ލަންކާގައި ކިޔަވަން ހުންނަ ދަރިވަރަކު އެނބުރި އެ ގައުމަށް ދިޔަ ނުދީ ޕާސްޕޯޓް ހިފެހެއްޓި ކަމަށް ބުނާ މައްސަލައެއް ޖެންޑާ މިނިސްތްރީން އަންނަނީ ބަލަމުން
15 ޖޫން 2019 - 11:40
30 comments
ދަރިފުޅު ރާއްޖޭން ބޭރަށް ކިޔަވަން ފޮނުވިޔަ ނުދީ، އެ ކުއްޖާގެ ޕާސްޕޯޓު ހިފެހެއްޓި ކަމަށް ބުނާ މައްސަލައެއް ޖެންޑާ މިނިސްޓްރީން ބަލަން ފަށައިފި އެވެ.
އެ މިނިސްޓްރީން ބުނީ ކިޔަވަން ބޭރުގައި ހުރި ދަރިވަރު ވަކި ހިސާބަކުން ރާއްޖެ އައި ތަނުން ދަރިފުޅު އެނބުރި ދިޔަ ނުދީ، އެ ކުއްޖާގެ ޕާސްޕޯޓު ބައްޕަ ހިފެހެއްޓި މައްސަލައެއް އެތަނަށް ހުށަހަޅާފައިވާ ކަމަށާއި އެ މައްސަލަ މިހާރު ތަހުގީގު ކުރަމުން އަންނަ ކަމަށެވެ. އަދި އެ މައްސަލައިގައި ދަރިފުޅުގެ ބައްޕަ އާއި އެ ކުއްޖާ މިހާރު ބަލަމުން އަންނަ ފަރާތުގެ ވާހަކަ ވެސް އަޑުއަހާފައިވާ ކަމަށް ޖެންޑާ މިނިސްޓްރީން ބުނެ އެވެ.
"މައްސަލަ ކުރިއަށް ދާތީ އަޅުގަނޑުމެންނަށް ވަކި ފަރާތެއް ކުށްވެރި ކުރެވޭކަށް ނެތް. ދެ ފަރާތުން ވެސް ފެންމަތި ކޮށްފައި ވަނީ ސީރިއަސް މައްސަލަތަކެއް،" ޖެންޑާ މިނިސްޓްރީގެ އެސިސްޓެންޓް ޑިރެކްޓަރު އިބްރާހިމް މުހައްމަދު ވިދާޅުވި އެވެ.
އެނގިފައިވާ ގޮތުގައި، މަންމަ މަރުވެފައިވާ އެ ކުއްޖާ މިހާރު ބަލަމުން އަންނަނީ ސްރީ ލަންކާގައި ދިރިއުޅޭ މައިފުށުގެ ދައްތައެކެވެ. އަދި އެ ކުއްޖާ ލަންކާގައި ކިޔަވަން ހުންނަތާ ތިން އަހަރު ވެފައިވާއިރު، މިއީ އޭނާގެ އޯލެވެލް އަހަރު ކަމަށް ވެ އެވެ. އެކަމަކު ޗުއްޓީ އަށް ކުއްޖާ މާލެ އައުމުން، އެނބުރި ދިޔަ ނުދީ ހިފަހައްޓައި ބައްޕަގެ ރަށަށް ދިޔުމަށް މަޖުބޫރުކުރުވާ ކަމަށް ތުހުމަތު ކުރެ އެވެ.
"އެ ކުއްޖާ ވެސް ބޭނުމެއް ނުވޭ ކިޔެވުން މެދުކަނޑާލާފައި ރަށަށް ދާކަށް. އެކަމާ ވަރަށް ރޮއެ ދެކޮޅު ހެދީމާ ވެސް ބައްޕަ ގޮތެއް ދުލެއް ނުކުރި. އެހެންވެ، އަޅުގަނޑުމެންނަށް މަޖުބޫރުވީ މައްސަލަ ހުށަހަޅަން،" ކުޑަކުއްޖާގެ މަންމަގެ ދައްތަޔަކު ބުންޏެވެ.
އެކަމަކު، އެނގިފައިވާ ގޮތުގައި ދަރިފުޅު ހިފެހެއްޓީ، ކުއްޖާގެ ޚަރަދަށް ބައްޕަ ފޮނުވާ ފައިސާ އެ ކުއްޖާ ބަލާ މީހުން ނަހަމަ ގޮތުގައި ބޭނުން ކުރާ ކަމަށް ބުނެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އައްކި
17 June 2019
ހަގީގަތް ނޭގި ކޮމެންޓް ކުރާތީ ވަރަށް ދެރަ.......
