މިދިޔަ މަހު 271 މީހަކަށް ޗިކުންގުންޔާ ޖެހުނު: އެޗްޕީއޭ

މަދިރި މަދުކުރަން އެޗްޕީއޭއިން ފެށި ކެމްޕެއިންއާ ގުޅޭގޮތުން މީޑިއާއަށް މައުލޫމާތު ދެނީ. -- މިހާރު ފޮޓޯ: ހުސެއިން ވަހީދު

ލަމްޔާ އަބްދުﷲ، މިހާރު

09 އެޕްރީލް 2019 - 20:20

މިދިޔަ މަހު 271 މީހަކަށް ޗިކުންގުންޔާ ޖެހިގެން ރިޕޯޓްކޮށްފައިވާ ކަމަށް ހެލްތު ޕްރޮޓެކްޝަން އޭޖެންސީ (އެޗްޕީއޭ) އިން މިއަދު ބުނެފި އެވެ.

މަދިރީގެ ޒަރިއްޔާ އިން ފެތުރޭ ބަލިތައް މަދުކުރުމަށާއި އެކަމާ ގުޅޭ ގޮތުން އާއްމުން ހޭލުންތެރިކުރަން އެޗްޕީއޭ އިން މި މަހު ފެށި ކެމްޕެއިނުގެ ދަށުން ޑެންގީ އަދި ޗިކުންގުންޔާ ޖެހިފައިވާ މީހުންގެ އަދަދު ސޯޝަލް މީޑިއާ މެދުވެރިކޮށް ހަފުތާއަކު އެއް ފަހަރު ދަނީ އާއްމު ކުރަމުންނެވެ.

މި އަހަރު މިހާތަނަށް ޗިކުންގުންޔާ ޖެހުނު މީހުންގެ އަދަދު -- މައުލޫމާތު: އެޗްޕީއޭ

މި އަހަރުގެ މިހާތަނަށް ޗިކުންގުންޔާ އެންމެ ގިނައިން ފެނިފައި ވަނީ މިދިޔަ މަހެވެ. ޖެނުއަރީ މަހު 74 މީހަކަށް މި ބަލި ޖެހިގެން ރިޕޯޓްކޮށްފައިވާ އިރު ފެބްރުއަރީ މަހު 179 މީހަކަށް ބަލިޖެހިފައިވެ އެވެ. ޗިކުންގުންޔާ އެންމެ ގިނައިން ފެނިފައި ވަނީ ގއ. އަތޮޅުންނެވެ. އަދި މި މަހުގެ މިހާތަނަށް 49 މީހަކަށް ޗިކުންގުންޔާ ޖެހިފައިވާ ކަމަށް އެ ތަނުން ބުންޏެވެ.

އެޗްޕީއޭ އިން ބުނި ގޮތުގައި މި މަހުގެ މިހާތަނަށް 88 މީހަކަށް ޑެންގީ ޖެހިގެން ރިޕޯޓްކޮށްފައިވެ އެވެ. އަދި މި އަހަރު ޖުމްލަ 1،493 މީހުންނަށް ޑެންގީ ޖެހިގެން ރިޕޯޓްކޮށްފައިވާ ކަމަށް އެޗްޕީއޭ އިން ބުންޏެވެ.

Prevent #mosquitobites and its #entry with use of repellants or screens or choose to wear loose and light colored that covers arms and legs.#Chikungunya #Dengue #Prevention #WindowScreens #Repellants #Aedes #April2019 @MoH_mv @WHOMaldives @maldivianrc @MaleCitymv pic.twitter.com/3lku8Pi8sH
— HPA Maldives (@HPA_MV) April 6, 2019

އެޗްޕީއޭގެ ޓްވީޓް

މަދިރީގެ ޒަރިއްޔާ އިން ފެތުރޭ ބަލިތައް މަދު ކުރަން މިދިޔަ މަހު ވެސް އެޗްޕީއޭ އިން ހަރަކާތްތަކެއް ހިންގި އެވެ. އެމްއެންޑީއެފް އާއި މާލޭ ސިޓީ ކައުންސިލުގެ އެހީގައި ކޮންސްޓްރަކްޝަން ސައިޓްތައް އިންސްޕެކްޓްކޮށް، ފެން ހަރުލާފައި ހުންނަ ތަންތަން ވަނީ ސާފުކޮށްފަ އެވެ.

