ޓުއަރިޒަމް ދާއިރާގައި މަސައްކަތްކުރާ މުވައްޒަފުންގެ ހައްގުތައް ގޮވާލަން ޓީމް އިން ބޭއްވި ހަރަކާތެއް: ފޮޓޯ: ޓީމްގެ ފޭސްބުކް
29 އެޕްރީލް 2019 - 11:36
14 comments
މި އަހަރުގެ މަސައްކަތްތެރިންގެ ދުވަހާ ގުޅިގެން ހިނގާލުމެއް ބާއްވަން ޓުއަރިޒަމް އެމްޕްލޯއީޒް އެސޯސިއޭޝަން އޮފް މޯލްޑިވްސް (ޓީމް) އިން ނިންމައިފި އެވެ.
ކޮންމެ އަހަރަކު ވެސް މަސައްކަތްތެރިންގެ ދުވަހުގެ ގޮތުގައި ފާހަގަކުރަނީ މޭ 1 އެވެ.
ޓީމުން ބުނީ މަސައްކަތްތެރިންގެ ދުވަހާ ގުޅިގެން އަންނަ ބުދަ ދުވަހު މާލޭގައި ބާއްވާ ހިނގާލުން ފަށާނީ ހަވީރު 4:30 ގައި ކަމަށެވެ.
"ޑީސެންޓް ވޯކް ފޯ އޯލް" ނުވަތަ ހުރިހާ މަސައްކަތްތެރިންނަށް ވެސް ރަނގަޅު ވަޒީފާގެ މާހައުލެއް ފޯރުކޮށްދޭން ގޮވާލައި ބާއްވާ ހިނގާލުން ފަށާނީ މާލޭގެ ރަސްފަންނުންނެވެ. މި ހިނގާލުމުގައި، މަސައްކަތްތެރިންނަށް އެކަށީގެންވާ މުސާރަ ދިނުމާއި ތަފާތު ނުކުރުމަށް ގޮވައިލާނެ އެވެ. މި ހިނގާލުން ނިމޭނީ އާޓިފިޝަލް ބީޗު ސަރަހައްދަށެވެ.
"އަޅުގަނޑުމެން މަސައްކަތްތެރިކަންގެ ޒިންމާއެއް އެއީ އެ ޝަކުވާތަކާއި ކަންބޮޑުވުންތަކާ ގުޅޭގޮތުން އަޑުއުފުލުން. އަޅުގަނޑު އުންމީދުކުރަން އެ ޒިންމާ އަދާކުރަން ހުރިހާ ފަރުދުން ނުކުންނާނެ ކަމަށް،" - ޓީމްގެ ޖެނެރަލް ސެކްރެޓަރީ މައުރޫފް
ޓީމުގެ ޖެނެރަލް ސެކްރެޓަރީ މައުރޫފް ޒާކިރު "މިހާރު" އަށް މިއަދު ވިދާޅުވީ ހިނގާލުމުގައި ގިނަ ދާއިރާތަކެއްގެ ޖަމިއްޔާތަކުން ބައިވެރިވާނެ ކަމަށެވެ. އޭގެ ތެރޭގައި ޕޯޓް ވޯކާސް އެސޯސިއޭޝަނާއި މަސްވެރިންނާއި ސިއްހީ މަސައްކަތްތެރިން އަދި ޓީޗަރުން ތަމްސީލުކުރާ ޖަމިއްޔާތައް ވެސް ހިމެނެ އެވެ.
"ރާއްޖޭގެ މަސައްކަތްތެރިންގެ ވަރަށް ބޮޑު ބައެއް އަދާކުރޭ ބޭރު މަސައްކަތްތެރިން. އެ މީހުންގެ ހައްގުތަކަށް ވަކާލާތުކުރާ ޖަމިއްޔާތައް ވެސް ބައިވެރިވާނެ،" މައުރޫފު ވިދާޅުވި އެވެ.
ޮޓީމްގެ ފޭސްބުކް ޕޯސްޓެއް
މި ހިނގާލުމުގައި، ޓުއަރިޒަމްގެ ދާއިރާގައި މަސައްކަތްކުރާ މީހުންގެ ޝަކުވާތަކާއި ކަންބޮޑުވުންތައް ހިއްސާ ކުރާނީ ޓީމުންނެވެ. އެތަނުގެ އެންމެ ބޮޑު އެއް ކަންބޮޑުވުމަކީ ސަރުކާރުގެ މުވައްޒަފުންނާއި އަމިއްލަ ތަންތަނުގައި މަސައްކަތްކުރާ މުވައްޒަފުންނާ ދެމެދު ތަފާތުކުރުން ބޮޑުވުމެވެ.
