30 މެއި 2019 - 02:57
29 comments
ބަކޫ، އަޒަރުބައިޖާން (މެއި 30) - އެޑަން ހަޒާޑްގެ ދެ ގޯލާ އެކު 4-1 އިން އާސެނަލްގެ މައްޗަށް ކުރި ހޯދައި ޗެލްސީން ދެ ވަނަ ފަހަރަށް ޔުއެފާ ޔޫރޮޕާ ލީގުގެ ޗެމްޕިއަންކަން ހޯދައިފި އެވެ.
ޗެލްސީން އެންމެ ފުރަތަމަ ޔޫރޮޕާ ލީގު ކާމިޔާބުކުރީ 2013 ވަނަ އަހަރު އެވެ. މި ކާމިޔާބީ އަކީ 1999 ވަނަ އަހަރުގެ ތެރޭގައި ކޯޗިން ކެރިއަރު ފެށި ޗެލްސީގެ ކޯޗު މައުރީޒިއޯ ސާރީ އަށް ކެރިއަރުގައި ލިބުނު ފުރަތަމަ ކާމިޔާބީ އެވެ. މިރޭގެ މެޗުގައި މޮޅު ކުޅުމެއް ދެއްކި ޗެލްސީގެ ތަރި ހަޒާޑް އަންނަ ސީޒަނުގައި ސްޕެއިނުގެ ރެއާލް މެޑްރިޑަށް ބަދަލުވާނެ ކަމަށް މީޑިއާ ރިޕޯޓްތައް ބުނެ އެވެ. މިރޭގެ މެޗަށް ފަހު ހަޒާޑް ވެސް ވަނީ އެހެންވުމުގެ ފުރުސަތު ބޮޑު ކަމަށް ބުނެފަ އެވެ.
"އަހަރެން ގޮތެއް ނިންމައިފިން. އެކަން ވާނީ ދެ ކްލަބަށް ވެސް ހިއްސާކޮށްފައި. އެކަން ވަރަށް އަވަހަށް ހާމަވާނެ. މިއީ ޗެލްސީގައި އަހަރެންގެ ފަހު މެޗަށް ވުމުގެ ފުރުސަތު ބޮޑު. އެކަމަކު ފުޓްބޯޅައިގައި ވާނެ ގޮތެއް ބުނަން ނޭނގޭނެ،" މެޗަށް ފަހު ބީޓީ ސްޕޯޓްސް އަށް ދިން އިންޓަވިއުއެއްގައި ހަޒާޑް ބުންޏެވެ.
އަޒަރުބައިޖާނުގެ ބަކޫގެ އޮލިމްޕިކް ސްޓޭޑިއަމްގައި މިރޭ ކުޅުނު ފައިނަލުގެ ފުރަތަމަ ހާފުގައި އާސެނަލްގެ ގްރޭނިޓް ޝާކާ ޖެހި ބޯޅައެއް ބޭރަށް ދިޔައީ ގޯލުގެ ހުރަސްދަނޑީގައި ޖެހިފަ އެވެ. ފުރަތަމަ ހާފުގައި ލީޑުނަގަން ޗެލްސީގެ އޮލިވިއޭ ޖިރޫޑާއި އެމެސަން ޕަލްމިއޭރީ ޖެހި ބޯޅަތައް އާސެނަލްގެ ގޯލުގައި ހުރި ތަޖުރިބާކާރު ގޯލްކީޕަރު ޕެޓަ ޗެކް ވަނީ މަތަކޮށްފަ އެވެ. މި މެޗަކީ ޗެލްސީ އަށް ކުރިން ކުޅުނު ކީޕަރު ޗެކްގެ ފުޓްބޯޅަ ކެރިއަރުގެ ފަހު މެޗެވެ.
ދެ ވަނަ ހާފްގެ ކުޅުން ފަށައިގެން ހަތަރު ވަނަ މިނިޓްގައި ޗެލްސީ އަށް ލީޑުނަގައިދިނީ ކުރިން އާސެނަލަށް ކުޅުނު ފްރާންސްގެ ފޯވާޑް ޖިރޫޑް އެވެ. ޕަލްމިއޭރީ ނަގައިދިން ހުރަހަކުން ޖިރޫޑް ވަނީ ބޮލުން ގޯލުގެ ތެރެއަށް ފޮނުވާލައިފަ އެވެ. އޭގެ 10 މިނިޓް ފަހުން ޗެލްސީ އަށް ލީޑުފުޅާކޮށްދިނީ ހަޒާޑް ދިން ބޯޅައަކުން ޕެޑްރޯ ރޮޑްރިގޭޒް އެވެ.
