އެމްއެންޑީއެފުން ބޭނުން ކުރަމުން އަންނަ އެމްބިއުލާންސެއް. ހެލްތު މިނިސްޓްރީން ދަނީ 20 ރަށަކަށް ބޭނުންވާ އެމްބިއުލާންސް ހޯދުމުގެ މަސައްކަތް ކުރަމުން.---- ފޮޓޯ: ހުސެއިން ވަހީދު/ މިހާރު
16 ޖޫން 2019 - 14:37
15 comments
ރާއްޖޭގެ މީހުން ދިރިއުޅޭ ރަށްރަށުގެ ތެރެއިން ފަންސާހަކަށް ރަށުގައި އޮތް އެމްބިއުލާންސް ހަލާކުވެފައިވާ ކަމަށް ހެލްތު މިނިސްޓަރު އަބްދުﷲ އަމީން މިއަދު ވިދާޅުވެއްޖެ އެވެ.
މިނިސްޓްރީތަކުން މީޑިއާއަށް މައުލޫމާތު ދޭން އާ ސަރުކާރުން ރައީސް އޮފީހުގައި ބާއްވަން ފެށި ސިލްސިލާ ނޫސްވެރިންގެ ބައްދަލުވުމުގެ ފުރަތަމަ ބައްދަލުވުމުގައި އަމީން ވިދާޅުވީ 187 ރަށުގެ ތެރެއިން އެމްބިއުލާންސްގެ ހިދުމަތް ނުދެވި އޮތީ ހަތަރު ރަށެއްގައި ކަމަށެވެ. އަދި ސަރުކާރުގެ އަމާޒަކީ މި އަހަރު ނިމުމުގެ ކުރިން ހުރިހާ ރަށެއްގައި އެ ހިދުމަތް ފޯރުކޮށްދިނުން ކަމަށް ވެސް އޭނާ ވިދާޅުވި އެވެ.
"ރައީސް އިބްރާހިމް މުހައްމަދު ސޯލިހް ވެރިކަމަށް ވަޑައިގެންނެވި [އިރު] އެމްބިއުލާންސްގެ ހިދުމަތް އެއްވެސް މިންވަރަކަށް ނެތޭ ބުންޏަސް ދޮގަކަށް ނުވާނެ،" އަމީން ވިދާޅުވި އެވެ.
އެމްބިއުލަންސް ނެތުމާއި އެމްބިއުލާންސް ބޭނުން ނުކުރެވޭ ހާލަތުގައި ހުރުމުން ބަލިމީހުން އުފުލުމުގައި ބޮޑެތި ރަށްރަށަށް ބޮޑެތި ތަކުލީފުތައް އުފުލަން ޖެހެ އެވެ. އެގޮތުން، ބައެއް ރަށްރަށުގައި އެމްބިއުލާންސެއް ނެތުމުން ބަލި މީހުން ގާޑިޔާތަކުގައި އުފުލަން ޖެހޭ ފަހަރު ވެސް އާދެ އެވެ.
ރައީސް އޮފީހުގައި މިއަދު ބޭއްވި ނޫސްވެރިންގެ ބައްދަލުވުމުގައި ހެލްތު މިނިސްޓަރު އަމީން ވާހަކަ ދައްކަވަނީ. --- ފޮޓޯ: ނިޝާން އަލީ/ މިހާރު
އަމީން ވިދާޅުވީ ދައުލަތުގެ ބަޖެޓުން ހަރަދުކޮށްގެން 20 އެމްބިއުލާންސް ހޯދަން މަސައްކަތް ކުރަމުން އަންނަ އިރު ރާއްޖެ އިން ބޭރުގެ ގައުމުތަކުން ދޭ އެހީގެ ގޮތުގައި 21 އެމްބިއުލާންސެއް ލިބޭނެ ކަމަށެވެ.
މިނިސްޓަރު ވިދާޅުވި ގޮތުގައި ގިނަ ރަށްރަށުގައި އެމްބިއުލާންސެއް އޮތަސް، އެ ވެހިކަލް އޮންނަނީ ރައްޔިތުންނަށް އެންމެ ފުރިހަމަ ހިދުމަތެއް ދެވޭ ފެންވަރަކު ނޫނެވެ.
"ގިނަ ރަށްރަށުގައި އެމްބިއުލާންސެއް އޮންނާނެ. އެކަމަކު ނުއެއް ދުވާނެ. އޭގައި އޭސީ ހަލާކުވެފައި ހުންނާނީ. ފުރޮޅެއް ނުހުންނާނެ. މަރާމާތު ކުރެވޭނެ ގޮތެއް ނޯންނާނެ. މި ރަށްރަށުގައި އެމްބިއުލާންސް ހުރި ކަމަށް ވިޔަސް، އަޅުގަނޑުމެން ނުބަލަން އެއީ އެމްބިއުލާންސް ހުރި ރަށްރަށް ކަމުގައި،" އަމީން ވިދާޅުވި އެވެ.
