މާފަންނުއާގޭގެ ބިމުގައި ހަތަރުފުރޮޅުލީ އުޅަނދަށް ޚާއްސަ ޕާކިން ޒޯނެއް ހެދުމަށްޓަކައި ސާފުކޮށްފައިވާއިރު، އެ ސަރަހައްދުން މީހަކު ހިނގާފައި ދަނީ.---ފޮޓޯ: މިހާރު
08 މެއި 2019 - 11:28
29 comments
މާފަންނުއާގޭގެ ބައެއް ތަޅާލައި، އެ ތަނުގައި ހަތަރު ފުރޮޅުލީ އުޅަނދުފަހަރަށް ހާއްސަ ޕާކިން ޒޯނެއް ހަދަން ފަށައިފި އެވެ.
މާފަންނުއާގެ ހިމެނޭ 22،000 އަކަފޫޓުގެ ބިމުން 12،000 އަކަފޫޓު އޮތީ މީގެ އެތައް އަހަރެއް ކުރިން ދައުލަތަށް ނަގައިފަ އެވެ. އެ ބައި ދައުލަތަށް ނެގީ އޭރުގެ ރިޔާސީ ގަނޑުވަރު ތީމުގޭގެ ސަލާމަތީ ސަބަބުތަކަށްޓަކައި ކަމަށް ބުނެ އެވެ.
މިހާރުގެ ސުޕްރީމް ކޯޓުގެ ކުރިމަތީގައި އޮންނަ އެ ބިމުގައި މިހާރު ކުރިއަށް ގެންދަނީ އުޅަނދުފަހަރު ޕާކް ކުރާނެ ޖާގަ ކަނޑައެޅުމަށް ރޮނގުތައް ދެމުމުގެ މަސައްކަތެވެ. އެ މަސައްކަތް، މާލޭ ސިޓީ ކައުންސިލާއި ޕްލޭނިން މިނިސްޓްރީ ގުޅިގެން ކުރަމުން އަންނައިރު ވަރަށް އަވަހަށް އެތަން ހުޅުވާލަން ވަނީ ނިންމައިފަ އެވެ.
މާލޭގެ މޭޔަރު ޝިފާ މުހައްމަދު މިއަދު ވިދާޅުވީ މާފަންނުއާގޭގެ ޕާކިން ޒޯން، ހަތަރު ފުރޮޅުލީ އުޅަނދުތަކަށް ހާއްސަ ކުރަން ނިންމީ ބާޒާރުމައްޗަށް ލުޔެއް ގެންނަން ކަމަށެވެ.
"ބާޒާރުމަތީގައި ހިނގާ އުޅެވޭކަށް ނެތް. ހަތަރު ފުރޮޅުލީ ވެހިކަލްތަކަށް ގޮތެއް ހޯދައިދޭން ޖެހޭ. އެ ބޭފުޅުން އެބައެދޭ ޕޭ ކޮށްގެން ނަމަވެސް ޕާކް ކުރެވޭނެ ގޮތްތަކެއް ހަމަ ޖައްސައިދިނުމަށް،" ޝިފާ ވިދާޅުވި އެވެ.
މާފަންނުއާގޭގެ ޕާކިން ޒޯނަކީ ފައިސާ ދީގެން ޕާކްކުރެވޭ ތަނެއްތޯ ނުވަތަ ނޫންތޯ ކަނޑައެޅުމުގެ މަޝްވަރާތައް މިހާރު ކުރަމުން އަންނަ ކަމަށް ވެސް އޭނާ ވިދާޅުވި އެވެ.
ޝިފާ ވިދާޅުވި ގޮތުގައި، ސިޓީ ކައުންސިލްގެ ވިސްނުމަކީ ދައުލަތުގެ ބިންތަކުގެ ގޮތުގައި ހުރި ފަޅު ގެތައް ހުސްކޮށް ޕާކިން ޒޯން ހެދުމެވެ.
"ބާޒާރުމަތީގައި ހިނގާ އުޅެވޭކަށް ނެތް. ހަތަރު ފުރޮޅުލީ ވެހިކަލްތަކަށް ގޮތެއް ހޯދައިދޭން ޖެހޭ. އެ ބޭފުޅުން އެބައެދޭ ޕޭ ކޮށްގެން ނަމަވެސް ޕާކް ކުރެވޭނެ ގޮތްތަކެއް ހަމަ ޖައްސައިދިނުމަށް،" ޝިފާ
"މިހާރު އެ ބިންތަކަށް ކުނި އަޅައި އެ ހަދަނީ. ފިލައިގެން އުޅޭ މީހުން އުޅޭ ތަންތަނަށް ވެސް އެ ތަންތަން އެ އޮތީ ހަދާފައި. އެހެންވެ، އެ ތަންތަނުގައި އިމާރާތް ކުރަން ވަންދެން، ހުސްކޮށް ޕާކިން ޒޯންނަށް ހަދަން އަޅުގަނޑުމެން ބޭނުންވަނީ،" ޝިފާ ވިދާޅުވި އެވެ.
