ރޭގެ މެޗުގައި ހެޓްރިކް ހެދި ސްޓާލިން އުފާފާޅުކުރަނީ.-- ފޮޓޯ: އޭއެފްޕީ
23 މާޗް 2019 - 08:47
8 comments
ލަންޑަން (މާޗް 23) - ކުރިއަށް އޮތް ޔޫރޯ ފުޓްބޯޅަ މުބާރާތުގެ ކޮލިފައިންގެ ފުރަތަމަ މެޗުތަކުން ބޮޑު ތަފާތަކުން މޮޅުވެ އިންގްލެންޑާއި ފްރާންސުން ފެށުން ފުރިހަމަކޮށްފި އެވެ.
އަމިއްލަ ދަނޑުގައި ޗެކް ރިޕަބްލިކާ ދެކޮޅަށް ކުޅުނު މެޗުން އިންގްލެންޑް މޮޅުވީ 5-0 އިންނެވެ. ދުނިޔޭގެ ޗެމްޕިއަން ފްރާންސް ރަށުންބޭރުގައި މޮލްޑޯވިއާއާ ދެކޮޅަށް ކުޅެ މޮޅުވީ 4-1 އިންނެވެ.
އިންގްލެންޑްގެ ވެމްބްލީ ސްޓޭޑިއަމްގައި ކުޅުނު މި މެޗުގައި މި ވަގުތު ތަފާތު ފޯމެއްގައި ހުރި އިންގްލެންޑްގެ މެންޗެސްޓާ ސިޓީ އަށް ކުޅޭ ފޯވާޑް ރަހީމް ސްޓާލިން ވަނީ ހެޓްރިކެއް ހަދައިފަ އެވެ. މިއީ ގައުމީ ޓީމުގެ ޖޯޒީގައި އޭނާ ހެޓްރިކެއް ހެދި ފުރަތަމަ ފަހަރެވެ. ރޭގެ ލަނޑުތަކާ އެކު ސްޓާލިން ވަނީ އިންގްލެންޑަށް ކުޅުނު 48 މެޗުން ހަތް ގޯލު ހަމަކޮށްފަ އެވެ.
ބޮރޫޝިއާ ޑޯޓްމަންޑުގެ ވިންގް ޖޭޑަން ސަންޗޯ ފުރަތަމަ އެގާރައިގައި ހިމެނިގެން ކުޅުނުއިރު، ދެ ވަަނަ ހާފްގައި ބަދަލު ކުޅުންތެރިއެއްގެ ގޮތުގައި ވެސްޓް ހޭމް ޔުނައިޓެޑްގެ ޒުވާން މިޑްފީލްޑަރު ޑެކްލަން ރައިސް ވަނީ ކުޅެން އަރުވައިފަ އެވެ. ރައިސް އަކީ ދާދި ފަހުން ނޮދަން އަޔަލެންޑް ދޫކޮށްލުމަށް ފަހު އިންގްލެންޑަށް ކުޅެން ނިންމި ކުޅުންތެރިޔެކެވެ.
އިންގްލެންޑުގެ އަނެއް ދެ ލަނޑުގެ ތެރެއިން އެއް ގޯލަކީ ޗެކް ރިޕަބްލިކުގެ ތޯމަސް ކަލަސް އަތުން ބައިކޮޅަށް ވަން ގޯލެކެވެ. އަނެއް ލަނޑު ޖެހީ ލިބުނު ޕެނަލްޓީ އަކުން ކެޕްޓަން ހެރީ ކޭން އެވެ.
މޮލްޑޯވާ ކުޅުންތެރިއަކު ކައިިރިން ގްރީޒްމަން (ކ) ބޯޅަ ކޮންޓްރޯލް ކުރަނީ. -- ފޮޓޯ: އޭއެފްޕީ
ޔޫރޯ ކޮލިފައިން އާއި ވޯލްޑް ކަޕް ކޮލިފައިންގައި އިންގްލެންޑް އަތުގައި ފުރިމަ ރެކޯޑެއް އޮވެ އެވެ. އެންމެ ފަހުން ކޮލިފައިންތަކުގައި ކުޅުނު 40 މެޗުން ވެސް އިންގްލެންޑް ބަލިވެފައިނުވެ އެވެ. ރޭގެ މެޗަށް ފަހު އިންގްލެންޑްގެ ކޯޗު ގަރެތު ސައުތުގޭޓް ވަނީ ފުރުސަތު ދިން ޒުވާން ކުޅުންތެރިން ދެއްކި ކުޅުމަށާއި ރަހީމް ސްޓާލިން އަށް ތައުރީފުކޮށްފަ އެވެ.
