އިންޑިއާ ގައުމީ ޓީމު ލަނޑު ޖެހުމަށް ފަހު އުފާފާޅުކުރަނީ.-- ފޮޓޯ: އޭއެފްޕީ
07 އެޕްރީލް 2019 - 13:28
14 comments
އިންޑިއާ ފުޓްބޯޅައިގެ ވިސްނުން މިހާރު ހުރީ ރަނގަޅު މިސްރާބުގައި ކަމަށާއި އެ ޓީމުން ދެން އަމާޒުހިފަންވީ 2026 ވަނަ އަހަރު އޮންނަ ފީފާ ވޯލްޑް ކަޕަށް ކޮލިފައިވުމަށް ކަމަށް އިއްޔެ އޭއެެފްސީ އިންތިހާބުގައި ފީފާ ކައުންސިލް މެމްބަރުކަމަށް އިންތިހާބުވި އޯލްއިންޑިއާ ފުޓްބޯލް ފެޑެރޭޝަން (އޭއައިއެފްއެފް)ގެ ރައީސް ޕްރަފުލް ޕަޓޭލް ވިދާޅުވެއްޖެ އެވެ.
އަށް އަހަރަށް ފަހު މި އަހަރު އޮތް އޭޝިއަން ކަޕްގައި ވާދަކުރި އިންޑިއާ އިން އަންނަނީ އެ ގައުމުގެ ފުޓްބޯޅަ ލީގު ވަރުގަދަ ބްރޭންޑަކަށް ހެދުމަށް މަސައްކަތްކުރަމުންނެވެ. އަދި ދާދި ފަހުން އެ ގައުމުގައި ބޭއްވި 17 އަހަރުން ދަށުގެ ވޯލްޑް ކަޕާ އެކު ވެސް ގިނަ ކަންތައްތަކެއް ވަނީ ބަދަލުވެފަ އެވެ.
ޕްރަފުލް ވިދާޅުވީ ދުނިޔޭގެ މައި ފުޓްބޯޅަ އިދާރާ ފީފާގައި އިންޑިއާގެ ބައިވެރިވުން އޮތުމަކީ ހަގީގަތުގައި އެ ގައުމުގެ ފުޓްބޯޅަ އަނެއް ހަރުފަތަށް ދާނެ ކަމުގެ ޔަގީންކަމެއް ކަަމަށެވެ.
"އަހަރެންގެ އަމިއްލަ ނަފްސު ގަބޫލުކުރަނީ އޭޝިއާގެ އެހެން ގައުމުތަކާއި އިންޑިއާއާ އެކުވެގެން މި ބައްރުގެ ފުޓްބޯޅަ އަނެއް ހަރުފަތަށް ގެންދެވޭނެއޭ. އަހަރެން ދެކެނީ އިންޑިއާ އެކޭ އެއް ގޮތަށް ކުރިއަށް އޮތް ތަނުގައި އޭއެފްސީ އާއި ފީފާގައި ޗައިނާގެ ބައިވެރިވުން ބޮޑުވުން،" 2012 ވަަނަ އަހަރުން ފެށިގެން އިންޑިއާ ފުޓްބޯޅަ ފެޑެރޭޝަނުގެ ރައީސްކަން ކުރައްވަމުން އަންނަ ޕްރަފުލް ވިދާޅުވި އެވެ.
"އަހަރެމެންނަށް ކުރެވެން ހުރި ހުރިހާ ހިތްވަރެއް ކޮށްގެން ވެސް މަސައްކަތްކުރަންވީ 2026 ވަނަ އަހަރުގެ ވޯލްޑް ކަޕަށް އިންޑިއާ ކޮލިފައިކޮށްދޭން."
އޭއައިއެފްއެފްގެ ރައީސް ޕްރަފުލް (ކ) އާއި ފީފާގެ ރައީސް އިންފަންޓީނޯ. -- ފޮޓޯ؛އޭއެފްޕީ
ފީފާ އިން އަންނަނީ ވޯލްޑް ކަޕްގައި ކުޅޭ ޓީމުތަކުގެ އަދަދު 48 އަށް އިތުރުކުރުމަށް މަސައްކަތްކުރަމުންނެވެ. ޕްރަފުލް ވިދާޅުވީ މިއީ އޭޝިއާ އިން ވޯލްޑް ކަޕްގައި ތަފާތު ދައްކަން ލިބޭނެ އިތުރު ފުރުސަތެއް ކަމަށް ވިދާޅުވެފަ އެވެ.
