ހުޅުދު އާއި މީދޫ ބޮޑުމަގުގައި ތާރު އަޅަން ނަގާނީ 8 މަސް: އެމްޓީސީސީ

އަހުމަދު އަދްޝަން، މިހާރު

07 އެޕްރީލް 2019 - 13:36

އައްޑޫ ހުޅުދު އާއި މީދޫ (ހުޅުމީދޫ) ބޮޑުމަގުގައި ތާރު އެޅުމުގެ މަސައްކަތް އަށް މަސް ދުވަހުގެ ތެރޭގައި ނިންމައިލެވޭނެ ކަމަށް މަޝްރޫއާ ހަވާލުވި އެމްޓީސީސީން ބުނެފި އެވެ.

ބުރާސްފަތި ދުވަހު ނައިބު ރައީސް ފައިސަލް ނަސީމު ވަނީ އެ މަޝްރޫއު ރަސްމީކޮށް ފައްޓަވައި ދެއްވައިފަ އެވެ.

ހުޅުމީދޫ ބޮޑު މަގުގައި ތާރު އަޅަން އެމްޓީސީސީއާ 32 މިލިއަން ރުފޔާ އަށް ހަވާލުކުރީ މިދިޔަ މަހުގެ 27 ވަނަ ދުވަހު އެވެ. މި މަޝްރޫއުގެ ދަށުން ދެ ކިލޯމީޓަރުގެ ސަރަޙައްދެއްގައި ރަނގަޅު ފެންވަރަކަށް ތާރު އަޅައިގެން ހެދުމުގެ އިތުރަށް މަގުގައި ބައްތި ޖަހައި ސައިޑްވޯކް ވެސް ހަދާނެ އެވެ.

މި މަޝްރޫއާ ބެހޭ ގޮތުން ނައީބު ރައީސް ވިދާޅުވީ ސަރުކާރުން ކުރިއަށް ގެންދާ ހުރިހާ މަޝްރޫއެއްގެ މަސައްކަތް ވެސް ކުރިއަށް ދާނީ ބާރު ސްޕީޑުގައި ކަމަށާއި ނަމަވެސް ކުރާ މަސައްކަތެއްގެ ފެންވަރު ސަރުކާރުން ހިފަހައްޓާނެ ކަމަށެވެ.

Addu City Hulhudhoo Meedhoo Bahaauhdheen magugai thaaru elhumuge masahkaiy Naibu raees Faisal Naseem miadhu ifthithaahu kohdhehvaifi pic.twitter.com/bf3Vyk4Gic
— Addu City Council (@AdduCityCouncil) April 4, 2019

"މިސަރުކާރުން ފައްޓަވާ ހުރިހާ ކަމެއްވެސް ކުރިއަށް ދާނީ ރަނގަޅަށް. އަޅުގަނޑު ދެންމެވެސް ސީއީއޯ ޝާހްއާ ވާހަކަ ދައްކައިފިން. އަޅުގަނޑު ދަންނަވައިފިން މަސައްކަތް އަވަސް ކުރެއްވުމަށް. އެކަމަކު އެކުރާ މަސައްކަތެއްގެ ފެންވަރު ހިފަހައްޓާނެކަން. އަޅުގަނޑުމެންނަށް ފެނިގެން ދިޔައީ ވިލުފުއްޓަށާއި، ކުޅުދުއްފުއްޓަށާއި، ދިއްދޫ ފަދަ ރަށްރަށަށް އަޅުގަނޑުމެން ދިޔައިރު ރައްޔިތުންކުރާ ޝަކުވާތައް،" ފައިސަލް ވިދާޅުވި އެވެ.

"މަގުގައި ތާރު އަޅާފައި އެބަހުރި އަދި މަގުތައް ވެސް ހަދާފައި އެބަހުރި ނަމަވެސް ދުވަސްކޮޅެއް ނުވަނީސް މަގުތައް ހަލާކުވެ އަނެއްކާ ވެސް ޕެޗް އަޅަން ޖެހިފަ ހުންނަނީ. އެހެންވީމަ އަޅުގަނޑު ޝާހްއަށް ދަންނަވާލަން ބޭނުން ވަނީ މި ސަރުކާރަކީ ސްޓޭންޑާޑް މެއިންޓެއިން ކުރާނެ ސަރުކާރެކޭ އެގޮތަށް އެކަން ކުރައްވާށޭ."

އައްޑޫގެ މީހުން ދިރިއުޅޭ އެހެން އަވަށްތަކާ ވަކިން އޮންނަ ހުޅުމީދުއަކީ މީގެ ކުރިން ގާ އަތުރައިގެން ވެސް ބައެއް މަގުތައް ހަދާފައިވާ އަވަށެކެވެ.

