ޕާކިސްތާނުން ހިފަހައްޓާފައިވާ އިންޑިއާގެ ޕައިލެޓް. --ފޮޓޯ:އޭއެފްޕީ
28 ފެބުރުއަރީ 2019 - 17:03
10 comments
އިސްލާމްއާބާދު (ފެބްރުއަރީ 28) - ޕާކިސްތާނުން ހިފަހައްޓާފައިވާ އިންޑިއާގެ ޕައިލެޓް މާދަމާ މިނިވަން ކުރާނެ ކަމަށް ޕާކިސްތާނުގެ ބޮޑު ވަޒީރު އިމްރާން ޚާން ވިދާޅުވެއްޖެ އެވެ.
"އިންޑިއާގެ ޕައިލެޓަކު ޕާކިސްތާނުގެ ބެލުމުގެ ދަށުގައި އެބަހުރި. ސުލްހައިގެ އިޝާރާތެއްގެ ގޮތުން މާދަމާ އޭނާ މިނިވަން ކުރާނަން،" ޕާލަމެންޓުގައި ވާހަކަ ދައްކަވަމުން އިމްރާން ޚާން މިއަދު ވިދާޅުވި އެވެ.
އިމްރާން ޚާން ވިދާޅުވީ އިންޑިއާގެ ބޮޑު ވަޒީރު ނަރެންދުރަ މޯދީއާ ބުދަ ދުވަހުގެރޭ ފޯނުން ގުޅުއްވުމަށް މަސައްކަތް ކުރެއްވި ކަމަށެވެ.
ޕާކިސްތާނުން ހައްޔަރުކޮށްފައި ވަނީ އިންޑިއާގެ ޕައިލެޓް އަބިނާންދަން ވާތަމަން އެވެ. ޕާކިސްތާނުން ހަމަލާދީ އިންޑިއާގެ ހަނގުރާމަ މަތީ ދެ ބޯޓު ވަނީ އަންގާރަ ދުވަހު ވައްޓާލައިފަ އެވެ.
މިގް-21 ގެ މަރުކާގެ ހަނގުރާމަ މަތީ ބޯޓު ދުއްވި ވިންގް ކޮމާންޑަރު އަބިނާދަންއާ މެދު ކަންތައް ކުރަމުންދަނީ "އަސްކަރީ އުސޫލުން" ކަމަށް ޕާކިސްތާނުން ވަނީ ބުނެފަ އެވެ. ޕައިލެޓާ ސުވާލު ކުރަމުންދާ ވީޑިއޯ އިން ޕާކިސްތާނުގެ އިންފޮމޭޝަން މިނިސްޓްރީން އާއްމު ކުރި ނަމަވެސް ފަހުން ވަނީ އެ ވީޑިއޯ ޑިލީޓްކޮށްލައިފަ އެވެ. އެ ވީޑިއޯ އިން ފެންނަ ގޮތުގައި ޕައިލެޓް ކަނުބަނދެފައި ހުރި އިރު އޭނާގެ މޫނުގައި ގިނަ އަދަދަކަށް ލޭ ހުއްޓެވެ. ދެ އަތް ހުރީ ފުރަގަހަށްލައި ބަނދެފަ އެވެ. އޭނާ ހުރީ އިންޑިއާގެ ވައިގެ ސިފައިންގެ ޔުނިފޯމުގަ އެވެ.
ޕާކިސްތާން ސިފައިން ސުވާލު ކުރުމުން އިންޑިއާގެ ޕައިލެޓް ވަނީ އޭނާގެ ނަމާއި ރޭންކް އަދި ސީރިއަލް ނަމްބަރު ބުނެދީފަ އެވެ. ނަމަވެސް އޭނާގެ މިޝަންއާ ބެހޭ ގޮތުން ސުވާލު ކުރުމުން ވަނީ ޖަވާބު ދޭން ދެކޮޅު ހަދައިފަ އެވެ.
ޕާކިސްތާނުން އާއްމުކުރި ދެ ވަނަ ވީޑިއޯ އިން ފެންނަ ގޮތުގައި ޕައިލެޓް އިނީ ކޮޓަރިއެއްގައި ސައި ބޯށެވެ. އޭރު އޭނާގެ މޫނު ވެސް ވަނީ ސާފުކޮށްފަ އެވެ. އިނގިރޭސި ފަހުން ވާހަކަ ދައްކަމުން ޕައިލެޓް ބުނެފައި ވަނީ ސައި މީރު ކަމަށެވެ.
އޭނާ އަކީ މީހަކާ އިނދެގެން އުޅޭ މީހެއް ކަމަށާއި ޕާކިސްތާން ސިފައިން ކަންތައް ކުރަމުން ދަނީ ރަނގަޅަށް ކަމަށް ބުންޏެވެ. ނަމަވެސް އިތުރު ސުވާލަކަށް ޖަވާބު ދޭން އަނެއްކާ ވެސް ދެކޮޅު ހެދި އެވެ.
