އިންޓަނެޓް އަގު ހެޔޮޮކުރަން އިތުރު ކުންފުނިތަކަށް ޖާގަ ދޭން ޖެހިދާނެ ކަމުގެ އިޝާރާތެއް މަލީހް ދެއްވައިފި
މަލީހް: އިންޓަނެޓްގެ އަގު ހެޔޮކުރަން އާ ކުންފުނިތަކަށް ޖާގަ ދޭންޖެހިދާނެ ކަމުގެ އިޝާރާތެއް އޭނާ ވަނީ ދެއްވާފައި -- މިހާރު ފޮޓޯ/ހުސައިން ވަހީދު
19 މެއި 2019 - 14:14
78 comments
ރާއްޖޭގައި އިންޓަނެޓްގެ އަގު ހެޔޮކުރަން ސަރުކާރުން ކުރަމުންދާ މަސައްކަތުގައި އިތުރު ކުންފުނިތަކަށް ޖާގަ ދޭން ޖެހިދާނެ ކަމުގެ އިޝާރާތެއް ކޮމިއުނިކޭޝަން މިނިސްޓަރު މުހައްމަދު މަލީހް ޖަމާލް މިއަދު ދެއްވައިފި އެވެ.
އިންޓަނެޓްގެ އަގު ހެޔޮ ކުރުމުގެ މަސައްކަތާ ގުޅޭގޮތުން މަލީހު މިއަދު ދެއްވި ބަޔާނެއްގައި ވިދާޅުވީ އިންޓަނެޓްގެ އަގު ހެޔޮ ކުރުމަށްޓަކައި، އެ ޚިދުމަތް ރާއްޖޭގައި ދޭ ތިން ކުންފުންޏާ އެކު ސަރުކާރުން ކުރާ މަޝްވަރާތައް މިހާރު ނިމުމަކާ ގާތަށް ގޮސްފައިވާ ކަމަށެވެ. ސަރުކާރުން އަބަދުވެސް މަސައްކަތް ކުރާނީ ރައްޔިތުންގެ ފައިދާ އަށް ކަމަށާއި މަޝްވަރާގެ އުސޫލުން ސަރުކާރުން އެކަން ކުރިއަށް ގެންދަނީ ކުންފުނިތަކާ އެކު އެއްބަސްވެވޭ ގޮތަށް އެކަން ކުރުމަށް ކަމަށް މަލީހް ވިދާޅުވި އެވެ. އަދި އެކަމަށްޓަކައި އިތުރު ކުންފުނިތަކަށް ޖާގަ ދޭން ޖެހޭ ނަމަ އެކަން ސަރުކާރުން ކުރާނެ ކަމަށް އޭނާ ވިދާޅުވި އެވެ.
"ސަރުކާރުން ބޭނުންވާ މިސްރާބަށް ކަންކަން ގެންދިއުމުގައި ކޮމްޕެޓިޝަނަށް ޖާގަ ދޭން ކަމަށް ވަންޏާ އެކަމަށް ވެސް އަޅުގަނޑު ފަސް ނުޖެހޭނެ ކަން މިއަދު އަޅުގަނޑު ފާހަގަކުރަން. އަޅުގަނޑު އުއްމީދު މި ކުރަނީ ސަރުކާރުގެ ފަރާތުން އަދި ރައްޔިތުން އެދިވަޑައިގަންނަވާ ގޮތަށް ސަރުކާރުގެ ހުށަހެޅުން ރާއްޖޭގެ އިންޓަނެޓް ޚިދުމަތް ދޭ ކުންފުނިތަކުން ގަބޫލު ކުރައްވައި، ރައްޔިތުން ބޭނުންވާ މިންވަރަށް މި އަގު ތިރިކޮށް ދިނުމަކީ އަޅުގަނޑުމެންގެ އިލްތިމާސެއް،" މަލީހް ވިދާޅުވި އެވެ.