އައްޑޫ ސ. ހުޅުމީދޫ އެމްޓީސީސީ ނައިބު ރައީސް ފައިސަލް ނަސީމް

12 ކޮމެންޓް, 43 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ޙަބީބު

08 April 2019

ތީބޭކާރު ކަމެއް އައްޑޫ ގެ އާބާދީގެ ބޮޑުބައި ދިރިއުޅެނީ މާލޭގަ މަޖިލިސް އިންތިހާބުގަ ތިކަހަލަ ހޮޅިވާހަކަ ނުދައްކާ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މުޒުނާނު

08 April 2019

މީ އެއްކަލަ ރަށްފަޅުކޮށްފަ މެޖޯރިޓީ މީހުން މާލޭ ސިޓީ އާއި ލަންކާ އިންޑިއާ އަދި މެލޭޝިއާގަ ދިރިއުޅޭ ސ.އަތޮޅު ހުޅުދޫ ވާހަކަ ދޯ. މިރަށުގެ ގޮނޑި އިލްޔާސް އަށް ހޯދަ ދިނީ ރަށަށް ނިސްބަތްވާ ބީރައްޓެހީން. އިލްޔާސްއަށް ވޯޓުލީ ގިނަ މީހުންނަކީ ވޭތުވެދިއަ 30 އަހަރު ރަށަށް ޒިޔާރަތްކުރުން ކީއްކުރަން ރަށް އޮތް ކޮޅަށް ބޯލައިގެން ނިދި ބައެއްވެސް ނޫން މިކަން ތިޔަ ނޫސްވެރިން އަމިއްލަޔަށް ދިރާސާ ކޮށްލައްވާ. ރަށަށް މަންފާއެއް ކުރިޔަސް ނުކުރިޔަސް އެމީހުންނަށް ހެޔޮ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރަދީފް

08 April 2019

100 ޕަސެންޓް ތެދުވާހަކައެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

444444

08 April 2019

ތާރުއެޅުމަކީ މި ނާޒުކު ތިމާވެއްޓާ ގުޅޭ ކަމެއްތޯ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މޮނިމް

07 April 2019

ތީ ރަށުގެ% 75 މީހުނަކީ މާލޭ ރަވެހިވެ ހުޅުމާލޭގެ ގެދޮރުވެރިން. ދެން ކޮން ތާރައެއްތަ.؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނާނި

07 April 2019

އަދި ތިރަށްރަށުގައި ތާރު ނޭޅޭތޯ؟؟؟؟؟؟؟؟؟!!!!!!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މިލި

07 April 2019

އެއްމެ މަގެއްގަވެސް އަޅާފަ ނެތް ކަންނޭނގެ. މިތަނުން އެއްރަށުގެ ކުޑަ ތަންކޮޅެއްގަ ގާއަތުރާފަ ހުރޭ. މި ދެރަށުގެވެސް މެޖޯރިޓީ އުޅެނީ މާލޭގަ. އައްޑޫގެ ރަށްތަކުގަ އަދި ނަރުދަމާވެސް އަޅާ ނުނިމޭ ނޫނީ އަދި ކިރިޔާ ފަށާފަ ހުރީ. އައްޑޫ މީހުން ބަދަލަކަށް ވޯޓު ލަނީ ސަބަބުތަކެއް އޮވެގެން. އިބޫއަށް މިކަންތައް ނުކޮށްދެވެންޏާ މި ސަރުކާރަށްވެސް ގިނަ ބަޔަކު ނޫނެކޭ ބުނާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރަދީފް

07 April 2019

ސާބަހޭ އެމްޓީސީސީ.5 މަހުން ނިމެންޖެހޭނެ މަސައްކަތެއް ތިޔައީ.ޕޭވްމެންޓް ކާބްސްޓޯން ޖަހާ ލެވެލްކޮށްފަ އޮތީ.އެހެންވީމަ އެމްޓީސީސީގެ އަސްލު ކެޕޭސިޓީގަ ކޮށްފިނަމަ 5 މަހުން ނިންމާލެވޭނެ.ވަރަށް އުފާކުރަން ހުޅުމީދޫގެ މަގުތަކުގަ މިސަރުކާރުން ތާރުއަޅާތީވެވ.ވެދުން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޚލމހ.

07 April 2019

70 ގޮނޑި ލިބުނީމަ ހެޔޮގޮތް ވިސްނި ކޮޅު ބަދަލުކޮށްލީ ތާ ދޯ؟؟ ވ. ވެދުން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރަދީފް

08 April 2019

@ޚލމހ. އަށް. އަހަރެން ގައުމުގެ ތަރައްގީއަށް ކޮންމެ ބަޔަކު ކަމެއްކުރިއަސް އެބަޔަކު ކުރާކަމަކަށް ހިތްވަރުދޭނަން..އެއްވެސް ސިޔާސީ މީހެއް އަދި ޕާޓީއެއްގެ ޕަޕެޓެއްގެ ގޮތުގަ ދުވަހަކުވެސް ނެތިން އަދި ނުވެސް ހުންނާނަން.ކަލެއަށް މިހާވަރުން ފުދޭނެކަމަށް ހީކުރަން.ވ.ވެދުން