ސިވިލް ސާވިސްގެ މުވައްޒަފުންތަކެއް: އަންހެނުން ވިހެއުމުން ދޭ ޗުއްޓީއަށް ވަނީ އިސްލާހުތަކެއް ގެނެސްފައި
10 މާޗް 2019 - 12:34
35 comments
މާބަނޑު މީހާ ބަލިވެގެން ހުށަހަޅައިފި ނަމަ ޗުއްޓީގެ ގޮތުގައި އިތުރު އެއް މަސް ދުވަސް ދޭ ގޮތަށް، އަންހެނުން ވިހެއުމުން ދޭ ހަ މަސް ދުވަހުގެ ޗުއްޓީއާ ބެހޭ ގަވައިދު އިސްލާހުކޮށްފި އެވެ.
ސިވިލް ސާވިސްގެ އެ ގަވައިދުގައި ބުނީ މުވައްޒަފަކު ވިހާ ދުވަސް ކައިރިވެފައިވާ ނަމަ ނުވަތަ ބަލިވުމުގެ ސަބަބުން ވަޒީފާ އަށް ނުކުތުމަށް އޭނާގެ ސިއްހީ ހާލަތު ތަން ނުދޭ ނަމަ، ވިހެއުމުގެ ކުރިން، ބަންދު ދުވަސްތައް ހިމަނައިގެން 28 ދުވަހުގެ ޗުއްޓީއެއް މުސާރަ ލިބޭ ގޮތަށް ދޭން ޖެހޭނެ ކަމަށެވެ.
އަދި އެ ޗުއްޓީ، ވިހެއުމުން ދޭ ހަ މަސް ދުވަހުގެ ޗުއްޓީގެ ގޮތުގައި ނުބަލާނެ ކަމަށް ގަވައިދުގައި ބުނެފައި ވެ އެވެ.
މި ޗުއްޓީ ލިބޭނީ މުވައްޒަފު ބަލިވެ އިނުމުގެ ސަބަބުން އޮފީހަށް ނުނިކުމެވޭނެ ކަމަށް ބުނެ، ރަޖިސްޓްރީކޮށްފައިވާ ސިއްހީ މަސައްކަތްތެރިއަކު ދޫކުރާ ލިޔުމެއް ނުވަތަ މެޑިކަލް ސެޓްފިކެޓެއް ހުށަހެޅުމުންނެވެ.
މާބަނޑު ދުވަސްވަރުގެ ކުރީކޮޅު ވެސް ބަލިވެގެން ހުށަހަޅައިފިނަމަ އެއް މަސް ދުވަހުގެ ޗުއްޓީއެއް ލިބެ އެވެ. އެކަމަކު އެއީ މުސާރަ ނުލިބޭ ގޮތަށެވެ.
މި ގަވައިދާއި ގަވައިދަށް ގެނައި އިސްލާހުތައް، ސިވިލް ސާވިސް ކޮމިޝަނުން މިހާރު ވަނީ އާއްމުކޮށްފަ އެވެ.
ސިވިލް ސާވިސްގައި މަސައްކަތް ކުރާ މުވައްޒަފުން ވިހެއުމުން ލިބޭ ޗުއްޓީ، ހަ މަސް ދުވަހަށް އިތުރުކުރިކަން އިއުލާން ކުރައްވާފައި ވަނީ މިދިޔަ ބުރާސްފަތި ދުވަހު ކ. މާފުށީގައި ބޭއްވި ޖަލްސާއެއްގައި ރައީސް އިބްރާހިމް މުހައްމަދު ސޯލިހެވެ.
ސަރުކާރުގެ އޮފީސްތަކުގެ އިތުރުން ފެނަކަ އާއި އެސްޓީއޯ އާއި ސްޓެލްކޯ ފަދަ ކުންފުނިތަކުން ވެސް ވަނީ ވިހެއުމުން އަންހެނުންނަށް ދޭ ޗުއްޓީ ހަ މަހަށް އިތުރުކޮށްފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ގަބީ
11 March 2019
އަޅެ ދެން އަބަދު ގޭގައި ބަހައްޓަފަ މުސާރަ ދީބަލަ
ޔޫނުސް
11 March 2019
ހެޔޮފުޅުވިޔަސް ބޮޑުވަރު.ރާއްޖޭގެ ސުކޫލްތަކުގަ %75 އަންހެން ޓީޗަރުން.އެއްފަހަރާ ހަތަރު ފަސް ޓީޗަރުން ބަނޑު ބޮޑުވެގެން ވިހެއިމަ ސުކޫލްތަކުގަ ކިޔަވައިދިނުމަށް އެއްވެސް ބުރުލެއްނާރާނެތޯ.7ވަރަކަށްމަސް ޗުއްޓީގަ.މުސާރަ ލިބިފަ.ކޮބާ އެހެންމީހުންގެ ހައްގު.