މިރޭގެ މެޗުގައި ލަނޑު ޖެހުމަށް ފަހު ހަޒާޑް އުފާފާޅުކުރަނީ. -- ފޮޓޯ: އޭއެފްޕީ
ޗެލްސީން ދެ ގޯލުގެ ލީޑެއް ނެގުމާ އެކު އާސެނަލުން ދެ ބަދަލެއް ގެންނަން ތައްޔާރުވަމުން ދަނިކޮށް މެޗުގެ 65 ވަނަ މިނިޓްގައި ޗެލްސީން ވަނީ އިތުރު ގޯލެއް ޖަހައިފަ އެވެ. ޒުވާން ކުޅުންތެރިޔާ އެއިންސްލީ މެއިޓްލަންޑް ނައިލްސް އޭރިއާ ތެރެއިން ޖިރޫޑަށް ކުރި ފައުލަކަށް ދިން ޕެނަލްޓީ އަކުން މި ލަނޑު ޖެހީ ހަޒާޑް އެވެ.
މެޗުގެ 69 ވަނަ މިނިޓްގައި ބަދަލު ކުޅުންތެރިޔެއްގެ ގޮތުގައި ކުޅެން އެރި އަލެކްސް އިވޯބީ ޖެހި ހިތްގައިމު ގޯލަކުން އާސެނަލްގެ އުއްމީދު އާ ވި އެވެ. އެކަމަކު އެ ލަނޑު ޖެހިތާ ތިން މިނިޓް ފަހުން ހަޒާޑް ވަނީ އިތުރު ލަނޑެއް ޖަހައި ޗެލްސީ އަށް ތިން ގޯލުގެ ލީޑު އަލުން ނަގައިދީފަ އެވެ. ފަހުން ޗެލްސީން އިތުރު ލަނޑެއް ޖަހަން ވިލިއަން އާއި ހަޒާޑް ފޮނުވާލި ބޯޅަތައް ކީޕަރު ޗެކް ވަނީ ހުއްޓުވައިފަ އެވެ.
ސިޔާސީ ސަބަބަކާ ހުރެ މި މެޗު ގެއްލުނު އާރްމީނިއާގެ ހެންރިކް މިކިތާރްޔަން ނެތުމުން އާސެނަލްގެ އެޓޭކުގައި މައްސަލަތަކެއް ފެނުނު ނަމަވެސް ފަހުން ވެސް ލަނޑު ޖަހަން އެ ޓީމަށް ރަނގަޅު ފުރުސަތުތަކެއް ލިބުނެވެ. އެ ގޮތުން އަލެކްސަންޑަ ލަކަޒޭޓް އާއި ޒުވާން ކުޅުންތެރިޔާ ޖެކް ވިލޮކް އަތުން ވަނީ ހުސް ފުރުސަތުތަކެއް ބޭކާރުވެފަ އެވެ.
ޔޫރޮޕާ ލީގުގެ ޗެމްޕިއަންކަން ޖެހިޖެހިގެން ތިން އަހަރު ސެވިއްޔާ ގޮވައިގެން ހޯދި އާސެނަލްގެ ކޯޗު އުނާއި އެމެރީ އަށް މި މުބާރާތުގެ ޗެމްޕިއަންކަން ނުލިބުމުން އަންނަ އަހަރުގެ ޗެމްޕިއަންސް ލީގަށް ކޮލިފައިވުމަށް އޮތް ހުރިހާ ދޮރެއް ބަންދުވީ އެވެ. އާސެނަލް މި ފަހަރުގެ އިނގިރޭސި ޕްރިމިއާ ލީގު ނިންމާލީ ފަސް ވަނައިގަ އެވެ.