މިނިސްޓަރު ވިދާޅުވީ މަޝްވަރާތަކުގައި ސަރުކާރުން މިހާރު ވަނީ އިންޓަނެޓްގެ އަގު ހެޔޮ ކުރުމަށް ކުންފުނިތަކަށް ހުށަހެޅުންތަކެއް ހުށަހަޅައިފައިވާ ކަމަށެވެ. އެ ހުށަހެޅުންތައް ހުށަހެޅީ އެ މިނިސްޓްރީ އާއި ކޮމިއުނިކޭޝަންސް އޮތޯރިޓީން 26 ގައުމެއްގައި އިންޓަނެޓްގެ އަގުތަކާ ބެހޭގޮތުން ހެދި ދިރާސާތަކަކަށް ފަހު ކަމަށް އޭނާ ވިދާޅުވި އެވެ.
Raeesul Jumhooriyaa @ibusolih ge vaudheh kamugai vaa internet ge agu heyo kurumuge masaikah gosfavaa hisaab. @MCSTMV @maleehjamal @ncitmv pic.twitter.com/43cvQUuEQe
— Ministry of Communication Science and Technology (@MCSTMV) May 19, 2019
މިނިސްޓަރު މަލީހްގެ ވާހަކަ
"އެ ރިޕޯޓުން ވެސް ދައްކުވައިދޭ އެއް ހަގީގަތަކީ ނިސްބަތުން ރާއްޖޭގައި ދެވޭ އިންޓަނެޓްގެ އަގު ބޮޑުކަން. މިކަމަށް އަލި އަޅުވާލައި، ސަރުކާރުގެ ހުށަހެޅުންތައް މިވަނީ މިދެންނެވި ކުންފުނިތަކަށް ހުށަހަޅާފައި،" މަލީހް ވިދާޅުވި އެވެ.
މަލީހް ވިދާޅުވީ ގޮތުގައި ސަރުކާރުގެ ހުށަހެޅުންތަކާ އެއްގޮތަށް ކުންފުނިތަކުން އިންޓަނެޓްގެ އަގު ހެޔޮކޮށް ދިނުމަކީ ސަރުކާރުގެ އެދުމެކެވެ. އަދި ރައްޔިތުން އުފާވާ މިންވަރަށް އިންޓަނެޓްގެ އަގު ވަރަށް އަވަހަށް ހެޔޮވެގެންދާނެ ކަމަށް އޭނާ ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ރައްޔިތުމީހާ
20 May 2019
އިންޑިޔާގެ ކުންފުނިތައް ގެނެސްގެން ވިޔަސް އިންޓަނެޓްގެ އަގުހެޔޮކުރަން އެބަޖެހޭ.
އައިޓީ
20 May 2019
ނޯ ކުއިސްޓަން އެބައުޓް އިޓް، އިތުފަރާތްތަކަށް ފުރުސަތުހުޅުވާލަންޖެހޭނީ،، ނިކަންވިސްނަވާ މިހާރު ދިރާގުން ދީފަ ހުންނަ ޕެކެޖްތަކުން "މިހާރު" ނޫސްއަށް ވެސް ނުވަދެވޭނެ އެކަމަކު ކޮންމެމަހަކު މަހުގެ ކުރިޔަށް ބިލްކުރާނެ އެޕެކެޖް އެއީ ކިހެނެއް އެމީހުން ދޫކުރާ ޕެކެޖެއް ކަމެއްނޭގެ މިދަންނަވަނީ މިހާރުނޫސް އޮންލައިން ކޮށްކިޔާނުލެވޭ ފޭސްބުކާއި/ޔޫޓިއުބް ވާހަކަޔާ ހަމަޔައް ނެތްދެވޭކަށްވެސް އެޔައްކިޔަންވީ އެއީޕެކެޖެއް ނޫން!!
ބޮޑުމީހާ
20 May 2019
އިންޓަރނެޓް ހިދުމަތާއި، ބޭންކްލޯނާއި، ގޭގެ ކުއްޔާއި، ބިދޭސީންގެ މައްސަލަތައް ހައްލުކުރަން މުޒާހަރާކުރަންވީ. އޭރުން ސަރުކާރުންވެސް މިކަންތައްތައް ސީރިއަސްކޮށްނަގައި އެކަށީގެންވާ ހައްލުހޯދަން މަސައްކަތްކުރާނެ ހެން ހީވޭ. 2000 ވަނަ އަހަރުން ފެށިގެން އަހަރުމެން މުޒާހަރާ ކުރީ ޑިމޮކްރަސީއަށް. މިހާރު އެލިބިއްޖެ. ކުލި ކޮންޓްރޯލްކުރަން، ލޯން އިންޓަރެސްޓް ކުޑަކުރަން، ފަދަ ކަންތައްތަކުގައި މުޒާހަރާ ކުރާނަމަ އެކަންތައްތައް ވެސް ހަމަޖެހޭނެ.