އުޅަނދު ފަހަރުން ތޮއްޖެހިފައިވާ މާލޭގައި އިތުރު ޕާކިން ޒޯންތައް ހެދުމަށް ހިންގާ ޕްރޮގްރާމްގެ ތެރެއިން، އަމީނީމަގުގައި ހުންނަ ފިނޭންސް މިނިސްޓްރީގެ އިމާރާތުގެ ކައިރީގައި އިއްޔެ ވަނީ ޕާކިން ޒޯނެއް ހުޅުވައިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ހާމިދު ޝާހިދު
09 May 2019
ތިތަން ހުޅުވާލާތާ މަދު ހިނދުކޮޅެއްގެ ތެރޭގައި ތިތަން ފުރާލާނެ. އެއްގޮތަކަށްވެސް ހިލޭ ޕާކު ކުރެވިގެން ނުވާނެ. އަގު ނަގަންޖެހޭނެ. އެކަމަށް އުސޫލެއް އެކުލަވާލައްވާ. އެހެންނޫނީ ތިތަނުގެ ނާޖާއިޒް ފައިދާވެސް ނަގާނީ އެއްބަޔަކު. މިކަމަށް ދާއިމީ ހައްލެއް ހޯދާނަމަ، އެ ބޮޑު ބިމުގައި 10 ބުރީގެ ޕާކިންގ ބިލްޑިންގ އެއް ހަދަންވީ. އޭރުން އެއްފަހަރާ އެތައް ހާސް އުޅަނދެއް ޕާކުކުރެވިފައި، އިމާރާތް ހަދަން ހިނގި ހަރަދުވެސް އިސާހިތަކުން ލިބިދާނެ.
މުލީ އާގޭ ސެކިއުރިޓީ
08 May 2019
ހާދަ ބޮޑު ބިމެކޭ އެކަމު މުލީއާގެ ސެކިއުރިޓީއަށް ކަހާލާފަ ތިޔައޮތީ. މިހާރުދެން އެ ސެކިއުރިޓީއެއް ބޭނުމެއް ނުވެސްވެޔެއްނު. ގޯސްކޮށް ކުރިކަންކަން ރަނގަޅުކޮށްދޭން އައި ސަރުކާރުން ތިޔަ ބިން އޭގެ އަސްލު ވެރީންނަށް ދެން ދޭންވީނުދޯ. މާލޭގެ 12000 އަކަފޫޓަކީ ހަމަ ރަން.
ނެޑް
08 May 2019
ހަތަރު ފުރޮޅުކަމަށް ބަލަނީ ކިހިނެއް؟ އެއް ފުރޮޅު ހަލާކުވެ ފުރޮޅެއް ގޮތަަށް ބޭނުން ނުކުރެވުނަސް ހަތަރު ފުރޮޅަށް ވާނެތަ؟
ކާޖާ
08 May 2019
ހަތަރު ފޮރޮޅުލީ އުޅަނދުތައް ރާއްޖެ އެތެރެކުރެވެނީ ގަރާޖެއް ދެއްކީމައެވެ. ވިމާ އެތަކެތި ގަރާޖުތަކުގައި ޕާކު ކުރަން އަންގާށެވެ. އޭރުން މައްސަލަ ހައްލުވީއެވެ. ތިޔަތަންވެސް ސައިކަލް ޕާކިން ނަށް ހާއްސަކޮށް މަގުމަތި ހުސްކުރާށެވެ. ދެން ހަމަ އެއްގޮތަކަށްވެސް ހަތަރު ފޮރޮޅުލީ އުޅަނދުތައް ހިލޭ ޕާކު ކުރެވޭނެގޮތް ހަދާކަށް ނުފެނެއެވެ.
އަޖީތު
08 May 2019
މައުމޫނު ތާ އަބަދު ވެރިކަމުގައި ހުރެވޭނެ ކަމަށް މުޅި އެ ސަރަހައްދުގައި ހުރި ގެތައް ނަގަމުން ދިޔަ ދުވަސްވަރު ކޮށްފައި އޮތް ކަމެއް.
ޝާހިދު ހާމިދު
09 May 2019
އެކަމަކު ކެޕިޓަލް ސިޓީގައި، ބޮޑެތި، ގަނޑުވަރުތަކާއި އޮފީސް އިމާރާތައް، ހާއްސަކޮށް، މަޖްލިސް އިދާރާއާއި، މުލިއާގެ، ތީމުގެ ފަދަ ތަންތަނުގެ ވަށައިގެން ބޮޑެތި ހުސް ޖާގަތައް ހަދާ، ބަގީޗާތައް ހައްދާފައި ބެހެއްޓުން މާ މުހިމު. އޭރުން މާރަނގަޅު ވާނެކަމަށް ފެނޭ. މައުމޫނެއް ކަމަކު އެ ރޮނގުން ކުރެއްވި ރަނގަޅު ކަމެއް، މާފަންނު ގެއިން ބައެއް އަތުލިކަން.
