މާފަރު އެއާޕޯޓުގެ ރަންވޭ މައްޗަށް ވެލާ ބިސް އަޅަނީ.-
14 އެޕްރީލް 2019 - 14:59
15 comments
ނ. މާފަރުގައި ތަރައްގީ ކުރަމުން އަންނަ އެއާޕޯޓްގެ ރަންވޭއަށް ބިސް އަޅަން އެރި ކަމަށް ބެލެވޭ ވެލާ މަރުވެގެން އެ ރަށު ގޮނޑުދޮށަށް ލައްގާފައި އޮއްވައި ފެނިއްޖެ އެވެ.
މާފަރު އެއާޕޯޓުގެ ރަންވޭއަށް ވެލާ އަރައި ބިސް އަޅާފައިވާ ފޮޓޯ ސޯޝަލް މީޑިއާގައި ދައުރުވީ މިިދިޔަ އަންގާރަ ދުވަހު އެވެ.
ސޯޝަލް މީޑިއާގައި ދައުރުވި ފޮޓޯތަކުން ފެންނަ ގޮތުގައި، ބިސް އަޅަން އެރި ވެލާއާ، މަރުވެފައި އޮއްވައި ފެނުނު ވެލާގެ ބޭރުފުށުން އެއްގޮތް ނިޝާންތަކެއް ފެނެ އެވެ. އެގޮތުން ވެލާގެ ބޮލާއި އެއް ފިޔަގަނޑުގައި ހުރި ނިޝާންތައް ދިމާވެ އެވެ. މަރުވެފައި އޮއްވައި ފެނުނު ވެލާގެ ބުރަކަށި މަތިން ބޮޑު ތަންގަނޑެއް ގޭނިފައި ހުއްޓެވެ. އެހެންވެ އެއީ ރަންވޭމަތީގައި ވެލާ ދަމާފައި ގެންދިއުމުން ވެފައި ހުރި ގޮތެއް ކަމަށް ބެލެވެ އެވެ.
އެކަމުގެ މައުލޫމާތު އެނގޭ މީހަކު ބުނިގޮތުގައި ރަންވޭ މަތިން ވެލާ ފެނުނީ ބޯޓު ޖައްސަންވެގެން ރަންވޭ ޗެކްކުރަނިކޮށެވެ. އެވަގުތު އެމީހުން ވެލާ ވަގުތުން ގޮނޑުދޮށަށް ދޫކޮށްލީ އެވެ. އޭރު ވެސް ވެލާ އޮތީ ހަރަކާތެއް ނުކޮށް ކަމަށް އޭނާ ބުންޏެވެ.
Apparently it was found by an expat working at airport runway as an engineer and was dragged to shore and left to die. #saveturtle pic.twitter.com/73EJNTU39o
— Biya Vazeeru (@BiyaVazeeru) April 12, 2019
މަރުވި ވެލާ މިހާރު ވަނީ ވަޅުލައިފަ އެވެ.
އެކަމާ ގުޅިގެން އެންވަޔަރްމަންޓަލް ޕްރޮޓެކްޝަން އޭޖެންސީ (އީޕީއޭ) ގެ ޑިރެކްޓާ ޖެނެރަލް އިބްރާހިމް ނައީމް ވިދާޅުވީ، ވެލާގެ ތޮށިގަނޑަށް ބަލައިލުމުން އެއަށް އަނިޔާކޮށްފައިވާ ކަމަށް ފާހަގަކުރެވޭ ކަމަށެވެ. އެހެންވެގެން އެ މައްސަލަ ތަހުގީގުކުރަން ފުލުހުންނަށް ހުށަހަޅާފައިވާ ކަމަށް ވިދާޅުވި އެވެ.
ވެލާއާ ގުޅޭ ތަޖުރިބާކާރަކު ބުނިގޮތުގައި ވެލާ ބިސް ނާޅައި ހަށިގަނޑު ތެރޭގައި ގިނައިރު ބިސް ބެހެއްޓުމަކީ އެ މަރުވެދާނެ ކަމެކެވެ. ބިސް އަޅާނެ ތަނެއް ނުފެނިގެން މޫދަށް ވެސް ވަރަށް ގިނައިން ވެލާ ބިސްއަޅާ ކަމަށް އޭނާ ބުންޏެވެ.
އާންމުކޮށް ވެލާ ބިސް އަޅާނީ ހޭޅިފަށުގެ ދޮންވެލިގަނޑު ކޮނުމަށް ފަހު އެ ތަންތަނަށެވެ. އަދި މާފަރު އެއާޕޯޓް އަޅަމުންދާ ސަރަހައްދަކީ ކުރިން އާންމުކޮށް ވެލާ އަރައި އުޅޭ ސަރަހައްދެއް ކަމަށްވެ އެވެ.
