ޕާކިސްތާނުގެ ކުރީގެ ރައީސް ޕަރްވޭޒް މުޝައްރަފް. --ފޮޓޯ:އޭއެފްޕީ
25 ފެބުރުއަރީ 2019 - 11:52
25 comments
އަބޫ ދާބީ (ފެބްރުއަރީ 25) - ޕާކިސްތާނުން ނިއުކްލިއާ އެންމެ ހަމަލާއެއް ދީފި ނަމަ، ރައްދުގައި އިންޑިއާ އިން ނިއުކްލިއާ 20 ބޮން އަޅާނެ ކަމަށާއި އޭރުން އޮންނާނީ ޕާކިސްތާނުގެ ދުވަސް ގޮސްފައި ކަމަށް ކުރީގެ ރައީސް ޕަރްވޭޒް މުޝައްރަފް ވިދާޅުވެއްޖެ އެވެ.
ޔޫއޭއީގައި ނޫސްވެރިންނާ ވާހަކަ ދައްކަވަމުން މުޝައްރަފް ވިދާޅުވީ އިންޑިއާ އާއި ޕާކިސްތާނުގެ ގުޅުން ހީނަރުވެ މިހާރު އޮތީ ނުރައްކާ ހާލަތެއްގައި ކަމަށެވެ.
"ޕާކިސްތާނުން ނިއުކްލިއާ އެންމެ ބޮމެއް އަޅައިފި ނަމަ އިންޑިއާ އިން އޭގެ 20 ބޮން އަޅައި އަހަރެމެންގެ ކަންތައް ނިންމާލާނެ. އެހެންވީމާ ޕާކިސްތާނުން ފުރަތަމަ ހަމަލާ ދެންޏާ އިންޑިއާ އަށް ނިއުކްލިއާ 50 ބޮން އަޅަން ޖެހޭނެ. އެފަދަ ހަމަލާއެއް ދޭން ޕާކިސްތާން ތައްޔާރުބާ؟" މުޝައްރަފް ސުވާލު ކުރެއްވި އެވެ.
ޕާކިސްތާނުގެ ކުރީގެ އަސްކަރީ ޖެނެރަލް މި މޭރުމުން ވާހަކަ ދެއްކެވީ ޕާކިސްތާނަށް ނިސްބަތްވާ ޖަމާއަތަކުން ކަޝްމީރުގައި ޓެރަރިސްޓް ހަމަލާއެއްދީ އިންޑިއާގެ ޕެރަމިލިޓަރީ ފުލުހުންގެ 42 މީހުން މަރާލާފައި ވަނިކޮށެވެ.
އަސްކަރީ ބަޣާވާތެއްގައި ކުރީގެ ބޮޑު ވަޒީރު ނަވާޒް ޝަރީފުގެ ވެރިކަން ވައްޓާލައި ޕާކިސްތާނުގެ ވެރިކަމަށް މުޝައްރަފް ވަޑައިގެންނެވީ 1999 ވަނަ އަހަރު އެވެ. ވެރިކަމުގައި ނުވަ އަހަރު ހޭދަކުރެއްވި ފަހުން، އޭނާ ބަލި ކުރައްވައި ނަވާޒް ޝަރީފް ވަނީ އަނެއްކާވެސް ވެރިކަން ހޯއްދަވައިފަ އެވެ.
މުޝައްރަފް މިހާރު ދިރިއުޅުއްވަނީ އަމިއްލަ އަށް އަރުވާލެވިގެން ޔޫއޭއީގަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ވިލްސް
27 February 2019
މުޝައްރަފް ތި ދެއްކި ވާހަަކައިން ތީ ހަަމަ ޕާކިސްތާނު މީހެއްބާއޭ ހިތަށް އަރާ. ކޮންމެ މީހެއްގެވެސް ގައުމަކީ އެމީހާގެ އުފަން މަންމަ ކަމަށްވާއިރު ތި ދައްކަނީ ދަރިޔަކު މަންމަ އާއި ދޭތެރޭ ދައްކާނެ ކަހަލަ ވާހަކައެއްތަ؟ ތިކަހަލަ މީހުންނަކީ ގައުމުގެ އަސްލު ހަލާކު. ޕާކިސްތާނުގެ މައްޗައް އިންޑިޔާ އައްވެރެން ތިކަހަލަ މީހުންގެ ނުރައްކާ މާ ބޮޑު
ދޮން ބަބުރު ސޮރު
26 February 2019
އިންޑިއާއަށް ބިރުން މީނަ އުޅެނީ ފިލާގެން!
އަބާ
26 February 2019
ނުވާނެ ތި ކަމެއްއިންޱިއަކައް.
ާއައްޑޫ
25 February 2019
މިއީ ޕާކިސްތާނުގެ އައްނި
ލޯކަ!
25 February 2019
ރަދީފުގެ މަޢުލޫމާތު ތެދަކަށް ވެދާނެ! އެކަމަކު ކާމިޔާބު ވުމާއި ނުވުން ބިނާވެގެންވަނީ ޢަޤީދާ އާއި ތެދުވެރިކަމާއެކު ކުރާމަސައްކަތާއި ހިތްވަރުގެ މައްޗަށެވެ. މިޙަޤީޤަތް ވަނީ ދުނިޔެ އެތައްފަހަރަކަށް ދައްކާފައެވެ. ޢަޤީދާއެއް ނެތްމީހަކަށް ލިބޭނެ ކާމިޔާބެއް ނޯންނާނެ!