މީގެ އިތުރުން އެޗްޕީއޭ އިން އަންނަނީ މަދިރި އަދި ޑެންގީ ފަދަ ބަލިތަކާ މެދު އާންމުން ހޭލުންތެރިކުރަން މަސައްކަތްތަކެއް ކުރަމުންނެވެ. އަދި އެޑިއުކޭޝަން މިނިސްޓްރީއާ ގުޅިގެން ސްކޫލް ދަރިވަރުންނާއި ބެލެނިވެރިންނަށް ހާއްސަ ހަރަކާތްތަކެއް ވެސް ކުރިއަށް ގެންދަން ރާވާފައިވާ ކަމަށް އެޗްޕީއޭގެ ޕްރޮގްރާމް މެނޭޖަރު ސަނާ ސަލީމް މިއަދު ވިދާޅުވި އެވެ.

ކޮންމެ އަހަރަކު ވެސް ރާއްޖޭގައި ޑެންގީ ފެތުރޭ މިންވަރު އިތުރު ވަނީ މެއި، ޖޫން އަދި ޖުލައި މަހު ކަމަށް އެޗްޕީއޭ އިން ބުންޏެވެ. އަދި ކުރިއަށް އޮތް ތަނުގައި އިންފްލުއެންޒާ ރޯގާ އިތުރުވާނެ ކަމަށް ލަފާ ކުރެވޭތީ، އިންފްލުއެންޒާ ވެކްސިން ޖަހަން ވެސް އެޗްޕީއޭ އިން މިދިޔަ ހަފްތާގައި ވަނީ އިލްތިމާސްކޮށްފަ އެވެ.

ހޭލުންތެރިކުރުން ޑެންގީ މަދިރި ހެލްތު ޕްރޮޓެކްޝަން އެޖެންސީ

7 ކޮމެންޓް, 6 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

މާދުރު ތަރި

10 April 2019

ތިޔަ އަދަދަށް ވުރެ މާގިނަ ވާނެ! ސަބަބު؟ ޓެސްޓު ހެއްދެން ނެތުން! އަދި ގިނަ ބަޔަކު ޓެސްޓު ނެހެއްދުން! އަސްލު މައްސަލައަކީ ހެލްތް މިނިސްޓްރީ އަކީ ބޭކާރު ތަނެއް! ސިޓީ ކައުންސިލް ތަކުގެ ވެރިން ކުރާހާވެސް ކަމަކީ ސިޔާސީ އެކްޓިވިޒަމް! މިސާލަކަށް މާލޭ މޭޔަރ ޝިފާ! ދުވަހަކުވެސް ދެއްކުން ތެރިކަމުން މަދު ފަހަރަކު ނޫނީ މަދިރި ނޫނީ ހިނގާމީހުންގެ މައްސަލަ ތަކުގެ ކަންކަން ނުކުރާނެ! ޓުވީޓަރ ޝަކުވާ ބޮޑިވަރު ލިޔާނެ! ކުރާ ކަމެއް ހަރާން! މުސާރަ ގެޔަށް ގެންދޭ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގުނިޔާޗިކަންޗިކަން

10 April 2019

ވަރަށް ސަޅި ބަލިޖެހޭ މީހުންގެ ޢަދަދަު ހާމަ ކޮށްލަކޮށްލާ ތިބީމަ ނިމުނީ ދެން ކުރާނީ އިޢުލާނެއް ބައްޔެއް އުޅޭ ކަމަށް ކިހާ ފައްކާ ބައެއްމީ އެއްވެސް އަމަލީ ހަރަކާތެއް ބާއްވާކަށް ނުޖެހޭ ދެން ނަގާނީ ރިސްކް އެލަވަންސް ދެން އަންގާނީ ވެސްން ޖަހަން ބަލި އުފެދޭ ސަބަބު ނައްތާ ނުލާ ބަލި ނައްތާލަންނމަސައްކަތްކުރާ ބަޔަކު މުޅި ދުނިޔޭަގަވެސް ނެތް މިމީހުން ނޫނެންޏާ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އެޗްތީއޭ

