ބަޔާންގެ ރިބެރީ (ކ) ލިވަޕޫލްގެ ސަލާހު ކައިރިން ބޯޅަ ހިފައިގެންދަނީ.-- ފޮޓޯ: އޭއެފްޕީ
20 ފެބުރުއަރީ 2019 - 08:51
26 comments
ލިވަޕޫލް (ފެބްރުއަރީ 20) - ޔުއެފާ ޗެމްޕިއަންސް ލީގުގެ ދެ ވަނަ ބުރުގެ ފުރަތަމަ ލެގުގައި ރޭ ލިވަޕޫލް ކުޅުނު މެޗުން ޖަރުމަނުގެ ޗެމްޕިއަން ބަޔާން މިއުނިކާ ލަނޑެއް ނުޖެހި 0-0 އިން އެއްވަރުވެއްޖެ އެވެ.
މި މެޗުން ލިވަޕޫލް އެއްވަރުވިއިރު އެ ޓީމު ވަނީ ޗެމްޕިއަންސް ލީގުގައި އަމިއްލަ ދަނޑުގައި ބަލިނުވެ 20 މެޗު ހަަމަކޮށްފަ އެވެ. އެކަމަކު މި މުބާރާތުގެ ކުއާޓާ ފައިނަލުން ފުރުސަތު ހޯދަން ލިވަޕޫލަށް ވަނީ އުނދަގޫތަކެއް ކުރިމަތިވެފަ އެވެ. ދެ ވަނަ ލެގުގައި ބަޔާން ދަނޑުގައި ކުޅޭއިރު، މި މުބާރާތުގައި އެންމެ ފަހުން އަމިއްލަ ދަނޑުގައި ބަޔާން ކުޅުނު 26 މެޗުގެ ތެރެއިން ބަލިވީ ދެ މެޗުންނެވެ.
އަދި ޗެމްޕިއަންސް ލީގުގެ ތާރީހުގައި އެންމެ ފަހުން ފުރަތަމަ ލެގު އަމިއްލަ ދަނޑުގައި ކުޅެ ލަނޑެއް ނުޖެހި އެއްވަރުވެގެން ނިންމާލި 31 ޓީމުގެ ތެރެއިން އަނެއް ބުރަށް ދިޔައީ އެންމެ 10 ޓީމެވެ.
ލިވަޕޫލްގެ ދަނޑުގައި ރޭ ކުޅުނު މެޗުގެ ފުރަތަމަ ހާފުގައި އެ ޓީމަށް ވަނީ ލަނޑު ޖަހާނެ ރަނގަޅު ފުރުސަތުތަކެއް ލިބިފަ އެވެ. އޭގެތެރެއިން އެންމެ ހުސް ފުރުސަތުތަކެއް ލިބުނީ މުހައްމަދު ސަލާހާއި ސަޑިއޯ މާނޭ އަށެވެ. ސަލާހު ފޮނުވާލި ބޯޅަ ބަޔާންގެ ކީޕަރު މެނުއަލް ނޯޔާ މަތަކުރިއިރު، މާނޭ ފޮނުވާލި ދެ ބޯޅަ ވެސް ދިޔައީ ބޭރަށެވެ.
ބަޔާނަށް ވެސް ލަނޑު ޖަހައިދޭން ސާގް ގްނަބްރީ އާއި ކިންގްސްލީ ކޯމަން ވަނީ ހަމަލާތަކެއް ފޮނުވާލައިފަ އެވެ. ސަސްޕެންޝަނުގެ ސަބަބުން ލިވަޕޫލްގެ އެއް ނަމްބަރު ޑިފެންޑަރު ވާޖިލް ވެން ޑައިކް ނުލައި ކުޅުނު މި މެޗުގައި އެ ޓީމުގެ ފަހަތަށް ކުޅުނު ޔޮއެލް ޕަޓިޕް އާއި ފަބީނިއޯ ވަނީ ބަޔާނުގެ ރޮބާޓް ލެވަންޑޯސްކީ ކައިރީގައި މޮޅު ކުޅުމެއް ދައްކައިފަ އެވެ.
