މާރުކޭޓުން ވިއްކާ ގިތެޔޮ މިރުސްތަކެއް--ފޮޓޯ:ނިޝާން އަލީ/މިހާރު
12 މެއި 2019 - 12:01
55 comments
ރޯދަ މަހުގެ ފުރަތަމަ ހަފްތާގައި ކިލޯއެއްގެ އަގު 1300ރ. އަށް ވުރެ ވެސް މައްޗަށް ދިޔަ ކަނޑޫދޫ ގިތެޔޮ މިރުސް ގަންނާނެ ބަޔަކު ނުވުމުން ލޯކަލް މާރުކޭޓުން އެ މިރުސް ގާތްގަނޑަކަށް ގެއްލިއްޖެ އެވެ.
ކުރިން ނަމަ އާންމުކޮށް ގިނަ ގޮޅިތަކެއްގައި ކަނޑޫދޫ މިރުސް ހުރެ އެވެ. އެކަމަކު މިހާރު އެ މިރުސް ވިއްކަނީ އެންމެ ދެތިން ގޮޅިއެއްގަ އެވެ. އަގު އުޅެނީ 100 ގްރާމު 65ރ. އަށެވެ. ކިލޯއެއް ޖެހެނީ 600ރ. އަށެވެ.
މާރުކޭޓުގައި މީގެ ކުރިން ކަނޑޫދޫ މިރުސް ވިއްކި ވިޔަފާރިވެރިޔަކު ބުނީ އެއްވެސް ވަރަކަށް މިހާރު އެ މިރުސް އޭނާގެ ގޮޅިއަށް ނުގެންނަ ކަމަށެވެ.
"އަޅުގަނޑުމެން މިތިބެނީ ކަނޑޫދޫ މިރުސް ނުނަގަން. ރޯދަ މަސް ފެށި އިރު 900ރ. އަށް ކިލޯއެއް ދަނޑުވެރިން ވިއްކީ. މިހާރު އަނެއްކާވެސް އެބަ ލިބޭ 250ރ. އަށް،" އޭނާ ބުންޏެވެ.
އެހެން ވިޔަފާރިވެރިޔަކު ބުނީ އާންމުން ވެސް މިހާރު ކަނޑޫދޫ މިރުސް ނުގަންނަ ކަމަށެވެ.
މާރުކޭޓުގައި ވިއްކަން ހުރި ގިތެޔޮ މިރުސްތަކެއް: މާރުކޭޓުގައި ކަނޑޫދޫ ގިތެޔޮ މިރުހުގެ އަގު ވަނީ ދަށަށް ގޮސްފައި-- ފޮޓޯ: ހުސެއިން ވަހީދު/ މިހާރު
މާރުކޭޓުގައި ކަނޑޫދޫ މިރުހުގެ ބަދަލުގައި ގިނައީ ބޭރުން އެތެރެކޮށްފައިވާ މިރުހެވެ. އެގޮތުން އެފްރިކާގެ ގައުމެއް ކަމަށްވާ ޔުގެންޑާ މިރުސް ވަރަށް ގިނަ އެވެ. ޔުގެންޑާ މިރުސް ކިލޯއެއް އުޅެނީ 350ރ ގަ އެވެ.
ކުރިއަށް އޮތް ތަނުގައި ވެސް ކަނޑޫދޫ މިރުހުގެ އަގު ވެއްޓިދާނެ ކަމަށް ބެލެވޭ ކަމަށް ވިޔަފާރިވެރިން ބުނެ އެވެ.
މީގެ ކުރިން ކަނޑޫދޫ މިރުހަށް ރަނގަޅު އަގެއް ލިބެ އެވެ. އެކަމަކު ރޯދަމަހުގެ ކުރީކޮޅު އެ މިރުގެ އަގު އެހާ ބޮޑުވުމުން އާންމުންގެ ތެރޭގައި ވެސް ވަރަށް ބޮޑު ބަހުސެއް ފެށުނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ހިމާރުލް ޤައުމު
14 May 2019
އަސްލު ކަނޑޫދޫ މިރުސްއުފައްދާ މީހުްނ އެބަޖެހޭ ސައިޒުވާން. މިރުސްކިލޯއެއް 1300 އަށް ވީމާ އެއީ ދެން ބޮޑުވަރު. މިރުހަކަށް އެބަޖެހޭ 15 ވަރަކަށް ރުފިޔާ. ދެން އަގުހެޔޮކުރީމާ ހިނގާ ގަންނަމާ. އެއީ އެފްރިކާ މިރުހަށްވުރެ މިހާރު އަގުހެވެއްޖެ ވިއްޔާ. އަދި އެއީ ދިވެހި އުފެއްދުމެއް. ގޮތްދޫކުރީމާ ކުޅިވާނީ
އަހުމަދު11
14 May 2019
މަޑުނޫކުލައިގަ އެކިނަންނަމުގަ ކޮމެންޓްކުރާ ކަނޑޫދޫ މޮޔަގޮލާ!
