ލަންކާގައި ހަމަލާ ދިން ކަމަށް އައިއެސް އިން އާއްމު ކުރި ބައެއް މީހުންގެ ފޮޓޯ: ފޮޓޯގެ މެދުގައިވާ މީހާ އަކީ ލަންކާ ފުލުހުން ގަބޫލް ކުރާ ގޮތުގައި ނޭޝަނަލް ތައުހީދު ޖަމާއަތް (އެންޓީޖޭ) ގެ ލީޑަރު ޒަހްރާން ހާޝިމީ. --ފޮޓޯ:އޭއެފްޕީ
24 އެޕްރީލް 2019 - 22:56
34 comments
ސްރީ ލަންކާއަށް މިދިޔަ އާދިއްތަ ދުވަހު ދިން ހަމަލާތަކުގެ ފަހަތުގައިވާ ޒަހުރާން ހާޝިމް ވޭތުވެ ދިޔަ ފަސް އަހަރު އަދި އޭގެ ކުރިން ވެސް ރާއްޖެ އެތެރެވެފައި ނުވާ ކަމަށް އިމިގްރޭޝަނުން މިރޭ ބުނެފި އެވެ.
ލަންކާގެ ޓެރަރިސްޓް ގުރޫޕު، ނޭޝަނަލް ތައުހީދު ޖަމާއަތް (އެންޓީޖޭ) ގެ ލީޑަރު ޒަހްރާން ހާޝިމީ މީގެ ކުރިން ރާއްޖެ އައިސްފައިވާ ކަމަށް ބުނެ ސޯޝަލް މީޑިއާގައި ވަރަށް ބޮޑަށް ވާހަކަ ފެތުރުނެވެ.
ލަންކާ ފުލުހުން ބުނެފައިވާ ގޮތުގައި އަމިއްލަ އަށް މަރުވެގެން ހަމަލާ ދިން މީހުންގެ ތެރޭގައި ޒަހްރާން ވެސް ހިމެނެ އެވެ.
އެކަމަކު އިމިގްރޭޝަނުން މިރޭ ކުރި ޓްވީޓެއްގައި ބުނީ ސްރީ ލަންކާގެ އެ މީހާ، ވޭތުވެ ދިޔަ ފަސް އަހަރު ނުވަތަ އެއަށް ވުރެ ކުރިން ވެސް ރާއްޖެ އައިކަމަށް ރެކޯޑްތަކުން ނުދައްކާ ކަމަށެވެ. އެހެންވެ، މި ފަދަ ދަނޑިވަޅެއްގައި ދޮގު ވާހަކަތައް ނުފެތުރުމަށް އެތަނުން އިލްތިމާސް ކުރި އެވެ.
އިމިގްރޭޝަނުން ބުނީ ލަންކާއަށް ދިން ހަމަލައާ ގުޅިގެން ރާއްޖެއަށް ވެސް އޭގެ ނުރައްކާ ކުރިމަތިވެދާނެ ކަމަށް ބަލައި، ރާއްޖެ އާއި ބޭރުގެ ސެކިއުރިޓީ އެޖެންސީތަކާ ގުޅިގެން ފިޔަވަޅު އަޅަން ފަށާފައިވާ ކަމަށެވެ. ހާއްސަކޮށް އެފަދަ ޓެރަރިޒަމް ހަމަލާއަކުން ރައްކާތެރިވުމަށް ބޯޑާ ސެކިއުރިޓީ ވަރުގަދަކޮށްފައިވާ ކަމަށް އެތަނުން ބުންޏެވެ.
ލަންކާގައި ދިން ބޮމުގެ ހަމަލާތަކުގައި މިހާތަނަށް 359 މީހުން ވަނީ މަރުވެފަ އެވެ. ޒަޚަމްވި މީހުންގެ އަދަދު އުޅެނީ 500 އިން މަތީގަ އެވެ.
އެ ހަމަލަތަކުގެ ޒިންމާ އިސްލާމިކް ސްޓޭޓް (އައިއެސް) އިން ނަގާފައިވާއިރު، ހަމަލާދިން ކަމަށް ބުނާ މީހުންގެ ފޮޓޯ ވަނީ އެ ޖަމާއަތުން އާއްމުކޮށްފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ފުތާ
25 April 2019
އެންމެން އެއްވައްތަރު ހެދުން ލައިގެން މިހީވަނީ ބަނޑިޔާ ގްރޫޕެއްހެން
ގުލިބަލް ދިވެހިން
26 April 2019
އޭ ބިރެއް ނުގަނޭތަ އެމީހުން ފެނިފަކާ، ނިކަން ކެރެންޏާ އަވަހައް ބިރުގަނެބަލަ. ޢެއްއަތުގަ އެއޮތީ ވަޅި ޖީބުގަ އެއޮތީ ވަންވޭ ޓިކެޓު
ތުއްތޮން
25 April 2019
ހަމަލާ ދިން މީހާ މޫނު އެކަނި ފެންނަން ހުރެފަ ބާކީ ތިބި މީހުންގެ ފޮރުވިފަ ހުރީމަ ވަރަށް ޝައްކު. މުސްލިމުން ނެތި ކޮށްލަން ކޮންމެ ފަދަ ކަމެއްވެސް ކޮއްފާނެ. ދާދި ފަހުންނެއްނު ބުދިސްޓުން މުސްލިމުން މަރަން ދުވީވެސް. ކޮބާ އެމީހުން..
