް އެއްޗެއް ބުނާއަޑެއް ނީވޭ. އަދި އިންސާނީ ހައްގުތަކަށާއި ޑިމޮކްރެސީ އަށް މަސައްކަތް ކުރާ ފަރާތަކުންވެސް ސަމާލުކަމެއް ދޭތީ ނުފެނޭ.
ރަދީފުގެ ދަރި ކުމާރު
05 February 2019
ކޮބާ އެމެރިކާ؟ ކޮބާ ހުރިހާ ވިލާތްތައް؟
ރަދީފް
05 February 2019
ކަލޯ މިސްރު އަދި ތުރުކީ އެއީ އެމެރިކާއަށް ވައިވެސް އެޅެން ނުކެރޭނެ ގައުމުތަކެއް.މިބުނީ ވެރިކމަުގެ ނިޒާމްގެ ކަންތައްތަކުގަ.
ތަމީމް
05 February 2019
އަބްދުލް ފައްތާހު އަލް ސީސީ އަކީ، އިޒްރާއީލާއި އެމެރިކާގެ ޕަޕެޓެއް! މެދު އިރުމަތިން އޭނާއަށް ވާގިވެރިވަނީ އިސްލާމީ އުންމަތުގެ "އައްޕަ" ކަމަށް ދައުވާ ކުރާ ސައޫދީ އަރަބިއާ އާއި "ބޮޑުބޭބެ" ޔޫއޭއީން! ސީސީ އަކީ ވެރިޔެއް ނޫން! އެއީ އަނިޔާވެރިޔެއް!
ރަދީފް
05 February 2019
ސާބަހޭ ސީސީ.ހުދްމުހްތާރުކަމުގެ 01 ވަނަ.ކުރިން ރާއްޖޭގެ ވެރިކަމުގަ ވެސް ސީސީކަހަލަ މީހަކުހުރި.
ޑރ.ފަޒުނާ/ހިތަދޫ/ސ.އެފުރިކާ
05 February 2019
ގާނޫނަށް ބަދަލުގެންނަންވީ ސީ ސީ ތިޔަކަނޑަ އަޅާމުއްދަތުގެ ކުރީންމަރުވެއްޖެނަމަ މިސްރުގެ ވެރިޔަކަށް ސިސީގެ ސަނދޯތް ވެގެންދިއުމަށް... މީވެސް މިހާރު ތިތަނުގައި ކުރެވިދާނެކަމެއް.. ދިވެހިރާއްޖޭގައި ނިންމައިފައިއޮތީ ތިޔައްތުރެން މާސަޅިކޮށް ޔމިނު އިތުރުދައުރަކަށް ހޮވުނުނަމަ.. ވޯޓަށް މަކަރާއި ވައްކަންކޮށްގެންވެސް ކާމިޔާބުނުވީ ޔާމިނުއާއި ދެކޮޅަށް ވޯޓުލީމީހުންގެ ހިތްވަރު.އެމީހުން 18 ގަޑިއިރުވަންދެން ކިޔޫގައި ކެތްކޮށްގެންތިބީ ވޯޓުން ބަލިކޮށްލުމު އަޒުމުގައި