ދިއްދޫގައި އަޅާފައި ހުރި ފްލެޓްތައް-- އެ ފްލެޓްތައް ދިނުމަށް އަލުން އިއުލާން ކުރުމަށް އޭސީސީން ވަނީ އަންގާފައި-- ފޮޓޯ: މިހާރު
25 ޖޫން 2019 - 17:16
11 comments
ހއ. ދިއްދޫގައި ރައީސް މުހައްމަދު ނަޝީދުގެ ވެރިކަމުގައި އަޅާފައިވާ ފްލެޓްތައް ދޭނެ މީހުން ކަނޑައަޅައި އެ ރަށު ކައުންސިލުން މިމަހު ކުރީކޮޅު ކުރި އިއުލާން ބާތިލްކޮށް އަލުން ފްލެޓަށް ކުރިމަތިލާން ހުޅުވާލުމަށް އެންޓި ކޮރަޕްޝަން ކޮމިޝަން (އޭސީސީ) އިން އެ ރަށު ކައުންސިލަށް އިއްޔެ އަންގައިފި އެވެ.
ދިއްދޫގައި އަޅާފައިވާ 250 ފްލެޓްގެ ތެރެއިން 135 ފްލެޓް، ކުރީ ސަރުކާރުން ވަނީ ދޫކޮށްފަ އެވެ. އަދި އިތުރު 110 ފްލެޓް ދޭނެ ފަރާތްތައް ކަނޑައަޅާފައިވެ އެވެ. ނަމަވެސް މިސަރުކާރުން ވަނީ އެ ލިސްޓް ބާތިލްކޮށް އަލުން މާކްސް ދީފަ އެވެ. އެގޮތުން ދިއްދޫ ކައުންސިލުން މިމަހު 10 ވަނަ ދުވަހު ވަނީ ފްލެޓް ލިބޭ މީހުންގެ ވަގުތީ ލިސްޓަށް ޝަކުވާ ހުށަހަޅަން ހުޅުވާލައިފަ އެވެ.
ފްލެޓްތައް ދިން ގޮތުގެ މައްސަލަ ބެލުމަށް ފަހު އޭސީސީން މިއަދު ބުނީ މިހާރު ދޫނުކޮށް ހުރި ފްލެޓްތައް ދޫކުރުމަށް އެރަށު ކައުންސިލުންނާއި ހައުސިން މިނިސްޓްރީން ކުރި އިއުލާން ބާތިލްކޮށް، އަލުން އިއުލާން ކުރުމަށް އަންގާފައިވާ ކަމަށެވެ.
އޭސީސީން ދިއްދޫ ކައުންސިލަށް އަންގާފައިވަނީ އަލުން ފުރުސަތު ހުޅުވާލާއިރު ފްލެޓް ދޫކުރާނެ އުސޫލަކާއި ޕޮއިންޓް ދޭނެ އުސޫލެއް އަލުން ކަނޑައެޅުމަށެވެ. ސަބަބެއް ކަމަށް އޭސީސީން ބުނީ ފްލެޓް ދޫކުރުމަށް މިދިޔަ އަހަރުގެ ޖުލައި 30 ގައި ހައުސިން މިނިސްޓްރީން އިއުލާން ކުރުމުން އެތައް ބަޔަކު ކުރިމަތިލާފައި ވަނިކޮށް އެ އިއުލާން ބާތިލުކުރިކަން އާއްމުކޮށް އިއުލާން ކޮށްފައި ނުވުމެވެ. އަދި އެ އިއުލާނާ ގުޅިގެން އެކަމަށް އެދުނު ފަރާތްތަކުގެ ތެރެއިން ބަޔަކަށް ބާކީހުރި ފްލެޓްތައް ދޭ ގޮތަށް ހަމަޖެއްސުމަކީ ގާނޫނީ ގޮތުން ކުރެވޭނެ ކަމެއްގެ ގޮތުގައި ނުފެންނަ ކަމަށް އޭސީސީން ބުންޏެވެ.
