06 ޖުލައި 2019 - 12:40
33 comments
މާފަންނު ގެއެއްގެ ތެރެއިން މީހަކު ހައްޔަރު ކުރުމަށް ފަހު، އެ މީހާ އަށް ފުލުހުންތަކެއް ރޭ އަނިޔާ ކޮށްފައިވާއިރު، އެ މީހާ އަތުލައިގަތް އޮޕަރޭޝަންގައި ބައިވެރިވި އޮފިސަރުންނާ ޕޮލިސް ކޮމިޝަނަރު މުހައްމަދު ހަމީދު ބައްދަލުކުރައްވައިފި އެވެ.
ސޯޝަލް މީޑިއާގައި ދައުރުވާ ވީޑިއޯއަކުން ފެންނަ ގޮތުގައި މާފަންނު ގެއެއްގެ ތެރޭގައި ހުއްޓައި ހައްޔަރުކުރި މީހަކަށް، ކުލަ ހެދުމުގައި ތިބި ފުލުހުންގެ ބަޔަކު ދިޔައީ ވަރަށް ބޮޑަށް އަނިޔާ ކުރަމުންނެވެ. ވީޑިއޯގައި، އެ މީހާގެ ގައިގައި ކޮޅުފައިންނާއި ގާބުރިއަކުން ތަޅަ އެވެ. އަދި އަނިޔާވާ ގޮތަށް ބިންމައްޗަށް ވައްޓައި ގައިގެ އެކި ތަންތަނުގައި ތަޅާ މަންޒަރު އެ ވީޑިއޯ އިން ފެނެ އެވެ.
ފުލުހުން މީހަކަށް އަނިޔާ ކުރަނިކޮށް ނަގާފައިވާ ވީޑިއޯގެ ސްކްރީން ޝޮޓެއް--
ޕޮލިސް ކޮމިޝަނަރު ހަމީދު ކުރެއްވި ޓުވީޓެއްގައި ވިދާޅުވީ ރޭގެ އޮޕަރޭޝަންގައި ބައިވެރިވި އޮފިސަރުންގެ ގްރޫޕާ އޭނާ މިއަދު ބައްދަލު ކުރެއްވި ކަމަށެވެ. އަދި ފުލުހުންގެ ޕްރޮފެޝަނަލް ސްޓެންޑާޑްސް ކޮމާންޑް (ޕީއެސްސީ) އިން އެ މައްސަލައިގައި އެތެރޭގެ ތަހުގީގެއް ކުރުމަށް ނިންމާފައިވާ ކަމަށް ސީޕީ ވިދާޅުވި އެވެ.
I just met the group of officers who were involved in the operation last night. The PSC has initiated its internal investigation. The HRCM & NIC are doing their independent investigations to which myself and the whole Executive Team will fully support. Will not tolerate torture!
— Mohamed Hameed (@M_Hameedh) July 6, 2019
ހަމީދު މިއަދު ކުރެއްވި ޓުވީޓު.
ހިއުމަން ރައިޓްސް ކޮމިޝަން (އެޗްއާރުސީއެމް) އާއި ނޭޝަނަލް އިންޓެގްރިޓީ ކޮމިޝަން (އެންއައިސީ) އިން މިކަމުގައި މިނިވަން ތަހުގީގެއް ކުރަމުން އަންނަ ކަމަށް ހަމީދު ވިދާޅުވި އެވެ.
"މި ހުރިހާ ތަހުގީގުތަކަށް އަޅުގަނޑާއި ފުލުހުންގެ މުޅި އެގްޒެކެޓިވް ޓީމުގެ ފުރިހަމަ އެއްބާރުލުން ލިބޭނެ. މިފަދަ ލާއިންސާނީ އަމަލުތަކަށް ޓޮލެރޭޓެއް ނުކުރެވޭނެ،" ހަމީދު ވިދާޅުވި އެވެ.
ފުލުހުން ރޭ އަނިޔާ ކުރީ، މަސްތުވާތަކެތި ޓްރެފިކްކުރާ ކަމުގެ ތުހުމަތުގައި މ. އުޖާލާގެ އަށް ވަދެ ބަލައި ފާސްކުރުމުގެ ތެރޭގައި އެ ގޭގައި ހުރި މީހަކަށެވެ. ފުލުހުން ބުނި ގޮތުގައި އެ ގެ އަށް ފުލުހުން ވަދެފައި ވަނީ ރޭ 7:30 ހާއިރު އެވެ.
