22 ޖޫން 2019 - 20:19
26 comments
އަސަރުގަދަ ލޯބީގެ ފިލްމުތައް ގެނެސް ދޭން މަޝްހޫރު ޑައިރެކްޓަރު/ޕްރޮޑިއުސަރު ފާތުމަތު ނަހުލާ އަނެއްކާ ވެސް ހަމަ އެ އިހްސާސްތަކުގެ ފިލްމަކަށް ތައްޔާރުވާން ފަށައިފި އެވެ.
އޭނާގެ އަމިއްލަ ވާހަކައަކަށް ބިނާކޮށް ހަދާ ފިލްމުގެ ނަމަކީ "ސޮރީ" އެވެ. ނަމަވެސް އަދި ފިލްމުގެ ޑައިރެކްޓަރުގެ ނަން ހާމަކުރަން ތައްޔާރު ނޫން ކަމަށް ނަހުލާ ބުންޏެވެ.
"ސޮރީ" ކާސްޓުންގެ ތެރޭގައި މަރިޔަމް އައްޒަ އާއި ޔޫސުފް (ޔޫއްޕެ) ޝަފީއުގެ އިތުރުން އިތުރު ބަތަލާއަކާއި ފިލްމީ ދާއިރާ އަށް މުޅިން އަލަށް ތައާރަފުވާ އެކްޓަރަކު ވެސް ހިމެނޭނެ އެވެ.
"އަންނަ މަހުގެ ތެރޭގައި ފިލްމުގެ ޝޫޓިން ފަށާނަން. ފިލްމުގެ ޕޭޕަ ވޯކްސްގެ އެންމެ ފަހު މަރުހަލާގައި މިހާރު އޮތީ،" އަމިއްލަ ފިލްމު ކުންފުނި ކްރިސްޓަލް އެންޓަޓައިންމަންޓުން ހަދާ ފިލްމާ ބެހޭ ގޮތުން ޕްރޮޑިއުސަރު ބުންޏެވެ. "ފިލްމުގެ މަންޒަރުތައް ނަގާނީ މާލޭގެ އިތުރުން ރާއްޖޭގެ އެހެން ރަށެއްގައި."
ނަހުލާ ބުނީ "ސޮރީ" ގައި ޖުމްލަ 7 ލަވަ ހިމެނޭނެ ކަމަށާއި ފިލްމުގެ ހުރިހާ ލަވަތަކަކީ ވެސް އަމިއްލަ ރާގުތައް ކަމަށެވެ.
"ލަވަތައް ހެދުމުގެ މަސައްކަތް މިހާރު ކުރިއަށް އެބަދޭ. އަހަރެން ބުނާނީ މި ފިލްމަކީ ވެސް ކުރިން އަހަރެން ގެނެސް ދީފައިވާ ކަހަލަ ލޯބީގެ ހަމަ ވަރަށް އަސަރު ގަދަ އަދި ރޮވޭ ކަހަލަ ހާދިސާތަކެއް ވެސް ހިމެނޭނެ ވަރަށް ރީތި ލަވަތަކެއް ވެސް ހުންނާނެ ފިލްމަކަށް ވާނޭ،" އޭނާ ބުންޏެވެ. "ޔަގީނުން ވެސް ކުރީގެ މާޒީ މަތިން ހަނދާން އާވާ ކަހަލަ ފިލްމަކަށް ސޮރީ ވާނެ. މިއީ އިބުރަތްތެރި އާއިލީ ފިލްމެކޭ އަހަރެން ބުނާ ހިތް ވަނީ."
އައްޒަ: "ސޮރީ" ގެ އެއް ބަތަލާއަކީ އޭނަ.
"ސޮރީ" ސިނަމާ އަށް ގެންނަން ނިންމާފައި ވަނީ އަންނަ ސެޕްޓެމްބަރު މަހުގެ ތެރޭގަ އެވެ. އެކަމަކު އަދި ސީދާ ވަކި ތާރީހެއް ފައިނަލެއް ނުކުރެ އެވެ.
"ކަޔާޔާ ނުލާ" އާއި "ޒުލޭހާ" އަދި "ޔޫސުފު" ފަދަ މަގުބޫލު ފިލްމުތައް ގެނެސް ދިން ނަހުލާ އެންމެ ފަހުން ގެނެސް ދިން ފިލްމަކީ 2017 ގައި އޭނާ ޕްރޮޑިއުސްކޮށް، އައިޝަތު ރިޝްމީ ޑައިރެކްޓް ކުރި ލޯބީގެ ފިލްމު "ބޮސް" އެވެ.
