ޕާކިސްތާނުން މިނިވަންކުރި ވިންގް ކޮމާންޑަރު އަބިނާންދަން ވާތަމަން (ކ) ވަގާހު ބޯޑަރުގައި މަޑުކޮށްލައިގެން.
03 މާޗް 2019 - 11:32
14 comments
ނިއު ދިއްލީ (މާޗް 3) - ޕާކިސްތާނުގެ ބެލުމުގެ ދަށުގައި ހުރި 60 ގަޑިއިރު ތެރޭ ޖިސްމާނީ ގޮތުން އެއްވެސް އަނިޔާއެއް ކޮށްފައި ނުވާ ކަމަށާއި ނަމަވެސް ނަފްސާނީ ގޮތުން ބަލިކަށިކޮށްލަން މަސައްކަތް ކުރި ކަމަށް އިންޑިއާގެ އެއާ ފޯސްގެ ވިންގް ކޮމާންޑަރު އަބިނާންދަން ވާތަމަން ބުނެފި އެވެ.
އަބިނާންދަން ބުނި ކަމަށް ބައެއް ފަރާތްތަކާ ހަވާލާދީ އިންޑިއާގެ ނޫސް އެޖެންސީއަކުން ބުނީ ނަފްސާނީ ގޮތުން ގެއްލުންދޭން އުޅުނު ނަމަވެސް އޭނާ ހުރީ މާވަރުގަދަ އަޒުމެއްގައި ކަމަށެވެ. ޕާކިސްތާނުން ހާމަކުރި ވީޑިއޯތަކުން ވެސް އެނގޭ ގޮތުގައި މިޝަންއާ ބެހޭ ގޮތުން ސުވާލު ކުރުމުން އަބިނާންދަން ވަނީ ޖަވާބު ދޭން ދެކޮޅު ހަދައިފަ އެވެ. އޭނާގެ އެ ހިތްވަރަށް އިންޑިއާގެ ގިނަ ބަޔަކު ތައުރީފްކޮށް އެއީ ބަތަލެއް ކަމަށް ދަނީ ބުނަމުންނެވެ.
ބޮޑު ވަޒިރު ނަރެންދުރަ މޯދީ އާއި ޑިފެންސް މިނިސްޓަރު ނިރްމަލާ ސިތާރާމަން ވެސް ވިދާޅުވެފައި ވަނީ ޕައިލެޓުގެ ހިތްވަރަށް އިންޑިއާ ފަޚުރުވެފައިވާ ކަމަށެވެ. ޑިފެންސް މިނިސްޓަރު ވަނީ ހޮސްޕިޓަލަށް ވަޑައިގެން ޕައިލެޓާ ބައްދަލު ކުރައްވައިފަ އެވެ.
އިންޑިއާގެ ނޫސްތަކުން ބުނެފައި ވަނީ ޕާކިސްތާނުގެ ބެލުމުގެ ދަށުގައި ހުރި އިރު ކަންކަން ހިނގި ގޮތް ޕައިލެޓް ވަނީ ޑިފެންސް މިނިސްޓަރު ނިރްމަލާ އަށް ކިޔައިދީފަ އެވެ.
މެޑިކަލް ޓެސްޓްތައް ހެދުމަށް ޕައިލެޓް މިހާރު ވަނީ ހޮސްޕިޓަލްގައި އެޑްމިޓްކޮށްފަ އެވެ. އޭނާގެ ހަށިގަނޑު ބަގްކޮށްފައި ހުރިތޯ ވެސް ހޮނިހިރު ދުވަހު ވަނީ ސްކޭންކޮށްފަ އެވެ.
އުމުރުން 35 އަހަރުގެ ޕައިލެޓް ދުއްވި މިގް-21 މަރުކާގެ ބޯޓު ވައްޓާލީ ޕާކިސްތާން ސިފައިން ބޭނުން ކުރި އެފް-16 ގެ ހަނގުރާމަ މަތީ ޖެޓުން މިސައިލް ހަމަލާދީފަ އެވެ. ޕައިލެޓް އަބީނާންދަން ވައިކުޑައިގައި ފޭބި ހިސާބުގައި ތިބި މީހުން ވަނީ އޭނާ އަށް ގަލުން ހަމަލާދީފަ އެވެ.
ޕާކިސްތާނުން ބުނެފައި ވަނީ ޕައިލެޓާ މެދު ކަންތައް ކުރީ ޖެނީވާ ކޮންވެންޝަނާ އެއްގޮތަށް ކަަމަށެވެ. ޕާކިސްތާނުގެ ބެލުމުގެ ދަށުގައި ހުރި އިރު އަބިނާންދަން ވެސް ބުނެފައި ވަނީ އޭނާއާ މެދު ކަންތައް ކުރި ގޮތް ރަނގަޅު ކަމަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ދެއަނގައާދަނު
03 March 2019
މިޤައުމުގަވެސްއުޅޭ ހަމަތިކަހަލަމީހެއް ދެއިރުދެދަޅަޔައްވާހަކަދައްކާނީ ދެގޮތައް އެއީވެސްހަމަތީގެއާދަނެއް
1828
03 March 2019
ހުއްދަނެތި ޕާކިސްތާނުގެ ސަރަހައްދަށް ވަދެއުޅެނިކޮށް އަތުލައިގަތީމައި ސުވާލު ކުރާނެ. އެއީ ނަފްސާނީ އަނިޔާ ދިނުމެއް ނޫން.