ދޮން ބަބުރު ސޮރު
26 February 2019
މިހާތަނަށް ދުނިޔެ ދައްކާ ދީފައިފަނީ ކަމެއް ކާމިޔާބުކުރަން ބޭނުންވަނީ ބައިގިނަ ޖަމާޢަތެއް ނޫން ތޫނު ފިލި ސިކުޑިތަކެއް!
ޝިޔާމް
25 February 2019
ހުޅަނގުގެ ޕަޕެޓުން މިބާވަތުގެ ވާހަކަ ދައްކާނެ. އެމީހުން ދީނަކަށް ވަތަނަކަށް ލޯތްބެއް ނުހުންނާނެ.
ސުލޮމޮން
26 February 2019
ކޮބާތަ ތިބުނާ ވަތަނަށް ދީނަށް ލޯބިކުރާ ބަޔަކީ. ދިވެހި ރާއްޖެއަށް ތަމަޅައިން އެރީމަ އެހީވީ އިންޑިޔާއިން. ޕާކިސްތާނަކީ ދީނީ ގައުމެއް ނޫން، ދީނަކީ އިންސާނާ އުޅެން އަންގަވާފައިވާ ގޮތް، ޕާކިސްތާނުގެ ނަން ހަޑިވެފަ އޮންނަނީ އެތާ އުޅޭ މަސްތުވާތަކެތި ވިއްކާ މީހުންނާ ހައްދު ފަހަނަ އެޅި ގުރޫޕުގެ މީހުންނާއި ޖިހާދުގެ ނަމުގައި ވިޔަފާރި ހިންގާ މުއްލާއިންނާ އެމީހުންގެ ދާ ކުރުތާ އަކީ މުސްލިމުންގެ ކޮންމެހެން ލާން ޖެހޭ އެއްޗެއް ކަމަށް ފަތުރާ މީހުންގެ ސަބަބުން
ރަދީފް
25 February 2019
ޓޭންކް:އިންޑިޔާ 4426 ޕާކިސްތާން 2735 ،ރޮކެޓް އާޓިލަރީ: (އ)292 (ޕ)134 ،އެއާކްރާފްޓް: (އ)2216 (ޕ)1143 ،ނިއުކްލިއަރ ހަތިޔާރު:(އ)120 (ޕ)130 ، މިލިޓަރީ ރިޒާވް ފޯސްއާއިއެކު (އ)319 މިލިއަން (ޕ)48 މިލިއަން. ހަނގުރާމައެއްކޮށްގެން މޮޅުވާނެބަޔަކު ކިޔުންތެރިން ނިންމަވާ.ގެންގުޅޭ ޓެކްޓިކްސް އެއީ ހަނގުރާމައެއް ކާމިޔާބްވުމުގެ ވަރަށް މުހިންމު އެއްޗެއް.
މުޝް
25 February 2019
ނަޝްރުދެއްވާ ފަރާތަކީ މާތް ﷲ. ހަތިޔާރާ މީހުން ކިތަންމެބައިވަރު އޮތަސް "كُنْ فَيَكُونُ" އަމުރު އައީމަ ހެދޭނެ އެއްވެސް ގޮތެން ނޯންނާނެ...
ރޮދި.ފު
25 February 2019
ރަދީފޫ ބަދުރު ހަނގުރާމަ ކާމިޔާބުކުރީ މުސްލިމުން. މުސްލިމުން 313 ކާފިރުން 1000+، މުޅި ދުނިޔެވެގެން އައިސިސް އަދި ނައްތާ ނުލެވޭ. ވަރުގަދަ އެމެރިކާއަށް ތޯލިބާނުން ނައްތާ ނުލެވުނު. އަދަދެއް ނޫން. އަގީދާ. މުސްލިމުން ތިބޭނީ މަރަށް ތައްޔާރަށް. އިންޑިޔާގެ ކާފިރުން ހަނގުރާމައަށް ބިރުގަންނާނެ.
އަޒާ
25 February 2019
ދުނިޔޭގަ އެންމެ ބޮޑު އާރމީ އޮތީ ޗައިނާގައި. އެކަމަކު ޗައިނާގެ އާރމީ އެއީ 2.1 މިލިއަން. ކޮންތާކުން ހޯދި 319 މިލިއަން ސިފައިންނެއްތަ އިންޑިއާގައި އުޅެނީ..؟
ދެބޯގެރި
26 February 2019
މިހާރު ހަގުރާމައެއް ކާމިޔާބު ކުރަން އާދާއެގެ ހަތިޔާރު މުހިއމެއް ނޫން، އ އަށް ވުރެން ޕ އަތުގަ ނިއުކުލިއަރ 10 އިތުރު ވީމަ ނިއްމާލެވޭނެ. އަދި ބުނެވޭ ގޮތުގައި ޕ އަތުގަ ހުރީ މާ ބާރުގަދަ ކުދި ނިއުކުލިަރ ބޮން ތަކެއް
އަޝްރަފު
25 February 2019
ކޮންމެ ޤައުމެއްގައިވެސް މާރިޔާއެއް ހުންނަންވާނެތާ!
އެސް
25 February 2019
މީ އިންޑިއާގެ ޕަޕެޓެއް ، ޕާކިސްތާން ރައްޔިތުން ވަރަށް ރުޅި އަރާ މީހެއް ،
ނިއުކުލިއަރ
25 February 2019
މިފެންނަނީ ޤައުމަށް ޤައްދާރުވި ވެރިންގެ ވާހަކަ ހުންނަގޮތް. އިންޑިޔާއިން ހަމަލާ ދީފިނަމަ ޕާކިސްތާނުން ރައްދު ދޭނެ انشاءﷲ. މުޝައްރަފު އޮވެބަލަ ރަޖާލައިގެން ފިލާ.