ރިލަޔަންސް
20 May 2019
އިންޑިޔާގެ ރިލަޔަންސް ގެންނަން ފެނޭ. އިންޑިޔާގަ ވެސް އިންޓަނެޓުގެ އަގު ހެޔޮވީ ރިލަޔަންސްގެ މުކޭޝް އަމްބާނީއާއި ހެދި.
ފޮނިޓައްޕު ހަސަނު
20 May 2019
މަލީހުގެ ތިމަސައްކަތަށް ޝުކުރު އަދާ ކުރަން. އިންޓަނެޓް އެކަންޏެއް ނުން. ބޭންކްތަކުން ދޫކުރާ ލޯނުގެ އިންޓަރެސްޓް ރޭޓްވެސް އެބަޖެހޭ ދުނިޔޭގެ އެހެނިހެން ގައުމުތަކެކޭ އެއްވަރަށް ދައްކުރަން. ސަރުކާރުން ދޫކުރާ 12 ލައްކަ ރުފިޔާގެ ބަޖެޓް ފްލެޓެއް އަމިއްލަވާއިރު 25 ލައްކަ ރުފިޔާ ހުންނަނީ ދެއްކިފަ.
ޕިކްސް
20 May 2019
އިންޓަނެޓްގެ އަގުހެޔޮކުރެވިދާނެ. ބޭނުންވަނީ ރަނގަޅު ފުލޭނެއް. ރާއްޖޭގެ ރައްރަށަކީ ނިސްބަތުން ކުދިރައްތަކެއް އަދި ގިނަމީހުން އިންޓަނެޓްބޭނުންކުރަނީ މޮބަައިލް ޑިވައިސްތަކުން. އެހެންކަމުން ބޭނުންވާބަޔަކަށް ވައިފައި ހޮޓްސްޕޮޓް ހަދާ ހިދުމަތް ދޭވޭގޮތަށް ގަވާއިދު ހެދިއްޖެނަމަ އިންޓަނެޓްގެ އަގު ހެޔޮކުރެވިދާނެ. އެއީ މިހާރުވެސް އަގުބޮޑީ މޮބައިލް އިންޓަނެޓްކަމަށްވެފައި ކޭބަލް އިންޓަނެޓް ޖީބީއެއް 5 - 10 ވަރަކަށް ރުފިޔާއަށް ލިބޭތީވެ.
މަދިރި
20 May 2019
ތިކަން ވާނެހެނެށް ހިޔެއްނުވޭ.
މޫސާސް
20 May 2019
ޚަރަދު ނުބަލާ ކުންފުންޏަށް ވާ ފައިދާ ބަލާފަ އަގަށް ހެޔޮ ބަދަލެއް ގެނެވިދާނެ. ސާފު ފައިދާ ހިސާބުތަކުން ފެންނާން ހުންނާނެ.
މިގޭ
20 May 2019
އިންޓަނެޓް އަގު ހެޔޮކުރުމަށް ސޯލިހު ވަނީ ވައުދުވެފައި. ދެން ކޮން އަނގައެއް ތަޅަންތަ ! ޖަމަލުފޮޑި ވާހަކަ ނުދައްކަ. ޕަކާސް '''''''''''''''
މިގޭކޮސް
20 May 2019
ބަލަ އިބޫވެފަވާ ވައުދު ފުއްދަނީ އިބޫތަ އިބޫގެ ވަޒީރުންނައް ވާހަކަ ދެއްކުމާ ވައުދުތައް ފުއްދުމައް އޮތީ ބާރުދީފަ ކޮމަންޓް ކުރަން އެނގުނީމަ ކޮއްލީދޯ ބޯގޯސް
މަ މިއު މަ
20 May 2019
ޓެލެކޮމިއުނިކޭޝަންވެސް