ސްކޫލުތަކުގެ އިސްވެރިންނަށް އަމާޒުކޮށް ބޭއްވި ކޮންފަރެންސްގެ ތެރެއިން.-- ފޮޓޯ: އެޑިއުކޭޝަން މިނިސްޓްރީ
18 ފެބުރުއަރީ 2019 - 14:06
7 comments
ރާއްޖޭގެ ހުރިހާ ސްކޫލެއްގެ ޕްރިންސިޕަލުންނަށް އަމާޒުކޮށްގެން ބޭއްވި ކޮންފަރެންސް ވަރަށް ކާމިޔާބު ކަމަށާއި އެކަމުގެ ސަބަބުން ސްކޫލުތަކަށް އުއްމީދީ ބަދަލުތަކެއް އަންނާނެ ކަމަށް އެޑިއުކޭޝަން މިނިސްޓްރީން މިއަދު ބުނެފި އެވެ.
މިިދިޔަ ހޮނިހިރު ދުވަހުން ފެށިގެން އިއްޔެގެ ނިޔަލަށް ބޭއްވި ކޮންފަރެންސްގައި، ސަރުކާރާއި އަމިއްލަ ސްކޫލުތަކުން 250 ބޭފުޅުން ބައިވެރިވެވަޑައިގަތެވެ. ސްކޫލުތައް ހިންގުމުގައި ދިމާވާ މައްސަލަތަކާއި ގޮންޖެހުންތަކުގެ އިތުރުން ސްކޫލުތަކަށް ގެންނަން ބޭނުންވާ ބަދަލުތައް ވެސް ޕްރިންސިޕަލުން ހުށަހަޅާފައި ވެ އެވެ. އެކަންކަމުގެ އިތުރުން ތައުލީމީ ދާއިރާއަށާއި ސްކޫލުތަކުން އުއްމީދުކުރާ ކަންތައްތައް މިނިސްޓްރީން ހުށަހަޅާފައި ވެ އެވެ.
އެ މިނިސްޓްރީގެ ސްޓޭޓް މިނިސްޓަރު ޑރ. އަބްދުﷲ ރަޝީދު "މިހާރު" އަށް ވިދާޅުވީ ދަރުބާރުގޭގައި ދެ ދުވަހުގެ މުއްދަތަށް ބޭއްވި ކޮންފަރެންސް އިން ވަރަށް މުހިއްމު ކަންތައްތައް ފާހަގަކުރެވުނު ކަމަށެވެ. އެ ހުށަހެޅި ކަންތައްތައް ރިވިއުކޮށް ޕްލޭނެއް ތައްޔާރުކުރާނެ ކަމަށް ވިދާޅުވި އެވެ. ނަމަވެސް ސްކޫލުތަކުން ހުށަހެޅި ކަންތައްތަކުގެ ތަފްސީލެއް ނުދެއްވަ އެވެ.
ރަޝީދު ވިދާޅުވީ ޕްރިންސިޕަލުން ވަނީ، އެޑިއުކޭޝަންގެ ހުރިހާ ސެކްޝަނެއްގެ އިސްވެރިންނާ ބައްދަލުކުރައްވައި ގެންނަން ބޭނުންވާ ބަދަލުތަކާ ގުޅޭގޮތުން މަޝްވަރާކޮށްފަ އެވެ. ފާއިތުވި 10 އަހަރުގެ ތެރޭގައި ސްކޫލުތަކުގެ އިސްވެރިންނަށް އެފަދަ ފުރުސަތެއް ފަހިކޮށްދީފައިނުވާ ކަމަށް އޭނާ ވިދާޅުވި އެވެ.
"ތައުލީމީ ދާއިރާގެ އިސްވެރިން ބައިވެރިވެ ވަރަށް ޕޮޒިޓިވްކޮށް، ވަރަށް ހިތްހަމަޖެހޭގޮތަށް ކޮންފަރެންސް ނިންމާލެވުނީ. އެކަންތަކުން ތައުލީމީ ދާއިރާއަށާއި ސްކޫލުތަކަށް ބަދަލުތަކެއް އަންނާނެ،" ރަޝީދު ވިދާޅުވި އެވެ.