މި އޮޕަރޭޝަން ހިންގުމުގައި ބައިވެރިވެ، އެމީހާ އަށް އަނިޔާ ކުރި ފުލުހުންގެ އޮފިސަރުން ސަސްޕެންޑް ކުރުމަށް ޕޮލިސް ކޮމިޝަނަރު ވަނީ ނިންމަވައިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ފުލުސް މީހާ
07 July 2019
އަޑުއެހިން އަދިވެސް އެއްވެސް ފުލުހަކު ސަސްޕެންޑް ނުކުރާކަމަށް. އެމީހުން ސަސްޕެންޑް ކޮށްފިނަމަ ފުލުހުންގެ އޮޕަރޭޝަން ހުއްޓާލާނެކަމަށް ދެންތިބި ފުލުހުން ބުނެ އިންޒާރު ދީފަ އޮތީމަ
ބޯގޯސް
07 July 2019
އެމްޑީޕީ ވެރިކަމެއްގައި ފުލުހުންނާއި ނުވިދި ނުވާނެ ކަމެއް.
އަލީ އަހުމަދު
07 July 2019
ފުލުހުންގެ މަދު ބަޔަކު މިކަހަލަ ދަށު ދަރަޖައިގެ އަމަލެއް ހިންގީމަ އެމްޑީޕީތަ ކުއްވެރިވަނީ؟ ޔޫ އާ ސޯ ނެރޯ މައިންޑަޑް.
އިހޫ
07 July 2019
ހަމަ އެއްގޮތަކަށްވެސް ނޭނގުނު އެ ފުލުހުންނާއި ސީޕީ ބައްދަލުކުރި މަގްސަދެއް.. ޚާއްސަކޮށް ކަމާއި ބެހޭ ދެ މުއައްސަސާއިން އެމައްސަލަ ތަހުގީގު ކުރަމުން ގެންދަނިކޮށް ސީޕީ ބައްދަލުކުރެއްވުން ވަރަށް ގޯސް. ދެން ޚަބަރު ފުރިހަމަވީހީ ސީޕީ އެފުލުހުންނަށް ދިން މެސެޖަކީ ކޮބައިކަން ބުނެދިން ނަމަ...
ިސައްހަ ހަބަރު
07 July 2019
އައި ކާންޓް ޓޮލެރޭޓް ދިސް.... މިހެން ސީޕީ ބުނީ
ބޭރުމީހާ
07 July 2019
މިސަރުކާރު އައިފަހުން މިކަހަލަ ނުރަނގަޅު ވަރަށްގިނަ ކަންތައްތައް އެބަފެނެއެވެ. މިއީ ފުލުހުންނާއި ތަޅާލަން ކުދިންކޮޅެއް ހޯދާށޭ ބުނިމީހުންގެ ސަރުކާރެވެ. މިއީ ފުލުހުންނާ ދިމާލަށް "މަނީ މަނީ ޔެސް ސާ" މިހެން ކިޔައި ފާރުތަކުގަ ލިޔުނު ބައިގަނޑެވެ. އަދި ވޯންޓެޑް ޖަހައި، ގަނޑުތަކުގައި އެކި ފުލުހުންގެ ނަންތައްލިޔެގެން އެމީހުންގެ ފޮޓޯތައް ހިފަިއިގެން އުޅުނު މީހުންނެވެ. މިމީހުންގެ ސަރުކާރު އައިމާ ފުލުހުންވެސް ތިބޭނީ ގަޓުގައެވެ.