ކޮލެޖު ބޯއި
15 June 2019
ކުއްޖާގެ ބައްޕަގެ އަމިއްލަ ފައިސާ އެއް ނޫނޭ ކުއްޖާ އަށް ފޮނުވަނީ. އެކުއްޖާ ބަލާ އެކުއްޖާގެ މަންމަގެ އެއްބަނޑު ދައްތައެކޭ އެއްގޮތަށް އެކުއްޖާގެ މަންމައަށް ވެސް މާލޭގައި ފްލެޓެއް ހުރޭ. އެއީ މަހަކު 16 ހާސް ރުފިޔާ. މަންމަ މަރުވީމަ މަންމަގެ މުދާ ލިބުނީ ދަރިފުޅަށް. ބައްޕަ އަކަށް ނޫން. ވީމަ ބައްޕަ އަށް ނުޖެހޭ ބައްޕަ އަށް ހައްގު ނޫން ފައިސާ ހިފަހައްޓާކަށް.
ދޮގުނުހަދާ
16 June 2019
ކޮން އޮޅުވާލުމެއް. 16 ހާސް ރުފިޔާ ކުއްޖާގެ ބައްޕަ އަތެއް ނުލާ. އެފައިސާ ކުއްޖާއަށް ފޮނުވަނީ ދެންތިބި ދައްތައިން މެދުވެރިވެގެން. ބައްޕަ ދަރިފުޅަށް ފޮނުވާ ފައިސާގެ ޓްރާންސެކްޝަން ކޮޕީތައް އެބަހުރި އިންޓަރނެޓް ބޭންކިންގައި ފެންނަން. ތިއުޅެނީ ހަމަ ލާރިޔާ ހުރެ
عبدالله
15 June 2019
ކިޔަވައިފިނަމަ، އެއީ މަންމަގެ އެކަނި މޮޅުކަން، މަންމަ އެކަނި ކުރި މަސައްކަތް، ނުކިޔަވައިފިނަމަ، އެއީ ބައްޕަގެ ވިޔާނުދާކަން، މިއީ މިރާއްޖޭގައި މިހާރު މިއޮތް ޘަޤާފަތަކީ، ؟؟؟
ޑެކް
15 June 2019
ޖެންޑަރ އަކީ ތަހްޤީޤް ކުރާތަނެއްތަ
އެޑް
16 June 2019
ނޭންގުމަށްވުރެ ދެރަކަމެއް އޮންނާނެހޭ؟ ނޯންނާނެޔޭ!
ރަންދެލި
15 June 2019
މައްސަލަ ބަލާނީ ފަހުންނެވެ. ބައްޕަ ފަރާތުގެ މީހަކު ގޮސް ހުރެގެން ނަމަވެސް ސިލޯނުން ކުއްޖާގެ އޯ ލެވެލް އިމްތިހާނު ހަދަން ހަމަޖައްސައިދީ ކިޔެވުމަށް ފޯކަސް ކުރުވަން ޖެހެއެވެ. ދެން މިހާރު ކުއްޖާ ހުންނާނެ ކަމަށް ލަފާ ކުރެވޭ އުމުރަކީ 16 ވަރެވެ. އެހެން ވީމާ ކުއްޖާ އާއި ކަމާ ބެހޭ ފަރަާތްތަކުން ވާހަކަ ދައްކާލީމާ ވެގެން އުޅޭ ގޮތް ސާފު ވާނެއެވެ. މިކަހަލަ ކަންކަމުން އަނެކާ އަނިޔާ ލިބުނަ ނުދޭށެވެ.