އޭއެފްސީގެ ރައީސްގެ މަގާމް މިހާރު ވެސް އެ މަގާމް ފުރުއްވަމުން އަންނަ ބަހުރޭނުގެ ޝެއިޚް ސަލްމާން ބިން އިބްރާހިމް އަލް ޚަލީފާ އަށް ވަނީ އިންތިހާބުގެ ކުރިން ކަށަވަރުވެފަ އެވެ. އެއީ ވާދަކުރައްވާނެ އިތުރު ކެންޑިޑޭޓެއް ނެތުމުންނެވެ. އެ މަގާމަށް ދެން ކުރިމަތިލެއްވި މިހާރު ނައިބު ރައީސް ގަތަރުގެ ސައުދު އަޒީޒް އާއި އެގްޒެކްޓިވް މެމްބަރަކަށް ހުންނެވި ޔޫއޭއީގެ މުހައްމަދު ހަލްފާން އަލް ރުމައިތީ ވަނީ ނަން އަނބުރާ ގެންދަވައިފަ އެވެ.
އިންޑިއާ އިން އަންނަނީ އެ ގައުމުގެ ފިރިހެން ސީނިއާ ފުޓްބޯޅަ ޓީމަށް ކޯޗަކު ހޯދުމުގެ މަސައްކަތްކުރަމުންނެވެ. އިންޑިއާގެ ކުރީގެ ކޯޗު ސްޓެފަން ކޮންސްޓަންޓައިން ވަނީ އެންމެ ފަހުން އޮތް އޭޝިއަން ކަޕަށް ފަހު މަގާމުން ދުރުވެފަ އެވެ. އިންޑިއާގެ ކޯޗު ކަމަށް މަޝްހޫރު ގިނަ ކޯޗުން ވަނީ ޝައުގުވެރިކަން ފާޅުކޮށްފަ އެވެ. އޭގެ ތެރޭގައި އިންގްލެންޑް ގައުމީ ޓީމަށް ކުރިން ކޯޗުކޮށްދިން ދެ ކޯޗުން ކަމަށްވާ ސްވެން ގޯރަން އެރިކްސަން އާއި ސޭމް އެލަޑައިސް ހިމެނެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޢަހްމަދު
08 April 2019
އިންޑިޔާއަށް ނެތް ތިކަންވާކަށް..އިންޑިޔާއިން މިއުޅެނީ އޭޝިޔަން ކަޕްގެ ގުރޫޕް ސްޓޭޖް ފަހަނަޅާ ނުދެވިގެން..އިންޑިޔާއަށް ޗަރުކޭސް މިދެއްކެނީ ސާކްގެ ގައުމުތަށްކާރީގަ
ހަގީގަތް
08 April 2019
އިންޑިޔާޔަށްވާނެ. އެމީހުން މިހާރު އެއޮތީ އެހެން ލެވަލްއެއްގައި. އެމީހުންގެ ލީގުގައި މިހާރު ޔޫރަޕުގެ މަޝްހޫރު ކުޅުންތެރިން ދަނީ ކުރަމުން. އެމީހުން ދަނީ ވާރލްޑް ކަޕަށް ކޮލިފައިވުމަށް ބުރަކޮށް މަސައްކަތްކުރުން.
ޢަހްމަދު
08 April 2019
ނުވާނެ..އިންޑިއާގެ އައި ލީގްގަ ކުޅޭނީ ފުޓްބޯޅަ ކުޅުމުން ރިޓާޔާކޮށްފަ ތިބި މީހުން
ހަގީގަތް
09 April 2019
އަޙްމަދަށް. ބުރަކޮށް މަސައްކަތްކުރަންޏާ ކޮންމެވެސް ދުވަހަކުން އޭގެ ފޮނި މީރުކަން ލިބޭނެ. 2022ގެ ވާރލްޑް ކަޕްގައި 40 ޓީމު ބައިވެރިކުރާކަންވެސް އެބަބުނޭ. އަދި ކުރިޔަށްއޮތް ތަނުގައި ވާރލްޑް ކަޕް ހޯސްޓުކުރުން އިންޑިޔާޔަށް ލިބިއްޖެނަމަ އެމީހުންނަށް ވާރލްޑް ކަޕް ކުޅެލެވޭނެ. ގަތަރާ އެއްކަހަލަ ގޮތަކަށް.
ޢަހްމަދު
10 April 2019
ވޯލްޑްކަޕް ކުޅެން 50 ގައުމަށް ފުރުސަތު ދިނަސް އިންޑާއާއަށް ވޯލްޑްކަޕްގަ ނުކުޅެވޭނެ..އެމީހުންގެ ނެތް އެހާ ކެޕޭސިޓީއެއް..އިންޑިއާއިން ފުރަތަމަ ޓާގެޓްކުރަންވީ އޭޝިއަންކަޕްއިން ރަގަޅު ރިޒަލްޓެއް ނެރެން
މޫސާފަތުހީ12
08 April 2019
އިންޑިޔާއަށް ވެދާނެ.. ދިވެހިން ތިބޭނީ ކަންމަތީކަޕުކަޕުން 9 ވަނަ ލިބުނަސް ރުހިގެން. ފުޓުބޯޅަ ހަލާކުކޮށްފި.
