މިހާރު ދެކުނުގެ އަތޮޅުތަކަށް ކުރަމުންދާ ވިއްސާރާގައި ފެންބޮޑުވެފައި---
30 މެއި 2019 - 23:41
9 comments
ރާއްޖޭގެ ދެކުނުގެ އަތޮޅުތަކަށް މިހާރު ކުރަމުންދާ ވިއްސާރާގައި ނުވަ ރަށެއްގައި ފެންބޮޑުވެގެން ރިޕޯޓް ކޮށްފައިވާ ކަމަށް ޑިޒާސްޓާ މެނޭޖްމެންޓް އޮތޯރިޓީން މިރޭ ބުނެފި އެވެ.
ފެންބޮޑުވެފައިވާ ރަށްތަކަކީ ލ. އަތޮޅުން ކުނަހަންދު އާއި ގަމާއި ފޮނަދު އާއި މާމެންދު އާއި މާވަށުގެ އިތުރުން ހިތަދޫ އެވެ. އަދި ގއ. ވިލިގިއްޔާއި އެ އަތޮޅު ދާންދޫގެ އިތުރުން ގދ. ތިނަދޫގައި ވެސް ވަނީ ފެންބޮޑުވެފަ އެވެ.
ޑިޒާސްޓާ މެނޭޖްމެންޓް އޮތޯރިޓީގެ ޗީފް އެގްޒެކެޓިވް ހިސާން ހަސަން ވިދާޅުވީ އެ ރަށްތަކުގެ ބައެއް ގެތަކުގައި ދިރިއުޅެން ދަތިވާވަރަށް ފެން ވަދެގެން އުޅޭ ކަމުގެ މައުލޫމާތު ލިބިފައިވާ ކަމަށެވެ. އެ ރަށްރަށުގެ ތަފްސީލުތައް ހޯދައި އެހީތެރިކަން ފޯރުކޮށްދިނުމުގެ މަސައްކަތް ކުރަމުން އަންނަ ކަމަށް އޭނާ ވިދާޅުވި އެވެ.
"ރަށްރަށު ކައުންސިލްތަކާ ގުޅިގެން މިރެއިން މިރެއަށް އެހީތެރިކަން ފޯރުކޮށްދިނުމަށް އަޅުގަނޑުމެން މިދަނީ މަސައްކަތް ކުރަމުން،" ހިސާން ވިދާޅުވި އެވެ.
މާމެންދޫ އިންޖީނު ގޭގައި ފެންބޮޑުވުމުން ފެން ހިންދުމުގެ މަސައްކަތް ކުރަނީ.
ލ. މާމެންދޫގައި ފެންބޮޑުވެ އިންޖީނުގެ އަށް ވަނީ ފެންވަދެފަ އެވެ. އެހެންވެ އެ ރަށުން ވަނީ ކަރަންޓް ކަނޑާލައިފަ އެވެ. ފެންބޮޑުވި ރަށްތަކަށް ދިމާވެފައިވާ މައްސަލަތައް ހައްލު ކުރުމުގެ މަސައްކަތް ސިފައިން ކުރަމުން އަންނަ ކަމަށް ވިދާޅުވި އެވެ.
ރަށްތަކުގައި ފެން ހިންދުމުގެ މަސައްކަތް ވެސް މިހާރު ވަނީ ފަށައިފަ އެވެ.
ރާއްޖޭގެ އެންމެ ދެކުނުގެ އަތޮޅުތަކަށް ބޯކޮށް ވާރޭ ވެހޭނެ ކަމަށް ލަފާކޮށް މިރޭގެ 12 އާ ހަމައަށް ވަނީ ޔެލޯ އެލާޓް ނެރެފަ އެވެ.
މިހާރު ކުރަމުން މިދާ ހުޅަނގު ވިއްސާރާގައި މިފަހުން ވަނީ ތ. އަތޮޅާއި ލ. އަތޮޅުގެ ގިނަ ރަށްތަކެއްގައި ފެންބޮޑުވެ ގެތަކަށް ފެންވަދެފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ފެންހިއްކާ
31 May 2019
ފޮނަދޫ ފިޔަވައި ލ.އަތޮޅުގައި ހުރި މަސްތުވާ ތަކެތީގެ އެއްމެ ހަބް ތަކެވެ. މިތަނުން އެއްމެ ކުޑަ އާބާދި އޮތް ރަށަކީ ހަލާކުވެ ދާން ގާތްވެފައިވާ ރަށެކެވެ.
