އެޑިއުކޭޝަން މިނިސްޓްރީގެ އިސްވެރިންނާއި މާލެ ސަރަހައްދުގެ ޕްރިންސިޕަލުންނާއެކު ނައިބު ރައީސް ފައިސަލް ނަސީމް ފޮޓޯއަކަށް ހުއްޓިވަޑައިގެން.-- ފޮޓޯ: ރައީސް އޮފީސް
04 ޖުލައި 2019 - 14:37
64 comments
ޕްރިންސިޕަލުންގެ މުސާރަ އަށް ހެޔޮ ބަދަލެއް ގެނެސް އިތުރު އިނާޔަތްތައް ހަމަޖައްސައިދިނުމަށް ނައިބު ރައީސް ފައިސަލް ނަސީމަށް މިއަދު ހުށަހަޅައިފި އެވެ.
އެޑިއުކޭޝަން މިނިސްޓްރީގެ އިސްވެރިންނާއި މާލެ ސަރަހައްދުގެ ޕްރިންސިޕަލުންނާއެކު ރައީސް އޮފީހުގައި ބޭއްވި ބައްދަލުވުމުގައި، ޕްރިންސިޕަލުން ވަނީ އެ ބޭފުޅުންގެ ކަންބޮޑުވުންތަކާއި ސްކޫލުގެ މަސައްކަތްތައް ހަރުދަނާކުރުމާ ބެހޭ ގޮތުން ކުރަންޖެހޭ ކަންކަން ހިއްސާކުރައްވައިފަ އެވެ.
ރައީސް އޮފީހުން ބުނީ ޕްރިންސިޕަލުންގެ މުސާރަ އާއި އިނާޔަތްތައް މުރާޖައާކޮށް އެކަށީގެންވާ ބަދަލެއް ގެނެސްދޭން އެދިފައިވާ ކަމަށާއި އޭގެ އިތުރުން އެ ބޭފުޅުންނަށް ހާއްސަ ބޯހިޔާވަހިކަމުގެ ސްކީމްތަކާއި އިންޝުއަރެންސް ޕެކޭޖުތައް ތައާރަފްކުރުމަށް ވެސް އެދިވަޑައިގެންނެވި ކަމަށެވެ.
ނައިބު ރައީސް ފައިސަލް ނަސީމާއެކު ބޭއްވި ބައްދަލުވުމުގައި ހިރިޔާ ސްކޫލުގެ ޕްރިންސިޕަލް ރިންޒީ (ވ) އަދި ސީއެޗްއެސްއީގެ ޕްރިންސިޕަލް ސޮފޫރާ ބައިވެރިވެވަޑައިގަންނަވަނީ.-- ފޮޓޯ: ރައީސް އޮފީސް
ރައީސް އޮފީހުން ބުނި ގޮތުގައި ނައިބު ރައީސް ވަނީ ޕްރިންސިޕަލުން އެދިވަޑައިގެންނެވި ކަންތައްތައް ވަރަށް ގާތުން ބައްލަވާނެ ކަމަށް ވިދާޅުވެފަ އެވެ. އަދި އަވަސް ހައްލުތަކެއް ހޯއްދަވައިދެއްވާނެކަމުގެ ޔަގީންކަން ދެއްވި ކަމަށް ބުންޏެވެ.
ޕްރިންސިޕަލުންގެ މަސައްކަތްތައް މިހާރަށްވުރެ ހަރުދަނާކުރެއްވުމަށް އެދިވަޑައިގެން އެކަމުގައި ސަރުކާރުގެ ފުރިހަމަ އެއްބާރުލުން ދެއްވާނެކަމަށް ވެސް ނައިބު ރައީސް ވިދާޅުވި ކަމަށް ރައީސް އޮފީހުން ބުންޏެވެ. އަދި ޓީޗަރުންނާއި ދަރިވަރުންނާއި ބެލެނިވެރިންނާ ދެމެދު އޮންނަ ގުޅުން ބަދަހިކޮށް އެމީހުންގެ ބޭނުންތަކާއި ކަންބޮޑުވުންތައް އަޑުއެއްސެވުމަށް ޕްރިންސިޕަލުންގެ އަރިހުން އެދިވަޑައިގަތެވެ.