މީގެ އިތުރުން ނެޝަނަލް އެމްބިއުލާންސްގެ ހިދުމަތް ފޯރުކޮށްދިނުމުގެ ގޮތުން ކޯލް ސެންޓަރާއި އިމާރާތާއި މުވައްޒަފުން ހަމަޖައްސައި ނިމިފައިވާ ކަމަށް ވެސް މިނިސްޓަރު ވިދާޅުވި އެވެ. އަދި ރާއްޖެ އިން ބޭރުން ގެންނަން ޖެހޭ އެމްބިއުލާންސްތަކާ އެކީގައި އެ ހިދުމަތް ފެށޭނެ ކަމަށް ވިދާޅުވި އެވެ.
ގައުމީ އެމްބިއުލާންސް ތައާރަފުކުރުމުން ރާއްޖޭގަައި ހިދުމަތް ދެމުން އަންނަ ހުރިހާ އެމްބިއުލާންސެއް އެއް ވިއުގައަކުން ގުޅާލެވޭނެ އެވެ. އޭރުން އެއް ނަންބަރަކަށް ގުޅުމުން، ވަކި ވަގުތެއްގެ ތެރޭގައި އެ މީހަކަށް ހިދުމަތް ލިބޭނެ ކަމަށް ހެލްތު މިނިސްޓްރީން ކުރިން އޮތީ ބުނެފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ރޯނުއެދުރ
17 June 2019
ތިޔަވިދާޅުވާ ރައްތަކަކީ ތިޔަތަކެތި މަރާމާތުކުރެވޭނެގޮތެއްނެތް ރައްތަކެއް، ރަގަޅުގަރާޖެއް އެންޖިނިއަރ އެއްނެތް. މާމޮޅުވާހަކައެއްކަމައް އަޑުގަދަނުކުރައްވާ މަރާމާތުކުރެވޭނެގޮތެއް ހަމަޖެއްސެވީމަ އެތަކެތި ދުވާނެ.
ކާފަބޭ
17 June 2019
ސަރުކާރު ބަދަލުވީ ފަހުން އެއްވެސް މަރާމާތެއް ނުކުރާތީ 50 ރަށުގެ އެމްބިއުލާންސް ހަލާކުވިއްޔާ ހަލާކުވެފާ ހުރީ ވެހިކަލަކީ ބަރާބަރަށް ސާވިސް ކޮށްގެން ގެންގުޅެވޭއެއްޗެހި އަނެއްކޮޅުން ގާނާތުރާ ނުވަތަ ތާރު ނާޅާ މަގުތަކުގައި ދުއްވާނަމަ ވަރަށް އަވަހަށް މައްސަލަޖެހޭނެ
ސަމާއާދަނު ލާރިބެހި
17 June 2019
ޗައިނާ މީހުން ހަދިޔާކުރި އެމްބިއުލަންސްގެ އިސްޓާޓިންގ މޯޓަރު ނަގާފަ ފޮނުވީ ދެން ޖަރުމަނު މީހާ ހަދިޔާކުޅަ މެށިން އަނެއްކާވެސް ތަނުން ބޭރުކުރީ ތައިރޯޑު މެށިންވެސް ބޭރު ކުރީ މުހައްމާ ޔައުނީ މުހައްމަދު ހަސަން ކުރި ދޯހޮޅި ކަންތައްތައް
ކުލްސޫމް
16 June 2019
ޝުކުރިއްޔާ މިނިސްޓަރު އަމީން ތިޔަ ހިއްސާކޮށްދެއްވި ތެދު މައުލޫމާތަށް. އިރާދަކުރެއްވިއްޔާ ތެދުވެރިކަމާއި އަމާނާތްތެރިކަމުގެ ހުރި ވަރެއްވެސް މިފަހަރު އެނގިދާނެ.