ކެނެޑީ
03 March 2019
ކަލޯ ފައިޓާޖެޓެއްގަ ހަނގުރާމަކުރަންގޮސް އަސީރެއްގެ ގޮތުގަ ހައްޔަރުވީމަކާ ރަތްދޫލައިގެ މަރުހަބާކިޔާ ކުކުޅުކާކަށް ނުދޭނެ އެއްވެސް ބަޔަކު، މީހާ ސަލާމަތުން އައިތީ ޝުކުރުކޮށްލުން ބުއްދިވެރި.
އަބްދޫ
03 March 2019
އިންޑިޔާ ގެ ދީންތަކުގެ މައިގަނޑަކީ ހިންދޫން އެމީހުން މުސްލިމުނދެކެ ރުޅިއާދޭ މޯދީއްކީ މިކަމުގާ އަރާހުރި މީހެއް. އޭގެ ހެކި އަޔޯދިޔާގަ ހުރި ގަދީމީ މިސްކިތް ތަޅާލުމަށް ހިއްވަރުދިނީ މޯދީ ހަމަނުޖެހުން ހިންގި އިރު ޗީފް މިނިސްޓަރަކީ މޯދީ ހަމަނުޖެހުން ރާވާ ހިންގީ މޯދީ . އެތައް މުސްލިމުން މަރާލި ކޮބާ އިންސާފު
މަރޭމިތުރު
03 March 2019
އިންޑިއާ އެއްވެސް އިރަކު މުސްލިމުންނަކާއި ދެކޮޅުބައެއްނޫން. އިންޑިއާގެ މުސްލިމުންނަށްވެސް އިންޑިއާގެ ސަރުކާރުން އެއްވެސް ދަތިކަމެއް ނުވެސްކުރޭ! އިންޑިއާ ރުޅިއަންނަނީ އަޖުމަލް ކަސަބުދެކެ، އަޖުމަލް ކަލާމްދެކެ ނޫން. ދިވެހިކުދިން މިކަން ދަސްކޮށްލާ!!!!
އޮރިޖިނަލް މޮހަނު
03 March 2019
ދިވެހި ކުދިން ދިވެހި ރާއްޖޭގެ އިސްތިޤްލާލާއި މިނިވަންކަމާ މެދު ފިކުރު ބޮޑުވެފައިވަނީ ކަލޭމެން އިންޑިޔާ ބޯއިން މިގައުމުގެ އެކި ދިމަދިމާލަށް އިންފިލްޓްރޭޓުކޮށްފައިވާތީ.
ފިނޑިނަންދަން
03 March 2019
ތީ ދިވެއްސެއް ނޫން. ތިއީ އިންޑިޔާ ހައިކޮމިޝަންގަ އުޅޭ ދިވެހި އެނގޭ މީހާ..
ރަދީފް
03 March 2019
މަރޭގެ މައުލޫމާތު ރަނގަޅެއް ނޫން.2008ގަ މުމްބާއީ ހަމާލާގައި ބައިވެރިވީތީވެ އަޖްމަލް ކަސަބްގެ މައްޗަށް ވަނީ ޝަރިއަތް ހިންގާ މަރުގެ އަދަބު ތަންފީޒްކޮށްފަ.އިންޑިޔާ ޕާކިސްތާން ބައިކުރިފަހުން ވެސް އަދި ނުކުރަނީސް ވެސް އިންޑިޔާގެ އެކި އެމްޕަޔާރްސް އަދި އެކި ސަރުކާރުތަކުން އިންޑިޔާގެ މުސްލިމުންނަށް ދީފަ ހުރި އަނިޔާތައް މަރޭމިތުރުއަށް އެނގިހުރެ ނޭނގޭކަމަށް ދައްކަން ތިޔަ ގޮތަށް ކޮމެންޓްކުރީތީވެ ހިތާމަކުރަން.މަރޭވެސް ހަގީގަތަށް ވަހާކަދައްކަބަލަ.ވ.ވެދުން
ihaaru.
03 March 2019
ފުރާނަސަލާމަތް ވިކަމާމެދުވެސް ޝުކުރުވެރިވެބަލަ....
ފޫހި
03 March 2019
ޕާކިސްތާން މީހުން ކިހާރަނގަޅު. އަސީރަކަށް ވުމުން ނަފްސާނީގޮތުން ބަލިކަށިވާނެ.
ކަނބިލި
03 March 2019
ކޮންމެއަކަސް މިފަހަރު ހައްދުފަހަނަ އަޅާފައިވާ މޯދީ ބަލިވެ ލަދުގަނެފި. ޕާކިސްތާނުގެ ނަން ވިދާލައިފި
މޮޔައަލީ
03 March 2019
ކިހިނެއް އިނގެނީ ޕައިލެޓް ޕާކިސްތާނަށް މަޢުލޫމާތު ތަކެއް ނުދޭކަމެއް؟ އޭނަ ގަޓުވާން ނުދެމޭ ބުނީމަ ނިމުނީ ދޯ؟ ހަމަ ގައިމުވެސް ޕާކިސްތާނަކުން އޭނަ ބުނާ އެއްޗެއް ލީކެއް ނުކުރާނެނު؟ ލޮލް
ރަދީފް
03 March 2019
ޕައިލެޓް އެއީ ހިތްވަރުގަދަ މީހެއް.ނަމަވެސް ޕައިލެޓް ހިންގަން އުޅުނު މިޝަން ނާކާމިޔާބްވެ އަދި ދުޝްމަނުންގެ އަތްދަށުވެ ހަމަ އެދުޝްމަނުންނަށް ދިން ސައި ބޮއެގެން ސަނާކިޔާލި ޕައިލެޓެއްގެގޮތުގަ ތާރީޙްގެ ތެރެއިން ޖާގަ ނުހޯދައޭ ނުބުނަންވެސް މަމެންނެތީމޭ.#ހެއިލްޕާކިސްތާން
ރަދީފް
03 March 2019
*އެދުޝްމަނުން