އަލިފުތު ބެއްޔާ
07 April 2019
އިންޑިޔާއަށް ވޯލްޑްކަޕް ކުޅެވުމަކީ ދިވެހިންނަށްވެސް ވޯލްޑް ކުޅެވުން. އެއީ އެޖެންޑާގެ ދަށުން ރާއްޖެއަކީ އިންޑިޔާގެ ސްޓޭޓޭއް. މާރިޔާއާ މޯޑީ ވަރަށް އުފާވާނެ.
ހައްޤުބަސް.
09 April 2019
އެޖެންޑާ 19 އަކީ ވަރަށް އިލްމީ ބަޔަކު ދިރާސާތަކެއްކޮށް ހަދާފަ އޮތް އެއްޗެއް.. ލީގަލް، އިކޮނޮމިކް، ތިމާވެށި، އަސާސީ ހިދަތްތަކާއި ބައިނަލްއަޤުވާމީ ގުޅުންތައް ފަދަ ކޮންމެ ދާއިރާއެއްގެ ބައި ތައްޔާރުކޮށްފާވަނީ އެ ދާއިރާއެއްގެ އެންމެ ފުނއނާބު އުސް އިލްމީ ތަޖުރިބާކާރުން..ނުކިޔަވާ ޖާހިލަކު އޭގަ އޮތް އެއްޗެއް ނުބަލާ އެ ނުކިޔާ ތިޔަހެން ލަވާ ހަޅޭ ދިވެހިން ބަލައި ނުގަންބާނެކަން މަޖިލިސް އިންތިހާބުން ވަރަށް ސާފު.. ފިތުނަ އުފައްދާމީހުން ދެންވެސް ވާނީ ފެއިލް
ހަގީގަތް
07 April 2019
މިތާގައި އިންޑިޔާޔަށް މަލާމާތްކުރާ ފަރާތްތަކަށް. އަހަރުމެން ދިވެހިންނަކަށް އިންޑިޔާޔަކަށް ފުޓްބޯޅައިގައި މަލާމަތެއްނުކުރެވޭނެ. އެމީހުން މިހާރު އޮތީ އެހެން ލެވަލެއްގައި. ރާއްޖެ އަދިވެސް ސާފް ޗެމްޕިއަންޝިޕަށް އަމާޒު ހިފާފައިވާއިރު އިންޑިޔާ މިހާރު އެއޮތީ އޭއެފްސީ އޭޝިއަން ކަޕްގައި ކުޅި އެއް މެޗުން މޮޅުވެސް ވެފައި. އިންޑިޔާ އަންނަނީ ޒުވާން ހުނަރުވެރި ކުޅުންތެރިން އުފައްދަން ބުރަކޮށް މަސައްކަތްކުރަމުން. އެމީހުންގެ ލީގުވެސް މިހާރު ވަރަށް ވަރުގަދަ.
ސަލީމް
07 April 2019
ޢަހަރުމެން ދަންނަ ފީފާވޯލްޑް ކަޕައް ނޫން ކޮލިފައިވާނީ ގެރިގުއިލާ ވޯލްޑްކަޕްގެ ވާހަކަ ކަންނޭގޭ
ރަދީފް
07 April 2019
ރަނގަޅަށް ތިބުނީ.އިންޑީޔާ އަދި ރާއްޖެ ވޯލްޑްކަޕްގަ ކުޅުން އެއީ ވަރަށް ނާދިރުކަމެއް.އެހެނެއްނޫން ، ހާއްސަ އިނާޔަތެއްގެ ދަށުން ޖާގައެއް ދީފިނަމަ ބައިވެރިވެރިނުވެވޭނެއެކޭނޫން.
ހަސަން ނުވަވަނަ
07 April 2019
ތިރީސްވަނަ ސްޓޭޓުގެ ކުޅުންތެރިޔަކުވެސް ހިމަނާތި ސްކޮޑުގަ އޭރުން މެޖަންޓާ 19ގެ ކުދިން ނިކަން އުފާވާނެ
މޮރީ
07 April 2019
ހަހަހަހަހަހަހަހަހަހަހަހަހަހަހަހަހަހަހަހހަހަހަހހަހހހ
ރަދީފު ބިން ރަފައިދާ
07 April 2019
ތީހަމަ ދިވެހިންގެވެސް އަމާޒު. ދިވެހިންދާނީ ވޯލްޑްކަޕަށް އިންޑިޔާއާއެކު. މީ މިހާރު ދާދި އެއްބައެއް.