މެލޭޝިއާގެ 1އެމްޑީބީ ބޭންކުގެ ޚިޔާނާތުގެ ފައިސާ އިން ގަތް ސުޕަ ޔޮޓް. --ފޮޓޯ:އޭއެފްޕީ
03 އެޕްރީލް 2019 - 15:57
4 comments
ކުއާލަ ލަމްޕޫރު (އެޕްރީލް 3) - މެލޭޝިއާގެ އިންވެސްޓްމެންޓް ބޭންކް 1އެމްޑީބީގެ ޚިޔާނާތުގެ ފައިސާ އިން 250 މިލިއަން ޑޮލަރު (އެއް ބިލިއަން ރިންގިޓް) އަށް ގަތް ސުޕަ ޔޮޓް އެ ގައުމުގެ ކުންފުންޏަކަށް 126 މިލިއަން ޑޮލަރަށް ވިއްކާލަން ނިންމައިފި އެވެ.
ގާތްގަނޑަކަށް 300 ފޫޓު (90 މީޓަރު) ގެ "އިކުއަނިމިޓީ" ޔޮޓުގައި ޕޫލާއި ހެލިޕެޑަކާއި ސިނަމާއެއް ހުރެ އެވެ. ކޭމަން އައިލެންޑްސްގައި ރަޖިސްޓްރީކޮށްފައިވާ ޔޮޓް ގަނެފައި ވަނީ 1އެމްޑީބީގެ ޚިޔާނާތުގައި އެންމެ ބޮޑަށް ބައިވެެރިވި ލޯ ޓައެކް ޖޯ އެވެ. އިންޑޮނީޝިއާ އިން އެ ޔޮޓް މިދިޔަ އަހަރު ހިފެހެއްޓުމަށް ފަހު އޮގަސްޓް މަހު ވަނީ މެލޭޝިއާ އަށް ގެންގޮސްފަ އެވެ.
މެލޭޝިއާގެ އެޓާނީ ޖެނެރަލް ޓޮމީ ތޯމަސް ވިދާޅުވީ ޔޮޓް ވިއްކާލަނީ ހޮޓަލާއި ރިސޯޓް ހިންގާ ކުންފުންޏެއް ކަމަށްވާ ޖެންޓިން މެލޭޝިއާ އަށް ކަމަށެވެ. އަދި ޔޮޓް ވިއްކާލުމުގެ ކަންތައް މި މަސް ނިމޭއިރަށް ނިންމާލެވޭނެ ކަމަށް އޭނާ ވިދާޅުވި އެވެ.
ތޯމަސް ވިދާޅުވީ ޔޮޓް ވިއްކާލާ 126 މިލިއަން ޑޮލަރަކީ މީގެ ފަސް މަސް ކުރިން އެ ޔޮޓް ނީލަމަށްލީ ފަހުން ލިބުނު އެންމެ ރަނގަޅު އަގު ކަމަށެވެ.
1އެމްޑީބީގެ ޚިޔާނާތުގެ އަގު 4.5 ބިލިއަން ޑޮލަރަށް އަރާ ކަމަށް އެމެރިކާގެ ޖަސްޓިސް ޑިޕާޓްމަންޓުން ބުނެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ފޮނިކަލޯ
06 April 2019
ރާއްޖޭގަވެސް ކޮރަޕްޝަން ފައިސާއިނ އެބަހުރި ކަން ތައްތަކެއް ކޮށްފަ މި މީމީހުންގެ މުދާތައްވެސް ވިއްކާލުމަށް ސަރުކާރައް އިލްތިމާސް ކުރަން،،،!
ޝޮކްތެރަޕީ
03 April 2019
ހާދަ އަގުބޮޑުކޮ ހެދި ޔޮޓެކޭ. އެހެންވެ ދަރުމަވަންތަ ހޮސްޕިޓަލް 140މިލިޔަން އެރުން އެކެށީގެންވޭ.
ޕިންކް ޑާންސް ޑާންސް
04 April 2019
ރަނގަޅު ވާހަކައެއް . ކޮރަޕްޝަން ވަދެފިއްޔާމު އެތަށް ގުނައެއް އަގު ބޮޑުވާނެ.
މޮހޮޖް
06 April 2019
300 ފޫޓްގެ ޔޮޓެއްގަ ހުންނާނެ 30 ބުރި އިމާރަތެއްގެ ދިގުމިން. މެރިން ކޮލިޓީ އަގު ބޮޑުވާނެ. ދެން ކީއްވެ 25 ބުރި އިމާރާތެއް އަގުބޮޑުވަންވީ ީ