އަންނަ މަހު 13 ވަނަ ދުވަހު ބަޔާން ދަނޑުގައި ކުޅޭ ދެ ވަނަ ލެގަށް ނުކުންނައިރު ލިވަޕޫލަށް އޮންނާނެ އަނެއް ކަންބޮޑުވުމަކީ މި ފަހަރުގެ ޗެމްޕިއަންސް ލީގުގައި އެ ޓީމު ރަށުންބޭރުގައި ކުޅުނު ތިން މެޗުން ވެސް ބަލިވެފައިވުމެވެ. ބަޔާނަށް އޮތް ހިތްހަމަނުޖެހުމަކީ ރޭގެ މެޗުގައި މޮޅު ކުޅުމެއް ދެއްކި އެ ޓީމުގެ ފުލްބެކް ޖޯޝުއާ ކިމިޗް ދެ ވަނަ ލެގަށް ކާޑު ހަމަވުމުގެ ސަބަބުން ސަސްޕެންޑްވެފައިވުމެވެ.
ލިވަޕޫލްގެ ކޯޗު ޔާގެން ކްލޮޕް ބުނީ މިއީ އެންމެ ބޭނުންވި ނަތީޖާ އެއް ނޫން ކަމަށާއި އެންމެ ގޯސް ނަތީޖާ ކަމަށް ދެކިގެން ވެސް ނުވާނެ ކަމަށެވެ.
"އަހަރެމެންނަށް ދިމާވި މައްސަލަ އަކީ އެންމެ ފަހު ބޯޅައިގައި ގޯސްތަކެއް ހެދުނީ. މިއީ އެންމެ ރަނގަޅު ނަތީޖާއެއް ނޫން. މި މެޗުން އަހަރެމެންނަށް ނެގޭނެ ޕޮޒިޓިވްތަކެއް އެބަހުރި. މިއީ ގޯސް ނަތީޖާއެއް ކަމަށް ދެކިގެން އަމިއްލަ އަށް ޕްރެޝަރަށް ވެއްޓެން ބޭނުމެއް ނޫން. އަދި ވެސް 90 މިނިޓް އެބައޮތް،" ކްލޮޕް ބުންޏެވެ.
މުބާރާތުގައި ރޭ ކުޅުނު އަނެއް މެޗުގައި ބާސެލޯނާ ވަނީ ލިޔޯން ދަނޑުގައި ލަނޑެއް ނުޖެހި 0-0 އިން އެއްވަރުވެފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ރަދީފް
20 February 2019
ކޮމެންޓްކުރާ ފަރާތްތަކުން ކޮންމެ ކޮމެންޓެއްގަ ރަދީފްގެ ނަން ބޭނުންނުކޮށް ކޮމެންޓް ކުރެވޭނީ ކޮންދުވަހަކު ބާ؟؟ރަދީފް އެއްވެސް އެހެން ނަމެއްގަ ކޮމެންޓެއް ނުކުރަން.އެހެންވީމަ މިފަދަ އިލްޒާމަތަކުން ދުރުހެލިވުމަށް ހުރިހާ ކޯލީގުންނަށް ވަރަށް އަދަބުވެރިކަމާއިއެކު ގޮވާލަން.#ވިސްކައެލްބާސާ
އަންނިި
20 February 2019
ސީދާ ހަމަ ކަނޑައެޅިގެން ދޮގެއް. ސީދާ ހަމަ ކަނޑައެޅިގެން ދޮގެއް.
ޢޭނަ
20 February 2019
ރަދީފް މީ އަޅެ މިހާރު ނޫހުން މުސާރަދީފަ ކޮމެންޓްކުރަން ބަހައްޓާފަ ހުންނަ މީހެއްތަ ނޫނީ މިހާރު ނޫހުގެ ސްޓާފެއްތަ؟ ހަމަ އަހާލީ. ނަތިނގް ޕާރސަނަލް.
