މީރާ: ދައުލަތަށް 2.7 މިލިއަން ޑޮލަރު ދައްކަން ތްރީއޭ ކުންފުނީގެ މައްޗަށް ވަނީ ހުކުމް ކޮށްފައި -- ފޮޓޯ/މިހާރު
24 ޖޫން 2019 - 15:53
9 comments
ދައުލަތަށް 2.7 މިލިއަން ޑޮލަރު (42 މިލިއަނަށް ވުރެ ގިނަ ރުފިޔާ) ދައްކަން ތްރީ އޭ ކުންފުނީގެ މައްޗަށް ސިވިލް ކޯޓުން ހުކުމްކޮށްފި އެވެ.
ސިވިލް ކޯޓުން އެގޮތަށް ހުކުމްކުރީ މުދަލާއި ޚިދުމަތުން ނަގާ ޓެކްސް ކަމަށްވާ ޖީއެސްޓީ އާއި ގްރީން ޓެކްސްގެ ގޮތުގައި ތްރީއޭ ޓްރޭޑިން އިން ދައުލަތަށް ދައްކަންޖެހޭ ފައިސާ ހޯދަން މޯލްޑިވްސް އިންލެންޑް ރެވެނިއު އޮތޯރިޓީ (މީރާ) އިން ދައުވާ ކުރުމުންނެވެ.
ސިވިލް ކޯޓުން މިއަދު ވަކިވަކިން ކުރި ދެ ހުކުމުގައިވަނީ ޖީއެސްޓީގެ ގޮތުގައި 1.8 މިލިއަން ޑޮލަރާއި ގްރީން ޓެކްސްގެ ގޮތުގައި 950،000 ޑޮލަރަކީ ތްރީއޭ ކުންފުނިން ދައުލަތަށް ދައްކަންޖެހޭ ފައިސާ ކަން ސާބިތުވާ ކަމަށެވެ. އެހެންވެ، މިއަދުން ފެށިގެން ފަސް މަސް ދުވަހުގެ ތެރޭގައި އެ ފައިސާ އާއި ޖޫރިމަނާ ފައިސާ މީރާ އަށް ދައްކަން އަންގާ ކަމަށް އެ ހުކުމުގައިވެ އެވެ.
ޓެކްސްގެ ގޮތުގައި ދަައުލަތަށް ފައިސާ ދައްކަން ތްރީއޭ ކުންފުނީގެ މައްޗަށް ހުކުމް ކުރިއިރު، ލީސް ރެންޓާއި ލޭންޑް ރެންޓްގެ ގޮތުގައި ތިން މިލިއަން ޑޮލަރު ހޯދަން ވެސް އެ ކުންފުނީގެ މައްޗަށް މީރާއިން ދައުވާކުރި އެވެ. އެކަމަކު މީރާއިން ކޯޓަށް ހާޒިރު ނުވުމުން އެ މައްސަލަތައް ކޯޓުން ކުރިން އޮތީ ބޭރުކޮށްލައިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޖާބިރުލޮލީޕޮޕް
25 June 2019
މިކަހަލަ ކުންފުނި ތަކުގެ ވެރިން ސަރުކާރު އިސް މަގާމުތަކުގައި ތިބޭހާ ހިނދަކު ރައްޔިތުން މިކަމުން ސަލާމަތް ވާނެތަ؟ ކޮންމެވެސް ރަށެއްގަ އެކްސްރޭ މެޝިނެއް ނުބެހެއްޓިގެން، ބޭސް ނެތިގެން، ޑޮކްޓަރުންނެތިގެން، ފެނަށް ޖެހިގެން، މިކަހަލަ ހާލެއްގަ މިިއުޅެންޖެހެނީ. ސަރުކާރަށް ދައްކަން ޖެހޭ ފައިސާއަކީ ރައްޔިތުންނަށް ދައްކަންޖެހޭ ފައިސާ.