ހަބީބާ
11 March 2019
ސަރުކާރަށް ތިގޮތަށް ހޭންޑް އައުޓް ދެވިދާނެ އެކަމަކު ޕްރައިވެޓް ސެކްޓަރ އަށް އަދި ކުދި ވިޔަފާރިތަކަށް ތިކަން ތައާރަފް ކުރަންޏާ އެމީހެއްގެ ކޮންޓްރެކްޓަށް ފެމިލީ ޕްލޭނިންގ ގެ މާއްދާއެއްލާ ބަނޑުބޮޑުވާން ވަކި ދުވަސްތަކެއް ލާން މަޖުބޫރުވާނެ. އަދި ކުދިންގެ އަދަދު ޑީފައިންކުރަން މަޖުބޫރުވާނެ. އެހެން ނޫނީ އެ ވިޔަފާރިތަކަށް ހިފަހައްޓައެއް ނުލެވޭނެ. ނޫނީ އަންހެނުން ވަޒީފާއަށް ނުނެގުމުގެ ފުރުސަތު ބޮޑު.
އަންހެނެއް.
11 March 2019
ހީވާ ކަހަލަ އަންހެނުން ބަނޑުބޮޑު ވަނީ އަމިއްލަ އަށޭ. ފިރިހެނަކު މެދުވެރިވެގެން ދޯ ވާނީ. ހަސަދަ ވިއަސްބޮޑުވަރު
ޝޯން
11 March 2019
މިއީ އަސްލު ދިވެހިރާއްޖޭގެ ވޯކިންގް އެޖްގްރޫޕޭ މިކިއާ 20 އަހަރާ 65 އަހަރާ ދޭތެރޭ ހުރި މީހުންގެ ބޮލުގައެޅޭ ވަރަށްބޮޑު ތުރާލެއް. މިމީހުންގެ މުސާރަދޭން ޖެހެނީ މިބުނި މީހުންގެ ޖީބުން. ޓެކްސްފައިސާ އަކީ އެމީހުންގެ އަތުން އަންނަ އެއްޗެއް. މިހާރުވެސް އެވަރަށް ޖެނެރޭޓުކުރާއިރުވެސް ލިބޭއެއްޗަކާ ކުރެވޭ ހަރަދާ ނުބައްދަލު. ނުވިތާކަށް 9 ދަރިން 10 ދަރިން ހޯދި ޖެނެރޭޝަންއަށް މުނިމާމަކިޔާ ދުވަސްވަރަށް ކުރިއަށް އޮތް 10 ނުވަތަ 20 އަހަރުތެރޭ އެޅޭއިރު އެމީހުން ދަރިން ހޯދާފަހުރީ 1ނޫނީ 2ގެ އަދަދުތަކުން. ޒުވާނުން މަދުވެ މުސްކުޅިން ގިނަވާނެ ޖެނަރޭޝަންއަކަށް އެޅޭއިރު ދެމެހެއްޓެނިވި ގޮތަކަށް މިމީހުން މިކުރާކަންކަން ކުރެވޭނެކަމާދޭތެރޭ ޝައްކު.
ޔާސްމީން
10 March 2019
މިވަރުން ދެން ކިހިނެއްތޯ އަންހެނުންނަށާއި ފިރިހެނުންނަށް ވަޒީފާގެ ހަމަ ހަމަ ކަން ލިބޭނީ. އަންހެނުންވެސް އަމިއްލެއަށް ނިކަމެތިވާތަން މިފެންނަނީ. ދެން އަންހެނުންނަށް އޮތް ވަޒީފާގެ ފުރުސަތު ހަމަ ދާނީ ކުޑަވަމުން. މީކީ އަސްލު މާކަށް ރަނގަޅު ނިންމުންތަކެއް ނޫން.
