ފ. ބިލެއްދޫ އިން އަލަށް ފެނުނު ވެވު އެރަށު ކައުންސިލުން ކޮނެފައި.
11 މެއި 2019 - 17:34
74 comments
ފ. ބިލެއްދޫން އަލަށް ފެނުނު އާސާރީ ވެވެއް އެރަށު ކައުންސިލުން ކޮނެ ނަގާފައި ވަނީ އެ މަސައްކަތް އަމިއްލަ އަށް ނުކުރަން ތަކުރާރުކޮށް އަންގާފައި ވަނިކޮށް ކަމަށް ހެރިޓޭޖް މިނިސްޓްރީން ބުނެފި އެވެ.
ބިލެއްދޫން ފެނުނު ވެވު ވަށާ މިހާރު ވަނީ ކޮނެ ނިންމައިފަ އެވެ. ހެރިޓޭޖު މިނިސްޓްރީން މިއަދު ނެރުނު ބަޔާނެއްގައިވާ ގޮތުން އެ މިނިސްޓްރީ އަށް އެކަން އެނގުނީ ސޯޝަލް މީޑިއާ އިންނެވެ. ވެވު ފެނުނު ސަރަހައްދަކީ ބަޔާނުގައިވާ ގޮތުން ރާއްޖޭގެ އާސާރީ ތަންތަނުގެ ދަފުތަރުގައި ރަޖިސްޓްރީކޮށްފައިވާ ތަނެކެވެ.
"ކޮންނަމުންދާ ސަރަޙައްދަކީ ގެޒެޓުކޮށްފައިވާ ދިވެހި ރާއްޖޭގެ އާސާރީ ތަންތަނުގެ ދަފްތަރުގައި ހިމެނޭ ސަރަޙައްދެއް ކަމަށް މައުލޫމާތު ލިބުމާ އެކު އެކަން މި މިނިސްޓްރީން ގެންދިޔައީ ކައިރިން ބަލަމުންނެވެ. އަދި މަސައްކަތް ހުއްޓާލުމަށް އެދި ކައުންސިލަށް ފޯނުންނާއި ލިޔުމުން ވާނީ އަންގައިފަ އެވެ. އެހެން ނަމަވެސް، މަސައްކަތް ވަނީ ކައުންސިލްގެ ފަރާތުން ކުރިއަށް ގެންދަވައިފަ އެވެ،" ހެރިޓޭޖުގެ ބަޔާނުގައިވެ އެވެ.
ބިލެއްދޫ އިން ފެނުނު ވެވު ކޮންނަނީ
ކޮނުމުގެ މަސައްކަތް ކައުންސިލުން އަމިއްލަ އަށް ކުރިއަށް ނުގެންދަން އެންގި ސަބަބެއް ކަމަށް މިނިސްޓްރީން ބުނީ އެފަދަ މަސައްކަތެއް ވަކި އުސޫލަކުން ނުކޮށްފި ނަމަ އިއާދަ ނުކުރެވޭ ވަރުގެ ގެއްލުން ލިބިދާނެތީ ކަމަށެވެ. އެގޮތަށް މަސައްކަތް ކުރުމަކީ ގާނޫނާ ވެސް ހިލާފު ކަމެއް ކަމަށް ވެސް ބަޔާނުގައި ބުނެފައިވެ އެވެ.
ނަމަވެސް ބިލެއްދޫ ވެވު ކޮނުމުގެ މަސައްކަތް އެރަށު ކައުންސިލުން އަމިއްލަ އަށް ކޮށްފައި ވާތީ ފިޔަވަޅު އަޅާނެކަން ނުވަތަ ނޫންކަން ހެރިޓޭޖްގެ ބަޔާނުގައި ބުނެފައެއް ނުވެ އެވެ. އެކަމަކު ބަޔާނުގައި އެދިފައި ވަނީ އަލަށް ފެންނަ އާސާރީ ތަންތަނާ ބެހޭ މައުލޫމާތު އެ މިނިސްޓްރީއާ ހިއްސާ ކުރުމަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ކައުންސިލަ
12 May 2019
މިއި ކައުންސިލް ތަކުގެ ހާލު ހަމަ. އަންގާ އެންގުމެއް ވަރިހަމަވާނެ. މިދިޔަ ސަރުކާރުން ދަނޑު އަޅަން މީހުން ފޮނުވީމަވެސް ވަރަށް ޖެއްސުންކުރި. ވިނަ ގަނޑު ހަލާކު ކޮށްފައި މި ސަރުކާރު އައީމާ ކީ އަޅާފަ ހުރި އެއްޗެތީގެ ފެންވަރު ދަށްކަމުން ހަލާކުވެފައޭ. މިއީ އަހަރެންގެ ރަށުގައި ކަން ހިނގި ގޮތް.