އައްލާ ބެެއްޔާ
25 June 2019
މީދެން ހާދަމަޖާ ކަންތައްތަކޭ މުޅިންވެސް މިއަޑުއިވެނީ ހުކުމްކުރާ ވާހަކަ އެކަމަކު އެލަމަކުން ވާއެއްވެސް ކަމެއްނެއް ހައްޔަހާވެސް އޮންނަނީ ފައިސާދައްކަން ދައްކާ ތަނެއްނާދެ އަނެއްކާވެސް ދުވަސްކޮޅެއް ފަހުން ހަމަ މިއަޑުއިވޭނެ މިގައުމުގަ މިކަހަލަ ކުންފުނި ތަކައް ކުރާ ހުކުމްތައް ވަނީ ޖަމަލު ފޮޑިއައް.
މީރާ
24 June 2019
މީރާއިން މައްސަލަޔައް ހާޒިރުނުވީ ގަސްތުގަ ކަމައްވަންޔާ މީރާގެ މުވައްޒަފުންނައް ފިޔަވަޅު އަޅަންޖެހޭނެ. މިސަރުކާރާ ގުޅުން ހުރިމީހެއްވިއްޔާ މިމީހުން ގަސްދުގަ ކުރާކަމެއްމީ ކޯޓައް ދައުލަތް ތަމްސީލުކުރާ ފާރާތުން ނުދިޔުން.
މުލޭ
24 June 2019
ޖީއެސްޓީ އަާއި ގްެރީން ޓެކްސް ފަދަ ޓެކްސް ތަކަކީ ވިޔަފާރިވެރިން ދައުލަތަށް ދައްކާ އެއްޗެއްނޫން. އެއީ އެވިޔަފާރިއަކުން ޚިދުމަތް ހޯދާ ކަސްޓަމަރުން ދައުލަތަށް ދައްކާ އެއްޗެއް. ދައުލަތަށް އެފައިސާ ދެއްކުމުގެ މެދުވެރިއަކީ އެވިޔަފާރި ކުރާތަން. ކަސްޓަމަރުން އަތުން ފައިސާ ނަގާފަ އެފައިސާ ދައުލަތަށް ނުދެއްކުމަކީ ވަރަށް ބޮޑު ޚިޔާނާތެއް. ވަރަށް ސީރިއަސް ކަމެއް. ހަރުކަށި ފިޔަވަޅު އަޅަންޖެހޭ ކަމެއް.
ފޮނިބެ
24 June 2019
ތިކަމަކީ ފާޑެއްގެކަމެއް. ވާގޮތް ބަލަންތިބޭ!
އެޑްމުންޑޯ
24 June 2019
މީރާއިން ހާޒިރުވިއަސް އަދި ނުވިއަސް ދައުލަތަށް ދައްކަންޖެހޭ ފައިސާ އެއް އުވިގެން ނުދާނެ ،
ނިޔާމަ
24 June 2019
ދިވެހި ރާއްޖޭގެ ރައްތައް ކުއްޔަށްދީގެން ލިބެންޖެހޭ ފައިސާ ނުދީ އުޅެ މީހުންގެ އަތުން ރަށްތައް އަތުލާ
ގައުމުގެ ދޫ
24 June 2019
އަތުލުމަކީ އެހާ ފަސޭހައިން ކުރެވޭ ކަމެއްނޫން. އެނގިވަޑައިގަންނަވާނެ ޖީ.އެމް.އާރު އަތުން އެއަރޕޯޓު އަތުލީމަވެސް ދައުލަތަށް ޖެހުނު ހާލު. އެހެންވީމާ، ކަމެއް ހަމަ ވާއިރަށް އަތުލާށޭ ގޮވުމަކީ ވަރަށް ޒިންމާދާރުކަން ކުޑަ ކަމެއް. ވެދުމާ ސަލާމް
ކަދުރޭ2
24 June 2019
ޖީއެމްއާރ ގޮތަށް އެއްކޮޅަށް ބުރަވާ އެގްރިމެންޓް އެއްނޫން ރިސޯޓުދޭއިރު ހަދަނީކީ. ގެސްޓުންއަތުން ފައިސާނަގާފަ ސަރުކާރަށް ދޭންޖެހޭ ޓެކްސް ނުދައްކާނަމަ ރަށް އަތުލުމަށް ފިޔަވަޅުއަޅަން ޖެހޭ.