ޓީޗަރުންގެ މުސާރައިގެ އާ އޮނިގަނޑު 2015 ވަނަ އަހަރު ބަދަލުކުރިއިރު ޓީޗަރުންގެ މުސާރަ ވަނީ ބޮޑުވެފަ އެވެ. އެހެންވެ ޕްރިންސިޕަލުންނާއި ޑެޕިއުޓީ ޕްރިންސިޕަލުންގެ މުސާރަ ބޮޑުކޮށްދޭނެ ކަމަށް ކުރީގެ ސަރުކާރުން ވެސް ބުންޏެވެ. ނަމަވެސް ދައުރު ނިމުނުއިރު ވެސް އެކަމެއް ނުކުރެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޕްރިންސިޕަލް
05 July 2019
އަޅުގަނޑަކީ މާސްޓާސް ހަދާފަހުރި ޕްރިންސިޕަލެއް އަޅުގަނޑުގެ މުސާރަޔަކީ 8835 ރުފިޔާ އެކަމަކު މާސްޓާސް ހަދާފަ ހުރި ޓީޗަރުގެ މުސާރަޔަކީ 9910 ރުފިޔާ އަދި ނވިތާކަށް ކޮންމެ 2 އަހަރަކުން ދެއަހަރަކުން ޓީޗަރުންގެ މުސާރަ ބޮޑުކުރޭ އެޑުމިން ސްޓާފުންނާ ޕްރިންސިޕަލުންނަކީ ސްކޫލުތަކުގައިތިބ އެންމެ ކުސާރަ ކުޑަމީހުން ބަޔަކު ގަބޫލުކުރިޔަސް ނުކުރިޔަސް މީ ހަގީގަތް
ޖާނު
05 July 2019
މި ޕްރިންސިޕަލުން އުޅެނި ޓީޗަރުން އެމީހުންގެ އަޅުންނަށް ހަދައިގެން ބިރުދައްކައިގެން. ކަމަކަ ހިންހަމަ ނުޖެހިގެން އަންނަ ބެލެނިވެރިޔަކަށް ނުވަތަ ދަރިވަރަކަށް ކުރިމަތި ލާކަށް ކެރެނީއެއް ނުން. ލީޑިންގ ޓީޗަރުން ނެރެގެން އެމީހުންގެ އަބުރުކަތިލާ އެމީހުން ގުރުބާންކުރަނީ! އެކަމު އަދިވެސް މުސާރަ ބޮޑުނުކޮށްގެން ދައުވާކުރެއެއްނު!
މިފީ
04 July 2019
ކްލާހުގައި 35 ކުދިން ތިބޭ ސިޔާސަތު ބަދަލު ކޮށްދީ. އާދޭސް މިދަންނަވަނީ
މިފީ
04 July 2019
ހެޔޮނުވާނެ. ކްލާހުގައި ކުދިން ތިބޭ އަދަދު މަދުކޮށްދެން އެދެބަލަ. 34 ކުދިން ތިބޭ ކްލާހަކަށް ވަދެފަ ނިކުންނައިރު މީހާ ހުންނަނީ މޮޔަވާވަރުވެފަ. 34 ކުދިން ތިބޭ ކްލާހެއްގައި 35 މިނެޓްގެ 5 ގަޑި ކޮންމެ ދުވަހަކު ނަގަން. އެއީވެސް އަވަނެއްކަހަލަ ގޮޅިއެއްތެރޭ. މި މެސެޖް ފައިސަލް ނަސީމަށް ރައްދުކޮށްދީބަލަ ހައްލެއް ލިބޭތޯ ބަލަން.
ވާލުސޮރު
04 July 2019
މުޅި އަހަރު 3 މަސްދުވަސް ޗުއްޓީ ލިބޭ ބަޔަކަު އަބަދު ތެޅިފޮޅެނީ މުސާރަ ބޮޑު ނުވެގެން
ޤާސިމް
05 July 2019
އާއެކޭ އަބަދު ޗުއްޓީގަ ތިބެނި! މަހިތައްއަރާ މިމީހުންނަށް ފޯނު އެލަވަންސަށް 500 އޮންނަނީ ރީތި އަންހެންކުދިންނަށް ގުޅަންބާއޭ! ވަކި ކޮޓަރި ހަދައިގެން މުޅިންވެސް އަންހެން ކުދިންނަށް ގުޅައިގެން ގެނެސް ބައްދަލުކުރުން އޮންނަނި ތީގެން ބައެއްމީހުން. ހީތަމަ ކުރަން މިފަދަ މީހުންވެސް އަދިވެސް މުސާރަ ބޮޑުކުރަން ގޮވާތީ!
