ދިވެހިންގެ ބަޔަކު ކަސަބު ގެތުމުގެ މަސައްކަތް ކުރަނީ.-- ފޮޓޯ: ހުސެއިން ވަހީދު/ މިހާރު
05 ޖުލައި 2019 - 00:42
3 comments
ރާއްޖޭގައި ފުރަތަމަ ފަހަރަށް "ވޯލްޑް ސްކިލްސް ޑޭ" ފާހަގަކުރަން މިއަދު ނިންމައިފި އެވެ.
ހަޔަ އެޑިއުކޭޝަންގެ ސްޓޭޓް މިނިސްޓަރު މުހައްމަދު ހާޝިމް ވިދާޅުވީ މި މަހުގެ 15 ވަނަ ދުވަހު ރާއްޖޭގައި އަލަށް ސްކިލްސް ނުވަތަ ހުނަރުގެ ދުވަސް ފާހަގަކުރަން ތައްޔާރުވަމުން އަންނަ ކަމަށެވެ. އެކަމަށް ހަޔަ އެޑިއުކޭޝަންގެ އިތުރުން އެޑިއުކޭޝަން މިނިސްޓްރީ އާއި ޔޫތު މިނިސްޓްރީ އަދި އިކޮނޮމިކް މިނިސްޓްރީން އެއްބަސްވެފައިވާ ކަމަށް ވިދާޅުވި އެވެ.
ދުނިޔޭގެ އެހެން ގައުމުތަކުގައި 2014 ވަނަ އަހަރުން ފެށިގެން އަންނަނީ ސްކިލްސް ޑޭ ފާހަގަކުރަމުންނެވެ.
ހާޝިމް ވިދާޅުވީ ލޯކަލް ކައުންސިލްތަކާ ގުޅިގެން ރަށްރަށުގައި ވެސް ހަރަކާތްތައް ހިންގާނެ ކަމަށެވެ. އެގޮތުން ވަކި މަސައްކަތަކުން ކުރިއަރާފައިވާ މީހެއްގެ ވާހަކަތައް ދަރިވަރުންނަށާއި ޒުވާނުންނަށް ހިއްސާކުރެވޭނެ ކަމަށް ވިދާޅުވި އެވެ.
"އެ މީހެއްގެ އެ ދަތުރު ހިއްސާކުރެވޭނެ ދަރިވަރުންނަށާއި ޒުވާނުންނަށް. އެ މަސައްކަތެއް ކުރާގޮތް ދަސްކޮށްދީ ކިޔައިދީ އެކަމަށް ޝައުގުވެރިކަން ވެސް އުފައްދައިދެވޭނެ،" ހާޝިމް ވިދާޅުވި އެވެ.
އޭނާ ވިދާޅުވީ ދެމެހެއްޓެނިވި ތަރައްގީގެ ލަނޑުދަނޑިތައް ހާސިލްވާނީ ޒުވާނުންނަށް މަސައްކަތްތެރިކަން ދަސްކޮށްދީގެން ކަމަށެވެ. އެހެންވެ ހުނަރުތައް ދަސްކޮށްދިނުމަށް ހާއްސަ މަސައްކަތެއް ކުރާނެ ކަމަށް ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ގަމާރު ޕީއެސް
06 July 2019
ކީއްވެބާ ހޯމް މިނިސްޓްރީ އަށް ތިދުވަސް ފާހަގަކުރަން ނުދިނީ. މިހާރު ދުވަސްތަށް ފާހަގަ ކުރުން ގިނަވެގެންގޮސް އެމިނިސްޓްރީގެ އެކަން ކުރުމަށް އޮންނަ ސެކްޝަންގެ މުވައްޒަފުންނާ އެތަނުގެ ވެރިން އެމަސައްކަތް ކުރުމަށް ނަގާ މުވައްޒަފުން މުޅި އަހަރު ހެދުނު އޮފީހަށްދާގޮތަށް މެންދަމު 12 ޖަހަންދެން އުޅެނީ އެމަސައްކަތުގަ ކޮންމެ މަހަކުޖެހޭ ދުވަހެއްފާހަގަ ކުރަން..އަނެއްހެނ އޯކޭ މުސާރައިގެ 3 ގުނަ އިތުރު ގަޑިއަށް ލިބެންޏާ މައްސަލައރއްނޫންތާ.
އަސަރު2
06 July 2019
އެންމެ ދުވަހަކުން ތިކަން ވޭތޯ؟؟ރާއްޖޭގަ މިހާރު ނެތްކަމެއްމީ ހުނަރު ވެރިން އުފައްދަން މަސައްކަތް ކުރުން.. ކުރިން ކޮންމެވެސް ސިފައެއްގައި މައުރަޒެއްވެސް އޮވޭ..މިހާރު ކޮންމެ ހުނަރުވެރިއަކުވެސް އަމިއްލައަށް އެފްބީ ނުވަތަ އިންސްޓަގްރާމްގަ އޭނާގެ އެއްޗެހި ޕްރޮމޯޓް ކުރާނީ..ސަރުކާރުންދޭ އެއްވެސް އަހަމަިއްޔަތެއްނެތް.. އަބަދުވެސް ބަލަނީ ފުޓްސަލް ދަނޑު އަޅަން.. ރާއްޖޭގެ ފަންނުވެރިން ތިބީ މާޔޫސްކަމެއްގެ ތެރޭގައި. ޑިއުޓީފްރީގަވެސް ނެތްދިވެހި އުފެއްދުމެއް.
2ގޔހ
06 July 2019
ތިޔަ ބުނީ ހަމަ ރަނގަޅަށް..އެކަމަކު ދުވާނެ ޖީއެސްޓީ ނަގަން.. އެންމެ ކުޑަ މިނުން ލޯނުގަނޑެއްވެސް ނުލިބޭ ފަންނުވެރިންނަކަށް.. ޑިއުޓީ ފްރީގަވެސް ބެންކޮކް މުދާ.. އެކަމަކު މޯލްޑިވްސް ޖަހާފަ.. މިކަމެއް ހައްލެއް ބޭނުން..