ލައްޗޭ
07 July 2019
ފުލުހުންނަށް ތަމްރީނު ދިނުމުގެ ތެރޭގަ އެމްސީ މިހަމަޔަށް އެންމެ ގިނަ ދުވަސް ހޭދަ ކުރީ. ނޫހަކުން އެ ތަމްރީނު ފުރިހަމަ ކުރި އޮފިސަރުންނާ ސުވާލުކޮށްލަބަލަ ދިން ތަމްރީނު. މާފުށީގަ ފައި ޖެހުނު ވަގުތުން ފެށިގެން ތަމްރީނަށޭ ކިއާފަ ގެންގޮސް ގަޔަށް ބޮލަށް އަރާ އެބިއުސް ކުރަމުގަ 3 މަސް ހޭދަވެދިއައީ. އޭގެ ސަބަބުން ނުކުޅެދޭ ހާލާތައް ބައެއް ކުދިން އައި. ނޫހަކުން ބަލާބަލަ މިކަންކަން ގޮސް އޮތް ގޮތް ދެން އެމީހުން މިހެން ހެދީމަ ކަންބޮޑުވާކަށް ނުޖެހެ!
ބޮޑުމީހާ
07 July 2019
ހައްގު އަދަބުދޭންވާނެ. ލާ އިންސާނީ އަނިޔާކުރުމަކީ އިސްލާމް ދީނުގެ އުސޫލުތަކާއިވެސް ޚިލާފްކަމެއް.
عبدالله ސަޢީދު
06 July 2019
ވަގުތުގެ ގޮތުންނާއި ޙާލަތުގެ ގޮތުން ނުކުރެވޭ ޒާތުގެ ކަމެއް ތިޔަކުރެއްވީ،
އާރީ
06 July 2019
ތިންހަރުކިލޯ މަސްތުވާ ތަކެތި ބިދޭސީއަކު ގެންގުޅޭތީ ހިންގި އޮފަރޭސަނެއް. ބިދޭސީމީހާ ފުލުހުންނަށް ހަމަލާ ދީފަ ފިލަށްއުޅުނީމަ ފުލުހުންވެސް މަނަމަވެސް ނުހުންނަަނެ ދޯ.
މާރަނގާ - އައްޑޫ ސިޓީ
06 July 2019
މަޤާމްތަކާއި ޒިންމާތައް ދައުރުވާގޮތަށް (އުތުރާއި، މާލެ އަދި ޢައްޑޫ) ގެ ޑިވިޝަންތައް ތައާރަފްކޮށް 3 ނުވަތަ 6 މަހުން އޭރިއާ ޑިވިޝަންތަކުގެ ވެރިން ރޮޓޭޓް ކުރުމަކީވެސް ނުބައިހެދުމަށް އުދަގޫވާނެ ކަމެއް. * * ތިތަނުގެ ގިނަ ޑިޕާޓްމަންޓް Procurement Department ފަދަ ތަންތަނުގެ ހާލަތު އިގޭނީ ބަޔަކު ތިއީ ފުލުހުންގެ މުއައްސަސާއެއްހޭ ސުވާލު ކުރާވަރަށް ކަންކަން ގޯސް. * * އެކުދިން ރުޅިއަންނާނެ. އެހެން ނަމަވެސް ސީޕީ މިކަން ބަދަލު ކުރާންޖެހޭ.
މާރަނގާ - އައްޑޫ ސިޓީ
06 July 2019
ކޮމިޝަނާއަށް ސީދީ ރިޕޯޓް ކުރެވޭގޮތަށް އުތުރާއި، މާލެ އަދި އައްޑޫގައި Director General of Police ޑީޖީޕީ އަކު ބަހައްޓަވާ އަދި އާބާދީ ބޮޑު ސަރަހައްދު ތަކަށް Inspector General of Police އައިޖީޕީ އެއް ކަޑައަޅުއްވާ ފުލުހުންގެ އިދާރާގައި މަދުބަޔަކު ކޮންޓްރޯލްކުރާ ބާރުތައް ލާމަރުކަޒުކޮށްފިނަމަ ނާޖާއިޒު ބާރުތަކާއި ނުފޫޒުތަކަށް ތިތަނުގެ ތެރޭގައިއޮތް ސަޤާފަތަށް ލުއެއްލިބޭނެ. * * ސީޕީ ވަގުތުނަގާނުލާ ބަދަލުތަކަށް ދޮރުހުޅުވާލާ ޕޮލިސް ރިފޯމް ކުރައްވާ.
ޔެލޯ
06 July 2019
މިއީ އިންޑިޔާތަ؟؟