"ގެދޮރުވެރިކަމުގެ ސްކީމްތަކާއި ޗުއްޓީތައް ހުންނަ ގޮތުން ވެސް ބޮޑަށް އިސްކަން ދޭނީ އާންމުކޮށް ސަރުކާރު މުވައްޒަފުންނަށް. ވިހެއުމުން ދޭ ޗުއްޓީ ވެސް އިތުރުކުރީ ސަރުކާރު މުވައްޒަފުންނަށް. ޓުއަރިޒަމް ސެކްޓާގައި އުޅޭ މުވައްޒަފުންނަކަށް އަޅައެއް ނުލާ،" ޓޫރިޒަމް ދާއިރާގެ މަސައްކަތްތެރިންނަށް އަޅާނުލާކަން ފާހަގަ ކުރައްވަމުން މައުރޫފް ވިދާޅުވި އެވެ.
މީގެ އިތުރުން، ސްކޫލް ޗުއްޓީތައް ޓުއަރިޒަމް އޯފް ސީޒަނަށް ހަމަޖައްސަން ގޮވާލާނެ ކަމަށް ވެސް އޭނާ ވިދާޅުވި އެވެ. އަދި މަސައްކަތްތެރިންނަށް އެންމެ ކުޑަ އުޖޫރައެއް ކަނޑައަޅަން ވެސް ހިނގާލުމުގައި ޓީމުން ގޮވާލާނެ އެވެ.
މި ހިނގާލުމުގައި ބައިވެރިވާ މީހުންގެ ޝަކުވާތައް ސަރުކާރުން އަޑުއަހާނެ ކަމަށް އުންމީދުކުރައްވާ ކަމަށް މައުރޫފު ވިިދާޅުވި އެވެ.
"އަޅުގަނޑުމެން މަސައްކަތްތެރިކަންގެ ޒިންމާއެއް އެއީ އެ ޝަކުވާތަކާއި ކަންބޮޑުވުންތަކާ ގުޅޭގޮތުން އަޑުއުފުލުން. އަޅުގަނޑު އުންމީދުކުރަން އެ ޒިންމާ އަދާކުރަން ހުރިހާ ފަރުދުން ނުކުންނާނެ ކަމަށް،" އޭނާ ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޙިނި
29 April 2019
ޖަމިއްޔާއޭ ކިޔައިގެން މިވެސް ވަކިމީހެއްގެ މިލްކެއް ދޯ. މިފާޑު ޑިމޮކްރެޓިކް ހަމަތަކުން ބޭރުން އުފައްދާ ދެފުއް ފެންނަ އިންތިހާބު ނުބާއްވާ ޖަމިއްޔާތައް ހުއްދަ ނުދީ އުވާލައްން ގޮވާލަން
އެސޮރު މިސޮރު
29 April 2019
ބައެއް މީހުނަށް ހީވާ ކަހަލަ އެއްވުމާއި ހިނގާލުން ބޭއްވީމަ އެބުނާ ކަމެއް ވާނެއޭ. އެކަމަކު އެހެނެއް ނޫން އިނގޭތޯ
ހަސަން ނުވަވަނަ
29 April 2019
ތިޔާ ހިނގާލުމުގަ ސާލިހާ ފައިސަލާ އަލީ ވަހީދު ބައިވެރިވާންޖެހޭނެ. އަދި އެމީހުން ގޮވާލަން ޖެހޭނެ މިއަދުގެ ސަރުކާރަށް މަސައްކަތްތެރިންގ ހައްގު ހޯދަދޭން. ޕަކާސް. އެޖެންޑާ 19 ސަޅިވާނެ
Ibrahim Rameez
29 April 2019
ސަރުކާރުން ކޮއް ދޭންވީ ކަމަކީ ސާވިސްޗާޖް ކޮޅު މީރާގެ ދަށައް ގެންގޮސް އެހައްގުވެރިންނައް އެލިބޭނެ ގޮތް ހަދައިދޭންވީ އެހެން ނޫނީ މިލިބޭނެ އެއްގޮތް ވެސް ނެއް
ސދފސދސ
29 April 2019
ޕްރޮމޯޝަން ދީފަ ލައްކައިން އެބަ ބޮންޑު އަޅުވާ. އެޔައްފަހު ރައިޔެތުމީހާ ވަނީ ވަޒީފާ އަދާކުރާ ތަނުގެ އަޅަކަށް. ބޮންޑް ލާރި ނުދެއްކިގެން އެހެން ތަނަކަށް ބަދަލުވެވޭކަށް ނެތް. ޕްރޮމޯޝަން ދިނީ އިވަލުއޭށަން ރަގަޅުވީމަ. އެކަމަކު ބޮންޑް އަޅުވާ މުޅި އުމުރަށް މީހާ އަޅުވެތި ކޮށްލަނީ،
ނައިބުތުއްތު
29 April 2019
މި ހިނގާލުމުގައި ރައީސުލްޖުމްހޫރިއްޔާ ބައިވެރިވެ ވަޑައިގެން ދެއްވުމަކީ މިސައްކަތްތެރިންގެ ވަރަށް ބޮޑުއެދުމެއް.
