05 މާޗް 2019 - 22:05
85 comments
އެމްޑީޕީ ޕްރައިމަރީ ނާކާމިޔާބުވެވަޑައިގަތުމުން އަމިއްލަ ގޮތުން ކުރިއަށް އޮތް މަޖިލިސް އިންތިޚާބުގައި ވާދަކުރައްވާ ހެންވޭރު ދެކުނު ދާއިރާގެ މެމްބަރު މުހައްމަދު އަބްދުލްކަރީމް (ރުކުމާ) އަހުލާގު ދަސްކުރެއްވުމަށް އެ ޕާޓީގެ ރައީސް މުހައްމަދު ނަޝީދު މިއަދު ގޮވާލައްވައިފި އެވެ.
މަޖިލިސް އިންތިޚާބުގައި ގުރައިދޫ ދާއިރާ އަށް ވާދަ ކުރައްވާ އެމްޑީޕީގެ ކެންޑިޑޭޓް އާދިލް ސަލީމްގެ ކެމްޕެއިންގައި މާފުށީގައި މިއަދު ހަވީރު ވާހަކަފުޅު ދައްކަވަމުން ނަޝީދު ވަނީ ޕްރައިމަރީގައި އާދިލްއާ ވާދަކުރައްވައި ބަލިވި ކެންޑިޑޭޓް މިހާރު ވެސް އެމްޑީޕީއާ އެކު ހުރުމުން އެއީ ނަމޫނާއެއް ކަމަށް ވިދާޅުވެ ތައުރީފު ކުރައްވައިފަ އެވެ. އަދި އެ ނަމޫނާ ދަސް ކުރެއްވުމަށް ރުކުމާ އެ ރަށަށް ވަޑައިގަތުމަށް އެދިވަޑައިގެންފަ އެވެ.
"އަޅުގަނޑު ހެންވޭރު އުތުރު ދާއިރާގެ ކެންޑިޑޭޓަށް، އަޅުގަނޑުމެންގެ ބަލިވި ކެންޑިޑޭޓަށް، ރުކުމާ އަހުމަދަށް ދަންނަވާލަން ބޭނުން މާފުއްޓަށް ދުރުވެ މިތާ އުޅުއްވާލަންވީ ނޫންތޯއޭ ދުވަސްކޮޅަކު. އަހުލާގު ފަހަރެއްގައި ލިބިދާނޭ. ދުނިޔޭގައި އަޅުގަނޑުމެން ލެއްވީތީ ހަމަ އުޅޭކަށް ނުވާނެ. ކޮންމެވެސް ގޮތެއް ވެސް ހުންނަން ވާނެ،" އެމްޑީޕީން ވަކިވެ އެ ދާއިރާއަށް އަމިއްލަ ގޮތުން ވާދަ ކުރައްވާ ރުކުމާ އަށް ނިސްބަތް ކުރައްވައި ނަޝީދު ވިދާޅުވި އެވެ.
އެ ވާހަކަތަކާ ގުޅޭގޮތުން ވަކި އެއްޗެއް ވިދާޅުވާ ބޭނުން ނުވާ ކަމަށް ރުކުމާ ވިދާޅުވި އެވެ.
ކުރިއަށް އޮތް މަޖިލިސް އިންތިޚާބު އެމްޑީޕީ އަށް ކާމިޔާބު ކޮށްދެއްވުމަށް ޕްރައިމަރީ ނާކާމިޔާބުވި މެމްބަރުން ތިއްބަވާނެ ކަމަށް ވެސް ނަޝީދު ވިދާޅުވި އެވެ.
"އެމްޑީޕީގެ ޕްރައިމަރީގައި ނާކާމިޔާބުވި އެއްވެސް ބޭފުޅަކީ ގެއްލިދާނެ ބޭފުޅެއް ނޫން. އެއީ އަޅުގަނޑުމެން ސަރުކާރު ހިންގުމުގައި ވެސް ތިއްބަވާނެ ބޭފުޅުންނަކީ. އެއީ އަޅުގަނޑުމެންގެ މަޝްރޫތައް ވެސް ހިންގަން ތިބޭނެ މެމްބަރުންނަކީ،" ނަޝީދު ވިދާޅުވި އެވެ.