ކަޝްމީރުގައި ޕާކިސްތާނުން ކޮންޓްރޯލް ކުރާ ސަރަހައްދުގައި ޕައިލެޓަށް ބަޔަކު އަނިޔާ ކުރާ މަންޒަރުގެ ވީޑިއޯއެއް ވެސް ކުރިން ވަނީ ދައްކައިފަ އެވެ. އޭރު ޕައިލެޓާ ހަމައަށް ޕާކިސްތާން ސިފައިން ނުދެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ލޭޑީ ބޯއީ
02 March 2019
މާތްކަލާކޯ ތިޔަހަރަ މަތިމަސް ފެނިފަވެސް މީހަކު ބިރުން ހިފަހައްޓާނެ!!!
ކަރީމުއްދީން ބާޝާ
28 February 2019
ނަންވާނީ މުސްލިމުން. އެކަމަކު މިހުރީ މުސްލިމުންގެ އަމަލުތައް ހުންނަގޮތް. އިންޑިޔާއިން އެބަޖެހޭ މިކަމުން އިބުރަތް ހާސިލްކުރަން.
ސީރާ
28 February 2019
ކޮބާ ދޫކޮށް ނުލާނޭ ކިޔާފަ ކޮމެންޓް ކުރި ގުރޫޕް. ޕާކިސްތާނައް އިތުރުގޮތެއް ނެތީ ހަމަ އިނގޭތޯ. ލޮލް.
ވިސްނަވާ
28 February 2019
ޓެރަރިސްޓަކަށްވަނީ މުސްލިމަކަށްވީމަތަ؟ ހުރިހާ މާނައެއްގައި އެއީ ޓެރަރިސްޓެއް. އާޒާދު ކަޝްމީރުގެ ރައްޔިތުންތިބީ ބިރުވެރިކަމެއްގެ ތެރޭގައި ބޮންއަޅާތީ. ވީމާ ނިރުބަވެރިއެއް އެ ދޫކޮށްލީ. އަމިއްލައަށްވެސް މިހާރު ދިވެހިން މިތިބީ ބްރެއިންވޮޝް ވެފަ. މުސްލިމެއްނަމަ މިހާރުވެސް ލަހެއްފަހެއްނުވެ ޓެރަރިސްޓެކޭ ބުނާނެ.
ހިތްވަރުގަދަ
28 February 2019
ހިތްވަރުގަދަ ޢަމަލެއް! އަދި މުސްލިމުން ވާންޖެހޭނީ ހުރިހާ ޙާލަތެއްގައިވެސް ޢަދުލުވެރި އޯގާވެރި ސުލްޙައަށް ލޯބިކުރާ މަޢާފުކުރާބަޔަކަށް!
އޮރިޖިނަލް މޮހަނު
28 February 2019
ޢަދުލުވެރިވުމުގެ މާނައެއްނޫން ތިމާގެ ބޮލަށް ބޮން އަޅަން އަންނަ މީހާ ހިފެހެއްޓުނީމާ އިސާހިތަކު ދޫކޮށްލުން. ތިގޮތަށް ބަލަންޏާ ދިވެހި ސިފައިންނަކީ ވަރަށް އަދުލުވެރިބައެއް. ހިފާ ވަގުކަލޭގެ ހައްޔަރުކުރާކަށްވެސް ނޫޅޭ. ނޯޓުކޮށްލާފަ ސްޓެޓިސްޓިކްސްއަށް އިތުރު ބޮޅެއް އިތުރުކޮށްލާފަ ދޫކޮށްލާތީވެ.
ހަމް
28 February 2019
ކޮން ހިތްވަރެއް. ޙަމަ ދޫކޮށްލަން ޖެހޭނީ
1828
28 February 2019
އޮރިޖިނަލް މޮހަނަށް މާބޮޑަށް އެނގެނީ. ވައްކަން ކުރިކަމުގެ ތުހުމަތުގައި މީހުން ހިފާ ހައްޔަރުކުރާނީ ފުލުހުން.
މުޙައްމަދުފުޅު
28 February 2019
އޭނަ ތުނބުޅިއާ މަތިމަސް އެހެރީ ކެމޮޕްލަޖް ވާހެން ހަދާފައިތަ؟ ބޯޓެއްގެ ކޮކްޕިޓުގައި އިންނަ އިރު، ބޯޑުގެ ތުންގަނޑު ހެން އިނީމަ، އެހެން ޤައުމުތަކުން މި ގެންގުޅޭ ޕައިލެޓުންނާ ނުލާ ދުއްވާ ބޯޑެއް ހެން ހީވާނީ..
މަތިމަސް
28 February 2019
އިންޑިޔާއެއްނުން. މަތިމަސް ބޮޑުވިވަރަކަށް މީހާގެ ހައިބަތު ބޮޑުވާނެކަމަށް އެމީހުން ދެކޭ.