ފާޑުކިޔުންތައް އަމާޒުވުމުން "އެވެންޖާޒް: އިންޑްގޭމް" ގެ ޕޯސްޓަރު އިސްލާހުކޮށްފި

ޑާނިއާ "ބްލެކް ޕެންތާ" ގެ އޯކޮއީގެ ކެރެކްޓާގައި: މި ކެރެކްޓާ" އެވެންޖާޒް: އެންޑްގޭމް" އިން ވެސް ފެންނާނެ.

އަހުމަދު އަދްޝަން، މިހާރު

18 މާޗް 2019 - 07:31

އަންނަ މަހު ރިލީޒްކުރާ "އެވެންޖާޒް" ސީރީޒްގެ އެންމެ ފަހުގެ ފިލްމު "އެންޑްގޭމް" ގެ ރަސްމީ ޕޯސްޓަރުގައި މައިގަނޑު ކާސްޓުންގެ ނަންތައް ހިމެނި އިރު، ފިލްމުގައި މުހިއްމު ރޯލެއް ކުޅެފައިވާ ކަޅު ބަތަލާ ޑާނިއާ ގްރެރާގެ ނަން ނެތުމުން އަމާޒުވި ފާޑުކިޔުންތަކަށް އިޖާބަ ދީ މާވެލް ސްޓޫޑިއޯ އިން ޕޯސްޓަރު އިސްލާހުކޮށް އަލުން ދައްކާލައިފި އެވެ.

ގިނަ ބަޔަކަށް ޕޯސްޓަރު މައްސަލަކަށްވީ މައިގަނޑުގެ ކާސްޓުގެ ނަންތައް ޕޯސްޓަރުގެ މަތީގައި ހިމެނި އިރު، ފިލްމުގެ އެނިމޭޓެޑް ކެރެކްޓާ "ރޮކެޓް" އަށް އަޑު އަޅައިދިން ބްރެޑްލީ ކޫޕާގެ ނަން ހިމެނިފައި، "އިންޑްގޭމް ޕޯސްޓަރު" ގައި ޑާނިއާގެ ފޮޓޯ ހިމަނާފައި އޭނާގެ ނަން ޖަހާފައި ނެތުމުންނެވެ.

She should have been up there all this time. Check out the official Marvel Studios' #AvengersEndgame poster. @DanaiGurira #WakandaForever pic.twitter.com/5V1veWMxlz
— Marvel Studios (@MarvelStudios) March 14, 2019

ޕޯސްޓަރުގައި ކުރިން ހިމަނާފައި ހުރި ނަންތަކަކީ ރޮބަޓް ޑައުނީ ޖޫނިއާ، ކްރިސް އިވަންސް، މާކް ރަފަލޯ، ކްރިސް ހެމްސްވޯތު، ސްކާލެޓް ޖޮހަންސަން، ޖެރެމީ ރެނާ، ޑިން ޗީޑްލް، ޕޯލް، ރުޑް، ބްރީ ލާޒަން، ކަރެން ޖިލަން، ބްރެޑްލީ ކޫޕާ، އަދި ޖޯޝް ބްރޮލިން އެވެ.

I mean, they've got Bradley Cooper's name in there and he's just the VOICE of Rocket. Danai Gurira is the ONLY person on the poster not to be listed by name. https://t.co/zPUVRQBrDf
— Christopher Golden (@ChristophGolden) March 14, 2019

މިކަމާ ގުޅިގެން ބައެއް މީހުން ބުނީ ފިލްމުގެ ރޯލަކުން ނުފެންނަ އެކްޓަރެއްގެ ނަން ޕޯސްޓަރުގައި ހިމެނުމަކީ އިންސާފެއް ނޫން ކަމަށާއި އޭގެ ބަދަލުގައި "އޯކޮއީ" ގެ ކެރެކްޓާ އިން ފެންނަ ޑާނިއާގެ ނަން ހިމެނުން މާ ހައްގު ކަމަށެވެ.

WE KNOW OKOYE ON THE POSTER IS TOKEN WAKANDAN REPRESENTATION BUT THE LEAST YOU CAN DO IS PUT DANAI GURIRA’S NAME UP TOP LIKE EVERYONE ELSE’S. PAY YOUR DIVERSITY TAX.
— Nichole 🍞🍯 (@tnwhiskeywoman) March 14, 2019

މި ފާޑުކިޔުންތަކާ އެކު ޕޯސްޓަރަށް ގެނައި އިސްލާހުގެ ތެރެއިން ޑާނިއާގެ ނަން ޖިލަން އާއި ކޫޕާގެ ނަމުގެ ދޭތެރެ އަށް ވަނީ އިތުރުކޮށްފަ އެވެ.

So? Voice acting also deserves being credited. Also seems like Rocket will have plenty screen time, more than Okoye at least
— Battlin Murdock (@Freezelizard) March 14, 2019

މާވެލްގެ ސުޕަހީރޯތައް އެއްކޮށްހެން ފެނިގެންދާ މި ފިލްމުގައި ޑާނިއާ ތަމްސީލުކޮށްދޭ ކެރެކްޓާ "އޯކޮއީ" އަކީ މިދިޔަ އަހަރު ރިލީޒްކޮށް ބޮޑު ކާމިޔާބީއެއް ހޯދި "ބްލެކް ޕެންތާ" ގައި އޭނާ ކުޅުނު ކެރެކްޓާ އެވެ.

މި ފިލްމު ސިނަމާތަކަށް އަންނާނީ އަންނަ މަހުގެ 26 ގަ އެވެ.