ޗެލްސީގެ ކޯޗު ސާރީ ހޯދަން އިޓަލީގެ ޗެމްޕިއަން ޔުވެންޓަސް އިން މަސައްކަތްކުރަމުން އަންނައިރު، މިރޭގެ ކާމިޔާބީއާ އެކު ޗެލްސީން ސާރީ ބަހައްޓާނެ ކަމަށް ބައެއް ރިޕޯޓްތައް ބުނެ އެވެ. ސާރީ ވެސް ވަނީ އިނގިރޭސި ފުޓްބޯޅައިގައި އިތުރަށް މަސައްކަތްކުރަން ދެމިހުންނަން ބޭނުންވާ ކަމަށް ބުނެފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ކައުންސެލަރު
30 May 2019
ބައްލަވާ ރަދީފް! ސަލާމަކީ މަލާމާތުގެ ބަހަކަށް ނުހައްދަވާ! އަޅުގަނޑު ރަދީފަށް ހަމަ ހެޔޮހިތުން ސަލާމެއް ދަންނަވާލީ. ނޫކުލަބު މޮޅުވީމާ! ވަރަށް ހެޔޮދުޢާ ސަލާމް. ޢީދުމުބާރަކް.
ރަދީފް
30 May 2019
މަރުހަބާ ފްރާންސްގެ ލިއޯންގެ ހުރިހާ ފޭނުން.ޗެލްސީ ޔޫރޮޕާ ލީގް ކާމިޔާބްކުރުމާއިއެކު އޮޓޮމެޓިކުން ލިއޯން ވަނީ ޗެމްޕިއަންސްލީގަށް ކޮލިފައިވެފަ.
ނިއުމާާ
30 May 2019
އަންޑަރޑޯގް ހަމަ މިވީ އަންޑަރޑޮގަށްތާ؟ ދެން އާރސެނަލް ކުދިން އުޅޭ ސިޓީ ޔޫރަޕުގެ މުބާރާތްތަކުން ސަސްޕެންޑްކުރެވޭތޯ. އެގޮތަށް ތިކުދިންނަށް ޔޫސީއެލްގައި ކުޅެވެން އޮތީ. އެވެސް ގްރޫޕް ސްޓޭޖުން ކަޓާ ގޮތަށް.
ސަނީީ
30 May 2019
ސްޓޭޑިއަމުގައި މެޗުބަލަންހުރި ރަދީފްގެ ކުރިމަތީ 4ސެނަލް ކޮޅަށް 4ލަނޑު ޖަހާ ރަދީފް ރޮއްވާލައިފި. މީގެއިންވެސް އެނގެނީ އާރސެނަލަކީ ލަންޑަނުގެ 3ވަނަ ކްލަބްކަން. ޗެލްސީ އަދި ސްޕަރސް އެއީ މިހާރު އެހެން ލެވެލެއް. މިފަހަރު ޗެމްޕިއަންސް ލީގުވެސް ލަންޑަނަށް ގެންނަންވާނެ. އޭރުން ރަދީފަށް ރަނގަޅަށް ރާކަނިމަސް ކެވޭނެ. ލަންޑަނުގެ ގަދަ 3 ބާރުގެ ތެރެއިން ޔޫސީއެލް ކާމިޔާބުނުކުރެވޭ ހަމައެކަނި ޓީމަށް އާރސެނަލްވާނެ.
އަންްނި
30 May 2019
ޔޫސީއެލް އެކަނިތަ؟ ދެވަނަ ފަންތީގެ މުބާރާތްވެސް ކާމިޔާބު ނުކުރެވި އޮތީ އާރސެނަލަށް.
ކައުންސެލަރު
30 May 2019
ރަދީފަށް ވަރަށް ސަލާމް!
ރަދީފް
30 May 2019
ތިއޭ ކައުންސެލަރުމެންގެ މައްސަލައަކީ.ބަލިވީމަ އެބަޔަކަށް ހިތްވަރުދޭންވީމަ ތި ބުނަނީ މަލާމާތުގެ ބަސްތައް.އެހެން ނަހައްދަވާ.އީދް މުބާރިކް.ވ.ވެދުން
އަންްނި
30 May 2019
ރަދީފް ބްރޯ ހިތަވަރުކުރާތި. ބްރޯގެ ފެވަރިޓް 30 ޓީމުގެ ތެރެއިން ޓީމަކަށް ޔޫރަޕުގައި ތަށްޓެއް ނުލިބި 4 އަހަރު ވުމުގެ ހިތާމާގައި ބައިވެރިވަން. އަދި ފަހުން ރަނގަޅުވާނެ، ނާކާމިޔާބީގަ ހިތްވަރުކުރަންވާނެ.