ސިންގަޕޫރު ކުންފުންޏަކާ ހަވާލު ކޮށްގެން މާފަރުގައި އަޅަމުންދަނީ އިންޓަނޭޝަނަލް އެއާޕޯޓެކެވެ. އެތަން ތަރައްގީ ކުރަނީ 2.2 ކިލޯ މީޓަރުގެ ރަންވޭއަކާ އެކު، ދުނިޔޭގެ އެންމެ ބޮޑެތި މަތިންދާބޯޓު ވެސް ޖެއްސޭ ފެންވަރަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އެ ކަަނބާ
06 December 2022
އާންމުކޮށް ގަވާއިދުން ގިނަ އަދަދަކަށް ވެލާ ބިސް އެޅުމަށް އަރާ ރަށްރަށާ ސޭންޑު ބޭންކުތަށް ތަރައްގީގެ ނަމުގައި ހަލާކު ކުރުމަކީ އެއްވެސް މައްސަލައެއް ނޫން ދެއްތޯ އީޕީއޭ. ހީހީ ހަލާކު..އެކާހިތުން ކެއުުމަކީ މައްސަލައެއް. މިހާރު މިޔަރާއިހެދި ބޮޑުވަބާއަކަށް މަސްވެރިންނަށް ވަނީވެފަ އަހަރުގެ ވަކި ދުވަސްވަރެއްގައި ހުއްދަ ކުރަންވީ އޭރުން ބެލެންސްވާނެ ފައިދާވެސްވާނެ އެއީތަރައްގީއަކީ ހިމާޔައްކުރުމަކީ، އިހުލާސްތެރިކަންނެތީ ބަލަނީ ޖޫރިމަނާކޮށްގެން ރުފިޔާ ލިބޭތޯ
ނުކި
15 April 2019
ހަމަ އެރިކަމަށް ބެލެވެނީތަ؟ ޔަގީނެއް ނޫން؟ :ޕ
އައިމިނާ
15 April 2019
ހިތަށްއަރާ ތިޔަބުނާ އީޕީއޭ މީހުންނަށް ފުރަތަމަދުވަހު ނޭނގުނީބާއޭ. އޭތި އެތަނަށްއެރިކަން. އެދުވަހު ކީއްވެބާއޭ މާފަރު ކައުންސިލަށްގުޅާފަ ރައްކާތެރިކަމާއެކު އޭތި މޫދަށް ދޫކޮށްލަންނުބުނީ. އޭތިމަރުވީމަ ދެންކޮންސަކަރާތެއް. މާފަރު މީހުންނަކީ އާއްމުކޮށް ވެލާމަސްކައި ބިސްކައި އުޅޭބައެއް އަބަދުވެސް. އެމީހުންނަށްނުވޭ މާބޮޑުކަމަކަށް.
މެސީ
14 April 2019
ހިމާޔަތް ކުރީ ވެލާ އެސޮރު ބިސްއަޅަން ތަނެއް ނެތް ހިމާޔަތް ކޮއްފައެއް
ފޮނިޓައްޕު ހަސަނު
14 April 2019
ހާދަ ދެރަޚަބަރެކޭ. ވެލާ ރަންވޭމަތީ ހައްޔަރުވެފައި އޮތީ އަދި ގަދަ ހޫނުގެ ސަބަބުން ވަރު ދެރަވީ ކަމަށް ބެލެވެނީ. އެވެލައަށް އެހީތެރިވުމުގެ ބަދަލުގައި އެބަޔަކުވަނީ އެވެލާ އެ ހޫނު ހިލަ ރަންވޭމަތީގައި ދޯންޏެއް ދަމާލިހެން ދަމައި ކޫއްތާފައި މޫދަށް ދޫކޮށްލީ. ދިވެހިން ތަރައްގީވަނީ ހަމަ އެކަނި ލާ ހެދުމާއި ގެންގުޅޭ ފޯނު. ތިވެލާއަށް ތިހާ އިހާނާތްތެރިކޮށް ކަންތައްކުރި މީހުންގެ މައްސަލަ އީޕީއޭ އިން ތަހުގީގުކޮށް ފިޔަވަޅު އަޅަން ގޮވާލަން.
