20،000 އަހަރު ކުރީގެ މޫދު ލޮނު ރާއްޖެ ސަރަހައްދުން ފެނިއްޖެ

ޕްރޮފެސަ ކްލާރާ ބްލެޓްލާ، އައިސް އޭޖްގެ ލޮނު ސާމަޕަލް ދައްކާލަނީ.

ނިއުމަތުﷲ އިދުރީސް، މިހާރު

26 މެއި 2019 - 22:06

މީގެ 20،000 އަހަރު ކުރިން ދުނިޔެ ތަޖުރިބާކުރި އެންމެ ފަހުގެ އައިސް އޭޖް ދުވަސްވަރުގެ މޫދު ލޮނު ރާއްޖޭގެ ކަނޑުގެ ސަރަހައްދުން ފެނިއްޖެ އެވެ.

ޔުނިވަސިޓީ އޮފް ޝިކާގޯގެ ސައިންސްވެރިންގެ ޓީމަކުން ބުނީ މި ލޮނު ފެން ފެނުނީ ރާއްޖޭގެ ރަށްތައް އުފެދިފައިވާ "ލައިމްސްޓޯން ޑިޕޮސިޓް" ގެ ތެރެއިން ކަމަށެވެ. މިއީ 100،000 އަހަރަށް ދިގު ދެމިގެން ދިޔަ އައިސް އޭޖް ނިމުނު ދުވަސްވަރުގެ ލޮނު ކަމަށް ވެސް މި ޓީމުން ވަނީ ބުނެފަ އެވެ.

ދިރާސާ ރިޕޯޓެއްގެ މަސައްކަތުގައި ކުރި ތަހުލީލަކުން ލިބުނު މި ލޮނު ފެނަކީ އެންމެ ފަހުގެ އައިސް އޭޖާ ގުޅޭ ގޮތުން މިހާތަނަށް ކަނޑުން ލިބުނު މިފަދަ ހަމައެކަނި ސާމްޕަލްގެ ގޮތުގައި ސައިންސްވެރިން ވަނީ ފާހަގަކޮށްފަ އެވެ.

ސައިންސްވެރިން ބުނި ގޮތުގައި މި ސާމްޕަލް ލިބުނީ މާކަނޑުގެ ފުނުގައި ހުރި ލައިމްސްޓޯނާއި އެފަދަ އެއްޗެހި ތޮރުފައިގެން ނެގި ބައިތަކުގެ ތެރެއިންނެވެ. އެގޮތުން، އިންޑިއާ ކަނޑުގައި ރާއްޖޭގެ ރަށްތައް އުފެދިފައިވާ ލައިމްސްޓޯން ޑިޕޮސިޓުން ނެގި ބައިތަކެއް ހައިޑްރޯލިކް ބޭނުންކޮށްގެން ފިއްތައިގެން އޭގެ ތެރޭގައި ހުރި ލޮނު ވަނީ ނެރެފަ އެވެ.

މި ލިބުނު ލޮނު ފޮދު، ސައިންސްވެރިންގެ ދިރާސާ ބޯޓުގައި ޓެސްޓްކުރި އިރު އިންޑިއާ ކަނޑުގައި މިހާރު ހުރި ލޮނަށް ވުރެ ލޮނުކަން ގަދަ އެވެ. އަދި އެހެން ކަނޑުތަކުގެ ލޮނާ ވެސް ތަފާތެވެ. އަދި އިތުރު ޓެސްޓްތައް ކުރުމުން އެނގުނީ މިއީ ކަނޑުގެ ލޮނު މިހާރަށްވުރެ މާ ލޮނު، ފިނި އަދި މާބޮޑަށް ކްލޮރިނޭޓް ވެފައިވާ ދުވަސްވަރެއްގެ ލޮނު ކަމެވެ.