ސިމާގު
29 April 2019
މުވައްޒަފުން ލައްވައި ހެސްކިޔާފަ އިތުރު ގަޑީގައި މަސައްކަތް ކުރުވާފަ އޯޓީވެސްނުދޭ ޖުމެއިރާ ވިޓަވެއްޔަކީ މިކަމުގައި އަރާ ހުރި ތަނެއް މަސައްކަތު މާހައުލުގައި ބޯފެން ފޮދެއްވެސް ލިބެން ނުހުރޭ
ހާން
29 April 2019
ޗަންޕާ މީރު އައިލެންޑް ވެސް 12ގަޑިއިރު މަސައްކަތް ކުރުވާ އޯޓީ އެއް ނުދޭ
ދިހި
29 April 2019
ބޭރުގެ ކުންފުނިތަކުން ބޮޑެތި ކުއްޔާ ޓެކްސް ދައްކަމުންވެސް އެތަންތާގެ މުވައްޒަފުން ހިތްފުރި ބަންޑުންވާވަރުގެ މުސާރައާއި އެލަވަންސްތައް ދެމުން ދާއިރު، މިގައުމުގެ މުޅި އިގްތިސޯދު ބަނޑު ދަށުލައުގެން ތިބި 4ވަރަކަށް ސޭޓުން އެބައިމީހުންގެ މުވައްޒަފުނަނަށް އެހާބޮޑު އަނިޔާއެއް އެދެނީ ހަމަ ވެރިކަމަށް ނާރުވައިގެންތޯ؟ މިހިގާލުމުގަ ބައިވެރިވެ ވަޑައިގެން ދެއްވުމަށް ރައީސް ސޯލިހަށް ގޮވާލަން..
ޒާލިމު
29 April 2019
ތިޔަކަހަލަ ހިނގާލުމާ އެއްޗެހި ބޭއްވުމުގެ ބޭނުމަކީ ކޮބާބާ؟ ރާއްޖޭގައި މަސައްކަތްތެރީން އެންމެ ގިނައީ ޓުއަރިޒަމް އިންޑަސްޓްރީގައި. މެއި މަހު 1 ވަނަ ދުވަހަކީވެސް މިދެންނެވި ޓުއަރިޒަމް އިންޑަސްޓްރީގައި މަސައްކަތްކުރާ މުވައްޒިފުންނަށް ކުޑަމިނުން ބަންދު ދުވަހެއްގެ ގޮތުގައިވެސް ނޯވޭ. ދެން ކީތްކުރާ މޭޑޭ އެއްތޯ؟ ކޮން ހިނގާލުމެއްތޯ ބާއްވަންވީ؟
ސފދެ
29 April 2019
މުޒާހަރާއާއި ބޮޑެތި އެއްވުން ބާއްވައިގެން ޓްވަރިޒަމްގެ ކަންކަން ހައްލު ކުރުމަކީ ރަނގަޅުގޮތެއްނޫން. ތިއީ ވަރަށް ތަފާތު އިންޑަސްޓްރީއެއް. މަޑުމަޑުން މާބޮޑަށް އަޑުގަދަނުކޮށް ސިއްރު ސިއްރުން އެހެން ގައުމުތަކާއި މާރކެޓްތަކަށް ނޭގޭހެން ގެންނަ ބަދަލެއް ގެނެސް ހަމަަޖެހިގެން ތިބެންވީ. ތިކަހަލަކަންކަމުން ހީނަރުވެގެންދާނީވެސް ހަމަ ޓްވަރިޒަމްގެ ދާއިރާ.