ކެކެކެ
25 April 2019
ނާދެއޭ؟ އިންޑިއާއިންނޭ އެހެން ބުނީ. ބުނޭ ތެދެކޭ އެއީ. އިންޑިއާއިން ދޮގެއް ނަހަދާނޭ. ހެހެހެ މިއޮއް މިހާރެއް ދޯ
ޖިމީހެންޑްރިކްސް
25 April 2019
ކިތައް ޑީޕޯޓުކުރިމީހުން ރާއްޖެ އަންނަނީ އެހެން ނަންނަމުގަ އެހެން ޕާސްޕޯޓުތަކުތަ، އެކަމަކު ސިސްޓަމަށް ފިންގަރޕްރިންޓް އެޑް ކުރޭ. ގައިމު 5 ޕާސްޕޯޓު މީހަކު އަތުގަ އޮތަސް ފިންގަރޕްރިންޓް ބަދަލެއްނުވާނެ. ދެން ކީއްކުރާ އިމިގްރޭޝަން ސިސްޓަމެއް
ޖިމީހެންޑްރިކްސް އަށް ހެޔޮއެދޭ
26 April 2019
ވާނުވާ ނޭގި ރޯނުއެދުރު ހެދުނީމާ ގެއްލެނީ އަމިއްލަ އަބުރު... ވެއްޓޭނީ އަމިއްލަ އަގު... މިއީ ޖިމީހެންޑްރިކްސް ދަސްކުރަންޖެހޭ ދުނިޔަވީ ފިލާވަޅެއް...
ޒުވާނާ.
25 April 2019
މުސްލިމުންގެ އަގުވައްޓަން ކާފަރުން ރެޔާދުވާލު ދަނީ ތަފާތު ގޭމު ކުޅެމުން
ފަރީދުދީދީ
25 April 2019
މިހެދުންތައްވެސް ފަހާފަ ހުރިހެން ހީވަނީ ހަމަ ތިފޮޓޯ ނަގަން. ޕްލޭންޑް ޓެރެރިސްޓް ހަމަލާއެއް. ބޮޑެތި އޮޅުވާލުންތަކެއް އެބަ އުޅޭ
ދީދީބެ
25 April 2019
ލަންކާގެ ސިޔާސީ ކަންކަން ފާއިތުވި ތަނުގައި ހިނގަމުން ދިޔަގޮތް ވިސްނާލުން މުހިންމު. ޕުރައިމިނިސްޓަރު ދުރުކޮށް އާބޭފުޅަކު ލާންއުޅުނު ކަންތައްގަނޑު. މިހެންނެރޭ ވީޑިއޯތަކަށް އިތުބާރު ކުރާކަށް ނުވާނެ. އިންސައިޑް ޖޮބެއް ނޫންބާއޭ ހިތައްއަރާ. ރާއްޖޭގައިވެސް ޔާމީނުގެ ސަރުކާރަށް ގޮންޖެހުން ދިމާވި ދުވަސްކޮޅު އެތަންމިތަނުން ބޮމާއި ހަތިޔާރާއި އެއްޗެހި ފެނިގެން އެމޭޖެންސީ އަޅުވައިގެން އުޅުނު. ތިންމީހަކު އުޅުނު ވީޑިއޯއެއްވެސް އުޅުނު.
ފޭކު
25 April 2019
ހުސް ފޭކު
ނެޑް
25 April 2019
އެހެން ނަމެއްގައި ނާދޭ؟
ޑެލްބޯއި
25 April 2019
ޓެރަރިސްޓުން އަންނާނީ ކޮންމެ ވެސް ފޭކް އައިޑެންޓިޓީއެއްގައެވެ. އެހެންވެ ތިކިޔާ މީހަކު ރާއްޖެ އައިކަމެއް އަދި ރާއްޖޭގައި ހަރަކާތްތެރިވިކަމެއް އެނގޭނީ އެކަންތައްތައް ހޯދާ ޒާތުގެ އިންޑިޔާގެ ރޯ، އިޒްރޭލްގެ މޮސާޑް ނުވަތަ އެމެރިކާގެ ސީއައިއޭ ފަދަ އިންޓަލިޖަންސާ ގުޅޭ ތަންތަނަށެވެ. ރާއްޖޭގެ އިމިގްރޭޝަން އަށް އެއުޅެނީ ޑިޕޯޓް ކުރާ ބަންގާޅީން އެމީހުންގެ ބަހުންނަމަ އިގިލި ކަނޑާފައި އައިމާ މައްސަލައެއް ނެތި ރާާއްޖެ އަށް ވަދެވޭ ހާލުގައެވެ.