ރަދީފް
30 May 2019
އެއްކަލަ @އަންނި ނިކުމެއްޖެ ދޯ.މަގޭ ފެވަރިޓް 30 ޓީމް އޮންނަކަމަށް ކަނޑައަޅަން ކޮބާތަ @އަންނިގެ ހައިސިއްޔަތަކީ؟؟ @އަންނިއަށް އިނގޭނީ އެންމެ ކަމެއްކުރަން ، އިއްޔެވެސް ފެނުނު އެކަމުގަ އުޅުނު މަންޒަރު.ބްރޯގެ ސްޕާސްއަށް ކާމިޔާބީއަށް އެދެން.އީދް މުބާރިކް.ވ.ވެދުން
ނިއުމާާ
30 May 2019
311މޭލުގެ ދުރުމިން ހުންނަ ރާއްޖެއާ ޗާގޯސް އައިލެންޑްސްއާ ދޭތެރޭގައި 656 މޭލު ހުންނަކަމަށް ރަދީފަށް ކަނޑަ އެޅެންޏާ، ރަދީފްގެ ފެވަރިޓް 30 ޓީމު އޮންނަކަމަށްވެސް އަންނިއަށް ކަނޑައެޅިދާނެ ނޫންތޯ؟ ދެން އަނެއް ކޮޅުން އެއީ ގޯސް ވާހަކައެއްވެސް ނޫން ކަންނޭނގެ. އެމުބާރާތްތައް އެމުއްދަތުގައި ކާމިޔާބުކުރި ރެއާލް، ލިވަރޕޫލް/ސްޕަރސް، ސެވިއްޔާ، ޔުނައިޓެޑް، އެތްލެޓިކޯ، ޗެލްސީއަށް ރަދީފްގެ ފެވަރިޓް 30 ކްލަބްގެ ތެރޭގައި ހިމެނޭނެ ގޮތެއް ނުވިސްނޭ.
ރަދީފް
30 May 2019
@ނިއުމާ އަށް.ފިޒިކަލް ޑިސްޓެންސް އަދި ފްލައިންގް ޑިސްޓެންސްގެ ތަފާތު ނޭނގޭ ހާލުގަ އިނދެގެން ތި ދައްކާ ވާހަކަތަކަށް މާގިނަ ވާހަކަތަކެއް މި ރޯދަމަހު ދައްކާކަށް ނެތިން.ވ.ވެދުން އަދި އީދް މުބާރިކް.
ނިއުމާާ
30 May 2019
ކަނޑުގެ ސަރަހައްދު ބަލަން ބޭނުންކުރަނީ ފިޒިކަލް ޑިސްޓެންސްތޯ ނޫނީ ފްލައިންގ ޑިސްޓެންސްތޯ؟ އެހެން މި އަހާލީ ރަދީފް ރާއްޖެއާ ޗާގޯސްއާ ދޭތެރޭގައި ހުންނަނީ 656މޭލުކަމަށް ކަނޑައެޅީ ރާއްޖެއާ ޗާގޯސް އާ ދޭތެރޭގެ ކަނޑުގެ މައްސަލާގަ. ދެން ފްލައިންގ ޑިސްޓޭންސްވެސް ރާއްޖޭގެ މެދުން، ޗާގޯސްގެ މެދަށް ތިޔަބުނާ މޭލެއް ހަމަވަނީ. ކަނޑުގެ ސަރަހައްދު ބަލާނީ ދެ ގައުމުގެ ނިމޭ ކޮޅުން. ރާއްޖެއިން ފެށިގެން ޗާގޯސް އާ ހަމައަށް ހުންނަނީ 311. އެހެން ގޮތަކަށް މިމިނެއް ނޭޭޅޭނެ
ނިއުމާާ
30 May 2019