މޮލްޑޯވާ ދަނޑުގައި ކުޅުނު މެޗުގެ 24 ވަނަ މިނިޓްގައި ޕައުލް ޕޮގްބާ ދިން ބޯޅަ އަކުން ފްރާންސަށް ލީޑުނަގައިިދިނީ އެންޓޮއިން ގްރީޒްމަން އެވެ. އޭގެ ތިން މިނިޓް ފަހުން ރަފައެލް ވަރާން ވަނީ ފްރާންސަށް ލީޑުފުޅާކޮށްދީފަ އެވެ. ފުރަތަމަ ހާފު ނިމުމުގެ ކުރިން ފްރާންސްގެ ތިން ވަނަ ލަނޑު ޖެހީ އޮލިވިއޭ ޖިރޫޑް އެވެ.
ފްރާންސްގެ ފަހު ލަނޑު މެޗުގެ 87 ވަނަ މިނިޓްގައި ޖެހީ ޒުވާން ފޯވާޑް ކިލިއަން އެމްބާޕޭ އެވެ. މިއީ އުމުރުން 20 އަހަރުގެ އެމްބާޕޭ ފްރާންސަށް ޖަހައިދިން 11 ވަނަ ގޯލެވެ. އެމްބާޕޭ ލަނޑު ޖެހިތާ ދެ މިނިޓް ފަހުން މެޗުގައި މޮލްޑޯވާ އިން ޖެހި ހަމައެކަނި ގޯލު ކާމިޔާބުކުރީ ލަޑިމީރް އަމްބްރޯސް އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޙަބީބު
23 March 2019
ރަނގަޅުބަޔަކާ ޖެހުނީމަ އިނގިރޭސިން ވެލިކާނެ
ރަދީފް ފޭންސް
23 March 2019
ސާބަހޭ ޕޯޗުގަލް.އަދި ރަނގަޅުވާނެ.
ރަދީފް
23 March 2019
މަރުހަބާ އިންގްލެންޑް.ތިޔަ ހޯދި ކާމިޔާބީ އެއީ ވަރަށް އުފާވެރި ފޮނި ކާމިޔާބީއެއް.ދުނިޔޭގެ 05 ވަނައިގަ އޮތް އިންގްލެންޑް ޔޫރޯ ކޮލިފައިންގަ ހިމެނެނީ ވަރަށް ފަސޭހަ ގްރޫޕެއްގަ. ޗެކްރިޕަބްލިކް(44) ، މޮންޓެނިގްރޯ(46)، ބަލްގޭރިއާ(48) ، ކޮސޯވާ (130). ދުނިޔޭގެ 05 ވަނަައިގަ އޮތް ކްލަބަށް އިސްވެ މިބުނި ޓީމްތައް ބަލި ނުކުރެވެންޏާ ދެން 05 ވަނައިގަ އޮތުމުގެ ބޭނުމެއް ނެތް.ރާއްޖެ އާއި ބްރެޒިލް އެއް ގްރޫޕެއްގަ އޮތުމެކޭ ތަފާތެއް ނެތް އެހެން ނޫންތޯ.ވ.ވެެދުން
ހިސޭ
24 March 2019
ލޮލް އާރޖެންޓީނާއަށް ވޯރލްޑްކަޕުގަ އަދި ކޮޕާ އެމެރިކާގަ ވީ ގޮތުގެ ވާހަކަ ކިޔައިދީބަލަ. ދުނިޔޭގެ އެންމެ އަގުބޮޑު އެއް ސްކޮޑް އަދި ޔޫރޯ ކްލަބް އިންޑެކްސްގެ އެއްވަނަ ބާރސެލޯނާ މިދިޔަ 3އަހަރު ޗެމްޕިއަންސް ލީގުގެ ކުއާރޓަރ ފައިނަލް ފަހަނައަޅާ ނުދެވޭއިރު އެއްވަނާގައި އޮތުމުގެ ބޭނުމަކީ ކޮބައިހޭ އަހާބަލަ. އިޓަލީގެ 5ވަނަ ބަލިނުކުރެވެންޏާ އެއްވަނައިގަ އޮންނަނީ ކީއްކުރަންބާ؟
