ރައީސް އިބްރާހިމް މުހައްމަދު ސޯލިހް، މިނިސްޓަރު އާތިފާއާ ސަލާމްކުރައްވަނީ: ހިޔާ މަޝްރޫއުން ފްލެޓްތައް ދޫކުރި މީހުންނަށް ވާނެ ގޮތެއް އޮޅުން ފިލުވަން މިނިސްޓަރު މާދަމާ މަޖިލީހަށް ހާޒިރު ކުރާނެ. --ފޮޓޯ/މިހާރު
04 މާޗް 2019 - 13:58
16 comments
ކުރީގެ ރައީސް އަބްދުﷲ ޔާމީންގެ ސަރުކާރުން ހުޅުވާލި ހިޔާ މަޝްރޫއުން 7،000 ފްލެޓް ލިބުނު ކަމުގެ ލިއުން ދީފައިވާ މީހުންނަށް އެ ފްލެޓްތައް ކަށަވަރުވާނެތޯ އޮޅުންފިލުވަން ހައުސިން މިނިސްޓަރު އައިމިނަތު އާތިފާ މާދަމާ މަޖިލީހަށް ހާޒިރު ކުރަން ނިންމައިފި އެވެ.
ހައުސިން މިނިސްޓަރު މަޖިލީހަށް ހާޒިރުކުރަން ހުށަހެޅުއްވީ މާފަންނު ދެކުނު ދާއިރާގެ މެމްބަރު އަބްދުﷲ ރިފާއު (ބޮޗޭ) އެވެ.
ރިފާއު ހުށަހެޅުއްވި މައްސަލައިގައި ވަނީ، ރައީސް ޔާމީންގެ ސަރުކާރުން އަޅަން ފަށައި ހައްގުވެރިން ކަނޑައަޅާފައިވާ ފްލެޓްތަކަށް ބަދަލު ގެންނަން އުޅޭ ކަމަށް ހައުސިން ޑިވެލޮޕްމެންޓް ކޯޕަރޭޝަންގެ މެނޭޖިން ޑިރެކްޓަރު ސުހެއިލް އަހްމަދާ ހަވާލާ ދެއްވައި މީޑިއާގައި ރިޕޯޓްކޮށްފައިވާ ކަމަށެވެ. އެއީ، ދެ ކޮޓަރީގެ 7،000 ފްލެޓާއި މަސައްކަތް ނުފަށާ ހުރި ދެ ކޮޓަރީގެ 2،500 ފްލެޓެވެ.
ރިފާއު އެދިވަޑައިގަތީ، އެ ބަދަލު ގެންނަން ސަރުކާރުން ނިންމާފައިވާ ކަން ސާފުކޮށްދެއްވުމަށެވެ. އަދި އެ ފްލެޓްތަކުގެ ހައްގުވެރިންނަށް ވާނެ ގޮތެއް ވެސް އޮޅުންފިލުއްވައި ދެއްވަން އޭނާ ވަނީ އެދިވަޑައިގެންފަ އެވެ.
އެޗްޑީސީން ބުނެފައިވާ ގޮތުގައި ހިޔާ މަޝްރޫއުގެ ފްލެޓްތަކަށް ބަދަލު ގެންނަނީ، އެއީ ދިވެހިންނާ ގުޅޭ ގޮތަށް އިމާރާތް ކުރާ ތަންތަނަށް ނުވާތީ އެވެ. އެ ފްލެޓްތަކުގެ ތެރޭގައި ކުރީގެ ސަރުކާރުން މުޅިން ވެސް ހިމަނާފައި ވަނީ އެއް ކޮޓަރި އާއި ދެ ކޮޓަރީގެ ތަންތަނެވެ. ދެ ކޮޓަރީގެ ފްލެޓެއްގެ ބޮޑުމިނަކީ 550 އަކަފޫޓެވެ. ނަމަވެސް ހައުސިން ޑިވެލޮޕްމަންޓް ކޯޕަރޭޝަން (އެޗްޑީސީ) ން މިހާރު ނިންމާފައި ވަނީ އޭގެ ތެރެއިން ބައެއް ފްލެޓްތައް ތިން ކޮޓަރި އަށް ބަދަލުކުރުމަށެވެ.
ހިޔާ މަޝްރޫއަށް ކުރިމަތިލީ 20،000 އަށް ވުރެ ގިނަ މީހުންގެ ތެރެއިން ޝަރުތުހަމަވެ ފްލެޓް ލިބުނު މީހުން ގެޒެޓްކޮށް ބައެއް މީހުންނާ ވަނީ ލިއުން ހަވާލުކޮށްފަ އެވެ. އެ މަޝްރޫއުގައި ފްލެޓް ދޫކުރީ، ޔާމީންގެ ސަރުކާރުން ކުރިއަށް ގެންދިޔަ ބޯހިޔާވަހިކަމުގެ ފުރަތަމަ މަޝްރޫއެކޭ އެއްގޮތަށް ބޭއިންސާފުން ކަމަށް ތުހުމަތު ކުރެ އެވެ.
އެ ތުހުމަތުތައް ބަލައި، އެންމެ ހައްގުވެރިންނަށް ފްލެޓް ދޭން ރައީސް އިބްރާހިމް މުހައްމަދު ސޯލިހް ވަނީ ކޮމިޓީއެއް އެކުލަވާލައިފަ އެވެ. ހިޔާ މަޝްރޫއުން ފްލެޓް ލިބުނީ ހައްގުވެރިންނަށްތޯ ކަނޑައެޅުމާއި ބޭއިންސާފުން ފްލެޓް ދޫކުރި މީހުން ހޯދުމުގެ މަސައްކަތް ހަވާލުކޮށްފައި އޮތީ އެ ކޮމެޓީއާ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ކުލިއްޔާ
09 March 2019
ދިވެހިންނާ ނުގުޅެއޭ ބުނާ ބަހުގެ މާނަ އަކީ ކޮބާތަ؟ ދިވެހިންނާ ގުޅެނީ ކުއްޔަށް އުޅުންތަ؟
އާނިޔާތަ...
