ޚަބަރު / އަހުމަދު މަހުލޫފް، ޔޫތު އެންޑް ސްޕޯޓްސް މިނިސްޓަރު

މަހުލޫފްގެ ސަސްޕެންޝަން އުވާލައިފި

އަހުމަދު ސާއިލް އަލީ، މިހާރު

16 އެޕްރީލް 2019 - 11:23

އެމްއެމްޕީއާރްސީގެ ބޮޑު ހިޔާނާތުގައި ހިމެނޭ އެސްއޯއެފާ އެކު ޑޮލަރުގެ މުއާމަލާތެއް ހިންގެވުމުން ސަސްޕެންޑްކުރި ޔޫތު މިނިސްޓަރު އަހުމަދު މަހްލޫފްގެ ސަސްޕެންޝަން އުވާލައިފި އެވެ.

ރައީސް އޮފީހުގެ ތަރުޖަމާން އިބްރާހިމް ހޫދު، "މިހާރު" އަށް ވިދާޅުވީ މަހުލޫފްގެ ސަސްޕެންޝަން މިއަދު އުވާލާފައިވާ ކަމަށެވެ. އަދި މަހްލޫފު ކުރިއެކޭ އެއްގޮތަށް ހުންނަވާނީ ޔޫތޫ އެންޑް ސްޕޯޓްސް މިނިސްޓަރުގެ މަގާމުގައި ކަމަށް ހޫދު ވިދާޅުވި އެވެ.

"އޭސީސީ ވެސް ވިދާޅުވީ މަހްލޫފުގެ އެއްވެސް މައްސަލައެއް ނެތް ކަމަށް. ބަލަންޖެހޭ ކަންކަމަށް ބެލުމަށް ފަހު ސަސްޕެންޝަން އުވާލީ،" އޭނާ ވިދާޅުވި އެވެ.

މިދިޔަ ފެބްރުއަރީ 14 އިން ފެށިގެން ސަސްޕެންޝަންގައި ހުންނެވި މަހުލޫފް މިއަދު ވަނީ ރައީސް އޮފީހުގައި ބޭއްވި ކެބިނެޓް ބައްދަލުވުމުގައި ވެސް ބައިވެރިވެވަޑައިގެންފަ އެވެ. އެކަމަކު ޔޫތު މިނިސްޓްރީއަށް މިއަދު ވަޑައިގެންކަމެއް ނުވަތަ ނޫން ކަމެއް ކަށަވަރެއް ނުވެ އެވެ.

މަހުލޫފް ސަސްޕެންޝަންގައި ހުންނެވި އިރު ޔޫތު މިނިސްޓްރީ ވަގުތީ ގޮތުން ހިންގެވީ ޓޫރިޒަމް މިނިސްޓަރު އަލީ ވަހީދެވެ.

މަހްލޫފް ވަނީ އޭނާއަށް އިތުބާރުކުރެއްވީތީ ރައީސް އިބްރާހިމް މުހައްމަދު ސޯޯލިހަށް ޝުކުރު ދަންނަވައިފަ އެވެ.

"ތެދުވެރިކަމާ އެކު މަސައްކަތުގައި ދެމިހުންނާނަން،" މަހްލޫފް ކުރެއްވި ޓްވީޓެއްގައި ވިދާޅުވި އެވެ.

"އިތުބާރުކުރެއްވި އެންމެ ބޭފުޅުންނަށް ޝުކުރިއްޔާ."

ACC/Police inn evves massalaeh neiykan yageen kurevvumahfahu, alhugandah ithubaaru kuravvaa alun rasmee masahakathah neredhevvi kamahtakai Raees @ibusolih shukuru dhannavan.

Thedhuveri kamaaieku masahkathuga dhemihunnaanan.

Ithubaaru kurevvi emmebeyfulhunnah shukuriyya. 🇲🇻
— Ahmed Mahloof (@AhmedMahloof) April 16, 2019

އޭނާ ސަސްޕެންޑްކުރީ އެސްއޯއެފުން ޑޮލަރު ޖަމާކުރި ފަރާތްތަކުގެ ތަފްސީލު ހިމެނޭ ރިޕޯޓް އޭސީސީން ނެރުމުން، މަހުލޫފްގެ މުއާމަލާތެއް ވެސް އޭގައި ހިމެނުމުންނެވެ. އެކަމަކު މަހުލޫފް ވިދާޅުވީ އޭނާގެ އެކައުންޓަށް 33،000 ޑޮލަރު ވަދެފައި ވަނީ، ޑޮލަރު ގަތުމަށް ހިންގެވި ސައްހަ މުއާމަލާތެއްގެ ތެރެއިން ކަމަށެވެ. އަދި އެސްއޯއެފުން ބޭނުންކުރީ އެމްއެމްޕީއާރުސީގެ ފައިސާކަން އެނގިވަޑައިނުގަންނަވާ ކަމަށް ވެސް ވިދާޅުވެފައިވެ އެވެ.

މަހުލޫފުގެ އެދިވަޑައިގަތުމަކަށް އޭނާގެ މައްސަލަ ބެލުމަށް ފަހު އޭސީސީން ވަނީ އެކަމުގައި އޭނާގެ ހިޔާނާތުގެ ކަމެއް ނެތް ކަމަށް ނިންމާފަ އެވެ. ނަމަވެސް ރައީސް އޮފީހުން އޭރު ބުނެފައިވަނީ ސަރުކާރުން ބަލަން ޖެހޭ ކަންކަން ބަލައި ނުނިމޭ ކަމަށެވެ.