ރައްޔިތުންގެ ބާރުވެރިކަމާ ގުޅޭގޮތުން ވެސް ނަޝީދު ވާހަކަފުޅު ދެއްކެވި އެވެ. އިންސާފު ގާއިމު ކުރުމުގެ އެންމެ އިސް ފަރާތަކީ ސްޕްރީމް ކޯޓޭ ހީވާފަހަރު އަންނަ ކަމަށާއި ނަމަވެސް ހަގީގީ އިސް ފަރާތަކީ ރައްޔިތުން ކަމަށް ނަޝީދު ވިދާޅުވި އެވެ.
"މި ދައުލަތުގެ، ދިވެހިރާއްޖޭގެ އެންމެހާ ބާރުތައް ފެށިގެން އަންނަނީ ރައްޔިތުންގެ ކިބައިން،" ނަޝީދު ވިދާޅުވި އެވެ.
ރާއްޖޭގައި އެންމެ ފުޅާ ދާއިރާއެއްގައި ގެސްޓްހައުސްގެ ވިޔަފާރި ކުރާ މާފުއްޓަކީ ތަރައްގީގެ ނަމޫނާއެއް ކަމަށް ނަޝީދު ވިދާޅުވި އެވެ. އެ ރަށް ހިއްކުމަކީ ރަށުގެ ގިނަ ބައެއްގެ ހުވަފެނަކަށްވާއިރު ރަށުގެ ރައްޔިތުން އަމިއްލައަށް އެކަން ކުރެވޭނެ ގޮތަކަށް ހަމަޖެއްސުމަކީ އެމްޑީޕީން މަޖިލީހުގައި ކުރާނެ ކަންތައް ކަމަށް ނަޝީދު ވިދާޅުވި އެވެ. އޭގެ މާނައަކީ ކައުންސިލްތަކަށް ބާރުތައް ދިނުން ކަމަށް ބެލެވެ އެވެ.
ގުރައިދޫ ދާއިރާގެ ޕީޕީއެމްގެ މެމްބަރު އިބްރާހިމް ރިޒާ އެ ދާއިރާގެ މެމްބަރަކަށް ހުންނަވާތާ ދެ ދައުރު ވާއިރު އަދި ރައީސް އަބްދުﷲ ޔާމީންގެ ސަރުކާރުން މާފުއްޓަށް ކޮށްދީފައިވާ ކަމެއް ނުފެންނަ ކަމަށް ވިދާޅުވެ ނަޝީދު ވަނީ ކުރިއަށް އޮތް އިންތިހާބުގައި އެ ދާއިރާގެ ޕީޕީއެމް ބޭފުޅުން ވެސް އާދިލަށް ވޯޓް ލުމަށް އެދިވަޑައިގެންފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އިބިރިހިންބެއްޔާ
13 March 2019
"އެމްޑީޕީން ވާދަކުރާ 86 ދާއިރާގެ ތެރެއިން ދެރަ އަހުލާގު ހުރި ކަމަށް ފެނުނީ އެންމެ މީހެއް" ކެމްޕޭން ޕޯޑިއަމަތަކުގައި ތިމަންމީހާ އަމިއްލައަށް، ތިމާގެ ވާހަކަ ދެއްކުމަކީ މައްސަލައެއްނޫން.
މުޙައްމަދު ސައީދު ހަމިއްޓެ
08 March 2019
އެމްޑީޕީގެ ޕްރައިމަރީ އާއި ދިމާކޮށް ޖޭޕީއާއި ޕީޕީއެމް އިން މީހުން ގެނެސް ވައްދައިގެން ވޯޓުން ގިނަކޮށް، ބައެއް މީހުންނަށް ޓިކެޓްދީފައި އެބަހުރި. މިފަދަ ކަންކަމަކީ އެމްޑީޕީގެ އެތެރެއިން، ޚާއްސަކޮށް ރައީސް ނަޝީދުގެ ބައިވެރިވުން ވެސް އޮވެގެން ކޮންމެ ފަހަރަކު ހިނގަމުން އަންނަ ކަންކަން. ކޮންމެ މީހަކު ވެސް ވާހަކަ ދެއްކީތީ ދައްކަނީ. ދެއްތޯ؟
hawwa
08 March 2019