ކޮރަލް
31 May 2019
ފެން ބޮޑުވި ސަރައްދު ދިރާސާކޮށް ކުރިއަށް އޮތް އަހަރަށް ބަދަލު ތައް ގެންނަން ވީއެވެ. މިކަން ކުރަން ޑިސާސްޓަރ ގެ ޓީމެއް ދިއުން ރަނގަޅު ވާނެއެވެ.
ލ. ދަނޑުވެރި ކަން
31 May 2019
ހަމަ ޔަޤީނުން ވެސް އުތުރުގެ އަތޮޅުތަށް ހުންނަނީ ކޮންމެ ރަށެއް ވަކިވަކިން ނެވެ.ޔަޢުނީ ކޮންމެ ދެެރަށެއް ދެމެދު ކަނޑުއޮޅި އެއް އޮވެއެވެ.އެކަމަކު ދެކުނުގެ ހުރިހާ އަތޮޅެއްގެ ވަށާގެން ރިންގ ރީފެއް ( މައި ފުއްޓަރެއް) އޮވެއެވެ.ދެކުނު އަތޮޅެއްގައި "ކުއްޅަވައް ގަހެއް "ނުވަތަ ކުއްޅަވަށް ފަލެއް ނުހުރެއެވެ.އުތުރުގެ އަތޮޅު ތަކުގައި "އޮޅުއަލަ ފަލެއް" ނުހުރެއެވެ.
ދިމްނާ
31 May 2019
އުތުރުގައިވެސް އޮޅު އަަލަ ހުރޭ
ހިސްޓްރީ
31 May 2019
އުތުރުގައި އޮޅު އަލަ ހުންނަނީ މާލެ އިން ގަނެގެން ގެންގޮސްފައި ކަމަށް ވާނީ..ދެކުނު އަތޮޅު ތަކުގައި ކަޑޫ ކަޑޫ ފާ) ވަރަށް ނުހުންނާނެ އެވެ. ކުރީ ޒަމާނުގައި ދޯނި ފަހަރުގެ ފަށަން ލުމަށް ދެކުނު މީހުން ކާޑު ގަސް ގެންދާނީ ވ3ސް އުތުރުން ނެވެ.އަދި އޮޑިކަބާ ކަނޑޫ ދަނޑި ވެސް އުތުރުން ދެކުނަށް ގެންނާނެ އެވެ.
ސަންފަ
31 May 2019
އަހަރެން މީ އުތުރު މީހެއް. އަހަރެން ގޭ ކިބަޅި ފަރާތުގައި ކުރީގައި އޮވޭ ބޮޑު އޮޅުއަލަ ފަލެއް.
ލާމު އަތޮޅު
31 May 2019
ރާއްޖޭގެ އުތުރަށް ވުރެ ދެކުނު އަތޮޅު ތަކަށް އަބަދު ވެސް ގަދަ ވިއްސާރަ ކުރާ ކަން ފާހަގަ ކުރެވެއެވެ. ބޯކޮށް ވާރޭ ވެހޭކަން ފާހަގަ ކުރެވެއެވެ.ޖޯގްރަފިކަލީ ތަފާތެއް ހުންނަނީ ތޯ އެވެ؟ މޫސުމާ ބެހޭ ތަޖްރިބާ ކާރަކު މިސުވާކަށް ޖަބާބެއް ދެއްވާފާނަން ތޯއެވ3
ލ. ކުޑަމާ ފުށި
31 May 2019
ތިބުނީ ތެދެކެވެ..ފާހަގަ ވެފައިވާ ކަމެއް.. އެކަމަކު އުތުރު ބޮޑުވިއްސާރައޭ ކިޔާ ތޫފާނެއް 1950ގެ އަހަރެއްގައި އުތުރުގެ ރަށްތަށް ތަޅާލި އެވެ.ގެތަކުގައި ހުރި ފަހާފޮށި ފަދަ ބަރު މުދާތަށް ވެސް އޮޔާ ދިޔަ ކަމަށް ވެއެވެ. ފަޅު އޮޑި ފަހަރު ތަށް ހުރީ އެއްގަމަށް އެހެލެވި ފައެވެ.ނުވަތަ ބެހިން ދިޔައީއެވެ.އެވަރުގެ ވިއްސާރައެއް އުތުރު މީހުން އަދިވެސް ނުދެކޭ ކަމަށް ވެއެވެ.
ޒިލް
31 May 2019
އެއީ ތެދެއް. އެބުނާ ބޮޑު ވިއްސާރައަށް އަހަރެެމެން އުތުރު މީހުން ކިޔަނީ " ކޭލަކުނު ތަޅާލި ވިއްސާރަ"