ރިވިއު
12 May 2019
ހެރިޓޭޖް މިނިސްޓަރު މާބޮޑަށްވެސް ލޮނުމަޑު ކޮށް ދުއްވާލަނީ! ހުރިހާ ކަމެއްވެސް!
އާމް
12 May 2019
ގައުމެއް ހިންގޭނީ މިގޮތަށް. ވާކަމެއް ހަތްހަރާމުން ހަރާމް. މުސާރަ ކޮޅުވެސް މިލިބެނީ މުސާރަދޭން އޮންނަ ދުވަސް ފާއިތުވެގެންދާ ފަހުން.
ޚާޟިމް
12 May 2019
މިއޮތީ ސަރުކާރެ ގެނެސްފައި. ކުރާހާވެސް ކަމަކީ، އޭޖީ މެދުވެރިކޮށް ގޯތި ކުދިންގެ ކުންފުނިތަކަށް، ރައްޔިތުންގެ ފައިސާއިން ރޯމާ ދުވާލު ފޭރުން.
ހާލަތުއޮތްގޮތް
13 May 2019
ލޮލަށް ނުފެންނަ އަޑުނީވޭ މީހުންނަކަށް އެއްކަމެއްވެސް ސަރުކާރުން ކުރާތީ ނުފެންނާނެ.. މުޅިން އަލަށް ކިތަށް ރަށުގެ ނަރުދަމާ އާ ފެނުގެ ނިޒާމު އެ އަޅަނީ؟ ކިތަށް ފުޓްސެލްދަނޑާ ސްޕޯޓްސް އެރީނާގެ މަސައްކަތް މުޅިން އަލަށް ކުރިޔަށް އެގެންދަނީ؟ ބިން ހިއްކާ އެއަރޕޯޓުގެ މަސްރޫތައްވެސް އެބަދޭ އަލަށްފަށައިގެން. އަދި ކަޓު ސަރުކާރަށް ވުރެއް 2 ގުނަ އަގު ހެޔޮކޮށް. ކަޓު ސަރުކާރުގެ ފުރަތަމަ 2 އަހަރު ހިންގި އެންމެ މެގަ ފުރޮޖެކްޓެއް ބުނެބަލަ؟ ފަހު 3 އަހަރު ފެށީ
ޙިނި
12 May 2019
އައްޗީޑި ތީ މިރާއްޖޭގަ ކުރީ ޒަމާނުގައި އުޅުނު އިންޑިޔާ ބުދައް އަޅުކަން ކުރާމީހުން ފެންވަރާތަން
ުޖާވިދު
12 May 2019
އޭބަަލަ ސައިޒް ނުއޮޅި އުޅެން ދަސްކޮށްބަލަ
ކަލޯ 2018
12 May 2019
ބަލަ ވެވުން ފެންވެރޭނީ ވެރޭވަރުކޮއްގެންދޯ! ދެން ހެރިޓޭޖް ގެ ވަގުތީ ލިސްޓައް އެޑްކޮއްލުމައްފަހު އެކަން ފާހަގަކުރަން ޔުންމާއްތަ އެންޑް ދަޓީމް ގެ ވެވުން ފެންވަރާލުމެއްބޭއްވީމަ ސަޅިވާނެނުންތާ!
މަހާރަދުން
12 May 2019
މިނިސްޓުރީން 30 މިލިޔަނަށް ދިހަވަފުދު ފޮނުވާ އަނެއްބާރަ އަހަރު ވަންދެން ދިރާސާ ކޮއްކޮން ހުންނާނީ!!!ތިއޮތީ ކައިރިން ބެލިފައެއް ނު!!!
ކާއްޓޭ
12 May 2019
ކަލޯ ލާގެ މަރުކަޒީވެފަ ތިޔާ އޮތީ! މާދަމާ މިނިވަންކަން ތޯއްޗެއް އިއުލާނު ކުރާނީ. 19 އަތޮޅު 19 ޤައުމައް؟ ބޯ ހަލާކު!
ގައުމީ ލޯބީގާ
12 May 2019
ކީއްތިކުރީ .ތިއީ މީހަކު ކުރާ ޒާތުގެ ކަންކަމެއް ނުނެއްނުން .ގެއްލުމުގެ ބަދަލުދީ .ނުނީ އިސްތިއުފާދީ .މިކަމުގަ އޮންނާނީ ދެގޮތުން ކުރެ ކޮންމެވެސް އެއްގޮތެއް .