ފްލައިންގް ޑިސްޓެންސޭ ރައިޑިންގ ޑިސްޓެންސޭ ނުކިޔާ ބުނެބަލަ ތިމަންނަ ގަމާރުކަމުން ކަނޑައެޅި އެޅުމެކޭ؟ އެހެންޏާ ރާއްޖެއާ ޗާގޯސް އާ ދޭތެރޭގަ އިންނަ މިނަށްވުރެ 2ގުނަ ބޮޑު އަދަދެއް ވިއްޔާ. 2 ތަނެއްގެ ދޭތެރޭގަ އިންނަ މިން ބަލަން މެދުން މެދަށް މިންނަގާނީ މޮޔައެއްނު؟ ގޫގްލް ސަރޗްކުރާއިރުވެސް ރަނގަޅަށް ފީޑްކުރީމަ ދޯ ރަނގަޅު މައުލޫމާތު ލިބޭނީ؟
ހަސަން ނުވަވަނަ
30 May 2019
އެއްގޮތަކުން ބަލާއިރު އާސެނަލްއަށް ރަނގަޅެއް މޮޅުނުވުން. ޗެމްޕިއަންސް ލީގުގަ ވާދަކުރެވޭވަރުގެ ފެންވަރެއް ނެތް އާސެނަލްއަކު. މިހާރު އެނގޭނެ މައްސަލައަކީ ވެންގާ ނޫންކަން. ކްރޮންކޭ އައުޓް. ގަނަރ ފޯރ ލައިފް.
ރަދީފް
30 May 2019
އަންނަ ސީޒަނަށް ވެސް ޓްރާންސްފާ ބަޖެޓްގެ ގޮތުގަ 40 މިލިއަން ޔޫރޯ ، މިދެން ކޯޗެއް ދޯ ހަސަނާ.!!
ހަގީގަތް
30 May 2019
ބަލަ ސިޓީއިން ގިނަ ޚަރަދުކުރާތީ ކަލޭމެންނަށް ކަމަކު ނުދޭ؟ ބުނާނެ ގައުމަކުންނޭ ސިޓީ ހިންގަނީ. ޕީއެސްޖީވެސް. ދެން ފައިނޭންޝަލް ފެއަރޕްލޭގެ ވާހަކަ އިރުއިރުކޮޅުން. ދެން އެއަށް ތަބާވިމަވެސް ކަމަކު ނުދޭ؟ ބަލަ އެބައެއްގެ ފެންވަރުން އެބަޔަކު ޚަރަދުކުރީމަ ކޮބާތަ މައްސަލައަކީ؟
ޑޮލަރޭ
30 May 2019
މިއާރސެނަލްގެ ސަޕޯރޓަރުންގެ ހިތް މިއޮންނަނީ އަރާ އާސްމާނުގަ. ބަލަ ލަންޑަނުގެ އެއްވަނަ ކްލަބް ސްޕަރސް މިދިޔަ 2 ޓަރާންސަފަރ ވިންޑޯގަވެސް އެއްވެސް ޚަރަދެއްނުކޮށް އެކުޅެނީ ޗެމްޕިއަންސް ލީގު ފައިނަލުގަ. ސީޒަނުގެ ބޮޑު ބައިގައި ޓީމުގެ އެންމެ މުހިއްމު ކުޅުންތެރިޔާ ކޭން އިންޖަރީގަ ހުރެގެންވެސް އިނގިރޭސި ލީގުގެ ގަދަ 4ގަ ހިމެނުނު. އާރސެނަލް ފޭނުން ހިތުން މީ ލިވަރޕޫލް، ސިޓީ، ޔުނައިޓެޑް، ބާރސާ، ރެއާލް ފެންވަރުގެ ކްލަބެއް ކަމަށްތަ ބޭނުންވަރަކަށް ޚަރަދުކުރަން؟
ރަދީފް
30 May 2019
@ޑޮލަރޭ އަށް .މަނިކްފާނު އަދި އެބަޖެހޭ ވަރަށް ގިނަ އެއްޗެހި ދަސްކުރަން ކްލަބްތައް ފައިނޭސް ކުރާގޮތާއިމެދު.ތިހެން އަދި ކެފޭއެއްގަ ގްރޫޕް ހަދާފަތިބެގެން މެޗް ބަލާއިރު މީހުން ކިޔާ އެއްޗެހި އަޑަހައިގެން ކޮމެންޓްކުރީމަ އަދި ނުނިމޭ އިނގޭ.އީދް މުބާރިކް.ވ.ވެދުން
ޑޮލަރޭ
30 May 2019