ޗެލްސީ
20 February 2019
ތާރީހަށް ބަލާ ނަތީޖާ މުޅިން ނިންމާލަފައޭނު މިއޮތީ... އެކަމަކު ތާރީހަކީ އެނަލިސިސް ކުރާ މީހުން އަތުގައި އޮންނަ ވާހަކައެއް ހަމަ އެކަނި.. މެޗުގައި ކުޅޭ ކުޅުމާއި ނަސީބާ ރެފްރީގެ ނިންމުންތަކާ ގުޅިގެން ތިޔަ ތާރީހު ކުރެވޭނެ އެއްވެސް ކަމެއްނޯވޯ...
އައްބެ
20 February 2019
މިތާ އެބައުޅޭ ފުޓްބޯޅަ ނަމުގަ ކުރިކެޓު ބަލާ ސޮރެއް
ނިއުމާާ
20 February 2019
ރަދީފް މިތާ ކޮމެންޓްކުރަން އިނދެގެން މިކަން ވާކަށް ނެތޭ. ބްރޯގެ އެއްވަނަ ޓީމު މިރޭ ކުޅޭ މެޗަށް ތައްޔާރުވާންވީ. ސްޓޭޑިއަމުން ލައިވް އަޕްޑޭޓް ގެނެސްދޭން ވާނެ.
ސުޒޭންް
20 February 2019
މަރުހަބާ ރަދީފް. އަދިވެސް އެހެން ޓީމުތަކަށް މަލާމާތް ކުރެވޭތޯ ބަލާ. ރަދީފް ކިޔާ ފާރމާސް ލީގުގެ 3ވަނައިގަ އޮތް ޓީމުން މިވަނީ ދުނިޔޭގެ އެންމެ އަގުބޮޑު އެއް ސްކޮޑް، ސްޕެއިންގެ އެއްވަނަ ބާރސާއާ އެއްވަރުކޮށްފަ. ރަދީފްވެސް ބާރސާގެ މެޗުތަކަށް ނުދާ ސަބަބު މިހާރު އެނގިއްޖެ. ފްރާންސްގެ އެއްވަނައާ ދެކޮޅަށް ޕޮގްބާއަށް ލަނޑުނުޖެހުމުން މަލާމާތްކުރި ކުދިންކޮޅު، ދުނިޔޭގެ 5ވަނަ ކުޅުންތެރިޔާއަށް ފްރާންސްގެ 3ވަނަ ޓީމާ ދެކޮޅަށް ލަނޑުނުޖެހުމުން ހަނު.
ރަދީފް
20 February 2019
ސުޒޭނު.ލިއޯން އެއީ ބަލިޓީމެއް ނޫން.ކޮންމެ މެޗެއްގަ ނުޖެހޭ ދޯ ލަނޑުޖަހަން!!. ފްރާންސްގެ 03 ވަނަ ޓީމް ދޯ ލީގްގަވެސް މިސީޒަނުގަ ފްރާންސްގެ 1 ވަނަ ބަލިކުރީ.ލަންޑަނުގެ 4 ވަނަ ފްރާންސްގެ 1 ވަނަ ކުޅެގެން ވީގޮތުގެ ވާހަކަ ދައްކާކަށް ނެތިން.ވ.ވެދުން
މޯހަން
20 February 2019
ސުޒާނަށް. ޕޮގްބާޔާ މެސީޔާ އަޅާ ނުކީޔާ ރަނގަޅުވާނީ. ޕޮގްބާ ޕީއެސްޖީ މެޗުގައި އެއްވެސް ވަރަކް ނުކުޅެވޭ. އެކަމަކު މެސީ ތަފާތު. ރޭގަ މެސީވަނީ 1 އޮން ޓާރގެޓް ޝޮޓް ހަދައި 5 ޑްރިބަލްސް ކޮމްޕްލީޓްކޮށްފައި. އަދި 5 ކީ ޕާސް ޖަހާފައިވާއިރު 4 ލޯންގް ބޯލްސް ކޮމްޕްލީޓްކުރި. ހަމަ މިގޮތަށް 2 ޓެކުލްސް ވޮން ކޮށް އެއް ބިގް ޗާންސް ކްރިއޭޓްކުރި. ރޭޓިންގްއަކަށް 8.4. ލަނޑު ނުޖަހައި މިވަރުގެ ރޭޓިންގްއެއް ހޯދޭނީ ހަމައެކަނި މެސީޔަށް.