ކަނބިލި
04 July 2019
ބޮޑު މުސާރައާއި އިނާޔަތް ދޭންވީ ހަމައެކަނި މުދައްރިސުންނަކަށް ނޫން. ބުރަކޮށް މަސައްކަތްކުރާ ހުރިހާ މުވައްޒަފުންނަށް ދޭންވީ. ޝަރުޢީ ދާއިރާއާއި ސިވިލް ސަރވިސްގައި ދޭ މުސާރަ އެއްގޮތް ކުރަންވީ. ޝަރުޢީ ދާއިރާއަށް މުސާރާގެ ގޮތުގައި ދައުލަތުގެ ބަޖެޓުން އިސްރާފުކުރެވޭ.
މުކި
04 July 2019
އަދިވެސް އެޑިއުކެޝަން ދާއިރާއައްތަ މުސާރބޮދުކުރަންވީ؟ ކައުންސިލްތަކުގެ ޒިންމާދާރު ވެރިން އެކުރާ ބުރަމަސައްކަތާ، ނަގާ ރިސްކު ކޮބާތަ؟ އޭގެ އަގުވަޒަންކޮށް އަޑުއުފުލާލާނެ މީހަކު ނެތީތަ
ޢައްޔަ
04 July 2019
ތިޔަ ކައުންސިލްތަކުގައި ގިނައިން ތިބީކީ ކުފޫހަމަނުވާ މީހުން. އަތުންފައިން މަސައްކަތްނުކޮށް ޤައުމު ފަނާކުރާ ބައެއް.
ދީބު
04 July 2019
ޢެމްޑީޕީ އެކްޓިވިސްޓު ކުދިބްކޮޅެއް ހިތްހަމަޖައްސާލަންވެގެން ފަރެސްމާތިޑާގައި ހުންނަ ހުވަދޫ ސްކޫލުގެ ޕްރިނަސިޕަލް އެމަގާމުން ދުރުކުރަން މިހާރު އެތައް މަޅިއެއް އަޅައިފި. މާތޮޑާއަށް ނިސްބަތްވާ ވަޒީރުބޭފުޅަކާއި އެބޭފުޅާގެ ބޮޑުދައިތާފުގެ އެދުމަށް އެޑިއުކޭޝަން މިނިސްޓްރީން ތިޔަ ހިންގަވާ ޖަރީމާ ހުވަދޫ ސްކޫލުގެ ގިނަ ބެލެނިވެރިން ކުއްވެރި އެބަކުރޭ. ޥީމާ މިކަން ހުއްޓުވައިދެއްވުންއެދި ޢިއްޒަތްތެރި ރައީސަށާއި ނާއިބު ރައީސަށް އާދޭހާއެކު ދަންނަވަން..
އިންސާނާ
04 July 2019
ރަށުގައި ހުރި ޕްރިންސިޕަލަށް -/20000ރ(ވިހިހާސްރުފިޔާ) މިވަރުވެސް މަދުވެގެން ވާހަކަ ދައްކަވާއިރު ވިސްނާބަލަ ހުރިހާ ބުރައެއް އުފުލަނީ އެޑްމިން މުވައްޒަފުން.. ޕްރިންސިޕަލުން އަމިއްލަ އެދުމުން ފޯވެފައި. ދުވަހަކުވެސް އިދާރީ މުވައްޒަފުންގެ ހައްޤުގައި ވާހަކައެއް ނުދައްކާ.. ބަޔަކު ކުރާ ބުރަ މަސައްކަތުގެ ފޮނިބޮއިން މުސާރަ ބޮޑުކުރަން ދައުވާ ކުރައްވާއިރު ވިސްނާލައްވާނެކަމަށް އުއްމީދު ކުރަން
ގޮމާފުޅު
04 July 2019
ޓީޗަރުންގެ އިތުރުގަޑީގެ ލާރި ލިބޭނެ ގޮތެއް ހައްދަވާ ދެއްވާ! އިތުރުގަޑީގައި މަސައްކަތް ކޮށްކޮށް ޓީޗަރުން މިތިބަ ހަނާވަނީ ލާރި ނުލިބި. ☹??
ޤާސިމް
04 July 2019
ޕްރިންސިޕަލެއް ވެއްޖާ ގަޑިޖޭހޭ ގަޑިއެއްވެސް ނޯވޭ! ހިތައް އެރިއިރަކު ބޭރަށްގޮސް ހިތައްއެރި އިރަކު ސުކޫލުގަ އުޅެނީ. އެކަމު މުސާރައިގެ 33.33% އޯޓީ ފުލްކޮށް. އަމިއްލަބޭނުމުގަ މާލެދާން ޖެހުނަސް ރަސްމީބޭނުން ހަދައިފަ މަކަރާ ހީލަތުން ނައްޓާލަނީ! ވާއެއް ނުވާއެއް ނޭނގޭ!