އައްކޮ
08 May 2019
ތިތާގަވެސް ހަދާބަލަ 10 ބުރީގެ ބިލްޑިންގެއް ހުސްޕާކްކުރެވޭ ގޮތަށް.. ޓަޗް އެންގޯ ކަހަލް ޕޭމަންޓް ސިސްޓަމެއް ލާފަ. މިގޮތައް މާލޭގަ އެކި ސަރަހައްދުގައި 10 ބުރީގެ އިމާރާތް ތަކެއް ހެދުނީމަ ޕާކިންނައް ހައްލު ލިބޭނެ. އަދި ލޯންގް ޓާރމް އިން ޕާކިން ޕޭންމަންޓް އިން އިންވެސްމަންޓް ކަވަރުވާނެ. ރާއްޖޭގަ ތިގާއިމް ކުރެވުނު ދަނގަޑު ޕާކިން ސިސްޓަމް އެހާ ފީޒިބަލްއެއްނޫން.. ހަމަނުވިސްނެނީތަ ނޫނީ ވިސްނަން ބޭނުން ނުވަނޫބާ އޭ ހިތަށްއަރާ......
މުހަންމާދި
08 May 2019
މާލޭގެ ކޮންމެވެސް ބިމެއްގައި މަލްޓިސްޓޯރީ ޕާރކިންގ ތަނެއް ހަދަންވީ ނޫންތޯ. ބޮޑެތި ރިސޯޓް ހިންގާ މީހުންވެސް ކާރު ޕާރކު ކޮށްފައި އޮންނަނީ މަޖީދީ މަގުގައި ބޮޑު އަގުގައި ކުއްޔަށް ހިފާފަ ހުންނަ ފިހާރަތައް ކުރިމަތީ. ދެން ކޮންމެ ދުވަހަކު ބަނގްލާދޭޝް މީހަކު ފޮނުވައިގެން ކާރު ފޮޅާ ސާފު ކުރުވީމަ ނިމުނީ ކަމަށް ދެކެނީ. މިހެން ޕާރކު ކުރީމާ ފިހާރައިގެ ވިޔަފާރި ވަރަށް ދަށްވޭ.
ތިއްތިބެ
08 May 2019
ތޮއްޖެއްސުމުން އެބައިމީހުންގެ އަތުން ލިބޭ އެއްޗެއްގެ ފައިދާ މާރަނގުޅުވާނެ ކަމަށްދެކި މަސައްކަތްކުރާނަމަ ޝަދުނިޔޭގެ އެއްވެސް ތަނެއްގައި ނޫޅޭވަރަށް އެއްތަނެއްގައި އިންސީން ގިނަވީމާ އެބައިމީހުން ދަތުރުރާ އުޅަނދުތައްވެސް ގިނަވާނެއެވެ. އިތުރަށް އިމާރާތްތަށް އަޅާ އެއްތަނަކަށް ނުކަތާވަރަށް ގިނަކޮށް ކުވާކުރުމުގެ ބޭނުމެއްނެތެވެ.
ޕިކްސް
08 May 2019
4 ފުރޮޅުލީ އުޅަދަށް ޕާކީން ހައްސަކުރަންޏާއެއީ ގާނޫނާ ގަވާއިދާހިލަފަށް ކުރެވޭ ކަމަކަށްވާނީ. އެއީ 4 ފޮރޮޅުލީ އެއްޗެތި ރަޖިސްޓްރީކުރެވެނީވެސް ޕާކުކުރާނެ ގަރާޖެއްދެއްކީމަ ކަމަށްވާތީ.
ގޫބައްޑާ
08 May 2019
ކާރު ގެންގުޅެނީ ގޭ ގަރާޖުގައި އަބަދު ބާއްވާކަށެއް ނޫން. ތަންތަނަށް އޭގަދާން. އެދާ ތަނަކަށް ގޮސް ޕާކު ކުރާނެ ތަން ހަދާވާހަކަ މިޚަބަރުގައި މިބުނަނީ. ކާރު ގޭ ގަރާޖުގައި ބާއްވާފައި އެންމެން ހިނގާފަ އުޅެން ދެން ކީއްކުރަން ގަންނަ ކާރެއް؟؟؟؟
ފޫހި
08 May 2019
ތިޔަތާގައި 10 އުޅަނދު ޕާކުކުރީމަ ލިބޭނީ ކޮންލުޔެއް. ޕާކިންގ ބިލްޑިންގ ހަދާބަލަ. ޕޭ ކޮށްގެންވެސް ބޭއްވޭނެދޯ.