ސުޒޭންް
20 February 2019
މެޗުގެ ކުރިން: މޮޅުވާނީ ގިނަ ލަނޑުޖަހާ ޓީމެއް. މެޗުގެ ފަހުން: މެސީ ވަނީ 10 އޮފް ޓާރގެޓް ޝޮޓް ހަދާ 25 ލޯންގް ބޯލް ފުރިހަމަ ކޮށްފަ. މިއީ މޮޅުވުން
ސުޒޭންގެ ދޮންދަރި
20 February 2019
ދޮންކަލޯ އަހަރެން ޜޭޓިންގެ ވާހަކަ ދެއްކީ ސުޒޭން އިންޑިވިޖުއަލް ކުޅުންތެރިން އަޅާކިޔާތީ. އިނގޭ ސެޒޭނުމެނަށް ހަޖަމް ނުވާނެކަން ގޯލް ނުޖަހައިވެސް އެވަރުގެ ޜޭޓިންއެއް މެސީޔަށް ލިބުމުން. އެކަމަކު ހަގީގަތެއް ބަދަލެއް ނުކުރެވޭނެ. މެސީ އެކަންޏެއް ބާސާ މޮޅެއް ނުކޮށްދެވޭނެ. ހުރިހާ ކުޅުންތެރިންވެސް އެއް ހަމައެއްގައި މަސައްކަތްކޮށްގެން ޗެމްޕިއަންކަމާ ހަމަޔަށް ދެވޭނީ. ވަރަށް ވެދުން.
ރަދީފްގެ ލީގަލް ޓީމްް
20 February 2019
ސުޒޭންގެ ދޮންދަރީގެ ނަމުގައި ކޮމެންޓް ތިޔަ ކުރެއްވީ އަލަށް. އެހެން ނަަމަވެސް ކުރިން ކޮމެންޓްކުރި ކަމަށް އެބަ ވިދާޅުވޭ. ރަދީފް ސަރ އެކި ނަންނަމުގަ ކޮމެންޓް ބޮކްސްގައި ކޮމެންޓްކުރުމުގެ ބަދަލުގަ ރަދީފްގެ ނަމުގައި ކުރުމަށް އިލްތިމާސްކުރަން. އެއީ ނޫސްކިޔާ އެންމެންނަށް އެނގޭ ކަމަކަށް ވާތީއާއި، އޯޑިޓަށް މިޓީމަށްވެސް ފަސޭހަވާނެ ގޮތެއް ކަމުގައިވާތީ. #ރލޓ
ސުޒޭންގެ ދޮންދަރި
20 February 2019
ރަދީފްގެ ލީގަލް ޓީމްގެ ނަމުގައި ކޮމެންޓްކޮށްފައިން ފަރާތަށް. އަހަންނަކީ ރަދީފެއްނޫން. ރަދީފް ކޮމެެންޓްކުރަނީ އޭނަގެ ނަމުގައި. އަހަންނަކީ މިތާގައި އަބަދުވެސް ކޮމެންޓްކުރާ ފަރާތެއް. މިތާގައި މެސީގެ ސްޓެޓްސް ނުވަތަ ރޭޓިންގް ބުނެދީފައި ކޮމެންޓްކުރަނީ އަހަރެން. އަހަންނަކަށް ރަދީފްއެއީ ކާކު ކަމެއް ނޭނގޭ. އެކަމަކު ރަދީފްކުރާ ބައެއް ކޮމެންޓްތަކަށް ތާއިދު ކުރަން.