ސަނު
16 June 2019
ތިބުނާ 20 އެމްބިއުލާސް އިއުލާނުކޮއްފަ އޮތީ ސެކަންޑް ހޭންޑް އެއްޗިސްތަކެއް. ޢެވެސް މެޑިޓެކަށް ދެންވެގެން. ސެކަންޑް ހޭންޑް ޢެއްޗިސް ގެނަސްގެން ވާނެ ފައިދާއް ނޯންނާނެ. 800000ރ ސެކަންޑް ހޭންޑް އެއްޗަކަށް މާބޮނޑު އަގެއް. މިސަރުކާރުން މިކަހަލަ ކަންތައް ކޮއްގެން ނުވާނެ. ވަގުންނައް ވައްކަން ކޮއްދޭކަށްނޫން މިސަރުކާރު އަހަރެމެން ގެނައީ
ާބޮޑުމީހާ
16 June 2019
ޝަކުވާކުރުންނުން ކަމެއްނެތީތަ؟ އަހަރުމެން އަޑުއަހަން ބޭނުންވާ ޙަބަރަކީ 'އެމްބިއުލާންސް ނެތް 50 ރަށަށް އެމްބިއުލާންސް ފޮނުވައިފި' ނުވަންޏާ އިސްތިއުފާދީ
ހަސަން ނުވަވަނަ
16 June 2019
ދޮންކަލޯ ކަލޭމެންގެ ކުޅަނދު މަދު ވެރިކަމުގަ ކިތައް އެމްބިއުލާންސް ގެނެސްފިން. އެހެންނޫނަސް ޖަޒީރާގަ ބޭނުމެއް ނުވާނެ. ފަށްޖެހި އެނދަށް ލައިގެން އަނބާ ކިޔާފަ ބަލިމީހާ ގޮވައިގެން ދިޔައިމަ ސަޅިވާނެ. ޗިޗަންޑ19 ސަޅިވާނެ
ފާނު
16 June 2019
ހަލާކުވެފަ އޮތުމެކޭ ނެތުމެކޭ ކޮބާތަފާތަކީ... ނެތް ހަތަރު ރަށަށް ވެސް ހަލާކުވެފަ އޮތް އެއްބިއުލާސް ފޮނުވަންވީނު... އޭރުން ހުރިހާ ރަށެއްގަވެސް އެމްބިއުލާންސް އެބަހުއްޓޭ ބުނެވޭނެއެއްނު...
ޕޮޓް ރައީސް
16 June 2019
އަމީނު ދޮގު ނުހަދާ. ތިޔަބުނީ އިބޫ ވެރިކަމަށް އައިއިރު އެނބިއުލެންސް ނެތޭ. މިސަރުކާރުން ކިތައް އެންބިއުލެންސް ގެނެސްފިންތޯ? އަދި ތިޔައުޅެނީ ގެންނަން. ހެލްތްމިނިސްޓްރީގެ ލިޔެކިޔުމުން އެނގޭގޮތުގައި ނޮވެމްބަރ 17 އައިއިރު 6 އެމްބިއުލެންސް ހަލާކުވެފަ އޮތީ. ވޭތުވެ ދިޔަ 6 މަހު ހަލާކުވެ ނުހެދި އޮތް އެއްޗެތިވެސް ތިޔައުޅެނީ ޔާމީނު ބޮލަށް ކަނޑާލަން. ކަލޭމެންނަށް އެހެންމީހުންގެ ބޮލަށް ކެނޑުން ނޫންކަމެއް ނުކުރެވޭ.
ވަގުންގެ ސަރުދާރު
16 June 2019
ބުނިއެއްޗެއްވެސް ރަނގަޅަށްވެސް ނުކިޔާ ކޮމެންޓު ތަޅައިގަތީދޯ. މިނިސްޓަރު އެބުނީ އެމްބިއުލައިންސްގެ ހާލު ދެރަކަމުން އެ ނެތޭ ބުންޏަސް ދޮގަކަށް ނުވާނޭ. ފައި ބިންދައިގެންގޮސް އޮތް އަހަކަށްއަރާ މީހަކަށް ދެވޭނެތަ އެއްވެސް ތަނަކަށް؟ ކޮސްނުގޮވާ. މުޅި ގައުމު ހަލާކުކޮށްފައި ހުރި މީހެއް ދިފާއުކުރަން މަސައްކަތް ކުރާނެ ކަމެއް ނެތް. ކޮބާ ނެގިހާ ލާރި އަދީބުއާ ދެމީހުން ވެގެން؟ މާ ރަނގަޅެއްނުން ރައްޔިތުންނަށް 100 އެމްބިއުލައިންސް ހޯދައި ދިންނަމަ.
ޗިޗަންޑާނަވާރަ
16 June 2019
މި ހިސާބު ދިމާ ކުރާނެ ގޮތެއް ނޭނގުނު. 183 ރަށުގަ އެމްބިއުލާންސް ޙިދުމަތް އެބަ އޮތް. 50 ހަލާކުވެފެ. އަލަކަށް އަދި އެކަތި ވެސް ނުގެނޭ. އެކަމަކު ރައީސް ހުވާ ކުރި އިރު އެއްވެސް ރަށެއްގަ އެމްބިއުލާންސް ޙިދުމެތެއް ނެތޯ ބުންޏަސް ދޮގަކަށް ނުވާނެ އޯ. ދެން މިހާރު ހުރީ ހުވާ ކުރި ފަހުން މަތިން ފައިބާފަ ހުރި އެއްޗެހިތަ؟
ފާނު
16 June 2019
އަދުރޭ ނަންވާނީ
އަދުރެމެޓިކްސް
16 June 2019
ބަޑުވެފައި އޮތް އަހެއް ނުގުނާނެދޯ އެއަށް ސަވާރުވެގެން ދުއްވޭނެ އަހެއް ގޮތުގައި؟ އެ ވާހަކަ އެ ބުނީ މިނިސްޓަރު. އަދުރޭގެ ސިކުނޑި ދުވެލި ހުރި ހިސާބުގައި ހުރުގެން އަދި މިކަމެއް ނުވާނެހެން ހީވަނީ.