މުހޭ
14 April 2019
މައްސަލައެއް ނޫން ތީ ތަރައްގީ މުހިއްމީ ދެންވީ ބާޖިފުނޑި ގަޑުގަ އުޅެންތަ ރައްޔިތުން އަށް ފައިދާވުން މުހިއްމީ ހާދަނިކަމެތި ހާލުގައޭ ގިނަމީހުން އުޅެނީ ލަފާ ފުރުމުގެ ދަތިކަމާ ހަރަދާ ހުރެ
ޒިލް
14 April 2019
ގޮނޑުދޮށާއި ރަންވޭ އާ ދެމެދު ވަރަށް ބޮޑު ޖާގައެއް އޮވޭ. އެތަނަށްވެސް ވެލައަށް ބިސް އެޅުނީސް. އެކަަމަކު ލަފާ ކުރެވެނީ ތާރުގަނޑު މަތި ތާށިވެ، ހޫނު ގަދަކަމުން ވެލާ މަރުވީހެން
ޒުލޭ
14 April 2019
އަސްލު ވެލާވެސް ފޮނިބޮޑީ. މޫދުން އެއްގަމަށް އެރިއިރު އެންމެ ފުރަތަމަވެސް ބައްދަލުވީ ވެއްޔާ. ހަމަވެއްޖެ އަލަށްއެޅި ރަންވޭބަލަން އެތަނަކަށްދާން. ނޭނގެ މަށަކީ އެވަރުގެ ބާރެއް ހުރި މީހެއްނޫންކަމެއް.
ނަން
14 April 2019
އެހެންވިއްޔާ އަވަހަށް ފެންސް ޖެހުން ރަނގަޅު.
އަލި
14 April 2019
އަސްލު ޒުލޭ ހަމަ ގާމާރީ. އާއްމުކޮށް ވެލާ ބިސް އަޅަން އަންނާނީ އޭގެ އުފަން ވަޅުގަނޑަށް. ޖަނަވާރުންނަށް ވުރެ ބައެއް އިންސާނުން މާ ގާމަރު. ރަންވޭ އެޅީ މާފަހުން އިނގޭ؟ އަދިވެސް ނުވެސްނޭ؟
އަހުމަދް
14 April 2019
ދިވެހިން ލަދުގަންނަން ޖެހޭނެ، މިވީހާ 1000 އަށްވުރެން ގިނަ އަހަރު މިގައަމުގަ މީޙުން އުޅެވުނީ ކަނޑު ރޯއްޖާ ބަރަކާތުން، ކުއްލި އަކަށް ތަރައްޤީއޭކިޔާފަ ކޮންމެ ރަށެއްގަ އެއާޕޯޓު، 100 މީހުން ހަމަނުވިޔަސް ބޮޑާހާކައިގެން އެއާޕޯޓު، ތިމީހުން ގައުމު ފުރާ އެއާޕޯޓުއަޅާ ނިމޭއިރު، ފަރެއް، ކަނޑެއް، ކުޅިޔެއް ތުނޑިއެއްގަ އެއްވެސް ދިރުމެއްނުހުންނާނެ، ދެން ބާރަށް އަތްޖަހާ
ޒިލް
14 April 2019
ބަލަ ޓޫރިޒަމް ގައުމުގައި ފުޅާ ވެއްޖެ. ވަގުތު ސަލާމަތްވާން ބޭނުން ވެއްޖެ. އަވަސް ދަތުރުފަތުރު ބޭނުން ވެއްޖެ. ވިސްނުން ތަރައްޤީ ވެއްޖެ. މަށަށް ޔަގީން އަހުމަދުވެސް ނުދާނެކަން ކަނޑުމަގުން.. ބޭނުންވާނީ ހަމަ އަވަހަށް ދެވޭ ގޮތަކަށް ދާން. އަތޮޅުތަކުގައި ދިރިއުޅޭ މީހުންނަށް އިހްސާސް ވާނީ ކަނޑުގަދަ ދުވަސްވަރު ކުރާ ތަކުލީފް. ޚާއްސަކޮށް ނ.އަތޮޅުފަދަ އާބާދީ ބޮޑު، ޓޫރިޒަމް ފައްކާވެފައިވާ ތަަނަކަށް އެއަރޕޯޓެއް ބޭނުންވޭ.
ގުނބޯއަލީ
14 April 2019
އިންނާ ލިއްލާހި ވައިންނާ އިލައިިހި ރާޖިއޫން. ތިޔަ މަރުގެ ޒިންމާ އުފުލަން ޖެހޭނީ އީޕީ އޭ އިން.
ނޫވިލު
14 April 2019
އިންނާލިﷲ ވައިންނާ އިލައިހި ރާޖިއޫން.