މިދިޔަ ސަރުކާރުން ދިއްދޫން ފްލެޓް ދީފައިވަނީ ވެސް ބޭއިންސާފުން ކަމަށް ބުނެ އެ ރަށު ގިނަ ބަޔަކު އަންނަނީ ކަންބޮޑުވުން ފާޅު ކުރަމުންނެވެ. ނަމަވެސް އޭގެ ތެރެއިން ގިނަ ފްލެޓުގައި މިހާރު މީހުން ދިރިއުޅެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަހައްމާ
25 June 2019
މިގައުމުގައި އިންސާފު ލިބޭނޭ ގޮތެއްނުވާނެއެވެ. ފުރަތަމަ އެސީސީ ރަގަޅު ކުރަންޖެހިފައި މިވަނީ އެތާގައި ވެސް ކަރެޕްޝަންވަނީ އަށަގަނެފައެވެ. ލުތުފީ އެއްވެސް މަސައްކަތެއް ނުކޮށް މުސާރަ ނެގީރު އެއީ ހަލާލު އަދި ހައްޤު ފައިސާތޯ ؟ ދެން ދިއްދޫ ކައުންސިލުން 2017 އެސީސީއަށް ލީ ސިޓީ ނުވިހާތީ އަދި ޖަވާބު ދޭވަރު ނުވަނީއެވެ.މުސާރަ ނަގައިގެން ގޮޑި ހޫނުކުރީމާ މަގާމުގެ ވާޖިބުއަދާވީތޯ؟ތި ބޭފުޅުން އަވަހަށް އިސްތިއުފާދޭށެވެ. އޭރުން އިންސާފުގެ މަގަށް ގެއްދެވިދާނެއެވެ.
އަރައްބާ
25 June 2019
ތިނަދޫގަ ހުރި ފުލެޓުތަށް ދޭނީ ޕާޓީ ކުދިނަށް. ހަޖަމުކޮއްގެން ތިބެބަލަ.
އެންމެން ލައްވާ ރުއްޖަހާ ސައުދ
25 June 2019
ހަވަރު ތިނަދޫ ކައުންސިލުން އަންގަނީ އޭސީސީ އިން އެންގިކަމުގައި ވިޔަސް ޔާމިން އަޅާފަ ހުރި ފުލެޓުތަކާއި ބިންތަށް ދޫކުރެވޭނީ ރައީސް ޔާމިން ވެރިކަމަށް އައިދުވަހަކުންކަމަށް. ރަށުގަ ހުރި ފަޅު ގޯތިތަކާއި ކައުންސިލްގެ ބިންތަށް ސާފުކުރުމަކީވެސް ރައީސް ޔާމިން ކުރަންޖެހޭނެކަމެއްކަމަށް. ރައީސް ނަޝީދުގެ ސަރުކާރުގަ ސިނާއީ ސަރަހަށްދުން ދޫކޮއްފައިވާ ބިންތަކުން ކުލި ހޯދުމަކީވެސް ރައީސް ޔާމިން ކުރަން ޖެހޭކަމެއްކަމަށް
ޚޮރަޕްޓް ތުނބުޅި
25 June 2019
މިގައުމުގެ އެންމެ ކޮރަޕްޓް މުއައްޞަޞާއަކީ އޭސީސީ.. 2017 ވަނައަހަރު ދިއްދޫ ފެލެޓްތައް ޢެންމެ މަތިން (63 ޕޮއިންޓް) ލިބުނު މީހުންނަށް ނުދީ އެންމެ 30 ޕޮއިންޓް ލިބުނު ފަރާތްތަކަށް ދިނުމުން ދިއްދޫ ކައުންސިލުން އޭސީސީއަށް ހުށައެޅިި މައްސަލައަށް ޖަވާބު އަދިވެސް ނުދޭ. ޢެފުލެޓްތަކުގައި ފުލެޓް ހައްްޤުނޫން އެތައްބަޔަކު ދިރިއުޅޭ. ޢޭރުގެ ރައީސްޔާމިނަށް ވޯޓްލާން ބުނުމުން ފުލެޓްދިނީ. ޢޭސީސީ ކަރަޕްޝަނުގެ ނިދިިން ނިދާފަ. ޢަދި ކިރިޔާ ހޭލެވުނީ
ޒިލް
25 June 2019
މިކަމަށް އޮތް ހައްލަކީ ހައުސިން ފޯމްތައް އިވެލުއޭޓް ކުރުމުގެ ކަންކަަމަށް ބަދަލު ގެންނަން ޖެހޭ. މިސާލަށް ދިއްދޫ ފުލްޓް ފޯމުތައް އިވެލުއޭޓް ކުރާ ކޮމެޓީގައި ހިމަނަންވީ ދިއްދޫގެ ރައްޔިތަކާއި، ކައުންސިލަރަކާއި، ދިއްދޫގެ ސިވިލް ސަރވިސް ސްޓާފަކާއި، އެލް.ޖީ.އޭގެ މުވައްޒަފަކާއި، ހައުސިންގެ މުވައްޒަފަކާ، އަދި ކައިރީގައި އޮތް ތަކަންދޫ މާރަންދޫ ފަދަ ރަށެއްގެ ކައުންސިލަރަކާއި، ކުޅުދުއްފުށީ ކައުންސިލަރެކެވެ.