ރަދީފް
20 February 2019
މަރުހަބާ މައުމޫން.މަރުހަބާ ލިވަޕޫލް.
މައުމޫން ޢޤ
20 February 2019
ތޭންކްސް ބްރަދަރ. ރަދީފް ކިޔާ ޔޫރޯ ކްލަބް އިންޑެކްސްގެ 21 ވަނާގައި އޮތް ލިޔޯނުން އެއްވަނާގައި އޮތް ރަދީފްގެ 3ވަނަ ކްލަބް ބާރސާއާ އެއްވަރުކުރުމުން ރަދީފށްވެސް މަރުހަބާ. ރޭގަ ލިވަރޕޫލުން ދެއްކި ކުޅުމަށް ބަލާއިރު، ރޭންކިންގ ގެ 3ވަނާގައި އޮތް ބަޔާން ދެން މެޗަކުން ބަލިކުރެވިދާނެކަމުގެ އުއްމީދު އެބައޮތް.
ރަދީފް
20 February 2019
މައުމޫން.މިސީޒަނުގަ ލިވަޕޫލް އަވޭގަ ކުޅުނު މެޗްތަކުގެ ރިޒަލްޓް:- ނަޕޯލީ 1 ލިވަޕޫލް 0 ، ރެޑް ސްޓަރ 2 ލިވަޕޫލް 0 ، ޕީއެސްޖީ 2 ލަވަޕޫލް 1 . ލިވަޕޫލް އަދިވެސް ބޮޑު މަންޒަރުގަ އެބައިން. މައުމޫންގެ ހިޔާލަކީ ކޮބާ؟؟ ލޮލަސް ބޮލަށް ނުގޮވާ ޒާތީނުވެ ރިޕްލައި ކުރުމަކީ ރީތި ސިފައެއް ދޯ.މަނިކްފާނަށް ވަރަށް ވެދުން.
ރަދީފް
20 February 2019
*ލިވަޕޫލް
މައުމޫން ޢޤ
20 February 2019
ރޭގަ ދެއްކި ކުޅުމާ އަޅާ ބަލާއިރުއޭ އަޅުގަނޑު ބުނީ. ސީޒަނުގަ އެކި ދުވަސްވަރު އޮންނާނީ އެކި ފޯރމުގަ. ރޭގަ ދެއްކި ކުޅުން ތަކުރާރުކޮށްފިނަމަ ލިވަރޕޫލް މޮޅުވުން ގާތް. ނަމަވެސް ކުރިއަށް ވަރުގަދަ މެޗުތަކެއް ހުރުމުން އޭގެ އަސަރުވެސް ކުރާނެ. ޓީމުގެ މޯޓިވޭޝަން ރަނގަޅުކުރަން އެމެޗުތަކުން މޮޅުވުން މުހިއްމު
ލޯންްސްޓަރ
20 February 2019
ބާރސާ އެންމެ ފަހުން ހޯމްގަ ކުޅުނު 3 މެޗުގެ ތެރެއިން މޮޅުވެފައިވަނީ އެންމެ މެޗަކުން. އެވެސް 1-0. -ލިވަރޕޫލް ފޭން-
ރަދީފް
20 February 2019
މަރުހަބާ ބާސާ.ނިންމާލުން ރަނގަޅުވިނަމަ މެޗްގެ ފުރަތަމަ 04 މިނިޓްތެރޭގަ ބާސާއަށް 2 ލަނޑުގެ ލީޑެއް ލިބުނީސް.02 ވަނަ ލެގްގެ އެޑްވާންޓޭޖް ލިއޯންއަށް ބޮޑު ނަމަވެސް ހޯމްގަ ބާސާގެ ޕާފޯމަންސް ރަނގަޅުކޮށްފިނަމަ ބާސާއަށް ވެސް ފުރުސަތު އެބައޮތް.ލިއޯން އެއީ މިސީޒަނުގަ ލީގް1 ގަ ޕީއެސްޖީ ބަލިކުރި ހަމައެކަނި ޓީމް.އަދި ޔޫސީއެލްގަ ވެސް މިސީޒަނުގަ މިހާތަނަށް ބަލިނުވާ 03 ޓީމްގެ ތެރޭގައޮތް ޓީމެއް.(ބާސާ،ބަޔާން،ލިއޯން) #ވިސްކައެލްބާސާ #ވިސްކައެލްބާސާ