ސްކޫލުތަކުގެ ލީޑަޝިޕާއި މެނޭޖްމަންޓުގައި މިހާރު ހުރި ކަމަށް ޕްރިންސިޕަލުންނަށް ފާހަގަވާ މައްސަލަތަކާއި ކަންބޮޑުވުންތަކާއި ކުރިއަށް އޮތް ފަސް އަހަރު ދުވަހަށް ތައުލީމީ ދާއިރާގެ ޕްލޭނަށް ހިޔާލު ހުށަހަޅާފައި ވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޕްރިންސިޕަލް
18 February 2019
ދުވާލު ދެ ދަޅައަށް ބައްދަލުވުން ބޭއްވުމުން އަދި ކަމަކު ނުދާނެ. މިހާރުވެސް އަމަލުކުރާ އުސޫލްތައް ތިޔަ މުގުރަނީ މަޝްވަރާ ކުރުމެއް ނެތި. ޕްރިންސިޕަލުން މިތިބެނީ ވާނުވާ ނޭގިފައި. ފޮނުވާ އުސޫލްތައް ތިން ހަތަރު ފަހަރު ރަގަޅު ކުރާ އިރުވެސް ވާނުވާ ނޭގޭ. މިފަދަ މާސްޓަރޕީސް އެއް މަލްޓިގްރޭޑް ޕޮލިސީއަކީ
ބެލެނިވެރިޔާ
18 February 2019
ބަދަލު ގެނައުމުގެ ކުރިން ފޮތްތަކާއި ޓީޗަރުން ހަމަކޮށްލަދީ
ޓީޗަރ
18 February 2019
ބަދަލު ގެނެވޭ މީހުން އެ ވާހަކައެއް ނުދައްކާނެ. ބަދަލު ގެންނަން މަޝްވަރާކޮށްލާނެ ފުރުސަތުވެސް ނުލިބޭ ކަމަށް މި ސްކޫލްގެ ޕްރިންސިޕަލް ބުނީ. ޢަނެއްކާ ބައްދަލުވުން ވަރަށް ކަޑައޯ. ނިންމުމުގެ ރަސްމިއްޔާތުގައިވެސް މިނިސްޓަރ ނެތޯ
މުވައްމުލަކު ޓީޗަރ
18 February 2019
އަބުދުﷲ، ބޮޑޭ ތެޅުމާއި ފޭސްބުކް އަޕްޑޭޓް ކުރުމާއި ކަމެއްނެތި އަތޮޅު ތެރެއަށްކުރާ ދަތުރުތަކާއި މިނިސްޓަރ ދުއްވާލަންކުރާ ސައްލާތައް ހުއްޓައިގެންނޫންތޯ ބަދަލަކަށް ވިސްނޭނީ
ބައިވެރިޔާ
18 February 2019
ފޮނި ވާހަކަ ނުދައްކާ. ބައްދަލުވުން ނިމިގެން ދިޔައިރު ބައިވެރިންނަށް ހަމައަށް ކާން ނުލިބުނު. ވާހަކައެއް ދައްކާލާނެ ފުރުސަތެއް ނުލިބުނު. މިނިސްޓްރީގެ އިސްވެރިއަކާ ބައްދަލެއް ނުވި.
ޕްރިންސިޕަލް
18 February 2019
އަންނާނެ އެންމެ މުހިއްމު ބަދަލަކީ ހުރިހާ ޕްރިންސިޕަލުން އެއްކޮށްފައި މިނިސްޓަރ ފިލުން
ސާދާތު
18 February 2019
މިނިސްޓަރަށް ދަންނަވަމެވެ ބަދަލެއް އައްޔާ އަންނާނެ ބަދަލަކީ ޚުދުމުޚްތަރުކަން އިތުރުވުމެވެ ސަބަބަކީ ގިނަސްކޫލްތަކުގެ ވެރިންނަށް މިހާރުވެސް ތިބީ ޔާމީނުހޮވަން ގުންފައިޖަހާފަ އުޅުނު މީހުންނެވެ އެމީހުން މަގުޞަދަކީ ބެލެނިވެރިންނާ ސަރުކާރާ ޖެއްސުމެވެ މީގެ މިސާލު ބ، އަތޮޅުމަދަރުސާއިން މިހަރުވެސް އެބަފެނެއެވެ