ކޮބާ..ކޮބާ
14 May 2019
ކުޅި ކޮށް ކެއުމަކީ ސިއްހަތަށް ނުހަނު ގެއްލުން ހުރި ކަމެއް..ގޮހޮރުގެ ބަލިތަކަށް ބޭސް ކުރަން ދާ ފައިސާ އާއި ވަގުތަށް ވިސްނަވާ...
ކަންއޮތްގޮތް
13 May 2019
ރާއްޖޭގެ ދަނޑުވެރިކަމުގެދާއިރާގައި ގިނައީ ތަޖުރިބާކާރުންނެއްނޫނެވެ. ކޮޕީކުރާ މީހުނެވެ. އަދި ގޮތްދޫނުކުރާ ބަންގާޅީންނެވެ. ތަޖުރިބާކާރު މީހުން ނެތެކޭ ނުބުނަމެވެ. ގިނަ ރަށްރަށުގައި ދިވެހީން ބިންނަގާފައި ބަންގާޅީންނާއި ބިންޙަވާލުކުރަނީ ބައިކުޅަބަޔަށެވެ. ބަންގާޅީން ހަދަނީ ހަދާނެގޮތެކެވެ. އަގުވެސް ކޮންޓްރޯލްކުރަނީ އެމީހުނެވެ. ފައިދާނަގަނީވެސް އެމީހުނެވެ. މިކަން ކަމާއިބެހޭފަރާތްތަކުން ބެލުމެއްނޯވެއެވެ. ރަށްރަށުގެ އެންމެންހެންއެތިބެނީ އެމީހުންގެ ދަށުގަ.
ޤައުމިއްޔަތު
13 May 2019
ކަނޑޫދޫ މިރުހުގެ ބަހުސް މިހިސާބަށް ދިޔައިރުވެސް، ކަނޑޫދޫގައި މިރުސް ހައްދަން ވިހަ ކެމިކަލް އެކުލެވޭ ބޭސް ބޭނުންކޮށްފައި، ތަކެތި ކެނޑުމާއި ދެމެދު ދޫކުރަން އޮންނަ މުއްދަތު ދޫކުރޭތޯ އެއްވެސް މީހަކު ވިސްނާލާހެން ހިއެއްނުވޭ. ނުކުރޭ. ހަމައެކަނި ކަނޑޫދޫގައެއް ނޫން. މިރުހަކީ ރާއްޖޭގައި އެބާވަތެއް ހެއްދުމަށް އެންމެގިނައިން ކެމިކަލް ޕެސްޓިސައިޑްސް ބޭނުންކުރާ ބާވަތް. ޕޮއިންޓަކީ ބާޒާރުގައި ހުންނަ 90 އިންސައްތަ މިރުހަކީ ކެއުމަށް ރައްކާތެރި ނޫން މިރުސް.
ހިމާރުލް ޤައުމު
14 May 2019
މިރުސް ކެއުން ހުއްޓާލަންވީ. ދެން އެނޫން ގޮތެއް ނެތެއްނު.
ޒުވާނާ.
