ރައީސް އިބްރާހިމް މުހައްމަދު ސޯލިހާއި ހޯމް މިނިސްޓަރު އިމްރާން އަބްދުﷲ. --- ފޮޓޯ: ރައީސް އޮފީސް
23 މާޗް 2019 - 15:13
20 comments
ކުރީގެ ރައީސް އަބްދުﷲ ޔާމީނުގެ ސަރުކާރުގައި ހޯމް މިނިސްޓަރުގެ ބާރުތަކެއް ހަނިކޮށް ރައީސްގެ މަސްއޫލިއްޔަތުތަކުގެ ތެރޭގައި ހިމަނާފައިވާތީ އެކަންކަން އަލުން ހޯމް މިނިސްޓަރަށް އިއާދަކޮށް ދެއްވުމަށް ރައީސް އިބްރާހިމް މުހައްމަދު ސޯލިހް ނިންމަވައިފި އެވެ.
ރައްޔިތުންގެ މަޖިލިހުގެ އިންތިޚާބުގައި އެމްޑީޕީގެ ޓިކެޓުގައި ށ. ކޮމަންޑޫ ދާއިރާ އަށް ވާދަކުރައްވާ، އެ ދާއިރާގެ ކުރީގެ މެމްބަރު ހުސެއިން ވަހީދުގެ ކެމްޕެއިނަށް އެ ރަށަށް ވަޑައިގެން ރައީސް ވިދާޅުވީ ގާނޫނީ ގޮތުން ހޯމް މިނިސްޓަރަށް ލިބޭ ބާރުތަކެއް ޔާމީންގެ ސަރުކާރުގައި ހިފަހައްޓާފައިވާ ކަމަށެވެ.
މިދިޔަ ބުރާސްފަތި ދުވަހު އެ ބާރުތައް ހޯމް މިނިސްޓަރަށް ހަވާލުކުރެއްވުމަށް ސޮއިކުރައްވަން ޖެހޭ ލިޔެކިޔުންތަކުގައި ސޮއިކުރައްވާފައިވާ ކަމަށް ވެސް ރައީސް ވިދާޅުވި އެވެ. އެމަނިކުފާނު ވިދާޅުވި ގޮތުގައި އެ ބާރުތައް ހޯމް މިނިސްޓަރަށް ދޫކުރައްވާނީ ފެށޭ ހަފްތާގެ ތެރޭގަ އެވެ.
މި ސަރުކާރުގެ ހޯމް މިނިސްޓަރަކީ، އަދާލަތު ޕާޓީގެ ރައީސް ޝެއިހް އިމްރާން އަބްދުﷲ އެވެ.
"ފުލުހުންގެ ގާނޫނުގައި އެ ވާ ހޯމް މިނިސްޓަރަށް ލިބިދޭ ބާރުތައް ހޯމް މިނިސްޓަރަށް ލިބި އޭރު ނަގާފައި އޮތް ހުރިހާ ބާރުތަކެއް އަޅުގަނޑު ވާނީ މިހާރު ދޫކޮށްލާފައި،'' ރައީސް ވިދާޅުވި އެވެ.
ޔާމީންގެ ސަރުކާރުގައި ހޯމް މިނިސްޓަރަކަށް ހުންނަވަނިކޮށް، އުމަރު ނަސީރުގެ އަތުން އެ ބާރުތައް ޔާމީން ނެންގެވީ އޭރުގެ ޓޫރިޒަމް މިނިސްޓަރު އަހުމަދު އަދީބުގެ މައްސަލަތަކެއް ބެލުމަށް އުމަރު، ފުލުހުންނަށް އެންގެވުމުންނެވެ. އަދި މާލޭގެ ބައެއް ގްރޫޕްތައް އެއްވެ އުޅޭ ތަންތަން ރޫޅާލުން ފަދަ ކަންކަން ފެށުމުން އެކަމާ ވެސް ޔާމީން ހިތްހަމަޖެހިވަޑައެއްނުގަތެވެ.
ފުލުހުންގެ ގާނޫނުގައި އޭރު ހިފެހެއްޓި އެއް މާއްދާއަކީ ވަކިވަކި ފުލުހުންނަށާއި ފުލުހުންގެ ބަޔަކަށް ނުވަތަ އެންމެހާ ފުލުހުންގެ މައްޗަށް ސީދާ ހޯމް މިނިސްޓަރަށް އަމުރު ކުރެވޭ ގޮތަށް އޮތް އޮތުމެވެ.
ރައީސް އިބްރާހިމް މުހައްމަދު ސޯލިހް ވިދާޅުވި ގޮތުގައި އެމަނިކުފާނު ވެރިކަމަށް ވަޑައިގެންނެވީ ވަރަށް ގިނަ ކަންކަން އިސްލާހު ކުރެއްވުމަށެވެ. ގިނަ ބައެއްގެ ބުރަ މަސައްކަތުން ވެރިކަމަށް ވަޑައިގެންނެވުނު އިރު، ގާނޫނުތަކަށް ބަދަލުތައް ގެނައުމުގެ މަސައްކަތް ކުރައްވަމުން ގެންދަވާ ކަމަށް ވެސް ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މޫސާސް
24 March 2019
ދީފަ ބަހައްޓާ އޭނާއަކީވެސް ވަރަށް ބަޤާވާތްތެރި ބޭކަލެއް.