06 March 2019
އާތިފާ ވެސް ދެން އުޅޭގޮތެއްދޯ ،،،، މަލެ އަށް ލަައްގާގޮތަށް ދޯ އަދިވެސް ކަލޭގެ ވިސްނުން ތިޔަހުރީ ..ގަނޑުވަރެއް ބޭނުމެއްނޫން،،، 7000 ހަމަކޮށްފަ މިއަހަރު ހަވާލުކުރޭ އަވަހަށް .. ނޫނީ ހިތިވެދާނެ،،،،
ޑިމޮކްެރަސީ
05 March 2019
ފްލެޓް ދިނީ ދިވެހިންނަކައްނު ދެން އެހޭވުމަށްވުރެ ރަގަޅުވާނީ އިންސާފުން ދެންވެސް އަޅާ ފްލެޓްތައް ދިނުން ވެނިމިފަ ހުރި ކަންތައް ބަަލަންވެއްޖިއްޔާ ނިމިދިޔަ ވެރިކަންތަކުގަ ފްލެޓާ ގޯތި ބަހާފަ ހުރީ މުޅިންވެސް އެއޯމެންގެ ބޭނުން ބަޔަކަށް މުޅިންވެސް ގިނައިން ހުރީ ގެދޮރު ހުރި މީހުންނަށް ގެދޮރު ބަހާފަ
ޝޮކްތެރަޕީ
04 March 2019
މިސަރުކަރު ވައުދެ ނުފުއްދޭނެ ކަޑާނީ ފޮނި.
ބޫމް
04 March 2019
"އެއީ، ދެ ކޮޓަރީގެ 7،000 ފްލެޓާއި މަސައްކަތް ނުފަށާ ހުރި ދެ ކޮޓަރީގެ 2،500 ފްލެޓެވެ." ދެން މިސަރުކާރު އަޅާހާ ފުލެޓެއްވެސް ބަހަންވީ ޠާމީނުގެ ކޮރަޕްޓް ލިސްޓަށްތަ؟ 100 ޕޮއިންތު ލިބުނު މީހުންނަށް ނުދީ 30ޕޮއިންޓު ލިބުނު މީހާޔަށްވެސް ފްލެޓެ އެހެރީ ދީފަ. ދެން އޭނާ އަތުން އަތުލައި މީނާޔަށް ދިނުން މައްސަލައެއްތަ؟ މިއުލެނީ މުއްސަނދިވާ ކުއްޔަށް ދޭނޭ ޢިމާރާތެއް ދޭކަށް ނޫން. ބޯހިޔާވަހިކަން ފޯރުކޮށްދޭން. އެކަންވެސް ހަނދާންކުރައްޗޭ ބޮޗޭ!!!!!
ސަކީނަ
04 March 2019
ބަލަ ފުލެޓްބެހިގޮތް ކަމުނުދިޔައިމަ އެ އަލުން ރަނގަޅަށް ބަހާނަމޭ ބުނީމަ މަމެން ވެރިކަން ބަދަލުކުރީ. މިހާރު ބޭކާރު ކަމަކަށްމިވީ.
ހުސެންބެގެ
04 March 2019
ރިފާޢުމެން ރައްޓެހިންނާ ތިމާގެ މީހުނަށް ފުލެޓްދޭން ލިޔުންދިނަސް އޭއްޗެއް ތަންފީޒުކުރެވޭނީ ރަނގަޅަށް ބަލާ ހައްގުވާނަމަ. ކުރީސަރުކާރުން ގަވާއިދާ ހިލާފަށް
ހަމަހޭ
04 March 2019
ރިފާއުމެންގެ ރައްޓެހިން ހާދަގިނައޭދޯ؟ 7000 ރައްޓެހިންނައްދޯ އެބަހާލީ.؟.
ސަކީނާއްތަ
04 March 2019
ބޮޗޭ ކަލޭ ތީ ވަރަށް ހީލެއްތެރި އެއް. އަހަރެމެން ދަފްތަރު މީހުން މާލޭގައި 45 އަހަރުވެފައި މީހުންނަށް ބޯހިޔާވެހިކަން ދޭނަމޭ ކިޔާފައި ވޯޓްހޯދައިގެން މެމްބަރުކަން ލިބުނީމާ ބަހާލީ މުއިއްޒުއާ ގުޅިގެން ރައްތެހިންނާއި ތިމާގެމީހުންނަށް. ކޮން އަގައެއްތަ ތި ތަޅަނީ.މިސަރުކާރުން ބޯހިޔާވެހިަކން ދޭނީ އެއްމެ އެކަށީގެންވާމީހާއަށް.
ފފފފފފދފދރެރެރެނު
04 March 2019
ނުވަރަށުގެ ގޯތި ބުރު ކެންސަލް ކޮއްފަ. ކޮބާ އެމައްސަލަ
ކުލުނުވެށި
04 March 2019
ކުރިންތިބީ މިނިސްޓަރުންނާ ސުވާލެއްވެސް ކޮއްލާކަށް ނުކެރުނު. ހަމަ އެމީހާ ޖަލައްޖެންދިޔައީ... ސުވާލުތައް ގިނަވެ މިމީހުންތައް އޮޅުންބޮޅުން އަރާފަ.