ރަންނަ
25 June 2019
ޕޮއިންޓް ލިބޭގޮތާ ލިބިނު ޕޮއިންޓް އެންމެނަށް ފެންނާނެހެން މައުލޫމާތު ހާމަކުރާގޮތައް ހެދީމަ ނިމުނީ. ރައްރަށުގަ އެކަކު އަނެކަކު ދައްނާނެ. ދެން މީގެ އިތުރުން ނުބައިކޮށް މާކްސް ދީފަ ވާނަމަ ކޮމެޓީގަ ތިއްބެވި ބޭފުޅުންނަށް ދައުވާކުރެވޭ ގޮތަށް އޮތީމާ މާބޮޑުކަމެއް ކަމަށް ނުދެކެން
ދެއަހަރުވެސްދީދީގެ ފިތުރުއީދުހަދިޔާ ބޮޑު ފިތުނަޔަކަށް
25 June 2019
ޗާން ސިލަރުންނަށްވެސް އެނގެންވާނެ ނުގައިދުހައުސިންގ ޔުނިޓް ދީ ނިންމާފައި އޮތް އިޢުލާނަކަށް ވިޔަސް ދީނިންމާފަ އޮތް އިޢުލާނަކަށް އަލުން ޢަމަލް ނުކުރެވޭނެ ކަން މިވަރު ނޭނގޭ ބަޔަކު ރަށެއްގެ ވެރިކަމަށް ހެއު ނުވާހުށި ނަގައިގެން ވެރިކަމުގަ ދޫކުރީ ތާއީދު ނުކުރާ މީހުންނާ ދެކޮޅަށް މިވެރިކަމުގަ މި ދޫކުރީ ތާއީދު ކުރާމީހުންނާ އެއްކޮޅަށް އެއްބަޔަކުވެސް ރަނގަޅަކަށް ނުކުރޭ މިހުރިހާ ފިތުނައެއް އުފެދުނީ ޢަލީ ހާޖީމު ދީދީގެ ނާގާބިލްކަމާއި ނާއިންސާފު ބޮޑުކަމުން
ޙަމީޒު
25 June 2019
ދެންފުލެޓުތައްތަޅާލާ ސަތަރިއަޅާފަ ބަހައްޓާ
ރަށު މީހާ
25 June 2019
ތިޔަ ކައުންސިލްގަ ނެތް އަލުން އިއުލާނުކޮށް ޕުރޮސެސް ކުރިއަށް ގެންދެވޭނެ ހިތްވަރެއް ޤާބިލުކަމެއް. ދެން ތިކަން އޮއްނާނި އަލައް ކައުންސިލެއް އައިސް ތިކަންކުރަން.
މަރޭމިތުރު
25 June 2019
އައިޝާ އަލީއަށް[.... އަލީ ކޮބާ ކޮންތާކު ތިއުޅެނީ ދަރިފުޅު ކޮންތާކު ތިބަހައްޓަނީ؟ އަލީގެ ޖަވާބު އައިޝާއަށް[.... ދަރިފުޅު ބަހައްޓާނެ ތަނެއް އަދި ނެތިގެން ބައެއްފަހަރު ޑޭކެއަރގަ އަނެއްބައިފަހަރު ފަހަރިމެންގޭގަ........................... ފްލެޓް ކަށަވަރުކޮށްދެއްވާ!
ޙާޖީ
25 June 2019
ޢަލީ ހާޝިމްއަށް ބޮޅެއް ، އަދިވެސް ގަދަބަސް ބުނާތި