ނަހުލާގެ ޑައިރެކްޝަނަކަށް އެންމެ ފަހުން ބެލުންތެރިންނާ ހަމައަށް އައި ފިލްމަކީ އަހުމަދު ޝީނާންއާ ގުޅިގެން 2016 ގައި ގެނެސް ދިން ބިރުވެރި ފިލްމު "4426" އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޟުހާ
23 June 2019
ހެޑިން ކިއާފަ މަ ހީކުރިީ އަނެއްކާ ނަހުލާ “އެސޮރީ” ކިއާ ފިލްމެއް ހަދަނީ ކަމައް...
ޑDkހަޑDkހag
23 June 2019
ދެން މިނަހުލާ އުޅެނީ ހިތުން ވަރަށް މޮޅުވެގެން...މީނައަށް ވުރެ އެ ފައްތާހު ވެސް މޮޅު...
ތަރަފް
23 June 2019
ހޫން. ކޮޕީ ފިލްމެއް ހަދަނީ ދޯ. ބޮސްއެކޭެ ކިޔާފަވެސް އޮތީ ތަމަޅަ ފިލްމެއް ކޮޕީކޮއްފަ
ފުންއަސަރު
23 June 2019
ބަޔަކު ކިތަންމެ ރުޅިއަޔަސް އަދިވެސް ރާއްޖޭގާ ނަހުލާ ވައްޓާލެވޭވަރުގެ ޑައިރެކްތަރެއް ނާދެ. ކުރިން މަވެސް ހީކުރީ ޓެޑަށް އެކަން ވެދާނޭކަމަށް. އެކަމަކު ދެފިލްމެއް ހަދާލާފާ ތިންވަނަ ފިލްމު ފްލޮޕް ވެދާނޭތީ އެކަން ނުކުރި ހިސާބުން ދެން ޔަގީންވެއްޖެ އެހެންމީހަކަށް އަދި އެކަން ވާން ނެތްކަން. ވިސްނަންވީ ތަންކޮޅަކީ ފިލްމު ހަދާމީހުންއަތުން ފްލޮޕްފިލްމާ ހިޓްފިލްމުވެސް ހެދިދާނޭކަން. ކޮންމެފިލްމަކީ އެންމެނަށް ރީތިކަމުދާ ފިލްމަކަށް ނުވެދާނެ. އެކަމަކުނަހޫ 7 ގިނަ.
ރިޝީ ކަޕޫރު
23 June 2019
އެބުނާހެން ކޮންމެ ފިލްމެއްގައި އެއްބައެއް މިފަސްއަހަރު ހީވަނީ ފިލްމް ސީރީސްގެ އެޕިސޯޑުތަކެއް އޮލިންމޕަހުގަ އަޅުވާހެން، އާކުދިން ނުލިބެނީތަ، ނޫނީ ވިޔަފާރީގެ ގޮތުން ވިސްނާފަ ސްކްރިޕްޓަށް ފެތުނަސް ނުފެތުނަސް އެންމެ މަގުބޫލުހެން ހީވާ މީހުން ލައިގެން ފިލްމު ހަދަނީތަ. ކަންނެތްކަމުން ބިރުން ރިސްކެއް ނަގަން ނުކެރެނީދޯ.
ކަލޯ
23 June 2019
ތިހެން ފިލްމު ހެދިދާނެ ކޮންމެ މީހަކަަށްވެސް .....ހިންދީ ފިލްމުތަކުން ކޮޕީކޮއް ގެން....ކޮޕީކުރާއިރުވެސް ތަންކޮޅެއް ތާހިރު އެއްޗެއް ކޮޕީ ކުރާކައް ވެސް ނޭގެ.....ބޯހަލާކު
އާދަނު
23 June 2019
މިކިހަލަ ކޫސަނި ފިލްމު ހަމައެކަނި ހނގަނީ ސައުތް އޭސިއާގަ....ލޮލް
ކުރިޓިކް
23 June 2019
މި އައްޒަ އަކީ މީ އެކްޓް ކުރަން އިގޭވެސް މީހެއް ނޫން.....އަބަދުވެސް ފެންނަނީ އެއް ކެރެކްޓާއެއއ
ލަމަޓާ
23 June 2019
އައްޒަވެސް މޮޅު އެކަމު، ހުރިހާއެއްޗަކުން އެނާ ފެންނަންޏާ ދެން ބަލަން ތިބޭ ބަޔަކު ވެސް ބަލާހިތް ކެނޑޭނެ ދޯ... އައްޒަވެސް މިކަމަށް ވިސްނާގެން ފިލްމް ނަގަންވެއްޖޭނު. އައްޒަނޫނަސް ލީޑް ރޯލަށް ނެގޭހާ މޮޅުކުދިން އެބަތިބި. މަޖޫ، ނުޒުހަތު މެން ކަހަލަ ކުދިންވެސް އެތިބީނުން ހަމަ.
ރިއަލްމޮޑީ
23 June 2019
ނަހޫ ކޮބާ މަންޖެ؟؟؟މަބޭނުމީ މަންޖެ!!