އަކޫ
20 February 2019
ދެވަނަ ލެގުގަ ރެފްރީ ގަނެގެން ނަމަވެސް ވާނެ މޮޅުވާން. ނިންމުން ގޯސްވުމަކީ ޓީމުގެ ބަލިކަށިކަން ދޯ؟ މެސީއަށްވެސް އޮން ޓާރގެޓަށް ހެދުނީ އެންމެ ޝޮޓެއް. ދެން ރެފްރީގެ އެހީ ބޭނުން ނުކޮށް ކިހިނެއް މިކަން ކުރާނީ؟
އަކީގެ ދޮންދަރި
20 February 2019
ދޮންކަލޯ ބުނަން ކޭމްޕް ނައުގައި ބާސާ ވަރަށް ތަފާތުވާނެ. ރެފްރީގެ އެހީތެރިކަމާ ނުލައި ފަސޭހަކަމާއެކު ލިޔޯން ބަލިކުރާނަން އިންޝާ ﷲ. ފުޓްބޯޅައިގައި ނަސީބު އެހީނުވާ ދުވަސްތައްވެސް އައިސްދާނެ. ބާސާ މިމެޗުން ބައްޔެއް ނުވެއެއްނު. އަނެއްކާ މޮޅަށް ކުޅުނީވެސް ބާސާ. ވަރަށް ވެދުން.
ތަފާތޭ
20 February 2019
ބާރސާ ހޯމްގަ އެންމެ ފަހުން ކުޅުނު 3 މެޗުގެ ތެރެއިން މޮޅެއް ހޯދިފައިވަނީ އެންމެ މެޗަކުން
ތަފާތުގެ ދަނބިދަރި
20 February 2019
ތަފާތަށް. ޗެމް ޕިއަންސް ލީގުގެ ހޯމްގައި އެންމެ ފަހުން ބާސާ ބަލިވީ ކޮން އިރަކުންތަ. ބާސާވަނީ ހޯމްގައި ބަލިނުވާތާ މިހާރު 29 މެޗު ވެއްޖެ. އަދި އިދިކޮޅު ޓީމަކަށް ހޯމްގައި ބާސާ ކޮޅަށް 1 ގޯލަށްވުރެ ގިނަޔަކުން ނުޖެހޭ. އެހެންވީމާ ކަލޭގެ ސްޓެޓް ދެކޮޅު ނުޖެހޭކަން ޔަޤީން.
ތަފާތޭ
20 February 2019
މަބުނީ ޗެމްޕިއަންސް ލީގުގެ ވާހަކައެއް ނޫން، ބާރސާ އެންމެ ފަހުން ކުޅުނު މެޗުތަކަށް ރިފަރކޮށްފަ.
ސަޅިޔޭ
20 February 2019
ތަފާތޭޔަށް. އެންމެ ފަހުން ކުޅުނު މެޗުތަކާ ކުރިޔަށް އޮތް މެޗުތަކާ ކޮން ގުޅުމެއްއޮތީ. ކޮންމެ ޓީމެއް ހޯމްގައި ކުޅުނަސް އެޑްވާންޓޭޖް އޮންނާނެ. ހޯމް ސަޕޯރޓަރުންގެ ސަޕޯރޓުން މެޗުގައި މޮޅަށް ކުޅުމުގެ ރޫހު އުފެދޭނެ.