ޝަހުރު
15 June 2019
ވާހަކަ ދައްކައިގެން ކަންކަން ހަމަޖެހެން އޮއްވާ ކުއްޖާ ބަދުނާމުވާގޮތަށް ސޯޝަލް މީޑިޔާއަށް ވާހަަކަ މިލަނީ ކީއްވެ. އަނެއްކާ ކޮން ހައްގެއް އޮވެގެންތަ މިވާހަކަ މިދައްކަނީ؟ ވަކިމީހެއްކާރީގައި ހުރެގެންތަ އެގްޒާމް ހެދޭނީ. އެކުއްޖާ ފުރާވަރަށް އަރާފައިވާއިރު ކިޔަވަން ޖެހޭވަރަށް ނުކިޔަވާ މައްސަލަ އުޅޭ ވާހަަކަ ފޭސްބުކްގައި ނުޖެހީ ކީއްވެ؟ ދެކުއްޖަކު އެއްކޮޓަރިއެއް ހިއްސާ ކުރާއިރު އެއްކުއްޖަކު ފިރިހެނަކާއެކު ލޯބީގެ މާފޮޅުވާއިރު އަނެކާ ކިޔަވާނެގޮތް ބުނެބަލަ
ދެރަކަމެއް
16 June 2019
ލަންކާގެ މަސްރަހު އެހާ އަމާން ނޫންކަން އެންމެނަށްވެސް އެގޭ އެތާގަ ދިރިއުޅޭ ދިވެހި އެތައް އާއިލާއެއް މިހާރު ރާއްޖެ ބަދަލު ވއްޖެ. އެ ކުްޖާގެ އުމުރަކީ 15 އަހަރު އޯލެވެލް ހަދަން ޖެހެނީ 2020 ވަަނަ އަހަރު
އަހުމަދު އިންސާފު
15 June 2019
ދައްކާ ވާހަކަ ދެކޮޅެއް ނުޖެހޭ. ކުއްޖާއަށް ފޮނުވާ ފައިސާ ނަހަމަ ގޮތުގައި ބޭނުންކުރާނަމަ: 01. ކުއްޖާ ހުންނާނީ ކިޔަވަން ނުގޮސް. ކިޔަވަންދާތީތާ ކިޔެވުން ހުއްޓާލަން ބޭނުންނުވަނީ. 02. ކުއްޖާއަށް ފޮނުވާ ފައިސާ ނަހަމަގޮތުގައި ބޭނުންކުރާނަމަ ކުއްޖާހުންނާނީ އެކުއްޖާގެ ބައްޕައާއި އެއްކޮޅަށް. 03. ބައްޕައަކީ ވިސްނާ ބައްޕައެއްނަމަ، އެޓްލީސްޓް އޯލެވެލްގެ ޓެސްޓްނިމެންދެން ކުއްޖާކިޔަވަން ބަހައްޓާނެ. ދިމާނުވޭ ކުއްޖާގެބައްޕަގެ ވާހަކަ.
ނަންފުޅު
15 June 2019
ބައްޕަޔާ ކުއްޖާ ދެކޮޅުކަން ކިހިނަކުން އެނގުނީ. ފޭސްބުކްގައި މީހަކު ލިޔުނު އެއްޗެއް ކިޔައިގެން ތިއުޅެނީ. އެއްސައިޑުގެ ވާހަކަ ތިދައްކަނީ. ތިފޭސްބުކްގައި ލިޔެފައި އޮތީ އެކުއްޖާ ގައްދުއަށް ގެންދާވާހަކަ. އެވެސްދޮގެއް. މީހަކު އެއުޅެނީ ލިބެމުންދިޔަ ލާރިގަނޑު ލިބުން ހުއްޓޭތީ ހޭބުއްދި ފިލައިގެން. ދެން އެހެން ކޮންކަމެއް މިއީ.
އަހާނާ
16 June 2019
އޯލެވެލް ހެދެނީ ލަންކާއިން އެކަނިތަ. އެ ކުއްޖާ އަހުަމަދިއްޔާ ސްކޫލަށް ކިޔަވަން ވައްދާފަ ވީ! އެކަމކު ސުދުނާ އެ ކުއްޖާ ހިފަހައްޓައިގެން އުޅޭތީ ސްކޫލަށް ނުދެވިފަ.
އިންސާފުކާތަރާދޫ
15 June 2019
ހުޅުމާލޭގަ މަގޭ ފްލެޓްގަ ދިރިއުޅެމުން މަގޭ ކިބައިން އަންހެނުން ވަރިނެގީ. އަދި ފެމެލީ ކޯޓުން، 18 އަހަރު ނުވާ ދެކުދިންވެސް ބެލުން އޭނާ އާއި ޙަވާލުކޮށް ކޮންމެ މަހަކު 3000 ރުފިޔާ ޚަރަދަށް ކޯޓަށް ދައްކަން މަގޭމައްޗަށް ޙުކުމު ކުރީ. ސަޅި ތަންކޮޅަކީ ފްލެޓް ގެ ކުލި ދައްކަނީ އަހަރެން. 2 ކޮޓަރީ ގައިވެސް ދަރިންނާއި އަމާ. ބާކީ ހުރި ކޮޓަރި ކުއްޔަށް ދޫކޮށްގެން ލިބޭ 6000 ރުފިޔާވެސް ބޭނުންކުރަނީ ކުދިންގެ އަމާ. އަހަރެން މިހާރު ވަޒީފާ އަދާކުރަނީ މާލެއިން ބޭރުގަ.