10 April 2019

ނަގައިގެން ވެރިކަމުން ފެށިގެން ޢާއްމު ޞިއްހަތުވަނީ ދަށަށް ދާން ފަށާފަ ހެލްތު ޕްރަތަކްޝަން އެޖެންސީ އަކީ ނަމުގައި އޮތް ވާވެފަ އޮތް ތަނެއް މިގައުމުގަ އެންމެ އަވަހަށް ބަދަލް ގެންނަން ޖެހޭ ތަނަކީ އެއީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޗިކޏ

10 April 2019

ތިޔައްވުރެ މާމާގިނަ.. އަދިވެސް ހަގީގަތް ނުފޮރުވާ ހާމަކުރިވަރަކަށް ރަގަޅުކުރެވޭނީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނަގޫރޯޅި

10 April 2019

ތިހުރިހާ ކަމެއްވީއިރު ޑޮކްޓަރ "ޕްލީސް ޑޯންޓްގޯ" އަދި ސަރުކާރުވެސް މިކަން ފޮރުވައިގެން އެންމެންތިބީ ހަނު. ދެން ވާއެއްޗެއްވެ ނިމުނީމަ ތިކިޔަނީ ކޯޗެކޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސޮފާ

09 April 2019

ކުޑަމިނުން ރާއްޖެއިން ތިޔަ ބުނާ ބައްޔަށް ޓެސްޓްވެސް ނުކުރެވޭ. އައިޖީއެމްއެޗުގެ "މެޝިނުގެ ބައެއް ހަލާކުވެގެން" ޓެސްޓް ނެހެދޭތާ 2 މަހަށްވުރެ ގިނަ ދުވަސްވެއްޖެ. ތިބޭފުޅުންނަށް މުހިއްމު ވަނީ ޢަދަދު ހާމަ ކުރުން ކަމަށްވަންޏާ ތިބޭފުޅުންނަށް ވަރަށް ކާމިޔާބުވާނެ. ވަރަށް ބާރަށް ފެތުރި ވަރަށް ގިނަ މީހުން އެބަ ނިކަމެތިވޭ ތިބަލީގަ. ޝިފާއަކީ ހޯދަން އުޅުނީމަ ﷲ ދެއްވާ އެއްޗެއް. އެކަމަކު ރާއްޖޭގެ ޑޮކްޓަރުން ހިނިއައިސްފަ ބުނަނީ ފަރުވާއެއް ނެތޭ. ދެން ދަނީ ގެއަށް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސޮފާ

09 April 2019

މުހިއްމުވަނީ ތިޔަ ބަލި ޖެހޭ ޢަދަދު ހާމަ ކުރުންތޯ؟ ހޭލުންތެރި ކުރުމުން ވަނީ ކޮން ފައިދާއެއްތޯ؟ ރައްކާތެރި ވުމަށާއި ބަލި ޖެހިއްޖެނަމަ ދެން ކަންތައް ކުރާނޭ ގޮތް ތިޔަ ބޭފުޅުންނަށް ކިހާ ވަރަކަށް ކިޔާދެވިފައިވޭތޯ؟ މުޖްތަމަޢުގެ އެތައް ބަޔަކު ތިބަލިތަކުގަ އެނދުން ނުތެދުވެވި ތިބިކަން ތިބޭފުޅުންނަށް އެނގޭތޯ؟ ހޮސްޕިޓަލަށް ދާއިރަށް ތިޔައީ "ޗިކަންގުންޔާ، ތި ބައްޔަކީ ފަރުވާއެއް އޮތް ބައްޔެއް ނޫން" މިހެން ބުނެފައި ބޮލުން ފައްސާލުމަކީ ހައްލެއްތޯ؟؟؟؟؟؟؟؟؟؟؟؟؟؟؟