ދީމާހު
24 March 2019
ބާރުތައް ދިނަސް ބާރުތައް ބޭނުންކޮށްގެން ކަންކަން ހިންގާނެ ގާބިލިއްޔަތާއި ތަޖުރިބާ ނެތިއްޔާ މާބޮޑު ތަފާތެއް ނުފެނި ތަން ބޮއްސުންލުން ނޫން ކަމެއް ނުވާނެ
މަރޭމިތުރު
24 March 2019
ފުލުހުންގެ ތެރޭގައި ތިބި ގާނޫނީ މީހުންނަށް ޝަރީއަތްކުރުމުގެ ބާރު ލަސްނުކޮށް ދިނުމައް ގޮވާލަން. ތި ކޯޓުތަކުން ކަމެއް ނުވިއެއްނުން.
ކޮއްޕާ
24 March 2019
ރަގަޅު ބާރުތައްދީފަ ބަހައްޓާތި ތިހެންކިޔާގެންވެސް އަދާލަތުމީހުންގެ ވޯޓުކޮޅު ވެސް ދަަމައި ގަނެފަ ބަހައްޓާ 6 އެޕްރީލް ގެ ފަހުން އިމްރާންގެ މައްޗައް 7 ފެބުރުއަރީ ގެ ދައުވާ އުފުލާފަ ޖަަލައް ލާފަ އެކުޓިވިސްޓަކައް ހޯމްމިނިސްޓްރީ ހަވާލުކުރޭ ރަގަޅު ވާނެ ބޯގަންވިލާ އިބުރާ އޭރުން ދީނީ މިނިވަން ކަން އޮނޤނާނީ...
ހިޔާލު
24 March 2019
މިނިސްޓަރަށް ބާރުތައް ލިބުމުން ކަންކަން ރަގަޅުވާނެކަމަށް އުއްމީދު.ކުރަމެވެ. އަނިޔާ ލިބެމުންދާ ފަރާތްތަކަށް ލިބެނީ ހައްގު އަނިޔާތޯ ބެއްލެވުމުގައި ފަރުވާ ކުޑަނުކުރެއްވުމަށް އެދެމެވެ. އަނިޔާގެ ރަހަ އަދި އިމްރާނުގެ އަރަކުން ނުފިލާނެއެވެ. އެހެންކަމުން ވޭނުގައި އުޅޭމީސްތަކުންގެ ޝަކުވާތަކަށް ފަރުވާތެރިވެ އަވަސްކޮށްދެއްވުމަށް އެދެމެވެ.
ފަޅުވެރިން
23 March 2019
ދެން އެކަމުން ރައްޔިތުންނަށް ވަނީ ކޮން ކަމެއް؟؟ ރައްޔިތުންނަށް ލާރިގަނޑެއް ލިބޭނެތަ؟ ރަށުތެރޭގައި ކުށްކުރުން މަދުވާނެތަ؟ ރައްޔިތުންނަށް ލިބޭނެ މަންފާއަކީ ކޮބާ؟ މަންފާއެއް ނުވާ ކަމަށް ވާނަމަ، ކޮންމެ މަޤާމެއް ކަމަށްވިއަސް، މީނަ އަތުގައި އޮތް އެއްޗެއް އޭނަ އަތަށް ދީފައި، އޭނަ އަތުގައި އޮތް އެއްޗެއް ކަންމަތީގައި ހުރި މީހާ އަތަށް ދިނުމަކުން ރައްޔިތުންނަށް ކޮން ކަމެއް؟؟
ވީން
23 March 2019
އުމަރު އަތުން ބާރުނެގި ވެރިމީހާ ވަރެއް ނެތިގެން މިހާރު އުޅެނީ.
ރަދީފުގެ އައްޕަ
23 March 2019
މިހާރު މާލޭގައި ހިންގަމުން މިގެންދާ ތަންތާ އަލިފާން ރޯކުރުމުގެ ސިލްސިލާ ހުއްޓުވާ! މިއީ ޖަލުގައި ތިބެންޖެހޭ މީހުން ގޭގައި ބޭތިއްބުމުގެ ނަތީޖާ!
މަރޭމިތުރު
23 March 2019
ފުލުހުންނައްވެސް އިތުރު ބާރުތަކެއް ދޭންވީ! ފަނޑިޔާރުންނަށް ދޫކޮށްލައިގެން ތިބެގެން މިތަނަކަށް ރަނގަޅު އިންސާފެއް ނުލިބޭނެ. ފުލުހުންގެ ތެރެއިން ކަމުވޮށިގެންވާ މީހުންނަށް ޝަރީއަތް ކުރުމުގެ ބާރުތަކެއްވެސް ދޭންފެނޭ!!
ބްރިޖްމަތީ
23 March 2019
"އަދި މާލޭގެ ބައެއް ގްރޫޕްތައް އެއްވެ އުޅޭ ތަންތަން ރޫޅާލުން ފަދަ ކަންކަން ފެށުމުން އެކަމާ ވެސް ޔާމީން ހިތްހަމަޖެހިވަޑައެއްނުގަތެވެ." މިވަރުންވެސް އެއްޗެއް ނުވިސްނޭނެ ބައެއް މީހުންނަކަށް.