ރަދީފް
24 March 2019
@ހިސޭ އަށް.އާޖެންޓީނާ 05 ފަހަރު ވޯލްޑްކަޕް ފައިނަލްގަ ކުޅުނު ، 02 ފަހަރު ޗެމްޕިއަންކަން ހޯދި.އިންގްލެންޑް ފައިނަލްގަ ކުޅުނީ އެންމެ ފަހަރަކު.އެވެސް މީގެ ބައިގަރުނުކުރިން 1966 ވަނަ އަހަރު.އާޖެންޓިނާއިން ސަރަހައްދީ މުބާރާތް (ކޮޕާ އެމެރިކާ) 14 ފަހަރު ކާމިޔާބްކުރި.ސަރަހައްދީ މުބާރާތް ޔޫރޯ އެންމެ ފަހަރަކުވެސް އިންގްލެންޑަށް ކާމިޔާބް ނުކުރެވޭ.ޔޫރޯ1968 ގަ 03 ވަނަ މަގާމް ހޯދުން އެއީ ލިބުނު އެންމެ މަތީ ކާމިޔާބީ ، އެވެސް މީގެ 51 އަހަރުކުރިން.ވ.ވެދުން
ހިސޭ
25 March 2019
މިފަހުގެ ވާހަކަ މިދައްކަނީ. އެންމެ ފަހުން ވޯރލްޑްކަޕްގަވެސް އާރޖެންޓީނާއަށްވުރެ ކުރިއަށް އިންގްލޭންޑް ދިޔަ. އެންމެ އީޒީ ގްރޫޕްގަ ހިމެނިގެންވެސް އާރޖެންޓީނާއަށް ލިބުނީ 4 ޕޮއިންޓް. އިންގްލޭންޑް އިން ސެމީގައި ކުޅުނު. އާރޖެންޓީނާ މުޅި މުބާރާތުގައިވެސް މޮޅެއް ހޯދުނީ އެންމެ މެޗަކުން
ރަދީފް
25 March 2019
@ހިސޭ އަށް.އިރާދަކުރެއްވިޔާ މިފަހަރު ބާސާ ރަނގަޅު ޕާފޯމަންސެއް ދައްކާނެ.އިންޝާﷲ.އިޓަލީގެ 05 ވަނަ ބަލިނުކުރެވޭ ވާހަކަ ދައްކާއިރު ޔޫސީއެލްގެ ގަދަ 8 ގަ ބަލިޓީމެއް ނޯންނާނެކަން ހިސޭއަށް ނޭނގުން އެއީ ލަދުވެތިކަމެއް.އަދި ދުނިޔޭގެ ރޭންކިންގެ 5 ވަނައަށް 40 ދަށުގެ ހުރި ގައުމުތަކަށް ފަސޭހައިން ރަނގަޅު ފައިޓެއް ދެވިދާނެއޭ ބުނީމަ ހަޖަމް ނުވުން އެވެސް ލަދުވެތިކަމެއް.ވ.ވެެދުން
ރަދީފް
25 March 2019
@ހިސޭ.2018ގަ އާޖެންޓީނާ އަދި ޖަރުމަނަށް ވެސް ދިމާވި ދެރަގޮތެއް.ތަންކޮޅެއް ނަސީބް ވެސް ދެރަ.މަނިކްފާނުގެ އިންގްލެންޑް 2018ގަ ހޯދި ކާމިޔާބީއަށް މަރުހަބާ ކިޔަން.އާޖެންޓީނާ އަދި އިންގްލެންޑް ހިމެނުނު 02 ގްރޫޕްގަ އައިސްލެންޑް އަދި ޕެނަމާއިން ދެއްކި މޮޅުކުޅުންވެސް ފާހަނގަ ކުރަން.ހިނގާދޯ ޔޫރޯ2020ގަ އިންގްލެންޑް އަދި ކޮޕާއެެމެރިކާ2019ގަ އާޖެންޓީނާ ދައްކާ ކުޅުމުގެ ފެންވަރު ބަލާލަން.ވ.ވެދުން.