"މި ސާމްޕަލުން ފާހަގަވި ހުރިހާ ކަމަކަށް ބަލާއިރު ވެސް މިއީ އައިސް އޭޖްގެ ލޮނުކަން އެނގޭ. އަދި މިއީ 20،000 އަހަރު ކުރީގެ ލޮނު،" ދިރާސާގައި އިސްކޮށް ހުންނެވި ކްލާރާ ބްލެޓްލާ، ޝިކާޔޯ ޔުނިވަސިޓީގެ ބަޔާނެއްގައި ވިދާޅުވެފައިވެ އެވެ.

މި ދިރާސާއާ ބެހޭ ތަފްސީލް ރިޕޯޓް އަންނަ ޖުލައި މަހު ޝާއިއުކުރާނެ އެވެ.

ސައިންސް ތާރީހް ސައިންޓިފިކް ރިސާޗް

58 ކޮމެންޓް, 187 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ޙުދާ

27 May 2019

ޢިތުރު ދިރާސާ ހަދަންޖެހޭނެ. ޢެ ނަމުގަ ޢަވަހަށް އައިސް ރާއްޖޭގެ ހަމަޖެހުން ނަގާލުވާ ވަގުވަގަށް ތިބެގެން ދީން ފުނޑާލުވާ ކަނދުގެ އަޑީގަ އެއްވެސް އެއްޗެއް އޮތިއްޔާ ވަގަށް ނަގާ ގެންދޭ. ތި ފެންނަ އެއްޗެތި އަހަރެމެން ވެސް ދަންނަމު މީން ބަޔަކު ރާެއްޖެ އެރިޔަ ނުދޭންވީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވަގުތޭ

27 May 2019

މުސްލިމުންނަށް ބޮޑަށް ރަނގަޅީ އަޅުކަމައިގެން އުޅުން ކަމުގައިވާއިރު، އެހެން މީހުން އެމީހުންގެ ރެއާއި ދުވާލު ހޭދަކޮށްގެން ހެކި ހޯދަދޭ އިލްމުން މުސްލިމުންނަށް ކުރާނީ ފައިދާ. އެއްބަޔަކަށް ވަގުތާ ހާލަތާ ވަސީލަތާ ނެތިގެން ހޯދެން ނެތް ކަންކަން އެހެން ބަޔަކު ހޯދުމުން އެއީ މުސްލިމުންގެ އަގީދާއަށް ލިބޭ އިތުރު ވަރުގަދަކަމެއް. ކީރިތި ގުރުއާނުގައިވާ ކަންކަން އެމީހުން ހޯދާ ބެލުމުން މުސްލިމުންނަށް ލިބެންވީ އެކަންކަމުން އިތުރު ހިތްހަމަޖެހުން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޗިކު

27 May 2019

ސޯ..؟؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަލްމަ

27 May 2019

ދިވެހި ސައިންޓިސްޓުން ކޮބައިތަ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރައްޔިތުމީހާ.

27 May 2019

އެމީހުން އުޅެނީ ހަމައެކަނި ދީނަށް ފުރައްސާރަ ކުރުމުގަ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

12345

27 May 2019

މިތާނގަހުރި ކޮމެންޓްތައް ކިޔައިލީމަ އަހަރެމެން ދިވެހިންގެ ޖާހިލުކަމާ އިލްމެއް ހިލްމެއްނެތް މިންވަރު ދޭހަވޭ. ޔުނިވަރސިޓީތަކާޢި، މަދްރަސާތައް މިގައުމުގައިހަދާ ބޮޑެތިޚަރަދުކުރުމުގެ ބޭނުމެއްނުފެނުނު. އެންމެ ކުޑަމިނުން ކީރިތިޤުރުއާނުގައިވާ، ޛުލްޤްރްނައިންވެސް މިއިން މީހަކަށް އެނގޭކަމަކަށްނުވި. މުޅިދުނިޔޭގައިއެންމެގިނަ ރިސަރޗްހެދެނީ. ޛުލްޤަރްނައިންގެ ދަތުރުގައި ވަޑައިގެންނެވި މަންޒިލްތައް ދެނެގަތުމަށް އަދިއެތަންތަންބަޔާންވެފައިވާހިކްމަތް ދެނެގަތުމަށް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކާރުބ

27 May 2019

އައިސްއޭޖު ދުވަސްވަރުގެ ލޮނުތިއޮތީ ފެނިފާ އެހެންވީމައި ރާއްޖޭގައި ލޮނު އުފައްދާ އައިސްއޭޖު ސޯލްޓް ނަމުގައި ބްރޭންޑް ކޮށް މުޅި ދުނިޔެއަށް އެސްޕޯޓް ކުރަންފަށަންވީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދދދދދ

27 May 2019

ދަރިޔާ! ފުރަތަމަވެސް ވިސްނަންވާނީ ފައިސާގަނޑެއް ހޯދާނެ ގޮތަކާމެދު. އިންސާނުން ނޫޅޭ ޒަމާނެއްގައި ދުނިޔޭގައި ހުރި އެއްޗެއް ﷲ ތަޢާލާ މިދެއްކެވީ. އެއީކީވެބާއޭ ކީއްވާނީ އެންމެފަހަރަކުވެސް ވިސްނާލިޔާ! ދުނިޔެމިއޮތީ ބިރުވެރިހާލަތެއްގައި. އަނިޔާވެރިކަން ހައްދުންނެއްޓި ކުށެއްނެތް މީހުން މަރާނިކަމެތިކޮށް ގައުމުތަށްހަލާކުކޮށް. ބޭނުންވެއްޖެކޮންމެ ބަޔަކަށް ހަމަލާދީހަދަމުންދަނީ. މަނާކުރާނެބައެއްނެތް. ދެކޭބައެއްނެތް. ފައިސާގެ އަޅުންނަށްވެ، ރިބާ ކެއުން އިންތިހާ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އިންސި

27 May 2019

20،000 އަހަރު ކުރިން އިންސާނުން ނޫޅޭ ކަމަށް އޮތީ ކޮންފޮތެއްގަ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކަނޑުވިގަނި

27 May 2019

ވަށައިގެން ކަނޑު އޮންނަ އިރު ވެސް ދިވެހިރާއްޖޭގައި އެންވަޔަރަމަންޓަލް ސައިންސާއި މެރިން ބަޔޮލޮޖީ އަދި މެރިން ރިސަރޗް ކިޔަވައިގެން ތިބޭ ކަމުގެ މާހިރުންނަށް ވެސް ވާނުވާ ނޭނގޭ..ފަރަންޖީންތައް އައިސް އެތިކޮޅު ވެރިކޮށްލައިގެން ދިޔައިމަ ނިދިން މި ހޭލެވެނީ..ތުތިބޯވަ(ޑައިމަންޑް ބެކް ސްކުއިޑް) ހިތަކަށް ބާނާލަން ލިބޭ ސަރަހައްދުތައް ވެސް މި އެނގެނީ ޖަޕާނު މީހުން އައިސް ދެއްކީމަ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސަނީމް

27 May 2019

ތި ލޮނު ކޮޅު ކިރާލާފާ އަވަހާ ފައިސާ ނަގާ، ތީ ފޭކު އެއްޗެއްކަން އެމީހުންނައް ނޭނގެނީސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބާބޫ

27 May 2019

ދިވެހިރާއްޖޭގައި 40000 ހާސް އަހަރުގެ ކުރީގެ ލޮނު ހުންނާނެކަމަށް ލަފާކުރެވޭ އަދި އެއަށް ވުރެ ވެސް ކުރީގެ ލޮނު ހުރުން އެކަށީގެންވޭ..................ނަމަވެސް ދެރަކަމަކީ ބޭރުގެ ފަރަންޖީން ގަނޑު އަރައި ހިލޭ އެތަކެތި ގެންދާތީ. ދިވެއްސަކަށް ފޯއްކިބައެއްގެ މައްޗެއްވެސް ހިލެއަކު ނުލިބޭ............