މިއަދު
10 March 2019
ޜާއްޖޭގައި ސިވިލްސާވިސްގައި ގިނައީ އަންހެން މުއައްޒަފުންކަމަށްވެފައި މިހިގާ 2019 ވަނައަހަރަކީ މިފަހުގެ ތާރީޚްގައި އެެއްމެގިނަ އަންހެނުން ވިހާނެ އަހަރުކަމަށްވާއިރު ފިރިހެންމުއައްޒަފުން ހަނާވުންނޫންކަމެއްނުވާނެ ޓީޗަރުންތައް ވިހެއުމުން އެތަންފޫބައްދަން ނުކުންނަންޖެހޭނީ އިސްތިއުފާބޯޑް ހިފައިގެން ބެލެނިނަށް ނުވެދާނެބާ
މިއަދު
10 March 2019
ރާއްޖޭ ވިހާއުމުރުގެ ހުރިހާއަންހެނުންނަކީ ވަޒީފާއަށް ނުކުންނަންނުޖެހޭ ދައުލަތުންމުސާރަދީފައިތިބޭ ދައުލަތުގެ މުއައްޒަފުންގެގޮތުގައި ހަމަޖައްސަންފެނޭ
ނައީމާ ގާސިމް ކޮލަމާފުށި
11 March 2019
ވަރަށް ރަނގަޅު ވާހަކައެއް.ތާއީދު.
އުތެއަންމާ
10 March 2019
ހޫނ. ކޮބައިތަ އެއްކަލަ އަންހެނުންގެ ޙައްޤުތަކަށް، ހަމަހަމަކަމަށް ގޮވާލާ ކުދިންކޮޅު؟ އަންހެނުން މަސައްކަތް ކުރުމުން މުހުރޫމު ކުރުވަނީއެކޭ ނުކިޔާނަންތަ؟ ލާރި ލިބެންޏާ އޯކޭ، ދޯ؟
އަޖައިބެއް
10 March 2019
ބަލަ ބަނޑުބޮޑުވީމަ 1 މަސް ދީފަ ވިހެއިމަ 6 މަސް ދީފަ އަދި އަހަރީ ޗުއްޓީއަށް 1 މަސް ދިނީމަ 8 މަހުގެ ޗުއްޓީ ނިމޭއިރު އޮފީހުގަ މަސައްކަތްކުރަން ބަންދު ދުވަސް ކަނޑާފަ އޮންނާނީ 2 މަސް ދުވަސް.. ތިވަރުން ވަޒީފާ އަދާކޮށް ރައްޔިތުންނަށާ ގައުމަށް ހިދުމަތްކުރާނީ ކޮން އިރަކުތަ؟ ވޯޓު ކާމިޔާބުކުރަން ރައްޔިތުން މަގުފުރެއްދިޔަސް ބޮޑުވަރު.
ނަޖުމާ ހަބީބު
11 March 2019
ޢަސްލުގަވެސް.ގޭގަ ބައިތިއްބާފަ މުސާރަދޭންވީނުން.
ލީވްއެކްސްޕްލޮއިޓަރސް
10 March 2019
ސީއެސްސީގެ ގަވާއިދު ވަރަށް ފުރިހަމަ. އިބޫސޯލިހުގެ ވައުދު ފުއްދާދީފި. ވިހެއުމުން ދަރިފުޅު ދުނިޔޭގަ ހުރެއްޖެއާ 6 މަސްދުވަސް ބަންދު ދުވަސް ހިމަނާއިގެން. ދަރިފުޅު މަރުވެފައިވާނަނަ 6 މަސްދުވަސް ބަންދު ދުވަސް ނުހިމަނާ އަދި އެވެސް އީދު ޗުއްޓީވަދެއްޖެޔާ އެވެސް ނުހިމަނާ. ދަރިފުޅު ބަލަންޖެހޭ މަންމަ އަތުން ގާތްގަނޑަކަށް 48 ދުވަސް މިއޮތީ ކަޓުވާލާފައި ..ވަ ފުރިހަމަ...ދަރިއަކު ވިހޭމާ އެ ދަރިފުޅު ބަލަން ދުވަސްދޭން ވީ ވައުދެއް ނޫންބާ މީ އަނެއްކާ....ވާ ސަރީ