އާރސެނަލްގެ އެންމެ ފަހު 3 ސީޒަނަށް ބަލާއިރު، 2018/2019ގައި 73މިލިއަން ޕައުންޑް ކުޅުންތެރިން ގަންނަން ޚަރަދުކުރިއިރު، ކުޅުންތެރިން ވިއްކައިގެން 5.76މިލިއަން. 2017/2018ގައި 137މިލިއަން ގަންނަން ޚަރަދުކުރިއިރު، ވިއްކައިގެން 140މިލިއަން. 2016/2017ގައި 102މިލިއަން ގަންނަން ޚަރަދުކުރިއިރު، ވިއްކައިގެން 9މިލިއަން. ކްލަބް ބަނގުރޫޓުވާންތޯ ރަދީފް ބޭނުންވަނީ؟ ބްރޯގެ އެއްވަނަ ކްލަބް ނިއު އޮތް ފެންވަރަށް އާރސެނަލްވެސް ގެންދަންތޯ ބޭނުންވަނީ؟
ސުޕާރޝް ފޭން
30 May 2019
ހަހަހަ..ވައި ޓީމު ގަނޑެއް މި އާސެނަލް މީ. މަ ވަރައް އުފާ ވެއްޖެ މި ބާސެނަލް ބަލި ވީމަ.. އަދި މިއަންނަ އަހަރު ޗެންޕިޔަންސް ލީގުން ޖާގަ އެއް ނުލިބުނީމަ ހިތައް ކުރާނެ އަސަރު... ހަހަހަ
ހަސަން ނުވަވަނަ
30 May 2019
ކަލޭގެ މެންޗެސްޓަރ ޔުނައިޓެޑް އޮތީ ޗެމްޕިއަންސް ލީގުގަ ދޯ
ސަނީީ
30 May 2019
ނުވަވަނައަށް ދިވެހި ކިޔަން ނޭނގެނީތަ؟ ނަމުގަ އެއޮތީ ސްޕަރސް ފޭނެކޭ. ރަދީފް ނުވެބަލަ
ސޮން
30 May 2019
ރާއްޖޭގަ ނޫޅޭނެ ސްޕާސް ފޭނުންނެއް، އެވާނީ ހަމަ މެންޔޫ ގެ ފޭނަކަށް،
ވަންްް އެންޑް އޮންލީ ސްޕާރޝް ފޭން
30 May 2019
ރާއްޖޭ ގަ ސްޕާރޝް ފޭނުން ނެތީޔާ. ރާއްޖޭގަ ދިވެހިންނެއް ވެސް ނޫޅޭނެ..
ހަގީގަތް
30 May 2019
މަރުހަބާ ޗެލްސީ. ޗެލްސީޔަށް ތި ލިބުނީ ޙައްޤު ކާމިޔާބީއެއް. އާރސެނަލުން ރޭގަ އެެއްކަމެއްވެސް ނުވި. އެމެރީ މުޅިން އައުޓްކްލާސް ކޮށްލާފައިހުރީ. މި ފުރުޞަތުގައި ހަޒާޑުގެ މޮޅު ކުޅުމަށް ތަޢުރީފުކޮށްލަން ބޭނުން. ހަޒާޑަކީ މިވަގުތު ދުނިޔޭގެ އެންމެ މޮޅު އެއް ކުޅުންތެރިޔާ އަދި ދެވަނަޔަށް އެންމެ ގިފްޓަޑް ކުޅުންތެރިޔާ. އުންމީދުކުރަން މެޑްރިޑަށް ގޮސް ލަލީގާގައި މޮޅު ކުޅުމެއް ދައްކާނެކަމަށް. ބާސާ ސަޕޯރޓަރެއް ނަމަވެސް ހަޒާޑަށް ވަރަށް އިޙްތިރާމްކުރަން.
ރަދީފް
30 May 2019
މަރުހަބާ ޗެލްސީ.އާސެނަލް ކުރި ހިތްވަރަށް ސާބަސް.
ޗެލްސީ
30 May 2019
ކަމޯންބުލޫސް.. ސާރީއަށް މަރުހަބާ..