ހަކީމު
15 June 2019
ހަމަ ވަރަށް ރަނގަޅު. 3000 ރުފިޔާ އަކުން ދެކުދިންނެއް ނުބެލޭނެ. ކޯޓުން ތިފްލެޓް ދެކުދިންނަށް ހިބަ ކޮއްފަ ދޭންވެސް ޖެހޭނެ. ތިކަހަލަ ބައިވަރު ފިރިހެނުން އުޅޭ - އަންހެން މީހާބޮލަށް ކުދިން ޖަހާފަ ކޯޓުން މަޖުބޫރު ކުރީމަ 1500 ރިފިޔާ ކުއްޖަކަށް ދެނީ ...
ރިނީ
15 June 2019
ރަނގަޅު ފިރިޔެއް އަދި ބައްޕައެއްނަމަ ތިވާހަކަ ތިހެން ނުވެސް ލިޔުނީސް. ދެދަރިން ބަލަން ނުލިބުނީވެސް ކީއްވެގެންކަން ވިސްނާލީމުތަ. ތިޔަފަދަ ފިރިހެނުން ގިނަކަމުން މުޖުތަމައު ހަލާކުވަނީ. ދެންތިފިކުރުގެ ތިމާގެ ރައްޓެހިން ލައްވާ ތިމާގެ ކޮމެންޓު މޮޅުކޮށްފަ ގިނަލައިކް ދިނުމަކުން ތިމާ ހެއްދެވި ފަރާތް ތިމާދެކެ ލައިކްވާކަމަށް ނިންމައިގެން ހުރޭ.
ޝާހިދު
15 June 2019
ފްލެޓު ކަލޭގެ ނަން މަތީ އޮތަސް ، ފްލެޓު ދީފައި އެ އޮތީ އަނބި ދަރިން ތިބީމަ އެކަމަށް ބަލާފަ ...ވީމަ ވަރިވިޔަސް ތި ގޭގައި ކަލޭ އެކަނި އުޅެފައި ، ދަރިންގެ މަންމަ އާއި ދަރިން މަގު މަތި ކޮށެއް ނުލެވޭނެ.. ޙުކުމް ހަމަ ސަތޭކަ..
މަރޭމިތުރު
16 June 2019
އހަރެންމީ ކަލޭނަމަ މާލޭން ބޭރަކުނޫން ވަޒީފާ އަދާކުރާނީ ރާއްޖޭން ބޭރުގަ!
ކޮރަލް
15 June 2019
ގުރައިދޫގެ ދުވަސް ވީ މީހުން ބަލަހައްޓާ މަރުކަޒަށް ގޮސް އެމީހުންގެ އާއިލާތަކުގެ މައުލޫމާތާިއެމީހުންނަށް އަޅާލާވަރު އެނގުނީމަ ބަޔަކު ރޯނެއެވެ. ދެރަވާނެއެވެ.
މިޒްނާ ތުތީ ގެ ކޮއްކޮ އެއް
15 June 2019
މަންމަ ގެ އެއްބަނޑު މީހުން ނާ މާމަ ދުނިޔޭ ގަ ހުއްޓާ ދޯ ކުއްޖާ ގެ ބައްޕަ ކުއްޖާ ގެ ބޮޑުދައިތަ ކައިރީ ގަ ބުނީ ކުއްޖާ ބަލާނެ މީހަކު ނެތޭ އޭނަ ބަލައި ދޭށޭ. އެކުއްޖާ ގެ މަންމަ ދުނިޔޭގަ މަންމަ ހަދާފަ ހުރި އެޕާރޓްމަންޓް އިން ލިބޭ ފައިސާ އިން އެކުއްޖާ އަށް ހަރަދު ކުރަނީ.
ޝުދުގެ ދައްތަ
15 June 2019
ސޯޝަލް މީޑިޔާގައި އެއްޗެއް ޖަހާލާއިރަށް މިވާގޮތެއް. ބަލަގަ ރާއްޖޭގެ މީހުންނަށް ކިޔެވެނީ ލަންކާއަށް ގޮސްގެން އެކަނިތަ؟ މިކުއްޖާ މިހާރު ހުރީ އަހުމަދިއްޔާގައި. ބައްޕަޔަށް ލިބޭހައި ފައިސާއެއްވެސް ފޮނުވަމުން އައީ ކުއްޖާއަށް. އަބަދު އެއްގޮތަކަށް ކަންކަން ނޯންނާނެ. ލަންކާގައި މިހުންނަނީ ކުއްޖާގެ މަންމަޔާއި އެއްބަފާ މީހެއް. މާލޭގައި އެބަތިބި މަންމަޔާއި އެއްބަޑުއެއްބަފާ 2 އަންހެނުން. މާމަވެސް ދުނިޔޭގައި އެބައިން. މިމީހުން ބުނާ އެއްޗަކަށްވެސް ބަލަންވީނުން