މައުމޫނާއި ގާސިމުގެ އަރިހުގައި ތިއްބެވި ބައެއް މީހުންނަށް މަޖުލިސް އިންތިޚާބުގައި ތާއީދު ކުރައްވާނެ ކަމަށް ވައުދުވެ، އެމީހުން ލައްވައި އެމްޑީޕީއަށް ކެމްޕޭން ކުރުވާފައި، ފަހު ވަގުތު ވައުދު އުވާލައި ހުރިހާ ދާއިރާއަށް އެމްޑީޕީގެ ކެންޑިޑޭޓުން ނެރުމަކީ ކޮންކަހަލަ އަޚްލާގެއްތޯ؟
އިމާދު
06 March 2019
ރުކުމާ އަހުމަދު އަމިއްލަގޮތުން މަޖުލީހަށް ނިކުތީ އޭނަގެ ސަޕޯޓަރުންގެ އެދުމުގެ މަތިން. އޭނަގެ އަމިއްލަ އެދުންތަކެއް އޮވެގެނެއް ނޫން. އެހެންވީމަ ތިބުނި ބަސް ރައްދުވަނީ މިދާއިރާގަ އޭނަޔަށް ސަޕޯޓުކުރާ އެންމެނަށް. އޭނަަޔަށް އެކަންޏެއް ނޫން. އަހަރުމެންނަށް ރައީސް ނަޝީދު އުޅޭގޮތްވެސް ފެނޭ. ތީކީ މީހަކު ނަމޫނާއަކަށް ބަލައިގެން އުޅޭވަރު މީހެއް ނޫން. މާދަމާ މަޖުލީހަށް ހޮވިއްޖެއްޔާ ކޮން ނަޝީދެކޭ ކިޔާފަކަން ގޮވަންވީވެސް ނޭނގިފަ މިހުންނަނީ މިހާރުވެސް. މާ ގޮތް ހުންނަ މީހެކޯ.
މިގުދާދު
06 March 2019
މިގައުމުގެ ރައީސްކަން ކޮށްފަ ހުރީމަ ދައުލަތުން އެތައްފައިސާއެއް މީނާގެ ދިރިއުޅުމަށް ހަރަދުކުރާއިރު, މިވަރުގެ މީހެއް މަޖުލީހަށް ކުރިމަތިލުމަކީ އަހުލާގީގޮތުން ކޮންކަހަލަ ކަމެއްބާ??? ބަލަމަނިކުފާނު, މީހެއްގެ ވެއްޖެއްޔާ ކޮންމެސް ގޮތެއްވެސް ހުންނަންޖެހޭނެ އިނގިއްޖެ.. އަމިއްލަ ނަސޭހަތް އަމިއްލަޔަށް އަޑުއަހާ ފުރަތަމަ.
ކާށި
06 March 2019
އެހެން މީހުންގެ ގޮތެއް ނޭނގޭ. އެކަމު ސިޔާސީ ދާއިރާގައި ކިޔާފައި ހުރި އެންމެ ހުތުރު ބަސްތަކާ ވެރިއަކަށް އިހްތިރާމް ކުޑަކުރުމަށް ކުރެވޭނެ އެންމެ ބޭއަދަބީ ގޮތްތަކާ ވެރިންގެ އަބުރު ކަތިލަން އެކި ސިފައިގައި އެކި ގޮތްގޮތަށް ކާޓޫން ކުރެހުމާ އަޚްލާގީ ގޮތުން އެތައް ދަށް ފެންވަރެއްގެ ކަންކަން މަގުމަތީގައި ކުރުން މިއީ ސީދާ ނަޝީދުގެ ކައްޕިތާނުކަމުގައި ކޮށްގެން ފުރަތަމަ ފަހަރަށް މިގައުމުގައި ފެނުނު ކަންކަން.
ޢާންތު
06 March 2019
ހަމަ އެކަނި ރުކުމާތޯ ކީއްވެގެންތޯ ޖާބިރުގެ ނަން ހާމަނުކުރީ.
ޢަލިރަސްގެފާނު
06 March 2019
ރައީސް ނަޝީދު ދަސްކޮށްފައިވާ އަޚްލާޤު ދަސްކުރާކަށް އެއްވެސް މުސްލިމަކު ބޭނުމެއްނުވާނެ. ނަޝީދުގެ އަޚްލާޤު ބޭނުންވާނީ އެކަހަލަ މީހުން.
ވިލްސް
06 March 2019
އަމިއްލައްށް ފުރަތަމަ އަޙްލާގު ދަސްކުރޭ. އޭގެ ފަހުން އެހެން މީހުންގެ ވާހަކަ ދައްކާނީ.
ކޮތަރު އިމުރާނު
06 March 2019
މާފުށީ ގެސްޓްހައުސްތަކުގަ އަޚުލާޤުގެ މޮޑިއުލްތައް ކިޔަވައިދޭންފެށީ ކޮން އިރަކުތޯ؟