މަހްލޫފްގެ އިތުރުން، އެމްއެމްޕީއާރުސީގެ ރިޕޯޓާ ގުޅިގެން ސަސްޕެންޑްކުރި ޕްލޭނިން މިނިސްޓްރީގެ ސްޓޭޓް މިނިސްޓަރު އަކްރަމް ކަމާލުއްދީންގެ ސަސްޕެންޝަން ވެސް ރައީސް އިބްރާހިމް މުހައްމަދު ސޯލިހް މިއަދު ވަނީ އުވާލައްވައިފަ އެވެ.

ދިވެހި ސަރުކާރު އަހުމަދު މަހުލޫފް، ޔޫތު އެންޑް ސްޕޯޓްސް މިނިސްޓަރު އިބްރާހިމް ހޫދު، ކޮމިއުނިކޭޝަންސް ސްޓްރެޓެޖިސްޓް ކޮރަޕްޝަން ސިޔާސީ މަގާމުތައް

58 ކޮމެންޓް, 219 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ނުކިޔަވާސަންގޯރު

16 April 2019

މިވަނީކިހިނެއްތޯ ޔުއާރ އެކްސަލަންސީ؟ އިޒް އިޓް ސްޓިލް ޒީރޯ ޓޮލަރަންސް؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގުދުގުދާ

16 April 2019

މައްސަލައެއްނެތީމަ މަހޭ ދޫކޮއްލީ! އެކަމަކު ރެޑްވޭވް ސަލީމު ވެސް ވަނީ އެސްއޯއެފް އިން ފައިސާ ލިބިފަ! އެފައިސާ އެއީ ޑޮލަރ މާރުކުރަން ދިން ފައިސާއެއްނަމަ އަވަހަށް ލިޔެކިއުންތައް ހާމަކުރޭ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަހްމަދު

16 April 2019

މަ މާކުރިން ބުނިން މިމީސް މީހުންގެ ނޯންނާނޭ މައްސަލައެއް ވަގުތުން ނެރޭނެއޭ ހަމަ އެހެންމިވީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފައިސާ ފައިސާ

16 April 2019

މަހޭ އިޒް ދަ ބެސްޓް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޕޮލިސް

16 April 2019

މިމައްސަލައިގައި ފުލުހުންގެ ތަހްޤީޤް ނިންމައިފިތޯ ފުލުހުންގެ ކިބައިން ޔަގީންކުރަންޖެހޭ އެގިފައިވާ ގޮތުގައި މިތަހްޤީޤްގައި އުޅޭ ޓިމް އަދިވެސް ވީ ރާއްޖެއިން ބޭރުގައި

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޢަލީ

16 April 2019

ހުސް ގޭމް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފޠޖ

16 April 2019

އިބޫ? އެމްޑީޕީ 5 އަހަރު ފަހުން އަހަރެމެން ހުކުމް އަންނާނެ. އަދި ވޯޓުން އެހުމް އަހަރެމެން އިއްވާނަން. ލައްކަވާހަކަ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މުރާސިލް

16 April 2019

ކިތަންމެ ވަރަކަށް ''ދޮފުތު''ކުރިއަސް ވަގުންވާނީ ވަގަށެވެ. އެވަރުގެ ބޮޑެތި ތުޚުމަތުތައް ކުރެވުނީމާ އަހަރެންނަމަ، ދައުލަތުގެ މިނިސްޓަރެއްގެ މަޤާމުން އަމިއްލައަށްވެސް އިސްތިޢުފާ ދިނީމުހެވެ. އެކަމަކުވެސް އަމިއްލަ އެދުމުން ތިމާމެން ފޯވީމާއި އަބުރަކާއި އިއްޒަތެއް ނެތަސް މަޤާމުގެ ދަހިވެތިކަމުގައި ދެމި ހުންނަނީތާއެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަސަން ކޮއި

16 April 2019

ރައީސް އިބޫއަށް ވަރަށް ސަލާމަށްފަހު ލިޔަން. މީތޯ ތިޔަ ވިދާޅުވި ޒީރޯ ޓޮލަރަންސަކީ؟ ވަރަށް ނާ އުއްމީދު ވެއްޖެ ވޯޓުލައި އިތުބާރު ކުރެވުމުން. މަހުލޫފުގެ ދެ މައްސަލައެއް އެބައޮތް 1) ހުއްދަ ނެތް ބަޔަކު އަތުން ވަގަށް ޑޮލަރު ގަތުން. 2) އެކަން ކޮށް، އެވާހަކަ ނުދައްކާ ހުރުމާއި ހަމައެކަނި ފަޅާ އެރުމުން މާ ތެދުވެރިމީހަކަށް ވާން އުޅުން. މީ ހަމަ ގައިމުވެސް ނަޒާހަތްތެރި ތެދުވެރިއެކޭ ބުނުމަށް ވުރެ އަމިއްލަ އެދުން ބޮޑު މީހެކޭ ބުނެވޭނީ. ހާދިމްކުމް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސަކީނާ

16 April 2019

ފުލުހުންގެ މައްސަލައެއްނެތް. އޭސީސީގެ މައްސަލައެއްނެތް. ރައީސްގެ މައްސަލައެއްނެތް. ވީއިރު މަހޭ ސަސްޕެންޑްކޮށްފަ ބަހައްޓަންވީ ކޮންކަމަކާ؟ އެބުނާ ތަނަކުން ޑޮލަރުގަތުމަކީ މަނާކަމަކީތަ؟