އައިފޯނުތަކުގެ ޗާޖިން ޕޯޓް ޔޫއެސްބީ ޓައިޕްސީ އަށް ބަދަލުވެދާނެ ކަމަށް އެބަ ބުނެވޭ
12 ޖޫން 2019 - 07:29
އައިފޯނުތަކުގެ ޗާޖިން ޕޯޓް ބަދަލުވާނެ ދުވަހަކަށް އިންތިޒާރުކުރެވޭތާ ވެސް ދުވަސްތަކެއް ވެއްޖެ އެވެ. އެޕަލް އަށް މިކަން ނުކުރެވިގެން އުޅެނީ، އިންޖިނޭރުންގެ ކިބައިގައި ފެންވަރު ނެތިގެނެއް ނޫނެވެ. އައިފޯނުތައް ޗާޖުކުރަން މިހާރު ބޭނުންކުރާ ލައިޓްނިން ކޭބަލަކީ އެޕަލް އަށް މާލީ ތަނަވަސްކަން ހޯދައިދޭ އާލާތަކަށް ވާތީ އެވެ.
ސްމާޓްފޯން މާކެޓްގައި ވާދަވެރިންގެ ހުރިހާ ފޯނުތަކެއްހެން، ޔޫއެސްބީ ޓައިޕްސީ އަށް ބަދަލުވަނީ އެވެ. ވަރަށް ހަލުވިކަމާ އެކު އެ މަސައްކަތް އެބަ ކުރެ އެވެ. ނަމަވެސް، އެޕަލް ބޭނުންވަނީ ލައިޓްނިން ކޭބަލުން ކުންފުންޏަށް ފައިސާ ހޯދާށެވެ. ނަމަވެސް، މި އަހަރު އެކަން ބަދަލުވެދާނެ ކަހަލަ ނިޝާންތަކެއް އެބަ ފެނެ އެވެ.
#IOS13 #iOS13Beta Plus de Lightning et d'iTunes sur l'écran de restauration, de l'USB-C ? et un futur utilitaire pour iPhone sur mac ? @LeoDuffOff pic.twitter.com/iTJj4Tp18O
— Raphaël Mouton (@Raf___m) June 7, 2019
އައިފޯން މޮޑެލްތަކެއް ޓައިޕްސީ އަށް ބަދަލުކޮށްފާނެ ކަމަށް ބެލެވޭ މަންޒަރެއް
މި އޮތީ ޓްވީޓާ އަށް ލީކުވެފައި އޮތް މެސެޖެކެވެ. ފޮޓޯ އަށް ބަލާށެވެ. އެ ފެންނަނީ ޓައިޕްސީ ކޭބަލެކެވެ. މީގެ ކުރިން އެ ތަނުގައި އޮންނަނީ ލައިޓްނިން ކޭބަލެކެވެ. މި ފޮޓޯއިން ދޭހަވަނީ މި އަހަރުގެ ކޮންމެވެސް ހިސާބެއްގައި އައިފޯނުތަކުގައި ޓައިޕްސީ ކޭބަލް ބޭނުންކުރެވުން އެކަށީގެންވާ ކަމެވެ.
އެޕަލް އިން މި އަހަރު އަދި ބޮޑު ހަފުލަ ނުބާއްވަ އެވެ. އާ އައިފޯނުތައް ތައާރުފުކުރުން އޮތީ އެވެ. ސެޕްޓެމްބަރު ލައިގަންނަންދެން އިންތިޒާރުކުރުން ނޫން ގޮތެއް ވަފާތެރިންނަށް ވެސް ނެތެވެ. މި އަހަރަށް ޚާއްސަ މޮޑެލްތައް އަދި އައިއޯއެސް 13 އާންމުކުރާ ތާރީޚަކަށް ވާނެ ކަމަށް ވެސް ބުނެވެނީ އަހަރުގެ ފަހުގެ ދުވަހެކެވެ.
އައިފޯނުތަކުގެ ޗާޖިން ޕޯޓް ބަދަލުކުރުމަކީ އެޕަލް އަށް ދެން އެންމެ ރަނގަޅު ގޮތް ކަމަށް ފެނެ އެވެ. ސްމާޓްފޯން ސިނާއަތުގައި އެންމެން އެއް މިންގަނޑަކަށް ފެތެން އޮތް ގޮތް ކަމަށް ވާތީ ވެސް އެވެ. އެޕަލް އަކީ ތަަފާތު ކުންފުންޏަކަށް ވެފައި، ތިމަންނަމެންނަކީ ތަފާތު ބައެއްކަން ދެއްކުމަށްޓަކައި، ލައިޓްނިން ކޭބަލުގައި ހިފަހައްޓައިގެން ތިބުމުން ކުރާނެ އެއްވެސް ފައިދާއެއް ދެން ނެތެވެ.
އައިފޯނުގެ ބައެއް މޮޑެލްތައް ޔޫއެސްބީ ޓައިޕްސީ އަށް ބަދަލުކުރި ނަމަވެސް، މި އަހަރު ނެރޭ ހުރިހާ މޮޑެލްތަކެއް ޓައިޕްސީ އަށް ބަދަލުކުރާނެ ކަމަކަށް ނުބެލެެ އެވެ.
Copyright © 2025 Mihaaru · Terms and Conditions · Privacy Policy
ކޮމެންޓްތައް
ވިގަނި
12 June 2019
އެމެރިކާ ސަރުކާރުން ހްވާވޭ އޮބިއަޅައިގެން ކުރާ ވިޔަފާރިއެއް އައިފޯނު ވިޔަފާރިއަކީ. އެމެރިކާގެ ފޯނުގެ ކެމެރާއިން ބަލަނީ ސީއައިއޭ، މައިކުގަ ކަންފަތްޖަހައިގެން އޮންނަނީ ސީއައިއޭ، ފޯނުން ކުރާހުރިހާ ކަމެއް ސީއައިއޭއަށް ބެލޭ.
ޢަބްދ
12 June 2019
ލިޔުން ލިޔެފައިވާ މީހާ އަށް ވަރަށް ނޭނގޭ ހެން ހީވަނީ ޑަބްލިޔު ޑަބްލިޔު ޑީ ސީ ނަމުގައި އެޕަލްއިން ވަނީ ހަފްލާއެއް ބާއްވާފައި ލައިޓްނިންގ ކޭބަލް ދޫނުކުރެވިގެން އުޅެނީ ސެކިއުރިޓީ މައްސަލަތަކާއި ގުޅިގެން އަލުން ދިރާސާ ކުރުމަށް ދަންނަވަން
ހަހާ
12 June 2019
ހަމައެކަނި ޗާޖިން ޕޯޓް ބަދަލުކޮށްލާފައިވެސް ތި ވިއްކާލެވޭނެ ބޮޑު އަގުގައި އެހެން މޮޑެލް އެއްގެ ގޮތުގައި.
2122
12 June 2019
އައިފޯންގެ އެއްވެސް މޮޑެލްއެއް ޓައިޕް ސީއަށް ބަދަލުނުކުރާނެކަން ގެރެންޓީ. އެހެންނަމަވެސް މުޅިން އާޓައިޕްއަކަށް ބަދަލުވެދާނެ. ފޮޓޯއެއް އަދި ޓްވީޓަކުން ފެނުމަކީ އަދި ޓައިޕް ސީއަށް ބަދަލުވާނެކަމުގެ ހެއްކެއް ނޫން.