13 May 2019
ކަނޑުގުރުވަނޫނީ ނުކާން އިންމާކަނާ ކުނިވެފައޮތް ހިކަންޖެއް ކައިގެން ވިހަވެމަރުވީ ބޯހަރުކަމާ ބަސްގަބޫލު ނުކުރުމުގެ ހިތިނަތީޖާ އިބޫއާ އަދިވެސް ދީނީ އިލްމުވެރިން ބުނަމުން ދިޔައީ ރޯދަމަހު ދީލަތިކަމުގެ އަތެއް ދިއްކޮއްލުމައް ހައްދުފަހަނަ އަޅާނުދިޔުމައް ނަމަވެސް ގަބޫލު ނުކުރި ވަރައްދެރަ ދަނޑުވެރިންނައް ހެޔޮވިސްނުންދެއްވާ ބަންގާޅިންގެ ކިބައިން މާކެޓު ސަލާމަތް ކުރައްވާށި
ސަތާރަ
13 May 2019
ރަނަށް ހަދައިގެން އުޅުނު އެއްޗެއް ގުޔަށް ވެގެން ދިޔަ މަންޒަރު މިފެނުނީ. އަތް ނުފޯރާ ހިސާބުގައި ހުންނަ އެއްވެސް އެއްޗެއް އަހަރެން ނުގަންނަން. އެ ހެޔޮ ކަރާ ކަމުގައިވިއަސް. ކަނޑޫދޫ މިރުސް ކިތަންމެހާވެސް ބޭނުން. ނަމަވެސް ފައިވް ސްޓާރ އަށް އެ މިރުސް ދިޔަހިސާބުން އަހަރެން އެ މިރުހަށް ޓާޓާ ކިޔައިފިން. ޔުގެންޑާ މިރުހަށްވިއަސް އަހަންނަށް އޯކޭ ގަނެވޭ ވަރުގެ އަގެއްވިއްޔާ. ރަމަޟާން މަސް މިއީ ތަކެތީގެ އަގު އުފުލަންވީ މޫސުމެއްނޫން.
އަށާރަ
14 May 2019
މާލޭގެ އެޕާޓްމަންޓްތަކުގެ ކުލި އެކަނި އަތްފޯރާފަށުގައި ހުރީ.
ފުންއަސަރު
13 May 2019
ކޮންމެ ދުވަހަކު ރަންބިހެއް ދެމުން ދަނިކޮށް، އެއްފަހަރާ ހުރިހާ ރަންބިހެއް ހޯދުމަށް މަސައްކަތް ކުރުމުން ވާނީ ތިހެން. މިރުހުގެ އަގުވެސް ވެއްޓުނީ، ކުރަމުން އައި އިތުބާރުވެސް ގެއްލުނީ. ނަފުރަތުކުރާ މީހުންވެސް އިތުރުވީ. މިރުސްދަނޑުތައްވެސް ފޫކަހާލީ.
ދަނޑުވެރިޔާ
13 May 2019
މޮޔަދިވެހިން..ކަނޑޫދޫ މިރުސް އަގުބޮޑު، އެކަމަކު އޭގެ ބަދަލުގަ އެފްރިކާއިން މިރުސް ބޮޑެތިއަދަދުން އެތެރެކޮށް ބޮޑެތި އަދަދުތަކުން ފައިސާ އެފްރިކާއަށް ފޮނުވީމަ ރާއްޖޭގެ އިޤްތިސާދު ގެއްލުންވާކަން ނޭގެނީތޯ. ރާއްޖޭން ބޭރު ފައިސާތަކެއް ބޭރުވީނޫންތޯ. އެކަމް މިކަމުގަވެސް ނެގޯސިއޭޓްކުރެވި ކަނޑޫދޫ މިރުސް ބޮއިކޮޓްނުކޮށް އެދެވޭ ހައްލެއްހޯދޭނެ. ފައިސާ ބޭނުންވާނެ ކޮންމެމީހެއްވެސް. ބަދަލުހިފުމާ ހަސަދަވެރިކަމުން ދިވެހިން މިތިބެނީ މުޅިން ހަލާކުވެފަ
ޅޮކިބޭ
13 May 2019
ދަނޑުވެރިޔާހެން މިއުޅޭ ގިނަކުދިންނަށް ވިސްނޭނަމަ
ހަކީމް
13 May 2019
ގައުމަށް ހެޔޮއެދިގެން މިޒަމާނުގަ އުޅެނީ ކާކުތަ ...
ހާލަތުބަދަލްވީ
13 May 2019
ފްރީމާކެޓްގަ ގަދަދެއްކީމަވާނީ ތިހެން. ހަސަދައެއްނޫން، ގަދަބާރުން އަގުކޮންޓްރޯލްކުރަން އުޅުނީމަ ވީގޮތް.
ސަޒަން
13 May 2019
މިރޯދަމަހު އަހަރެން ކަނޑޫދޫ މިރުސް ނުގަންނާނަން .... ކަނޑޫދޫ މިރުސް ހަރާމް...... އެންމެންވެސް މިގޮތައް ހިފަހައްޓައިފިނަމަ ޖެހޭނީ އަގުދައްކުރާން އެހެންޏާފަހެ މިއޮށް ބަރަކާތްތެރި މަހުގައި އެއްޗެތި އަގުބޮޑުކޮށް ނާޖާއިޒް ފައިދާނަގަން ދިމާކުރީމާ ހުންނާނި ރާކަނިމަސް ކެވިފައި!