ފްރާންސްގެ މުސްލިމް އަންހެނުން ބުނަނީ ބުރުގާ އެޅުމަކީ އެ މީހުންނަށް ލިބިގެންވާ ފަރުދީ ހައްގެއް ކަމަށް. --ފޮޓޯ:ރޮއިޓާސް
07 ސެޕްޓެމްބަރ 2016 - 14:46
8 comments
ޕެރިސް (ސެޕްޓެމްބަރު 7) - ފްރާންސްގެ އެންމެ މަތީ އިދާރާ ކޯޓަކުން ނިންމާފައިވާ ނިންމުމަކަށް ގޮން ޖަހާ ބުރްކިނީ މަނާ ކަމަށް ފްރާންސްގެ ދެކުނުގެ ކޯސިކާގެ ކޯޓަކުން މިއަދު ނިންމައިފި އެވެ.
މުސްލިމް އަންހެނުން ބުރުގާއާ އެކު އަޅާ ބުރްކިނީ އެޅުން ފްރާންސްގެ 30 ޓައުނެއްގައި މަނާކޮށްފައި ވަނިކޮށް އެ ގައުމުގެ އެންމެ މަތީ އިދާރީ ކޯޓުން އޮގަސްޓް މަހު ވަނީ އެއީ ފަރުދީ މިނިވަންކަމާ ޚިލާފު ނިންމުމެއް ކަމަށް ކަނޑައަޅައިފަ އެވެ. އެކަމަކު ކޯސިކާގެ ކޯޓުން ނިންމާފައި ވަނީ ބުރްކިނީ މަނާ ކުރުމަކީ ހުއްދަ ކަމެއް ކަމަށެވެ. ކޯސިކާގެ އިތުރުން ފްރާންސްގެ އެހެން ޓައުންތަކުގެ މޭޔަރުން ވެސް ވަނީ ކޯޓު އަމުރަށް ގޮން ޖަހާ ބުރްކިނީ މަނާކޮށްފައި އޮތް އޮތުން ދަމަހައްޓާނެ ކަމަށް ބުނެފަ އެވެ.
ފްރާންސްގެ ހިއުމަން ރައިޓްސް ލީގު (އެލްޑީއެޗް) އިން ބުނީ އެންމެ މަތީ އިދާރީ ކޯޓުގެ ނިންމުމާ ގުޅިގެން ކޯސިކާގައި ވެސް ބުރްކިނީ އަޅައިގެން އުޅެވޭނެ ކަމަށެވެ. އަދި މި ނިންމުމާ ދެކޮޅަށް ކޯސިކާގެ ކޯޓުން ނިންމި ނިންމުން އިސްތިއުނާފް ކުރާނެ ކަމަށް ވެސް އެލްޑީއެޗް އިން ވަނީ ބުނެފަ އެވެ.
ކޯސިކާގެ ކޯޓުގައި ބުރްކިނީ މަނާކުރުމަށް ވަކާލާތު ކުރެއްވި އެ ޓައުނުގެ މޭޔަރު ޕައާރީ ވިވޯނީ ވިދާޅުވީ މިއީ އޭނާ އަށާއި އެ ޓައުނުގެ މީހުންނަށް ލިބުނު ވަރަށް ބޮޑު ލުޔެއް ކަމަށެވެ.
ފްރާންސްގައި ބުރުގާގެ މައްސަލަ ބޮޑުވެފައިވާ އިރު ކޯސިކާ އަކީ މި މައްސަލަ އަދި މާ ބޮޑު ތަނެކެވެ. މިދިޔަ ހޯމަ ދުވަހު ވަނީ އެ ޓައުނުގެ ނާސަރީ ސްކޫލަކަށް ބުރުގާ އަޅައިގެން ދިޔަ ފަސް ބެލެނިވެރިއަކު ސްކޫލަށް ވެއްދުމަށް އެހެން ބެލެނިވެރިން ދެކޮޅު ހަދައިފަ އެވެ.
ފްރާންސް އިން 2004 ވަނަ އަހަރު ވަނީ އާއްމުންނާއި ސަރުކާރުން ހިންގާ ތަންތަނުގައި ދީނީ ނިޝާންތައް ބޭނުން ކުރުން މަނާކޮށްފަ އެވެ. އަދި 2011 ވަނަ އަހަރު ވަނީ އާއްމު ތަންތަނުގައި ބުރުގާ އަޅައިގެން އުޅުން މަނާކޮށްފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މާހިރު
08 September 2016
ތިހިރަ ފެންނަނީ އެވެރިންގެ ޑިމޮކްރަސީ އޮތް ގޮތެވެ. މިނިވަންކަން ހައްދެއްނެތި އޮންނައިރު މުސްލިމުންނަށް ބުރުގާ އަޅައިގެން މަގުމަތީގައިވެސް އުޅެލެވެން ނެތީއެވެ. ދެން ބުނެލަން އޮތްވާހަކައަކީ މުސްލިމުންވެސް ޣައިރުމުސްލިމުން ބަރަހަނާ ޙާލުގައި އުޅޭ ތަންތަނަށް ދާންޖެހޭތޯއެވެ. މޫދަށް އެރުނަސް އެމީހުން ނޫޅޭ ހިސާބަކަށް ދެވިދާނެއެވެ.
ޏ އައިކު
08 September 2016
ތި ގައުމުތަކަކީ އެއްމެ އަޑުހަރުކޮށް ޑިމޮކުރަސީއޭ، އިންސާނީ ހައްގުތަކޭ ކިޔާ ހަޅޭއްލަވާ ގައުމުތައް،
މުގާބޭ
07 September 2016
އެމީހަކު ބޭނުން ހެދުމެއް ލައިގެން މޫދަށް އެރުނީމާ ނިމުނީއެއްނު. ކޮން ބުރިކިނޯއެއްތަ؟
ބުރިކިނީ
07 September 2016
އެޔަށްކިޔަނީ ބުރުކިނީ އެއްނޫން. ބަރކިނީ.
ބުރުގާ
07 September 2016
އެއްވެސް ހެދުމެއް ގަޔައް ބާރުކޮއް ވަނާތައް ހާމަވާގޮތައް ލުމަކީ އިސްލާމު ދީނުގަ އެއްވެސް އިރަކު ހުއްދަކަމެއް ނޫން. ބުރުކީނީއަކީ ވަރައް ވިޔާނުދާ ގަޔައްބާރު ހެދުމެއް. މުސްލިމުން މޫދައް އެރޭއިރު ފަރަންޖީންނާއި މަސްހުނިވެއުޅުމަކީ ބޮޑު ގޯހެއް.
ޏ އައިކު
08 September 2016
އެހެންވީމަ ތި ބުނަނީ މޫދަށް އެރެންވާނީ އޮރިޔާމުން، ކާފިރުންވެސް އެރޭގޮތަށޭ؟
މުޙައްމަދު
08 September 2016
އާ، އެހެންވީމާ ފުރާންސްގެ މީހުން ބޭނުންވާގޮތައް ބުރުގާ ނާޅާ ބިކިނީގަ ހުއްދަ ވާނެ ދޯ! ކިހާ ދެރަކަމެއްމީ، އެތާ މުސްލިމުން އެ އުޅެނީ ނިވާވާނެ ގޮތެއް ނެތިގެނޭ، ތިކަހަލަ ހޭ ނުޖެހޭމީހުނަކަށް ނޭނގޭނެ.
އަހުމަދު
07 September 2016
ސިކުނޑީގަ ތެތް ކަމެއް ނެތެވެ. މިއުޅެނީ އެއްޗެހި ލައިގެން އޮރިޔާމުން އުޅޭ ބަޔަކާއި އެއްޗެއްހި ލައި ނިވާ ކޮށްގެން އުޅޭ ބައެކެވެ. ނިވާކޮށްގނެް އުޅޭތީ އެއްޗެހި ބާލަން ބަޔަކު މަސައްކަތް ކުރަނީއެވެ.